秋拾米線

營業中

休息中

今日嚟到新蒲崗，見秋拾米線終於冇咁多人排隊，似乎有機會試到啦！嗱嗱聲拎個位先~平時行過聞到佢都好香，要食餐豐富嘅慰勞吓自己炭燒豬頸肉米線 $56+首先梗係要嗌個最出名嘅豬頸肉米線啦~湯底係秘制酸辣湯，bb辣啱晒我呢啲唔食得辣嘅人。欣賞佢米線可以轉芽菜底，索湯得來感覺又輕盈啲😎豬頸肉果然世一冇介紹錯！😇😇😇嗰種脆邊、焦香，加上豬肉嘅彈牙口感，同埋神埋支筆自家調製酸辣汁，我敢講比泰國地道嗰啲更Juicy香口🤤🤤重口味但好值得+$6 魚腐：自家製魚腐原來係讓咗魚肉，比一般魚腐再實淨啲冇咁Puffy+$15 豬軟骨：我食嗰舊肥嘅超級軟嫩，另一舊瘦嘅老公話煮得耐咗+$6 酸甜齋：酸齋同米線其實都幾夾，過下口癮+$6 幼滑奶茶：食住辣嘢梗係要飲返杯熱飲。加$6真係唔貴呀 自家製手作蝦多士 😍😍😍$24呢個又係另一必食推介！$24兩件實在超值，蝦大隻彈牙，多士脆口，味道調得剛好，仲有蜜糖芥末醬增加風味。唔係賣廣告，真係好抵食紅油拌海蟄 🤩$30 另一款小食都有驚喜😬唔食辣嘅我都將佢清晒盤。海蟄有咬口，青瓜特別爽脆，呢個價錢好無敵上湯翡翠苗 $30食得太多辣要加個菜苗。放落豬骨湯零舍鮮甜日本芝士年糕-

今日中午，我同老婆特地去新蒲崗的秋拾米線食午餐，這家米線餐廳在當地相當受歡迎，從11點開門就有不少人排隊，顯示出它的火爆程度。我們等了大約45分鐘，期間服務員主動為我們介紹菜單，讓我們感受到這裡的服務熱情與周到。我們點了幾道招牌菜，首先我選擇了「秋拾豆花撈米線」。這道米線的特色在於它的豆花，滑嫩的豆花與米線相互融合，搭配特製的醬汁，讓人一試成主顧。為了增加風味，我還加了炸醬魚腐、滷水雞翼和豬軟骨。特別是豬軟骨，肉質鮮嫩，入口即化，讓我驚喜不已。飲品方面，我選擇了凍檸檬蜂蜜柚子茶，清新的口感讓這頓飯更加爽口。😍👍老婆則選擇了「魚腐米線」，這道米線以魚腐為主料，配料豐富，口感滑順。她還加了蟹柳墨魚丸，增加了海鮮的風味。老婆的飲品是「特色檸檬益力多」，這款飲料不僅顏色誘人，味道也十分清新，酸酸甜甜的口感讓人十分喜愛。吃完主菜後，我地意猶未盡，於是我點了自家製手作蝦多士和炭燒原塊豬頸肉。蝦多士外脆內嫩，蝦仁的鮮味與麵包的香脆結合得恰到好處，果然係必叫食物😍。而炭燒豬頸肉則是肉質鮮嫩，帶有炭香味，讓人難以忘懷。老婆則選擇了脆炸珍寶韮菜餃，搭配甜酸醬，餃子外皮酥脆，內餡鮮美。此外，越南炸春卷和日本

