綠茶餐廳 (圍方)

營業中

休息中

首先價錢好合理，唔會話特別貴。有時有個古箏姐姐喺店出面彈奏樂曲，氣氛10分好。格局大，餐廳裝潢非常之靚，坐得好舒服，客人坐的凳好似乾隆皇帝龍椅般，當堂覺得自己係皇宮一樣。 同美心旗下嗰啲有得揮有餘，難怪咁多香港人喜歡。今次食了一些小食和主菜，下次一定會經常再來幫襯。 蝦湯泡飯蝦湯的鮮香味道濃郁，自然甜味，每人都飲咗半碗，加埋粒粒泡飯層次豐富南乳醉鲍魚店長喺客人面前淋上醬汁南乳的香甜味為整道菜增添了一絲甜美，平衡了鲍魚的鹹香蔥香脆皮烤鴨平時食得太多，烤鴨有鎖緊肉汁皮好脆但今次特別在於旁邊有好多蔥，蔥花好香可以撈飯食豬肝味道比較濃郁，處理手法同之前食嘅唔同，每啖都好爽口滑溜，好新鮮！豬肉包入邊超多汁，好似食緊小籠包，豬肉加醬汁喺口裏便好豐富

等我又分享下呢間新開嘅茶餐廳食評先！✨ 話說最近發現呢間江浙菜連鎖店殺到嚟香港，仲要開咗幾間分店，身為為食鬼嘅我緊係要去會一會佢啦～【環境先加分🎋】一入門口就俾佢個古風裝修吸引住！木雕屏風、水墨畫同紙燈籠，真係好似瞬間穿越去咗江南水鄉咁～雖然座位有啲逼，但勝在夠氣氛，打卡一流呀！【必食招牌烤鴨🦆】蔥香脆皮烤鴨（$128）真係不得了！同大陸食到嘅版本有得揮～鴨皮脆到「咔嚓」聲，咬落去竟然有乳豬皮嘅感覺，但完全唔油膩。最正係配埋嗰浸秘製醬汁同新鮮香蔥，鴨肉嫩滑仲帶住肉汁，我同朋友爭住用個鴨汁撈飯食啊！【驚喜蝦湯泡飯🦐】原本諗住平平無奇嘅泡飯，點知一上枱就聞到超濃蝦香！熱辣辣嘅金黃色蝦湯倒落脆米度，湯頭鮮甜到舌頭都打震～裡面仲有彈牙蝦仁同清爽菜芯粒，冬天食真係暖到入心，飲到底都唔肯放過！【火焰粉絲蝦🔥】呢個真係表演級菜式！店員推住個爐過嚟即場煮，睇住啲開邊蝦慢慢變紅，蒜蓉香氣攻過嚟～粉絲索晒蝦膏同醬汁精華，每啖都掛汁！蝦肉爽甜到好似落咗味精咁（但其實係新鮮嚟㗎），最後我地連墊底嘅洋蔥都清埋～【抵食度💰】雖然比內地貴兩三成，但以香港標準絕對合理。呢度絕對係我嘅新飯堂～溫馨提示：晚市勁多人，記得

同朋友喺圍方睇完戲見到大圍都有綠茶分店店內環境充滿杭州氣氛．裝潢好舒適入座後先品嚐杭州靚茶✨九曲紅梅係紅茶中的珍品✨龍井烤雞 選用三黃雞．皮脆骨軟．肉質嫩滑係必食嘅皇牌招牌菜✨三色雞絲涼麵 菠菜．南瓜．紫薯．三種色澤嘅涼麵均勻沾上雞絲同醬汁啖啖滲出麻辣香味✨杭式片兒川 幼滑嘅麵條．加入榨菜等配料湯底清甜不油膩✨土豆芝士塔 加入土豆．芝士．煙肉同香蔥配上酥脆嘅撻皮．口感同味道都好夾✨喉口鮮肉包 即叫即蒸．麵包着嫩滑嘅鮮肉肉汁豐富✨麵包誘惑最後試咗呢款招牌甜點原個麵包盒子．加上冰凍雪糕球裡面方粒麵包超級鬆軟口感綿密．好味到連外殼都食埋呀

