秋拾米線

營業中

休息中

今日嚟咗新蒲崗嘅呢間秋拾米線度食晚餐 一去到已經見到條人龍 排咗一陣先入到去 炭燒豬頸肉米線 (招牌豬骨湯) (不辣) 豬頸肉燒到微微焦脆 食落好香 而且同米線係分開上 咁就唔驚浸到淋哂 再配埋泰式醬汁食好夾! 湯底方面除咗豬骨湯仲有秘制酸辣湯揀秋拾豆花撈米線 (bb辣) (走芫荽) (走炸醬)豆花撈米線係出面比較少見 好耐以前食過一次 估唔到呢度都有! 除咗豆腐花之外 仲有酸菜 辣醬 醬油同花生 我仲加咗肥牛 墨魚春卷同豆卜 餸嘅份量都好多 感覺成碗都係餸多過米線 呢度嘅米線質地偏滑身 係我鍾意嘅米線 叫咗bb辣食落少少辣咁好惹味自家製蝦多士 (2件)原隻蝦多士好大件仲炸到好香脆 但又唔會覺得油 側邊仲有黃芥末可以蘸 飲品方面叫咗凍檸茶同特色檸益 檸益姐係檸檬益力多 第一次見呢個組合 飲落酸酸甜甜咁幾特別

自己比較少去新蒲崗，但原來呢度都有好多嘢食㗎，今次黎到見到有一間米線店排晒長龍就知一定好食😋 自己本身都好鍾意食米線，因為可以配合自己嘅口味去揀材料🤭招牌手作蝦多士 🍤 佢有好多款巧手小食，其中一款比較出名嘅係佢嘅蝦多士，一份兩件，新鮮煎炸出嚟咬落卜卜脆🤗 慢煮豬軟骨米線 🐷 揀左日式風味嘅豬軟骨米線，麵線可以揀米線、紅薯粉、通心米線或者淮山麵，豬骨湯底仲可以揀自己喜歡嘅辣度添 🌶️ 材料方面可以隨自己喜愛添加，我就加咗魚腐同埋生菜，材料好豐富，食完覺得好滿足😇秋拾豆花撈米線 🍜呢度有款比較特色嘅米線，就係豆花撈米線，豆花令到口感比較滑，再配埋炸醬同花生，係另一種風味，都幾特別㗎🤗

呢間餐廳長期超有人氣，好彩今日八點幾嚟嘅時候喺門口等咗一陣就有位啦！### 自家製手作蝦多士這道蝦多士外脆內嫩，蝦肉鮮美，搭配自製醬料，讓每一口都充滿海味。### 秋拾豆花撈米線這款米線輕盈滑順，搭配香辣醬汁與新鮮配料，口感層次豐富，令人回味無窮。豆腐花好滑好夾。這道美食結合了豬軟骨和魚腐，豬軟骨完全係超級多骨膠原好腍。豬軟骨軟嫩多汁，吃起來富有彈性。魚腐則滑順細膩，而且唔算多粉！### 炭燒原塊豬頸肉炭燒的豬頸肉外焦內嫩，肉質多汁，微煙熏香味撲鼻而來，讓人一試成主顧。### 腐乳通菜這道通菜搭配腐乳，鮮香四溢，口感柔滑，健康又美味，令人愛不釋口。### 脆炸珍寶韭菜餃脆炸的韭菜餃外皮金黃酥脆，內餡鮮香可口，搭配醬料更是美味無比。同行朋友仲叫咗以下嘅餸配米線都覺得幾好食### 滷水腩肉滷水腩肉色澤紅亮，肉質鮮嫩，醬汁滲透每一塊肉，香氣四溢，口感豐富。### 墨魚春卷墨魚春卷外脆內軟，裡面包裹著鮮美的墨魚，搭配獨特的醬料，更添風味。### 貢丸貢丸彈牙爽口，肉質緊緻，鮮香四溢，搭配湯品或單吃都極為美味。