新蒲崗的「秋搭米線」果然名不虛傳！無論係米線、湯底、配料，甚至係小食、飲品，全部都有超高質素，真係食過返尋味，回味無窮呀！😋我哋中午十二點準時開門，早15分鐘已經響門口排隊已經有人龍，幸好第一輪就入到去，真正可以享用頭啖湯啦！😂「炭燒豬頸肉酸辣湯米線」湯底酸辣得來又香濃，可以揀大中小或BB辣，炭燒豬頸肉非常香口，咬落去外脆內嫩，真係非常好味！「豬軟骨酸辣湯米線」 豬軟骨煮得剛剛好，軟腍適中，夠晒入味，湯底同樣中度酸辣，食落去有一種開胃嘅感覺，簡直係冬日必食！「自家製魚腐米線🐟」 魚腐滑溜，搭配米線一齊食，口感一流，真係無得輸！「招牌手作蝦多士🦐」 巨型蝦多士，蝦肉新鮮，外脆內嫩，真係一口咬落去，令人意猶未盡！🍤「越南炸春卷」春卷外脆內鬆，配上特製醬汁，食完一口想再來一口！「百味豆腐✨」豆腐軟滑，搭配多種調味，口感一流，令整個餐點更添風味！🥢「秋搭米線」真係非常出色，下次再來新蒲崗，肯定會再食，要排隊都值得。💖

琴晚同埋屋企人唸住排隊試吓，之前聽過有人讃佢湯底、蝦多士、魚腐等都好味！食物係真心OK,但擺到明冇服務。實在太過多人排隊，侍應個個都做到黑口黑面，做到死死吓吟，有枱二人客已食到一大半，佢哋為咗就下一枱四人組入座，竟然叫人起身調枱，咩玩法？有個男侍應，傳送米線時把湯倒到客人褲上，個客話你倒落我度啦，小心啲呀！佢竟然問返個客，我整到你？一句對唔住都冇講，基本禮貌吾使教呱？試吓便算，吾會再食🤬⋯⋯幾好食都冇用！！

這家人氣米線店開中午12:00，11:45去到已經有人排隊，好彩唔使等好耐就有位喇！同朋友都點了招牌魚腐米線，份量同味道ok, 另外加了自家製手作蝦多士，香脆可口；椒麻爽魚皮，爽口同辣辣地好惹味；炭燒豬頸肉，燒得香口，好吃！ 朋友住喺附近話平時好多人排隊，尤其在用餐時段，所以要食嘅話就要預多啲時間！還有很多款美食未能一次過品嘗，下次想試吓秋拾豆花撈米線，看到很多食評都話好食，還有其他小食選擇！服務同店舖環境也不錯！

之前睇社交平台介紹好似好好味，今日特別約好朋友，於中午12點之前已經到門口排隊未到12點門口外邊已經有20-30人在排隊，好彩我們早到，所以可以第一輪入去坐低食款式選擇都唔少，其中有個穿窿米線幾特別蝦多士都好精美，不過都好油主菜米線，當然幾好味，幾個朋友都不約而同是他們的豬軟骨，有辣有唔辣，都幾好味其他小食，特別係那個豬頸肉，唔會比差色餐廳差其他小食，例如青瓜、豆腐，都好味今天錯過了沒法試他們的巨型煎韭菜餃飲品方面都屬於正常未做都唔錯，但係整個下午都非常口渴，要不斷飲水解渴

多次經過也很想試, 趁今天放早立即來吃下午茶下午茶仍是要排隊, 幸好不是等太久便能入座因太肚餓,我和朋友點了很多食物出菜很快, 已經加很多分我們點了招牌菜魚腐米線, 貢丸酸甜齋豆花撈米線, 招牌菜蝦多士, 滷水雞翼, 腐乳通菜, 上湯翡翠苗, 跟餐要了特濃阿華田, 凍駌鴦先說說這米線, 魚腐十分新鮮, 有成個乒乓球咁大, 配以芽菜, 翡翠苗, 大大碗又健康又好味配以炸物蝦多士一絕, 很爽口, 大大件但絕不油膩, 其實今時今日仲可吃到自制的蝦多士是很驚喜, 仲要在一間米線店吃到, 多謝店員推薦至於我, 試了特色的撈米線, 豆花，酸甜齋多到呢, 不得不說超值, 加上香脆花生, 少少辣的炸醬, 美味酸菜, 仲有撈埋很多豆花, 初時我還以為味道很怪, 怎知是勁好的配搭，不過不吃辣的人就不要點了相信是內地興的食法, 只是我未試過而已值得一提的是小食也很精彩, 通菜大碟, 又嫩, 腐乳不咸, 水雞翼很入味, 有四件我們二人不用爭餐飲真是特濃飲品但絕不太甜, 剛好下次要試下炸豆腐和豬頸肉, 一定是人氣食物, 因為差不多枱枱也有點, 不過今天已太飽了