💰 九曲紅梅 $12/位薺菜年糕煮魚膠 $188三色雞絲涼麵 $48松露松仁烤菜心 $68西湖桂花藕粉 $28大圍圍方都開咗好多唔同嘅新餐廳，一直未有機會試，今日就揀咗呢間綠茶入去食午餐。餐廳裝修富有中國風情，裝修充滿故鄉氣息，仿佛返返入古裝劇入面會坐低嘅餐廳😂 用餐體驗中，環境都佔咗唔少分🫶🏻所以都幾有儀式感。請人食飯都係一個幾好嘅選擇👍🏻☕️ 九曲紅梅 ($12/茶位)茶水特別，menu有兩款菜可選。九曲紅梅茶味清香，去油解膩。🥦 薺菜年糕煮魚膠 ($188)主菜中必點😻年糕Q彈，魚膠QQ有咬口！薺菜清香，湯汁超濃郁，有一陣薺菜獨特味着香氣，食完忍唔住飲埋湯🫶🏻🫶🏻🍜 三色雞絲涼麵 ($48)麻辣涼拌麵😍不得不讚綠茶既麻辣汁，紅油偏辣小小，但飲番一啖茶又舒-味道好上癮！三隻顏色嘅麵，色彩繽紛，每款都唔同味！🌱 松露松仁烤菜心 ($68)第一次食到咁濃香又淋滑既菜心。炆得十分十分入味。松仁酥脆同軟滑既菜心pair 住，口感特別。我估有機會菜心係用慢煮嘅方式烹調，先可以煮到咁淋滑。西湖桂花藕粉 ($28)最後就由呢款桂花甜品作結，甜而不膩👍🏻又好健康

知道圍方開了這間綠茶餐廳，這天經過才第一次來嘗一嘗。餐廳中國風裝修古色古香，十分有特色，整間是綠色主調，很舒適。龍丼烤雞 $38龍井烤雞是餐廳的招牌之一，外皮烤得金黃酥脆員工很細心，在烤雞斬件前會問有需要先拍照嗎雞肉皮脆嫩滑多汁，味道還帶少許龍井茶香風味野菜腐皮卷 $78沒有點蔬菜 所以選了這道小清新菜式豆皮卷內都是綠色的 但沒有草青味的味道驚喜地不錯 有趣的菜卷又不單調土豆芝士撻 $22竟然是個大驚喜，本日最愛這個撻！撻皮酥脆，內餡的土豆蓉與芝士混合，口感綿密，味道濃厚。這道小食非常適合作為開胃菜，推介！喉口鮮肉包 $38一籠有五個的鮮肉包 軟熟好食豬肉很香 肉質鮮美多汁 黑松露牛肉炒飯 $88雖然外表普通，但味道不普通的黑松露香氣撲鼻，炒飯粒粒分明夾雜了牛肉，味道很香濃有油香

今日同女兒去沙田圍方行下，之後佢帶我去綠茶餐廳食晚飯，餐廳裝潢充滿古色古香，主打中國八大菜系之一的浙江菜。蔥香脆皮烤鴨：烤鴨即叫即烤，色澤金黃，用大量蔥油和特製醬伴碟邊，烤鴨皮脆肉嫩，加上蔥油食更加惹味！砂鍋西施豆腐：用料有小豆腐、芋頭粒、蝦仁、豬肉沫等多款配料，放入金黃雞湯以文火慢煮而成，鮮美雞湯與滑嫩豆腐相互浸潤，每食一口都能品味到鮮、香、滑多重口感滋味。蛤蜊絲瓜：材料有蛤蜊配絲瓜加上蝦米，絲瓜爽口清脆，完全吸收咗蛤蜊嘅鮮味，味道鮮甜無比。三色雞絲涼面色彩繽紛，有菠菜麵、紫薯麵，南瓜麵，伴以嫩滑雞絲及蔥絲，伴均勻秘製麻辣醬汁，口感爽滑夠惹味。

