秋拾米線

營業中

休息中

新蒲崗有各種美食，豐儉由人，但我覺得係要食#豆花撈米線 。多年前呢度有間雲南米線，試過肉碎好香，適合配豆花，不過太油太鹹，轉手之後都有豆花撈米線，但經過親都休息，今次終於有機會。呢度QR CODE落單秋拾豆花撈米線 小辣、扣底、走芫荽 $40翡翠苗+$8 魚腐+$10 麻辣雞球 +$8 =$81豆花撈米線，係呢度其中一款招牌菜。除左豆腐花之外，就係炸醬、豉油、辣油、酸菜，呢間做得比上手清新啲，無咁油，食落更舒服。魚腐係呢度另外一款招牌配料，呢度口感實啲，食落有啲似煎釀三寶嘅魚蛋，所以應該係自製嘅。另外有一款麻辣雞球覺得幾特別，無咩炸粉嘅雞球，其實麻多過辣，少少刺激，唔錯。脆炸珍寶韭菜餃 $27韭菜餃係炸唔係煎，好有小食店外賣嘅感覺，但外型更加大。餃子皮薄，炸完特別香脆，裡面韭菜超多，少少豬肉配合，令餃子非常Juicy ，點埋泰式辣醬，就更加開胃啦！特色檸益 少冰 +$15就係檸檬益力多，檸檬加益力多，加少少水，香甜清新，適合解膩。 總數 $108

喺呢間米線開張第一日，本身係諗住去新蒲崗食原本嗰一間豆花米線，去到發現執咗，而見到呢一間連招牌都未拆紅紙，但見到入邊有人就走去八卦睇吓，點知都係食豆花米線嘅，當日緣份嘅促使之下成為左佢開店第一台客人。然後因為味道好又再返去食，食完覺得水準keep到又再返去食，介紹啲朋友人哋覺得好食又約我返去食，都唔知食咗幾多次喇。酸辣米線我比較推介，湯好味襯米線好適合。豆花米線其實都好正，但因為係撈嘅關係好多醬，食落比較滯。餸方面推介我的最愛菜式豬頸肉，新鮮燒起熱辣辣脆卜卜，佢個泰式醬汁都好正，酸酸辣辣。豬軟骨都唔錯，係爭少少啲軟骨味道啫喱狀態，同埋個味道比較柔和，係米線湯底之下未能夠好突出。最愛加紫菜。，掃晒啲湯好惹味。麻辣炸雞球都唔錯，新鮮炸起算係食米線入面比較特別少見嘅一個配菜。魚肉春卷同炸魚腐，其實都係新鮮炸好香脆。，不過相對之下就冇咁特別啦。小食方面都食過百味豆腐同蝦多士，兩樣都出色，尤其是包尾豆腐呢個價錢嚟講十分之大份，好食又抵過酒樓食好多。炸韭菜餃都食過。，但就正路啦。飲品飲過凍檸益幾特別，檸檬加益力多，酸酸甜甜好開胃，無喺第二度見過第一次喺度飲。之後都試過朱古力，其實幾香濃都算出色。朋

秋拾豆花撈米線·bb辣 （$40）麻辣雞球（+$8）墨魚春卷（+$8）芝士丸（+$6）米線本身已經係咁多種麵類入面最滑🫶但有咩可以超越得過米線本身既質地呢🥹就係加豆腐花😊食落去吮個下勁順滑😌好似飲緊嘢咁🤩麻辣雞球炸完之後辣油嗰種香口感出晒嚟🫶墨魚春卷都炸得好脆！慢煮豬軟骨米線（$50）麻辣雞球（+$8）呢度有米線湯底清淡得來香口🫶唔會太多油喺個面度🫶但係依然俾到麻辣嘅感覺你🥳自己個人覺得個湯底冇乜味精 食完唔頸渴😝豬軟骨都整得好腍😌仲有都揀左最索湯汁嘅肥瘦肉部份落去😍食落去好惹味！滷水雞翼（$22）呢度主打滷水唔係太濃烈🤓餐廳應該用咗燉煮嘅方法 所以好入味🤤仲有就係煮到好腍😊個人唔鍾意太實肉嘅雞翼☺️所以都啱啱好!炭燒原塊豬頸肉 （$48）依到啲豬頸肉炸到有啲似街頭小食咁🤩酥酥地既焦香味🫶同泰式辣醬超夾🫶脆炸珍寶韭菜餃 （$27）呢個係必食推介！呢三隻餃絕對對得住個價錢🤪 個餡超級多一啖絕對食唔晒成粒長洲大魚蛋咁🥳個皮都炸到超脆😍成個口感就係由外脆到內！特色檸益（檸檬益力多） （+$15）好耐冇飲過力多🤤回憶返晒嚟再加多啲驚喜添😙檸檬夾埋益力多酸酸甜甜好開胃🫶檸檬西洋菜蜜（+$6）