聽朋友講係佢屋企附近有間好正嘅米線，今日約去佢到玩就緊係想試下。點知又係排晒長龍，唯有買外賣。佢話秋拾豆花撈米線係區外人必試，我就聽佢介紹再加慢煮豬軟骨。佢自己食左好多次就轉食魚腐同炭燒豬頸肉米線，佢話同樣咁正🤣我地仲點左小食蝦多士。秋拾豆花撈米線，呢款真係好有特色，加豆花落去食，以前細個興過一排，而家真係好難搵到。豆花嘅豆味濃郁，夾埋米線食落仲好滑溜。我揀左少少辣，佢地調嘅醬汁食落非常惹味🥰，本身就配有芫荽，花生同肉碎，口感同味道真係好豐富。慢煮豬軟骨米線食落入味夠腍，但又唔會煮到老晒鞋口，就算成個撈米線算係濃味，但絕對唔會覺得咸同口渴，好滋味。魚腐米線加豬頸肉，魚腐口感滑順，好有特色。豬頸肉亦同樣好味，估唔到作為配料份量都咁多，香脆可口，好味道。朋友仲揀左薯粉底，零舍Q彈好味，份量又多，讚。小食叫左自家製手作蝦多士，蝦多士上面有大大隻蝦，夠晒彈牙，再夾埋炸多士，食落脆口又香。之前係坪洲食嘅都無呢個咁好味。朋友真係堅無介紹錯，好鬼好食，真係羨慕佢。

新蒲崗隱世米線舖-秋拾米線經過新蒲崗呢間米線店，平時都好多人㗎，估唔到新蒲崗都有呢間人氣小店😂聽講成日要排長龍，今次等咗一張台就有位啦，影返啲人氣食品先😌點咗個豬頸肉米線、手打蝦多士同超麻爽魚皮😛 豬頸肉好香口😍米線都好滑，如果醬汁可以更惹味就好啦🙂手打蝦多士都好彈牙，真係新鮮整㗎，而麻爽魚皮好辣好麻香🥵 食得辣嘅朋友可以試吓，要早D黎排隊💪🏻

秋拾米線一直有名氣，想試好耐，今晚嚟開附近，就算要排隊都想把握機會試下炭燒原塊豬頸肉 - 炭香突出，爽口彈牙，片片都切到厚薄相若，口感一流，份量十足，墊底嘅都係豬頸肉自家製手作蝦多士 - 一大隻彈牙鮮蝦，真材實料，多士炸到金黃色脆卜卜，火喉控制好好，心機之作招牌魚腐米線 - 五大件自家製魚腐，，份量十足，口感順滑彈牙，豬骨湯底香濃，轉咗芽菜底更加掛湯，另外加咗木耳、炸醬、滷水腩肉同貢丸幾款款，炸醬同滷水腩肉好入味，調味出色秋拾豆花撈米線 - 好特別好有創意，豆花炸醬撈米線口感同味道好豐富好有層次，另外嗌咗甜酸齋、豬軟骨、蘿蔔同墨魚春卷，墨魚春卷特別高質，口感厚實嘅足料墨魚膠，鋪上腐皮炸到脆卜卜，豬肉骨口感軟腍又入味八味豆腐 - 炸到脆卜卜，外脆內嫩，豆腐好嫩滑，熱辣辣好好食腐乳通菜 - 腐乳份量十足，啖啖都食到香濃腐乳特色檸益、檸茶 - 檸益好特別，益力多嘅酸味更突出，檸茶茶底香濃秋拾整體做到好出色，食得出佢哋嘅用心，推介大家去試

