秋拾米線

營業中

休息中

新開優質米線專門店，環境舒適企理，主打優質米線及多款小食，招牌豬骨湯底和秘製酸辣湯底，不含味精，味道鮮甜。必試招牌魚腐米線，大大碗，份量十足，魚腐全人手自家製造，保證新鮮，炸得金黃香口，魚味濃郁，口感軟腍，米線彈牙易入口。炭燒豬頸肉米線也是我的推介之一，豬頸肉兩大塊，份量好多，熱辣辣燒得香脆，外脆內軟，再點一點泰式魚露，酸酸辣辣，十分開胃。小食方面，滷水雞翼非常入味，雞肉嫩滑，龬紋春卷炸到脆卜卜，香口惹味。

朋友聽說呢間店就拉埋我去食，到咗跟住指示排隊，心諗呢間店一定成日要排隊要會貼咁大張指示，見到前面大約排10個人左右已經覺得算幸運。大約等咗15分鐘左右就可以入座，一坐低朋友強調要食佢既豬頸肉，咁我就梗係跟機架啦，唔洗諗呀嘛，其實我本身望到餐牌上面既豆腐花米線咁又一場黎到就叫埋小食試下啦，份蝦多士一食認真超級驚喜，豬頸肉米線就OK啦，唔算好驚歎但係OK好食既，仲有一份八味豆腐，食食米線上枱所以冇影低，外皮香口裡面粒豆腐白白滑滑，不過都幾熱氣。

位於新蒲崗·超人氣排長龍米線小店 無論堂食定外賣一樣咁受歡迎 Scan QR Code落單好方便 就係逼咗少少🤏🏻·`♡·炭燒豬頸肉米線招牌必點😛奶白色嘅豬骨湯底夠濃郁 都幾出色豬頸肉份量好足夠 脆邊炭燒焦香味唔會太乾 調味都啱啱好 肉質仲保持Juicy❤️米線吸收晒湯嘅鮮甜·`♡·自家製魚腐米線魚腐係自家製👏🏻唔似出面咁多麵粉 有少少似鯪魚肉加豆腐😚都幾特別 食落軟腍米線轉咗薯粉 口感Q彈 粗幼度適中·`♡·自家製手作蝦多士必食小食之一🥰🥰賣相吸引🤩原隻嘅蝦🦐放喺多士上面 炸到鬆脆口感脆卜卜 蝦肉爽口彈牙 每一啖都可以食到蝦肉 麵包同樣做到好鬆脆 鬆化口感 醮埋芥末沙律醬都好好食😋·`♡·八味豆腐上枱好似一座黃金山好吸睛🤩每一粒豆腐炸至金黃色 外表酥脆 咬落去係滑溜溜嘅豆腐 溫馨提示🔔小心燙口 熱辣辣上枱·`♡·上湯娃娃菜上湯娃娃菜用豬骨湯底上 帶出鮮甜味道 好健康·`♡·檸檬利賓納利賓納搭配清新檸檬片 酸酸甜甜 清爽解渴🤩

呢間米線未被報道之前已經經常嚟食自從報道之後經常大排長龍上次紅日下晝三點諗住唔使排點知前面有成10幾個人果斷放棄咗今次星期六7點幾到都等咗差唔多成個鐘入到去仲要等多半個鐘先上餐🥲🥢豆花撈米線$42 + 魚腐$10+ 甜酸齋$6叫咗BB辣，對唔食得辣嘅我嚟講啱啱好魚腐係自家製，有魚味，炸得啱啱好甜酸齋酸酸甜甜好味米線係用江西米線，佢嘅米線係偏淋身，我自己幾鍾意配料有豆花，肉碎，花生撈埋一齊食好惹味🥢炭燒豬頸肉米線$57 +墨魚頭$8 + 雞軟骨春卷$8叫咗BB辣豬頸肉煎得啱啱好，帶點油脂，點埋佢嘅醬汁👍🏻墨魚頭好爽口雞軟骨春卷幾特別，每一啖都食到雞軟骨，口感唔錯今次嘅米線份量比較少，男仔食可能唔夠🌸🌸🌸🌸🌸總括食物保持到水準但要排咁耐，真係太辛苦下次可能會叫外賣提外話呢間米線人龍不絕，小店做街坊生意見到有人叫錯芽菜底老闆都加返個米線俾佢感覺幾有人情味

新蒲崗小店，座位唔算多，環境尚覺企理。蝦多士多士上面大大隻蝦，揸得好鬆脆，蝦肉爽口，唔覺油膩，色澤鮮豔。八味豆腐豆腐粒炸得內脆外軟，香口惹味。椒麻爽魚皮魚皮好爽口，冇腥味。 麻辣汁配合青瓜、木耳、芫茜。 餐前小食好開胃。酸辣豬頸肉薯粉薯粉富彈性，吸到湯底香味。 湯底入面已有大量肉碎、芽菜等配料。 豬頸肉表皮十分脆，肉質嫩滑。 配合埋個醬汁更加惹味。豆花撈米線幾有趣嘅組合，夏天唔想食熱嘢嘅好選擇。 涼拌撈米線配合豆腐花，豆花嘅質感令撈米線多一分嫩滑。 不過留意撈咗豆花會令味道都變淡，可按口味調高一級辣度。