今日買了外賣，這間秋拾米線真的很厲害，舖頭門面平平冇奇的，不過真真係超好食，有料到。我是外區來的，中午時份見佢未開舖，就已經有人排隊，我反正有時間就跟住排，心諗一定好食，而旁邊兩間食店已開門，人地都吾去，繼續幾位在排隊。這間是食米線的，有幾款揀，我都買了試了，超正，樣樣都很出色，先是招牌魚腐米線，揀了招牌豬骨湯底，很鮮甜，最好食的是米線，超彈牙好食，又吾會太淋太硬岩岩好，應該是米線好食的原因吧，吸引到很多人，真的好好食，比其他米線店好很多。另外豬軟骨米線，除了米線好食彈牙，豬軟骨都好味好入味，豬頸肉都燒得外脆內嫩，秘制汁都好正，很惹味，一樣出色。最後我都很欣賞秋拾豆花撈米線，佢很特別，我未食過的，佢米線已有味很彈牙，另又有肉碎花生等配料，加上面上一層豆花，撈來食，米線特別香滑，好食，又食到其他已有的配料，口感豐富，超好食丫。呢間小店，真係做得很出色，難怪很多食客，喜歡食米線的，一定一定要來食，很有驚喜啊。

聽講過呢間米線好耐，我覺得咁遲先食得有點可惜。新蒲崗嘅街坊講，呢間小店夜晚經常包場，都知好勁，而且幾個YouTuber都拍過稱讚過呢度嘅米線同炸物都係神級，聽講追得上老闆娘。秘製豬頸肉米線絕對要大推，呢間野燒個豬頸肉絕對係有一手，佢個秘製醉辣湯酸辣得宜。招牌魚腐米線，點左招牌豬骨湯，聽講呢度嘅豬骨湯比起酸辣湯更加出色，點了更掛湯嘅淮山麵，個人覺得魚腐做得唔錯，不過又未係必食，可能豬頸肉太強，令到後期食呢個有點失望。不過好快食呢個自家製手作蝦多士又令到我再度覺得勁驚嘆，佢嘅炸物真心，一定必點。點心仲有個魚皮都係勁正，如果你好呢樣，都值得叫。可惜當晚唔肚餓得兩個人，唔係一定會再叫多啲，有下次，米線經常最強都係九龍西，九龍東有代表啦。

今日同朋友收工後去了新蒲崗行，順便來食米線。自家制手作蝦多士（$24）：蝦多士的味道豐富，蝦仁的鮮甜和吐司的酥脆形成了對比。外層的酥脆感和裡面的鮮嫩蝦仁形成口感享受。炭燒豬頸肉米線（$92），選了招牌豬骨湯，另外還選了蘿蔔，生菜，墨魚春卷，肥牛，非常豐富。炭燒豬頸肉肉質嫩滑，並帶有一定的嚼勁。由於豬頸肉的脂肪分布均勻，經過炭火烤製後，肉的外層會變得焦香脆口，內部則保持多汁。蘿蔔則好清甜，不錯。生菜嫩口，墨魚春卷彈牙有咬口，幾好食。肥牛又不會韌，不錯呢。八味豆腐（$26）：八味豆腐的豆腐選用韌性較好的種類，經過烹煮後仍保持細膩的口感，外脆內嫩，每一口都感到滿足。招牌魚腐米線（$94）：選了秘制酸辣湯，小辣，墨魚春卷，麻辣雞球，腐竹，豆卜。個湯好香濃，魚腐，豆卜索哂d湯汁，好好食。材料豐富，好正。特色檸檬益力多，非常特色同好飲，不錯。檸檬蜂蜜柚子茶：酸酸甜甜幾好飲。腐乳通菜（$20）腐乳味香濃，不錯。

