祥仔 (K11購物藝術館)

營業中

休息中

電話book枱冇講有限時，去到等位見到有個牌寫住用膳時間45分鐘，帶位入座個陣就問職員是否有限時，佢先話45分鐘一定要交枱。明白最近生意難做，但一班朋友聚餐，45分鐘真係好趕，正常都係90分鐘架嘛！即係佢啲野係一早整好晒，因為上菜要超快，仲快過快餐店，倒晒入口就要埋單走! 我哋最終離開食第二間。

行完K-11在商場內食完晚餐才走，本身擔心在這種商場食飯會好貴，原來有間貼地的高級港式餐廳，價錢合理。 ▲爵肉牛柳嘩一上台好吸睛，份量多又colourful! 查看餐牌介紹，爵肉牛柳其實又叫雀肉牛柳，爵（雀）肉即鴨肝醬，相傳只供給貴族爵士衡頭人士享用。又有鵝肝，又有大大塊牛柳，ok喎！我將鴨肝醬沾滿牛柳表面，鐵板的熱力令鵝肝溶化，牛柳頓時充滿鵝肝味！牛柳嫩身好易咬，亦好香！Side 有半隻薯仔、洋蔥等，好豐富呀。 ▲零油感蝦多士這個小食起源自廣東菜中的鍋貼明蝦，是六，七十年代香港英式下午茶常見的人氣小食。用了鮮蝦，麵包配上特製蝦膠慕絲。在祥仔食到的是外脆內軟的零油感蝦多士，爽脆無油膩的感覺呢，又香又有啖啖蝦味，很出色食完想繼續食！加$28可以升級會餐，有湯及熱飲。奶茶杯好靚靚。 ▲兩日兩夜羅宋湯有幾兩日兩晚先？個名好吸引，看似平平無奇的羅宋湯，果然好清新自然，飲得出蕃茄、其他蔬菜的甜鮮呢，不是很造作的那種茄膏調味料。看看餐牌介紹，原本兩日兩晚的意思，是以香港絕跡的古老工序，用兩夜精心去煮：先時新鮮的食材煮成湯，經過兩晚的冷藏，加以然製會湯更入味。 ▲祥仔秘制瑞士雞翼連雞翼賣相都咁好，又

放工約咗朋友去尖沙咀，順道去K11食野~好耐冇飲酥皮湯，見到menu有，同朋友即刻一人點一碗~除咗酥皮海鮮濃湯，我地仲點咗零油感蝦多士（＄88）、冬蔭功雞翼（＄78）同埋祥仔脆脆豬扒飯（＄118）。豬扒飯最快上，件豬扒同d飯係分開上，所以食既時候豬扒仲係好脆身冇變淋。d飯番茄味濃郁，酸酸地好開胃。之後係雞翼，我地加咗少少青檸汁，感覺fresh d，而雞翼就好入味。朋友最鍾意係蝦多士，即叫即整，嚟到既時候香噴噴，正！最後就係我最鍾意既酥皮海鮮湯，成碗香濃夠味，入面仲有兩隻蝦~

光是聽個名好像好舊式的餐館， 但其實裝修好靚， 環境仲好舒服。menu 上都有好幾款特式食物好想點, 但基於今餐是兩個人的關係， 只能點3款吧， 唔想浪費食物。小食個名好好～ 零油感蝦多士， 見到要即點， 因為好似無咁肥嘛⭐️⭐️⭐️⭐️⭐️要推介， 真係無油感， 好鬆脆可口主食 no. 1⭐️⭐️⭐️⭐️鐵板爵肉牛柳 ~~ 今次先食呢個先， 有水準， 唔錯喎Vs鐵板澳洲黑毛和牛牛肋條肉 ~~ 下次要食主食 no.2祥仔脆脆豬扒飯汁同脆豬係分開上的碟的， 我想講個豬堅脆而不油， 口感唔會係厚粉漿個種， 皮簿鬆脆， ⭐️⭐️⭐️⭐️⭐️推介兩人黎講呢個份量已 好 full, 因為都唔算細份。