新薄崗人氣秋拾米線，新開張已吸引大批米線迷前來幫襯，皆因小店既米線和小食都做得同樣出色。秋拾豆花撈米線：配料有豆花、炸醬、酸菜、辣醬、醬油、花生、芫荽，用豆花乾撈米線，入口充滿豆香及肉香，有咸香之餘，更有一股甜味，雲南風味十足。招牌魚腐米線：自家製既魚腐，肉質紥實有咬口，魚香味道很突出，米線既配料仲有豆卜、腐竹、芽菜、韭菜、翡翠苗，豬骨湯底好鮮甜，令人回味無窮。炭燒原塊豬頸肉：肥瘦比例恰到好處，肉質爽彈，邊位燒到有D脆身，散發出誘人既炭燒香氣，點埋個泰式辣醬食，非常惹味。自家製手作蝦多士：面層放左原隻蝦，搭配酥脆既多士，每一口都令人充滿驚喜。脆炸珍寶韭菜餃：好大隻，外皮炸得金黃香脆，裡面既餡料飽滿Juicy，讓人忍唔住一口接一口。越南炸春卷：炸得酥脆可口，包裹住既餡料十分誘人，點另一款甜酸醬汁，更好味。總結，食物好有水準，街坊價錢，出餐快，值得再嚟排隊食。

- 炭燒豬頸肉米線 秘制酸辣湯 bb辣 $56- 慢煮豬軟骨米線 秘制酸辣湯 bb辣 $50- 自家製手作蝦多士 $24- 椒麻爽魚皮 $30上次食咗豆腐系列 豆花撈米線同百味豆腐 今次試吓新野 試返上次想試嘅蝦多士😋一上枱熱辣辣 果然冇令我失望 多士炸到好脆 食落唔覺油 蝦幾大隻係原隻蝦嚟 旁邊有黃芥末 估唔到又幾夾椒麻爽魚皮份量幾足 唔會好辣 魚皮好爽好有咬口 入面仲有青瓜同雲耳我叫咗豬頸肉米線 豬頸肉份量好多 味道同上次一樣 好脆好香口 水準依然👍🏻朋友叫咗慢煮豬軟骨米線 豬軟骨幾入味幾淋我哋都係揀咗酸辣湯bb辣 湯底唔錯 入面仲有雲耳 花生 炸醬 啲花生好香(我鍾意食花生😎)豬頸肉依舊出色👍🏻小食款式又多 價錢唔貴 難怪兩次過嚟都係坐滿人兼要排隊🥺💰$160

呢間餐廳上一手都係米線店食過好多次 特別喜歡豆花撈米線可惜執左然後就開左呢間秋拾米線見食評都唔錯 決定黎試一試今日係星期六開12:00我地12:05就到入面已經坐左一半位去到12:15左右已經full曬😲如果食唔到第一輪應該要差唔多1:00第一輪先食完因為落左單都等得耐留意到我地12:05入座嘅時候早過我地入黎嘅客人已經岩岩好上菜而我地12:10落單到12:35先有得食而隔離再遲過我地幾分鐘黎嘅客差唔多等左35分鐘先上菜佢地都等到好唔耐煩 催左兩次可能除左堂食之外 仲有唔少外賣單所以食呢間餐廳要有心理準備等得耐一係就開店就黎食講番野食呢次叫左兩款米線分別係炭燒豬頸肉酸辣米線同豆花撈米線炭燒豬頸肉係勁好食燒到個邊脆卜卜肉十分之嫩滑分量都唔少 有大慨8-10片湯底叫左酸辣小辣唔係太辣肉碎都幾多花生都好脆卜卜而豆花米線就有少少失望雖然豆花份量多，同埋都好滑但真係好少汁冇上手整得咁好食另外再叫左蝦多士香脆好味佢配嘅醬係芥辣 但我唔食🤣如果配沙律醬就一流除左野食外 仲叫左杯檸檬益力多有2片檸檬但篤完都冇咩檸檬味叫左少冰但冰嘅份量都唔少所以飲到咁上下d味淡左好多總結 係會為左炭燒豬頸肉再黎食但就唔

有加底 加底嘅米線係分開上嘅 硬得嚟 食得出係滾水淥完全冇味至於大碗入面嘅米線都唔係好入味啲湯係暖嘅 畀人感覺 湯還湯 麵還麵除此之外 其實個湯底唔錯豬頸肉ok但冇其他相咁多舊大概有5塊 但係ok好食的　利申：全部自費食嘅 加底嘅米線都係畀錢嘅唔明點解話我篇食評有咩店家畀嘅優惠唔報然後唔畀我篇食評first draft過審批