今日好開心同屋企人去咗新蒲崗附近嘅一間餐廳食米線，估唔到去到門口已經好多人排隊，證明呢一間米線一定好受歡迎，同埋好有質素，食咗一次，真係返唔到轉頭，出面市區都搵唔到咁抵食嘅米線，而且呢度嘅米線碗都係大大碗，呢度最出名嘅招牌菜就係炭燒豬頸肉米線，我真係見到每一張枱，都有好多人叫呢一個餐，證明真係好好食，而且每碟都好大碟，個米線都好大雅，配料都好多，有炸醬，豉油，辣油，酸菜，真係好好食呀，而且佢哋嘅肉類肉質，都係好高質素，非常入味，而且佢哋都有唔同嘅湯底，有酸辣湯底，或者有豬骨湯，佢哋嘅拿到就可以自由選擇，如果鍾意食辣嘅朋友，真係可以試吓呢一間餐廳啦，而且佢哋嘅酸辣米線我都係比較推介，加埋個拖尾配襯米線，真係好好食呀，而且佢哋嘅小食多好多簡直係美食天堂

新蒲崗人氣米線小店秋拾米線營業時間12:00-21:00炭燒豬頸肉米線呢個係招牌菜必點，小店秘制酸辣湯味道過引，配個豬頸肉燒得好香食落都仲好有肉汁。秋拾豆花撈米線第一次試有豆花嘅撈米線，麵軟硬度都得選，最後揀左爽麵，成碗麵勁多豬肉燥，一口有麵有肉燥大豆花十分滿足，唔多地方有咁嘅配搭同朋友一齊黎食兩款都食到，👍🏻正呀！小食叫左自家製手作蝦多士，蝦多士大大隻蝦，炸多士脆口。紅油拌皮蛋，個紅油辣醬不錯，味道整體不過不失。

今日中午，我同老婆特地去新蒲崗的秋拾米線食午餐，這家米線餐廳在當地相當受歡迎，從11點開門就有不少人排隊，顯示出它的火爆程度。我們等了大約45分鐘，期間服務員主動為我們介紹菜單，讓我們感受到這裡的服務熱情與周到。我們點了幾道招牌菜，首先我選擇了「秋拾豆花撈米線」。這道米線的特色在於它的豆花，滑嫩的豆花與米線相互融合，搭配特製的醬汁，讓人一試成主顧。為了增加風味，我還加了炸醬魚腐、滷水雞翼和豬軟骨。特別是豬軟骨，肉質鮮嫩，入口即化，讓我驚喜不已。飲品方面，我選擇了凍檸檬蜂蜜柚子茶，清新的口感讓這頓飯更加爽口。😍👍老婆則選擇了「魚腐米線」，這道米線以魚腐為主料，配料豐富，口感滑順。她還加了蟹柳墨魚丸，增加了海鮮的風味。老婆的飲品是「特色檸檬益力多」，這款飲料不僅顏色誘人，味道也十分清新，酸酸甜甜的口感讓人十分喜愛。吃完主菜後，我地意猶未盡，於是我點了自家製手作蝦多士和炭燒原塊豬頸肉。蝦多士外脆內嫩，蝦仁的鮮味與麵包的香脆結合得恰到好處，果然係必叫食物😍。而炭燒豬頸肉則是肉質鮮嫩，帶有炭香味，讓人難以忘懷。老婆則選擇了脆炸珍寶韮菜餃，搭配甜酸醬，餃子外皮酥脆，內餡鮮美。此外，越南炸春卷和日本