在尖沙咀K11商場購物，尖東站 D2 出口可直達，就算像今天是下雨天也不成問題，十分方便。疫情靠穩，商場也熱鬧起來，這是大家都樂見的。購物完，嘆下午茶是我們的指定活動。脆脆豬扒配鮮果沙律，沒料到下午茶的脆豬扒，可以那麼厚厚的！目測一定不少於1吋，而且還是大大塊的，肉質鬆軟可口、有肉汁，足夠兩人分享。祥仔泡芙 ，其實我比較少嘗泡芙，因為香港的餐廳能提供泡芙 的不多，所以，很期待呵！外層是朱古力脆皮，內裏薄薄的泡芙很鬆化，中心的特製忌廉是特別香滑可口。 鮮奶泡沫咖啡，家人說👍👍👍我的紅豆冰，粉糯的紅豆是紅豆冰的靈魂，還有香滑雪糕球，紅豆冰的層次大大提升，也沒有因為有雪糕球而令味道變得過甜。

好耐無寫評，因為真係好小出街食飯，有大有細喺屋企安全啲，唔係食TG多過食飯。。。但早幾日幾左個午餐，好多野想同大家分享.....今次食既食尖沙咀既祥仔，有睇tvb既都知呢個大廚既名同嘜頭，所以我都抱好大希望，想試佢既野食。聽講仲係新開，不過係有緣見到，唔係專拜訪其實午餐黎講係算貴，不過我窮，過100蚊我覺得貴啫🤣🤣我見到隔離枱好多人叫個脆豬，好似幾吸引，同個星班粟米汁好似好勁，就呢兩樣的而且確厚脆豬係幾厚，仲幾脆，但有肉汁ok, 都唔太乾，但飯就......似乎小左啲🤣個汁我比80分，我唔鐘意太甜既茄汁，佢好啱我。星班粟米汁呢個講真，魚同一般唔大分別，都係贏汁，但呢個$138，就有啲失望。頭先都驚唔夠食加左個雞亦，佢係跟餐可以加，兩隻剛剛好戲肉黎喇，標籤煮2日2夜既羅宋湯，如果唔係跟餐加10蚊，我一定嬲到彈起，因為真係好似普通茶記唔洗錢嗰碗例湯咁，可有可無，好似開左水咁啖而無味，最慘佢過煲左2日2夜嗰下衰，唔講仲好啦😅整體就都唔錯既，不過好多改善空間，人比較多，如果想食早小小，我都排左15分鐘先入到，不過帶位安排同唔太多位都係問題黎。

同朋友一齊食飯傾下計交收就約左大家既中間點尖沙咀,早排見朋友ig打卡塊豬扒好大塊咁,價錢又合理就走左去食環境幾好 明亮又大.祥仔脆脆豬扒飯 $118 (升級兩日兩夜羅宋湯$28+附送咖啡/茶)塊豬扒熱辣辣咁上台 好脆一d都唔鞋!好好食!!個飯滿滿的蕃茄,多汁,啖啖都有味個湯如網友推介咁濃郁.埋單果陣巡例checkcheck張單,發現職員將我地叫餐既組合以抵d既價錢加野飲好細心^^

行行下 K11 購物藝術館見到大排長龍，朋友話老闆原來之前係酒店名廚，羊群效應又忍唔住要排隊試下，唔算太耐 大概15分鐘就入到去。爵肉牛柳原來爵肉牛柳又名係叫雀肉牛柳，即係鴨肝醬咁解，都算係鮮見菜式。牛柳係以鴨肝醬塗抹喺鐵板上煎熟，整塊牛柳充滿油香，食落去腍熟嫩滑，卻依然保存到肉汁同肉香~祥仔脆脆豬扒飯見到每一枱都必點既豬扒飯當然要試下！ 菜式係分開豬扒同埋飯上菜，炸豬扒係巨大厚肉豬里肌肉即炸而成，麵包糠唔會好厚， 外皮黃金香脆但內裡嘅豬扒卻係粉嫩軟滑，肉質甘香鬆軟，配埋酸酸甜甜嘅蕃茄飯味道，鮮香甘甜，令人回味！零油感蝦多士首先不得不讚佢真係完全零油感 唔會好似平時食開嘅蝦多士咁油淋淋 烘至香脆嘅多士上面舖住半融焦香嘅芝士，然後係爽滑彈牙嘅原隻蝦肉，面頭仲加咗少少香料，惹味又口感豐富！