小弟從來都不是酸辣米線粉絲、直至我遇上「秋拾米線」 ，位於新蒲崗、用料認真、其中最令我驚艷的莫過於他的通心米線、孤陋寡聞的我第一次吃到、就像一條既長又滑溜的空心通心粉、而且更是有「坑紋的」 。 魚腐是繼上環生記魚湯米線（已結業）之後最令我有衝擊味蕾的魚腐、好比坊間那些順德菜館魚腐好很多、他能夠做到魚味十足之外、又不會像坊間那些一樣做到疏乎厘口感、軟硬適中、更帶有濃濃的蛋香味、 豬頸肉吃得出別有用心，外型討好有𠝹花紋之餘、即叫即炸熱辣辣、咬落的時候有香茅、腌製味道剛好、而且做到皮脆肉爽、蝦多士用料十足、$24兩件用原隻蝦，蝦爽彈、麵包不會做到全口油配上芥辣「爽」、只可惜豬軟骨，其中一件比較過硬、湯底絕對比那些連鎖店優勝、儘管畢竟有「師傅」相信這間米線必會爆紅、希望能夠保持到水準、價錢、食物質素以及食物份量絕對CP high, 香港需要多些這種用心經營的店舖

米线条条分明， 爽滑弹牙，口感一流，咬落去仲有啲韧韧哋，唔会一咬就断，好有嚼劲，而且米线吸满咗汤底嘅精华，每一口都好入味。再讲下主角烧猪颈肉，烧猪颈肉切得厚薄均匀，每一片都烤得金黄油亮，外皮微微焦香，光睇已经令人垂涎三尺。 咬落去，外层嘅皮香脆可口，里面嘅猪颈肉嫩滑多汁，猪肉本身嘅鲜味混合住烧烤嘅香味，瞬间喺口腔中散发开嚟，咸甜适中嘅味道，真系好正！ 而且猪颈肉嘅肥瘦比例刚刚好，肥嘅部分唔会觉得腻，瘦嘅部分又唔会干柴，每一口都令人陶醉。至于汤底，系浓郁嘅骨汤，闻起身香气扑鼻。 一咽，鲜味十足，明显系用咗大量嘅骨头同食材熬制而成，浓厚嘅汤底衬托住米线同烧猪颈肉，将整个味道提升到另一个层次。 汤底入面仲有啲配菜，好似青菜、木耳丝，青菜爽脆，木耳丝有嚼头，为米线增添咗唔同嘅口感同营养。

今日同朋友去新蒲崗交收，經過康強街見一食店未開門已經有人排隊等位，朋友話呢間秋拾米線係區內的人氣店鋪，主打招牌自家製魚腐、自家製手作蝦多士等都極受歡迎，咁就不容錯過，一於排隊等入座。米線有兩款湯底，分別為招牌豬骨湯底和秘製酸辣湯底。可揀走辣、小辣、中辣或大辣。湯底不加味精，用豬骨熬足十小時，夠曬濃郁鮮甜。招牌魚腐米線：加腐竹、滷水雞翼、墨魚春卷、炸醬，大大碗份量十足，每碗米線都配有芽菜、韭菜 、腐竹、豆卜、翡翠苗，如果唔想要，可於落單時註明不要。魚腐魚味濃郁，黑魚春卷彈牙，滷水雞翼好入味，米線口感爽滑，鮮甜嘅豬骨湯加埋炸醬，令味道更濃更美味！慢煮豬軟骨米線：加墨魚丸、貢丸、滷水雞翼，豬軟骨大大嚿，肉質軟嫩入味，墨魚丸和貢丸都好彈牙，呢碗揀咗小辣，食落比較惹味！越南炸春卷香脆可口。紅油伴海蜇：海蜇皮本身沒有什麼味道，但加上蒜、香紅油及鹽糖等調味，小黃瓜的爽脆加上海蜇皮的脆彈，讓人食不停口。招牌手作蝦多士：即叫即炸，食落酥脆彈牙，搭配芥末享用降低了油膩感。百味豆腐：外層香脆，內𥚃是溫潤滑嫩的口感。凍特濃阿華田、凍奶茶：夠濃又夠味，甜度適中。

啱啱開舖嘅時候，一路都有幫襯覺得味道不錯。欣賞佢嘅燒豬頸肉，隔幾個月再食味道已經大不如前。豬頸肉比以前厚咗冇咁脆口，湯底亦唔同咗，非繁忙時間外賣等候時間都超過半個鐘，吾會再幫襯

舖面已經唔多位置，上野又慢，lunch呢d繁忙時間，根本舖面d客都完全攪唔掂，排隊起碼30分鐘以上，重要係咁接外賣單，好心你地喇，做唔切就唔好做外賣。如果唔攪掂呢重安排，其實擺明趕客