我見今日早收先去食，點知5點半入到去已經滿哂，好誇張，食到7點左右外面要排隊😂去食一定要早！！炭燒豬頸肉米線 $58嗌咗BB辣，係平時少食辣嘅我都食到👍🏼米線同豬頸肉分開，唔會浸到淋哂！豬頸肉勁吸引，啱啱到嘅時候好香，點個汁食，酸酸辣辣地😍米線好QQ，煮到啱啱好！今次加咗紫菜入去，多啲纖維，索湯一流呀🤭慢煮豬軟骨米線 $56份量都幾多😋有成4舊豬軟骨係入面，好淋，唔係好硬好柴個款🥹好食！入面竟然有翡翠苗，腐竹，豆卜，芽菜‼️咩口感都齊哂！湯底係豬骨湯，奶白色㗎，一跟食一路飲😂😂見碗底！八味豆腐 $26性價比超高😍好鐘意食，好嫩好滑，入脆內軟，份份都新鮮炸好，要小心熱親！！手作蝦多 $24見好多人點，就跟風試下！有心思，唔係蝦膠黎，係成隻蝦放面㗎🤭味道正正常常，心思菜❤️

住附近嘅我，每個星期都會食秋拾兩次。除咗我自己會食外，我都會介紹我啲朋友過嚟食，因為佢嘅豬頸肉可以話係世一咁好食。直至到今個星期，竟然發現佢啲食物差咗好LLLLLLL多。米線基本上食四五啖就已經食晒。亦都唔知去邊度搵到啲咁細粒嘅豆卜完全吸唔到啲湯汁。連招牌炭燒豬頸肉都變到一啲炭燒味都冇，又唔燶邊，連調味都冇以前咁濃🥲。以前就算要我排隊排半個鐘，再我佢出餐等20分鐘以上，我都會為咗佢碗米線而好有耐性地等。而家我寧願食公園對面嗰間小鋪，明明大家都係差唔多時間開，人家越做越好 又keep到水準，秋拾就真係越做越霉。我都唔敢推介俾D朋友食。我只希望佢一係比番個初心出嚟做，一係就執左佢，多謝各位一年以來嘅支持。

我發現呢間米線真係每日都咁多人好彩等得唔算好耐 今次等咗10分鐘左右有唔少人係等外賣（通常我都係點外賣）今次去到餐廳食盡量想食多啲炸物因為點外賣通常我唔會點炸（朋友對食物有要求）蝦多士 係招牌之一 勁大件自家製唔錯我比較喜歡這個韭菜餃超級大粒 好多餡炸到金黃色飲品除咗凍檸茶可樂之外 竟然有檸檬益力多益力多加上檸檬會冇咁甜 口感比較清新大大杯 配米線一流米線配料方面 蘿蔔好淋 勁入味好食涼拌魚皮小食 辣辣地幾開胃 份量都幾多呢度嘅米線特點係 比較幼身 軟硬適中但係真係幾好食 幾次嚟到都水準一樣只係真係太忙 最好早啲嚟豆花米線真係第一次試估唔到加上豆花撈米線 都幾好食仲可以中和辣味 有唔同嘅口感芝士丸 有少少麻糬感覺好煙靭仲有次次都會食嘅豬頸肉份量令人非常滿意食得好滿足椒鹽豆腐 比較香濃 份量也比較多

有學生今日喺考評局考完公開試，就帶佢試吓依家幾興嘅秋拾米線，嗌咗好多小食，食到好飽我哋兩個人都無食晏晝，所以就嗌咗兩款米線、四款小食同兩杯嘢飲😌✨八味炸豆腐✨外脆內軟嘅豆腐配上微辣嘅調味粉，唔使一陣已經食晒✨尖椒拌魚皮✨✨蝦多士✨魚皮係最欣賞嘅一道小食，辣度唔係好高，但係辣得過癮，青瓜同魚皮好爽口，令人一啖接一啖，好開胃，好食過連鎖店嗰啲好多🤤蝦多士好酥脆，入面有滿滿嘅蝦肉，充滿懐舊嘅回憶✨招牌豬頸肉✨呢款豬頸肉炭香十足，外面嗰層皮係脆嘅，肉質彈牙✨招牌豆花撈米線✨好特別嘅撈米線，充滿豆香嘅豆腐花配上花生、醬油、芫荽，可能自己唔係好鐘意乾拌米線，感覺上有啲乾🥲✨魚腐湯米線✨魚腐軟腍，好有魚香味，叫咗bb辣，唔係好 feel到🤣個人好欣賞佢嘅魚腐✨檸檬益力多✨就係檸檬溝益力多，冇咩特別😂埋單唔過$250，幾抵食😀總體而言，係一間比米線耽誤咗嘅小食店🤣