這家位於大圍的「綠茶餐廳」，主打新派創意浙菜，裝潢以西湖盛景作主題，結合現代木、竹、林元素，讓人仿如置身江南美景之中。🪭蔥香脆皮烤鴨 $128烤鴨以秘製烤至外皮酥脆，肉質偏瘦不油膩，配搭蔥香更添滋味。🪭雪菜酸湯魚片 $128以雪菜代替酸菜，魚片滑溜無骨，味道鮮酸開胃。🪭鮑魚小炒肉 $108將鮑魚切粒，加入尖椒、肉片炒，鑊氣十足，微辣惹味。🪭宋嫂魚羹 $48/位用料十足，啖啖魚鮮，加入粉絲及木耳絲，增添口感。🪭龍井檸檬茶 $28可愛熊仔檸檬茶冰，令賣相更吸引，檸檬香氣撲鼻，入口解膩消滯。

古色古香嘅裝潢西湖雷峰塔~呢個冷盤，主要食材係淮山，外觀非常仔細，真係有啲唔捨得去摧毀佢，清清甜甜，非常開胃砂鍋西施豆腐煲~豆腐夠曬嫩滑，味道恰到好處，拌飯一流鮑魚小炒肉~椒及豆豉非常刺激惹味，用上鮑魚去炒，而鮑魚竟然一啲都唔韌，非常驚喜黑松露牛肉炒飯~濃濃嘅黑松露媒味係炒飯嘅靈魂，飯粒炒到粒粒分明，非常夠味江南綠茶餅~綠茶餅內餡係芋頭，外脆內軟糯，非常有層次嘅口感！西柚茉莉茶~甜度恰到好處，飲到淡淡嘅鮮果肉，完全冇西柚嘅苦澀味，反而茶香非常突出，熊仔賣相亦都非常吸引

今次嚟到大圍圍方呢間新開嘅「綠茶餐廳」，真係好似瞬間穿越到杭州西湖！門口以「三潭印月」設計打卡一流，牆身壁畫詩情畫意，連店員都着住古裝，週末仲有古箏表演添～🌈 菜式仲將傳統江浙菜玩出新花樣，一於同大家分享吓！✨冷盤：三色燒椒杭茄三色椒辣得有層次🌶️，杭茄軟滑得嚟帶微微煙燻香，冷盤開胃首選！最驚喜係茄子吸晒燒椒嘅糊香味，入口冰涼又惹味，啱晒鍾意微辣嘅朋友～13🔥熱菜：砂鍋西施豆腐豆腐滑到似BB肌✨！砂鍋湯汁濃到掛勺，仲有彈牙肉碎同木耳增加口感，撈飯一流～師傅仲用咗秘製高湯熬煮，難怪豆香同鮮味完美融合～🦆蔥香脆皮烤鴨皮脆過薯片！鴨肉嫩滑多汁，夾埋炸蔥絲同特調醬汁，鹹香爆棚～最正係擺盤鋪滿新鮮蔥段，視覺同味覺雙重享受！🍵飲品：九曲紅梅 × 西柚茉莉茶九曲紅梅茶底醇厚帶梅花香🌺，回甘清甜；西柚茉莉茶果香清爽，解膩一流！仲有「暴打鳳梨茶」🍍，真材實料打到鳳梨起膠，甜酸平衡唔會死甜～🍮甜品：西湖雷峰塔 + 西柚杏仁豆花雷峰塔造型仙氣滿分✨！山藥蓉加牛奶製成，微甜順滑似布甸，仲撒咗桂花蜜提香～杏仁豆花撞埋西柚汁，酸甜清新，完美收尾！