今日嚟咗新蒲崗嘅呢間秋拾米線度食晚餐 一去到已經見到條人龍 排咗一陣先入到去 炭燒豬頸肉米線 (招牌豬骨湯) (不辣) 豬頸肉燒到微微焦脆 食落好香 而且同米線係分開上 咁就唔驚浸到淋哂 再配埋泰式醬汁食好夾! 湯底方面除咗豬骨湯仲有秘制酸辣湯揀秋拾豆花撈米線 (bb辣) (走芫荽) (走炸醬)豆花撈米線係出面比較少見 好耐以前食過一次 估唔到呢度都有! 除咗豆腐花之外 仲有酸菜 辣醬 醬油同花生 我仲加咗肥牛 墨魚春卷同豆卜 餸嘅份量都好多 感覺成碗都係餸多過米線 呢度嘅米線質地偏滑身 係我鍾意嘅米線 叫咗bb辣食落少少辣咁好惹味自家製蝦多士 (2件)原隻蝦多士好大件仲炸到好香脆 但又唔會覺得油 側邊仲有黃芥末可以蘸 飲品方面叫咗凍檸茶同特色檸益 檸益姐係檸檬益力多 第一次見呢個組合 飲落酸酸甜甜咁幾特別

自己比較少去新蒲崗，但原來呢度都有好多嘢食㗎，今次黎到見到有一間米線店排晒長龍就知一定好食😋 自己本身都好鍾意食米線，因為可以配合自己嘅口味去揀材料🤭招牌手作蝦多士 🍤 佢有好多款巧手小食，其中一款比較出名嘅係佢嘅蝦多士，一份兩件，新鮮煎炸出嚟咬落卜卜脆🤗 慢煮豬軟骨米線 🐷 揀左日式風味嘅豬軟骨米線，麵線可以揀米線、紅薯粉、通心米線或者淮山麵，豬骨湯底仲可以揀自己喜歡嘅辣度添 🌶️ 材料方面可以隨自己喜愛添加，我就加咗魚腐同埋生菜，材料好豐富，食完覺得好滿足😇秋拾豆花撈米線 🍜呢度有款比較特色嘅米線，就係豆花撈米線，豆花令到口感比較滑，再配埋炸醬同花生，係另一種風味，都幾特別㗎🤗

呢間餐廳長期超有人氣，好彩今日八點幾嚟嘅時候喺門口等咗一陣就有位啦！### 自家製手作蝦多士這道蝦多士外脆內嫩，蝦肉鮮美，搭配自製醬料，讓每一口都充滿海味。### 秋拾豆花撈米線這款米線輕盈滑順，搭配香辣醬汁與新鮮配料，口感層次豐富，令人回味無窮。豆腐花好滑好夾。這道美食結合了豬軟骨和魚腐，豬軟骨完全係超級多骨膠原好腍。豬軟骨軟嫩多汁，吃起來富有彈性。魚腐則滑順細膩，而且唔算多粉！### 炭燒原塊豬頸肉炭燒的豬頸肉外焦內嫩，肉質多汁，微煙熏香味撲鼻而來，讓人一試成主顧。### 腐乳通菜這道通菜搭配腐乳，鮮香四溢，口感柔滑，健康又美味，令人愛不釋口。### 脆炸珍寶韭菜餃脆炸的韭菜餃外皮金黃酥脆，內餡鮮香可口，搭配醬料更是美味無比。同行朋友仲叫咗以下嘅餸配米線都覺得幾好食### 滷水腩肉滷水腩肉色澤紅亮，肉質鮮嫩，醬汁滲透每一塊肉，香氣四溢，口感豐富。### 墨魚春卷墨魚春卷外脆內軟，裡面包裹著鮮美的墨魚，搭配獨特的醬料，更添風味。### 貢丸貢丸彈牙爽口，肉質緊緻，鮮香四溢，搭配湯品或單吃都極為美味。