秋拾米線 (新蒲崗)新蒲崗康強街34號康強洋樓A座地下8號舖香港人真係好鐘意食米線，訊日本公司都要收購香港的米線舖。而食米線湯底同餸要多選擇，今日買了個外賣回家吃，一路食一路煲劇。$20 上湯娃娃菜$50 豬軟骨米線，仲可額外加做菜底，同$6 蘿蔔，湯底可選豬骨湯或酸辣湯，夏天想刺激下胃口，酸辣湯確是惹味開胃。除米線外，jumbo 炸韭菜餃，大大隻一隻比上兩隻，多餡好食。蝦多士竟然都有，炸到香脆又唔會太油膩，蝦膠層幾彈牙。#香港必食 #香港旅行 #foodinstagram #delicious #yummy #foodgasm #foodporn #必食推介

一段時間冇黎呢度食米線，今日又突然掛住佢個味道，就一於今晚去食，好在我哋算早去，仲有二人位，平時係大排長龍。呢度米線有多選擇之外，連小食種類都幾多。招牌魚腐米線+酸齋佢啲魚腐係用上自家製新鮮魚肉去整，入口彈牙，最緊要唔會食到有少少魚骨，酸齋正常，米線可以揀爽啲或者淋啲；米線嘅配料仲有豆卜、腐皮、芽菜、韭菜，湯底好鮮甜。自選配搭米線揀左牛丸同墨魚春卷，牛丸爽口juicy，墨魚春卷食到有一粒粒的墨魚肉，幾有彈性。紅油伴皮蛋個紅油好夠香辣炭燒原塊豬頸肉燒得好香，邊邊燒到有啲脆身，肥瘦比例剛剛好，點埋個惹味泰式辣醬食，呢個小食大推。特色檸檬益力多天氣仲係好熱，飲呢個真係幾refresh。檸檬蜂蜜柚子茶好潤喉，呢啲配搭一定好飲。

新蒲崗名店「秋拾米線✨」真係名不虛傳！一到佢哋門外就會見到成日有好多客人排隊等候，無論你係堂食定外賣，味道都一樣好味，真係超受歡迎！佢哋嘅招牌豬軟骨湯或者酸辣湯麵🍜都非常好味😋，絕對值得一試！必食「炭燒豬頸肉酸辣米線」🔥🍜，呢碗米線用新鮮嘅米線搭配上香脆嘅炭燒豬頸肉，湯底酸辣入味，仲可能揀不同辣既程度，非常好味。另外就係「招牌魚腐豬軟骨湯米線」🐟🥢，招牌豬軟骨湯濃厚好味，湯底清甜，仲有鮮嫩嘅魚腐，味道非常好，米線又彈牙，食落去真係令人回味無窮！小食「一口脆豆腐」🍽️🥢，呢道小食外脆內嫩，豆腐口感滑順，真係好好味，食完仲想再嚟！「脆炸珍寶韮菜餃」🥟🌿，呢個餃子外皮炸得金黃香脆，裡面嘅韮菜餡料鮮美，每一口都令人驚喜，絕對係一個好好嘅小食選擇！總之，「秋拾米線✨」真係一間好味嘅米線店，無論係米線定小食都好有水準。

今天晚上，我和朋友到新蒲崗，品嚐了一家名叫「秋拾米線」的餐廳。這裡的菜色非常豐富，我們點了幾道美味的佳餚。首先，我們享用了腐乳通菜，清新的口感讓人心情愉悅。接著，越南炸春卷酥脆可口，裡面包裹的餡料十分誘人。自家製手作蝦多士則是另一道亮點，蝦肉鮮嫩，搭配香脆的吐司，讓人一口接一口。我們還點了炭燒豬頸肉米線，湯底濃郁，米線滑順。招牌猪骨湯配蘿蔔和酸甜齋加牛丸，湯頭清甜，牛丸彈牙，讓人回味無窮。脆炸珍寶韭菜餃子外酥內嫩，韭菜的香氣讓整個餐點更加豐富。最後，我們還享用了炭燒原塊豬頸肉，肉質鮮嫩，搭配檸檬蜂蜜柚子茶和檸檬西洋菜蜜，讓整個用餐體驗更加清新。這頓晚餐不僅讓我們品嚐到了豐富的風味，也增進了朋友間的情誼，真是一次愉快的用餐體驗！