秋拾米線

營業中

休息中

新蒲崗秋拾米線，門口經常出現排隊既人龍，因為呢度除左米線，仲有多款平靚正既小食。慢煮豬軟骨米線：秘製酸辣湯底，可自選不同辣度，刺激下味蕾，豬軟骨用慢煮方式烹調，肉質特別軟腍，充滿骨膠原，墨魚春卷有嚼勁，滷水腩肉，肥瘦均稱，邪惡好味，配菜仲有木耳、酸菜、花生、芫荽，風味十足。招牌魚腐米線：招牌豬骨湯底濃郁鮮甜，自家製魚腐，魚肉香氣突出，肉質爽彈，甜酸齋味道醒胃，肥牛肉質嫩滑，配料仲有豆卜、腐竹、芽菜、韭菜、翡翠苗，滋味無窮。炭燒原塊豬頸肉：豬頸肉好大份，炭燒令肉質既香氣更出色，好食到唔停得口。椒麻爽魚皮：魚皮入口Q彈，青瓜、芫茜和木耳，索滿辣汁，非常惹味。越南炸春卷：炸得外脆內嫩，餡料豐富，用網皮好有越南特色。日本芝士年糕：年糕軟糯又煙韌，配搭香味濃郁既芝士，飯後甜品無得輸。總結，食物好味，價錢親民，性價比高。