新薄崗人氣秋拾米線，新開張已吸引大批米線迷前來幫襯，皆因小店既米線和小食都做得同樣出色。秋拾豆花撈米線：配料有豆花、炸醬、酸菜、辣醬、醬油、花生、芫荽，用豆花乾撈米線，入口充滿豆香及肉香，有咸香之餘，更有一股甜味，雲南風味十足。招牌魚腐米線：自家製既魚腐，肉質紥實有咬口，魚香味道很突出，米線既配料仲有豆卜、腐竹、芽菜、韭菜、翡翠苗，豬骨湯底好鮮甜，令人回味無窮。炭燒原塊豬頸肉：肥瘦比例恰到好處，肉質爽彈，邊位燒到有D脆身，散發出誘人既炭燒香氣，點埋個泰式辣醬食，非常惹味。自家製手作蝦多士：面層放左原隻蝦，搭配酥脆既多士，每一口都令人充滿驚喜。脆炸珍寶韭菜餃：好大隻，外皮炸得金黃香脆，裡面既餡料飽滿Juicy，讓人忍唔住一口接一口。越南炸春卷：炸得酥脆可口，包裹住既餡料十分誘人，點另一款甜酸醬汁，更好味。總結，食物好有水準，街坊價錢，出餐快，值得再嚟排隊食。

- 炭燒豬頸肉米線 秘制酸辣湯 bb辣 $56- 慢煮豬軟骨米線 秘制酸辣湯 bb辣 $50- 自家製手作蝦多士 $24- 椒麻爽魚皮 $30上次食咗豆腐系列 豆花撈米線同百味豆腐 今次試吓新野 試返上次想試嘅蝦多士😋一上枱熱辣辣 果然冇令我失望 多士炸到好脆 食落唔覺油 蝦幾大隻係原隻蝦嚟 旁邊有黃芥末 估唔到又幾夾椒麻爽魚皮份量幾足 唔會好辣 魚皮好爽好有咬口 入面仲有青瓜同雲耳我叫咗豬頸肉米線 豬頸肉份量好多 味道同上次一樣 好脆好香口 水準依然👍🏻朋友叫咗慢煮豬軟骨米線 豬軟骨幾入味幾淋我哋都係揀咗酸辣湯bb辣 湯底唔錯 入面仲有雲耳 花生 炸醬 啲花生好香(我鍾意食花生😎)豬頸肉依舊出色👍🏻小食款式又多 價錢唔貴 難怪兩次過嚟都係坐滿人兼要排隊🥺💰$160

呢間餐廳上一手都係米線店食過好多次 特別喜歡豆花撈米線可惜執左然後就開左呢間秋拾米線見食評都唔錯 決定黎試一試今日係星期六開12:00我地12:05就到入面已經坐左一半位去到12:15左右已經full曬😲如果食唔到第一輪應該要差唔多1:00第一輪先食完因為落左單都等得耐留意到我地12:05入座嘅時候早過我地入黎嘅客人已經岩岩好上菜而我地12:10落單到12:35先有得食而隔離再遲過我地幾分鐘黎嘅客差唔多等左35分鐘先上菜佢地都等到好唔耐煩 催左兩次可能除左堂食之外 仲有唔少外賣單所以食呢間餐廳要有心理準備等得耐一係就開店就黎食講番野食呢次叫左兩款米線分別係炭燒豬頸肉酸辣米線同豆花撈米線炭燒豬頸肉係勁好食燒到個邊脆卜卜肉十分之嫩滑分量都唔少 有大慨8-10片湯底叫左酸辣小辣唔係太辣肉碎都幾多花生都好脆卜卜而豆花米線就有少少失望雖然豆花份量多，同埋都好滑但真係好少汁冇上手整得咁好食另外再叫左蝦多士香脆好味佢配嘅醬係芥辣 但我唔食🤣如果配沙律醬就一流除左野食外 仲叫左杯檸檬益力多有2片檸檬但篤完都冇咩檸檬味叫左少冰但冰嘅份量都唔少所以飲到咁上下d味淡左好多總結 係會為左炭燒豬頸肉再黎食但就唔