好少茶餐廳會開係商場，今日經過K11見呢間茶餐廳門面幾靚，仲好特別有個兩日兩夜羅宋湯，就同老公入去試下!兩日兩夜羅宋湯跟餐+28有兩日兩夜羅宋湯同野飲，都幾抵，落左order之後羅宋湯即刻送到，非常足料，酸酸咸咸好開胃，蔬菜係湯入面浸到入哂味，非常可口既一個湯品!祥仔脆脆豬扒飯有”祥仔”呢兩個字一睇就知係招牌菜，上openrice都見好多人點呢個，豬扒同飯係分開上，非常細心，可以令豬扒保持鬆脆，唔會被汁整林。豬扒厚身，食落外脆內juicy，d肉汁爆哂出黎~非常推薦!而飯既汁係蕃茄汁，同上左彩虹車厘茄，甜度足，仲有d蘑菇增加香氣同口感，蕃茄汁多到成個十都係，鍾意用汁送飯既朋友一定鍾意!鐵板爵肉牛柳鐵板上檯店員會幫你淋上醬汁，鐵板即時咋咋聲，非常治癒! 牛柳一食落口估唔到咁淋，易入口又易咬，牛柳係薄身，但份量都足夠，唔會只有兩三片。配菜既栗米都非常之讚!好似bbq既感覺，又香又甜又爆汁~正!呢度既服務都好好，上菜速度超快，落完單好快就上齊菜，趕時間既朋友黎食就岩哂。

豬扒飯,豬扒皮脆,肉多汁,嫩! 間餐廳格局非常優雅,枱櫈都好乾淨,冇油漬,水漬,侍應都好有禮貌. 牛脷飯嘅牛脷非常之琳,入口即溶,亦都入味. 可惜稍為貴,100蚊一個飯, 不過非常好食,所以都算抵.

祥仔出名用唔同烹調技巧煮出與別不同嘅港式西餐同經典菜式。今日專登黎食人人讚好嘅炸豬扒同牛柳，果然無令我失望！爵肉牛柳即係以前貴族先享受到嘅鴨肝醬搽牛柳，本身已經軟腍鮮嫩嘅牛柳，添加左鴨肝油香，豐富左口感。而配菜係外國入口小番茄、灑上煙肉碎同舖上靚靚香草嘅美國焗薯，視覺上更比普通鐵板矜貴。最想食嘅祥仔脆脆豬扒飯，厚厚的豬扒蘸日本麵包糠炸得金黃香脆，咬落好crunchy，肉質鮮嫩多汁，好有水準嘅炸豬扒👍🏻。配飯上面淋上由意大利番茄、鮮蘑菇、法式香料煮成嘅醬汁，唔錯～加廿幾蚊轉套餐包埋兩日兩夜羅宋湯同飲品。正所謂好飲的羅宋湯一定要「過夜」，呢度就用個名講明比大家知，煮呢個湯真係需時兩日兩夜架。好多料好香濃，酸酸甜甜，飲落係與眾不同，香一分濃一分，仲飲到淡淡嘅香料味道，好味～我覺得祥仔服務好好，員工都好友善細心。而且年輕有藝術感嘅裝潢令本來較細嘅舖位光鮮明亮，入到去空間感十足，勁buy

星期四不樣的晚上，要好好地享受一下寧靜的港式西餐。 來刑尖沙咀K11 指定動作， 先量體溫，方可進入餐廳。餐廳裝潢十分 MODERN，用上不同的白燈和折射技巧，令餐廳相當光猛。今次吸引我來晚飯的原因是一位欣賞的張大廚，多年前他在柴灣經營的法國菜令我念念不忘。  以親民價讓庶民們可以吃其獨特廚藝，他將專貴的法國菜融入本土食材，令我很期待。餐牌印刷得和高級餐廳無異，可惜選擇真心小， 基本上都無須一星期已經可以試盡餐牌上的晚餐。 反而下午餐選擇比晚餐更多， 晚餐主要有碟頭飯牯扒餐， 但現埸所見， 九成人都是食碟頭飯。飯要升級套餐只加 $28 ，就有齊 和飲品。   上枱時熱辣辣，湯色澤比一般羅宋湯更深色， 蔬菜超多， 重點是加入了香茅，令羅宋湯更富層次，味道香濃不油膩，茄膏的酸；加蔬菜的甜、絕對令人有增進食慾之效用。 祥仔脆脆豬扒飯 $118  豬扒用上厚切黑豚肉，炸成吉列豬扒。 厚度比一般的豬扒厚一倍，不用太用力已可以切下，看到白色豬扒上的紋理夾住小許脂肪層， 口感彈形有嚼勁， 微微肉汁滲出， 肉味更濃。 唯一要改善的地方是炸豬扒非即點即炸的， 上枱時連餘溫也欠奉。 這碟飯令我十分期待