今日同老公經過新蒲崗，見到一間米線店大排長龍，就排隊買外賣番屋企食先🌸炭燒豬頸肉通心米線（招牌豬骨湯）+蟹柳+響鈴+墨魚春卷+肥牛！炭燒豬頸肉份量都好足夠，脆邊炭燒焦香味，但唔會太乾，口感爽口彈牙，配埋特製醬汁一齊食，都幾惹味！墨魚春卷味道好香口！配埋彈牙嘅通心米線，都幾入味呢！🌸自家製魚腐淮山麵（招牌豬骨湯）+蟹柳+貢丸+墨魚丸+墨魚春卷，用新鮮魚肉自家製作嘅魚腐口感好彈牙，但又唔會好粉，份量都唔少！配埋招牌豬骨湯底，清淡清甜，幾鍾意佢地嘅湯底係唔落味精，配埋淮山麵一齊食，健康又好味🌸自家製魚腐米線（招牌豬骨湯小辣）+豬軟骨+肥牛！豬軟骨軟腍又幾入味，含豐富嘅膠質，又唔會太肥膩，配埋小辣嘅豬骨湯底，味道好夾🌸八味豆腐份量好多，每一粒豆腐都炸至金黃色，外表酥脆但內裡嫩口，入面都係滑溜嘅豆腐，調味調得啱啱好，幾好味🌸自家製手作蝦多士，熱辣辣香噴噴，新鮮炸出黎嘅蝦多士，薄身但口感脆卜卜，配埋芥未醬，味道更加突出

今次專登搭車過嚟新蒲崗，就係為咗試吓呢間人氣爆燈嘅「秋拾米線」！門口成日排長龍，好彩今次下晝3點幾到，唔使點等位。鋪頭細細，裝修簡單，但勝在乾淨企理，坐得都算舒服。 八味豆腐 $25一上枱就聞到勁香！外皮炸到金黃脆口，咬落去入面嘅豆腐仲係滑捋捋，完全唔會乾爭爭。個「八味粉」帶少少辣同孜然香，食落好惹味，呢個豆腐嘅外脆內嫩，簡直係邪惡級別🤩 香茅豬頸肉米線 $56豬頸肉係呢度嘅招牌，果然冇介紹錯！炭燒過嘅豬頸肉外皮微焦，咬落去彈牙又多汁，仲有非常出既香茅味，唔會太油膩。湯底揀咗秘製酸辣（BB辣），酸度同辣度平衡得啱啱好，唔會搶咗豬頸肉嘅風頭。米線可以轉芽菜底，索晒湯汁之餘，口感更加清爽。 秋拾豆花撈米線 $40 +招牌魚腐呢個真係幾特別！凍食嘅豆花撈米線，豆花滑嘟嘟，豆味唔算好濃，但加埋花生碎、肉燥同辣醬，鹹鹹甜甜咁，口感好豐富。魚腐食得出係自家製，口感軟糯我覺得幾新鮮，夏天食幾開胃😛

今次我嚟到新蒲崗呢間米線店，超級多人排隊。一定是來試下出名的豆花米米線。我叫咗個香茅豬頸肉米線覺得米線嘅湯味道濃郁，湯底有種香香的香茅味，令整碗米線更加開胃。豬頸肉都整得非常之滑溜。秋拾豆花撈米線我選咗爽面，加咗小辣，味道剛剛好，唔會太辣。特別加咗魚腐，魚腐質地彈牙，搭配米線好合襯。值得一讚嘅就係佢有自家制手作蝦多士，蝦肉鮮甜，外脆內軟。蝦多士一定要試之選10分推薦大家。另外，手拍青瓜🥒非常之爽口。紅油拌海蜇係推薦俾大家嘅小食之一。覺得呢間餐廳有好多特色小食同豆花米線，有咁多人排隊應該必試☺️

好好彩 排左四個字就入到去坐侍應態度正常不過落單到上菜 差唔多半個鐘附近四至五枱都等梗中間 佢地不停出外賣單其實做唔切 你一係cut外賣 一係唔好俾個客入黎坐 其實入黎要等你做一大批外賣 先至再逐枱上菜 唔係理想做法最後嘢食黎到豬頸肉米線豆花撈米線 加豬軟骨 魚腐清湯底好勁草青味 麵好幼唔算好好食豬頸肉好脆個面 不過太濃味魚腐都只係普通要咁樣等佢出外賣單 就唔需要下次食到一半 終於聽到佢地話cut外賣平台單