綠茶餐廳今次要介紹一間喺大圍圍方商場入面有一間中菜館叫「綠茶餐廳」，呢間中菜館大約開咗唔夠兩個月，中午過後仍然好多人入去食，我一坐低店員就好快遞上一壺靚茶叫「九曲紅梅茶」，茶味有少少似普洱茶，呢種茶係屬於紅茶嘅一種，產量極少具珍藏嘅優質紅茶！嚟到呢間中菜館一定要試下佢哋最出名嘅蔥花脆皮烤鴨，輪椅人士可以入去試下呢間中菜館，環境舒服，通道闊落，都幾唔錯嫁！1.蔥花脆皮烤鴨$148（10/10）呢碟蔥花脆皮烤鴨底部放滿了蔥花，蔥油都算多，眼望烤鴨肉質以為會好韌，點知一咬烤鴨肉質好嫩滑，烤鴨大約10舊，份量算多，係必叫之選！2.黑松露牛肉炒飯$108（9.5/10）呢碟黑松露牛肉炒飯份量雖然唔算多，但食落每一啖炒飯都充滿了黑松露味，牛肉又唔嫩，炒飯炒到粒粒分明，仲放咗三色豆，唔錯！3.辣椒鴨掌$88（9/10）呢碟辣椒鴨掌唔算太辣，不過油份太多，每隻鴨掌咬落唔算太硬，份量都算多，大約有15隻鴨掌，食得辣嘅你可以叫嚟試下！4.海苔松仁芝麻球$48（10/10）呢碟海苔松仁芝麻球唔係一般出面食嘅芝麻球，第一起碼唔會太甜，第二仲有加海苔，芝麻加海苔等於香上加香，炸得又唔會太油膩，一碟共有4粒海苔松

最近同屋企人去左圍方既綠茶食嘢，鋪頭環境都幾舒服，位與位之間唔會太逼！食物方面，首先，黑醋脆皮牛腩煮得岩岩好，外皮香脆，黑醋調味特別，味道酸甜開胃，加埋個脆皮好特別。砂鍋西施豆腐亦都不錯，豆腐嫩滑，砂鍋煮法令味道更濃郁。另外，粉絲裹蝦真係好特別，佢會即場係我地面前加汁煮5分半鐘，蝦爽甜，粉絲口感豐富，食落好滿足。最後，江南綠茶餅甜度適中，綠茶味道香濃，食完唔會覺得太膩。整體嚟講，圍方綠茶嘅食物質素幾好，環境舒適，服務態度親切。無論你係同朋友聚會定係家庭聚餐，呢間餐廳都係個好選擇。真係值得去試下！

餐廳環境古式古香 店員們都穿上了華感 好似穿越左去古代咁啊!香港分店 專門設計左幾款香港地區限定食品! 一於試下先✨西湖藕韻冷盤 蓮藕釀入了糯米 口感煙煙煙煙軔軔 甜甜的好開胃!✨蔥香脆皮烤鴨外皮烤得金黃酥脆 鴨肉鮮甜多汁 配埋特制醬料同埋蔥油 好食!✨麵餅醬香五花肉有D似食緊片皮鴨 但入面就係夾住一片又酥又脆既五花肉 酥脆程度剛好 “咔嚓”一聲之餘但又吾會好乾好硬! 有口感!✨蛤蜊絲瓜呢款小菜夠哂清新 加入蛤蜊及蝦乾提昇了鮮味 ✨茶香奶香類似平時食開既焦糖燉蛋 但加入左茶香既味道 好特別✨蜜柚杏仁豆花✨大推! 原來柚子味道配上杏仁豆花係甘夾 如果可以既話真係想外賣一碗番屋企!