記得上次嚟呢度食下午茶，感覺唔錯，所以約了附近返工的朋友在此食晚飯，方便就腳，食完又可以行吓街買嘢。我一直都好鍾意食炸豬扒，之前都冇機會試過呢款菜式，今晚終於可以試吓招牌祥仔脆脆豬扒飯，比一般嘅炸豬扒厚，差不多有10mm 厚，好少見攞咁厚嘅豬扒來炸，因為好容易炸到又老又‘鞋’，佢哋嘅豬扒又淋又滑，有脂肪但唔會太肥，咬落去外脆內嫩，配合蕃茄飯，有幫減低肥膩感。俄國牛肉飯，估唔到佢哋用兩塊小牛扒代替牛肉，小牛扒亦好有質素，又淋又有牛肉味，醬汁同炸豬扒飯一樣，但會酸少少。酥皮海鮮濃湯要喺呢度招牌菜之一，平時啲酥皮係橢圓形，佢哋呢度嘅酥皮面做到好似一個半圓球形，所以更薄更酥脆，海鮮湯蝦味濃郁，湯內有2隻結實彈牙大蝦，味道濃淡適宜。加$28可以轉晚市套餐，有兩日兩夜羅宋湯同一杯餐飲，所以都將其中一個晚餐轉為套餐，羅宋湯餡料多味道濃郁。

今日係尖沙咀行街黎到K11. 見到開左間新既餐廳叫做Ricky’s kitchen 就係到諗點解咁熟既個名😂 之後就見到佢門口有好出名既廚師(之前睇viutv/now見到d cooking show) 見到佢之前訓練d小朋友都訓練得好犀利 估佢既餐廳應該都好正 所以就決定入去試下坐低後 好快就target左要叫啲咩食 今次叫左3樣食物1️⃣冬蔭公雞翼 平時係穩陣派既我，本身想叫瑞士雞翼就算😂但同行朋友話一場黎到就應該試下d出面冇得食既野 所以就叫左依個雞翼🤓 果然冇失望仲好有驚喜啊！炸粉完全唔厚 而且皮脆肉滑 肉汁好多 冇炸過龍既問題出現 隔離仲有青檸比大家可以自己加 大大咁增加左 個種泰國風味❤️2️⃣芝士煙肉長通粉拌溫泉蛋同行朋友係carbonara既die heart fans所以去到邊都一定會叫carbonara d frd黎食 今次依到既長通粉都絕對冇令佢失望呀！依到既通粉好好咬 完全做到al dente既感覺 食落去相信係少一秒都會feel到未夠熟！但依到既真係煮得岩岩好 另外值得一讚既係個煙肉好好食 肥瘦適中 又香口 令到我不停放入口啊😂3️⃣祥仔脆脆豬扒飯配兩日兩夜羅宋湯豬扒飯聽落去

今次試佢位於尖沙咀K11的店，我就點了手撕雞飯，至於我就推介我個朋友試Carbonara(因為佢今次係第一次幫襯)。 手撕雞飯少少辣，雞都算滑，加埋個油飯雖然罪惡感重咗少少，不過都係值得嘅。我朋友話個Carbonara真係無介紹錯，尤其是係隻溫泉蛋，搞混佢嘅時候D蛋黃流出黎真係正到無朋友，另外佢放在旁邊的芝士片真係好好食，在K11咁嘅價錢食到咁嘅質素真係物超所值。