因為看了YouTube MM的介紹，感覺這間店的2位老闆很有熱誠，專程由大西北來訪，試試佢哋既米線同小食。結果都幾失望，名過其實。我同朋友一行2人堂食，好好彩，中午12點嚟度，咁岩有位唔洗等。不過係要搭枱既，剛好滿座。我哋點咗2碗米線，一份小食，一杯飲品。炭燒豬頸肉米線（酸辣湯bb辣）、慢煮豬軟骨米線（酸辣湯小辣）、自家製手作蝦多士，凍檸蜜（少甜）我哋都係第一次嚟食，加上搭枱嘅關係，樓面店員上菜時只講了一句豬頸肉米線，放下便走了，我地都誤以為係自己嘅米線（有豆卜嗰碗就係佢哋嘅豬骨湯，都有啲紅紅地嘅顏色😓）我哋影完相，見佢上第2碗先再問真，我哋嗰碗係咩湯，先發現搞錯左，所以保留咗份豬頸肉，米線就再等，同時換過另一碗新嘅比對面客人。嚟到飲品啦，味道正常，但係冰粒入面發現有發泡膠粒🙈豬頸肉冇報導出嚟嘅咁香脆，唔熱只係微溫，不過刀功幾好，切得幾薄。泰式醬汁小辣味道幾好開胃，不過食食下，發現其中一片黏住塊藍色膠碎😐食物品質監控有待改善。豬軟骨夠淋而且入味，我試左微酸辣同小酸辣湯，覺得小酸辣嘅味道濃郁啲，好味啲。蝦多士就值得一讚，上枱係熱辣辣，非常脆，蝦肉新鮮。總括嚟講，個人覺得試過一次就夠，如果

附近玩完board game，search open rice睇吓有咩好食，見呢間多好評，又有豆花米線覺得幾得意，就錯誤咁樣揀咗去試，今次系第一次食，點知系中伏嘅開始，先要喺出面排隊排起碼十幾分鍾，以為入到嚟，米線呢種菜式好快就有得食，點知入到嚟堂食先係新一輪嘅地獄式等候，一個魚腐豆花米線要等成個中！！！先等45分鐘，催促後先肯上米線，再等5分鐘上埋個魚腐，而魚腐是不夠熱的，完全不值得，不會再去。時間很寶貴，人生不是用來浪費的！！！魚腐是凍的，與米線是分開上的，豆花沒有豆味

第一次去的，是5:15pm左右到，已經要排隊，排一陣10分鐘左右，好快到，蝦多士好食，是真心的；係無得輸，而豬頸肉比預期差了一點，另外由於環境衛生問題，暫時不會光顧，期待改善環境清潔。

甘岩要去親戚屋企搜尋到 人氣米線舖一試難忘是日假期紅日 2點致電叫外賣 得到外賣號碼2點半左右到達舖頭俾錢俾左錢後，女店員忙於安排堂食入座根本根本無同我交代過外賣要等定已經有可以拎眼見等店員安排入左幾枱（5、6枱）客人趁佢有空檔，我先問佢關於個外賣行蹤點知已經放左係舖頭內中間既枱由一位男店員遞出嚟俾我（男店員既手指大部分都係灰甲）🫢🙈😱我只好第一下用張收據包著先好彩收據夠長之後狂噴消毒行左十分鐘 可以開餐開餐前都噴哂消毒首先講招牌魚腐米線 酸辣小辣唔計職員衛生，其實味道唔差口味好個人 係比連鎖店特別既通菜正常發揮我最期待既豆花米線記得十幾年前旺角好景附近都有一間豆花米線味道好難忘記 又香又滑至於而個豆花米線係好食既豆花既豆味同辣味好夾 口感幾滑既成碗米線包括哂花生既脆口，豆花同米線既滑 同肉燥既香口 其實係好食既但排大長籠就要睇吓值唔值得始終人手安排好差同埋衛生問題都要諗下

之前睇影片分享平介紹一路都想試，難得今日經過新蒲崗見唔使排隊就試吓。一踏入門口已經聞到一浸強烈臭味（唔知係乜嘢嘅臭，冇特別found out），坐低咗之後scan QR code落單，等咗足足30分鐘，我的魚腐BB酸辣米線終於到⋯ 絕對唔值得等待，就算唔需要等待，都冇下次，味道唔識形容, 好夾硬食咗¼，頂唔順😭😭朋友叫嘅係豬頸肉豬骨湯米線，豬頸肉講到馳名，點知又係令人極級失望，非常乾。朋友食左兩啖米線已經停口了。我哋兩人大概用咗10分鐘用膳，用膳後非常口渴，建議店主留意。

買咗兩碗米線同蝦多士，5:30去到都唔少人排隊，有個男仔黑口黑面冇尾音咁落單，算啦，都係試下係咪咁好食啫…等左廿幾分鐘完全冇行開，見到有啲外賣擺喺櫈，黑面男見我企喺門口咁耐亦都明知我係等外賣，個外賣有得拎都唔出聲。直到我隔多五分鐘覺得唔對路，問黑面男個外賣有未？佢先行過去張櫈拎個外賣俾我，咁即係我唔問個外賣有未，我都唔知幾耐先有人叫我拎。兩碗米線死辣，bb辣同中辣都辣到食唔落，死辣冇酸香味，豬頸肉硬柴勁油，啲油多到浸晒成個外賣盒底。蝦多士係唯一正常，但唔算出色。如果以米線質素，我真係食番數字哥同方向記好過，起碼啲阿姐都對你有禮貌啲先。