人氣過江龍餐廳 「綠茶」登陸大圍圍方啦📣主打浙江菜 每一道菜都將傳統同現代結合款式繁多 味道層次豐富 絕對係味蕾嘅新體驗💚 🔸 蔥香脆皮烤鴨 HKD 128鴨皮烤至乾脆 鴨肉嫩滑多汁 碟邊有大量蔥 夾住烤鴨食可以減輕油膩感 🔹 黑醋脆皮牛腩 HKD 118平時食嘅牛腩多數都係炆煮 估唔到炸嘅都有驚喜！牛腩每件都係厚切 肥瘦分明外皮係吉列炸皮 一啖咬落去會食到脆皮接住係脂肪嘅油香 最後係濃郁嘅牛味雖然好邪惡但真係忍唔住會食晒成嚿😈🔸 雪菜酸湯魚片 HKD 128酸湯湯底鮮香微辣 魚片滑嫩配菜有腐皮 白菜等 加上雪菜令酸湯更加突出 🔹 老紹興喉口冬菜包 HKD 38一籠5個一口大細嘅蒸包冬菜包嘅包身鬆軟帶嚼勁內餡有冬菜同加入紹興酒提香嘅豬肉餡鹹香多汁～🔸 西柚茉莉茶 HKD 28食完咁多餸菜 梗係要嚟杯茶清清喉🍹 呢杯西柚茉莉茶用上新鮮西柚榨汁再加入茉莉花茶 味道清新 同時甜甜酸酸特別解膩冰塊係小熊做型嘅茶冰 就算溶都唔會影響飲品味道 可愛得嚟又貼心~🚩 綠茶餐廳 大圍車公廟路18號圍方3樓321A號舖

係大陸食過幾次綠茶餐廳, 估唔到而家香港都有分店丫~ 知道之後就即刻去食喇去左大圍圍方既分店, 餐廳裝修好靚喎, 以淡綠色為主題, 又有花橋流水, 超有中國江南既情懷食物選擇好豐富, 仲有香港限定既菜式添~餐廳而家仲做緊春鮮節推廣, 有多款獨特菜式供應.....九曲紅梅 茶位$12/位茶紅得嚟透亮, 入口淡淡甘甜, 風韻獨特~土豆芝士塔 $22熱辣辣, 外皮酥脆到不得了~入面係綿密嘅土豆蓉混和拉絲芝士, 仲有酸甜既沙律醬, 食完超開胃薺菜碎肉千張包 $88有埋個小火爐熱住, 咁就唔怕菜式會凍啦~~千張皮包住薺菜同豬肉碎, 口感清新~沾埋熱辣辣既雞湯汁食, 啖啖爆汁呢蔥香脆皮烤鴨 $128一上枱就聞到超香蔥油味！鴨皮烤得好脆呀, 肉質依然嫩滑~連埋蔥油同醬料一齊食味道冇得頂金沙雞翼 $68即叫即炸嘅雞翼外層沾滿鹹蛋黃, 鹹香得嚟唔會太漏~雞翼炸得外脆內嫩, 咬開仲有肉汁流出嚟~~~西湖雷峰塔 $28呢個甜品造型滿分！成份有鮮山藥, 純牛奶 & 青豆泥~~口感幼滑, 甜而不膩

粉絲裏蝦員工會拎個gas 爐職場烹煮，仲會用埋計時器計時，感覺好專業。煮咗冇幾耐一陣陣濃郁嘅蒜香味開始滲出嚟，底部有洋蔥同埋粉絲吸收晒醬汁嘅味道，好好食，份量都相當之足夠！菜蔥香脆皮烤鴨呢度菜都係好大碟，賣相好靚！一咬落去個皮真係好脆好香口，鴨肉都好Juicy，配合埋周邊蔥一齊食，令到個味道更加昇華左！南乳醉鮑魚呢個賣相好似去咗一個超級高級嘅中菜廳度食飯咁，好靚好精緻。 一片片切片嘅鮑魚配合埋南乳嘅醬汁，仲有少少酒香味，估唔到係咁夾。