祥仔 (K11購物藝術館)

營業中

休息中

祥仔位於尖沙咀K11內，可能仍然是限聚令下，所以人都不算多，食物方面分午餐、下午茶及晚餐每個時段種類選擇都唔算小，我今日就係食午餐，叫左蕃茄豬扒飯、葡國雞飯、粟米鮮班片飯，每個飯可以加HKD18在四個種類中揀一樣，當中包括兩日兩夜羅宋湯、雞翼2隻，重有2樣唔記得係乜🤪，食物質素好有水準，我最like 蕃茄豬扒飯，豬扒厚身，夠鬆化，蕃茄汁非常好味，另外真的要提一提羅宋湯，用2日2日新鮮熬製而成，味道非常好味。👍🏻

在K11見到這一，還以為是吃中餐，沒想到原來是Ricky 的menu. 立馬進去支持。蕃茄義大利粉，吉列豬排飯個味道都不錯，賣相也挺好的，坐的位子也很舒服，服務也很體貼，為一時食品來的時候涼的比較快，不知道是什麼原因.

Ricky Cheung在武漢肺炎時沒有如其他Celebrity Chef般退縮, 反而以”祥仔”名義大展拳腳, 短時間在九龍開了三家餐廳. 以他在西餐界的多年經歴, “祥仔”賣的卻是茶記食物, 如焗豬扒飯. 當然以他的經驗及名氣, 還有店舖處於黃金地段, 定價不會便宜, 這可説是貴價茶記又或是Hi-End茶記, 從粟米斑腩飯可以見到. 午餐收費一百三十多元連加一, 用料當然不是普通茶記用的鯰魚塊, 而是真的用上石斑, 做法也不是單純的炸, 而是有蒸有炸, 想令我們感受到用料的新鮮和誠意. 粟米汁質感濃厚, 並不只是透明的獻汁料, 粟米甜而汁料本身帶有適中的忌廉味, 只是份量偏少, 特別是只有三塊的斑塊, 吃得不太飽, 斑塊和粟米汁分開烹煮, 可惜的是斑塊不能吸收粟米汁的甜香, 味道上有點割裂, 也少了”碟頭飯”的典型港式茶記風格. 至於瑞士汁雞翼, 瑞士汁能滲入雞翼內裡, 味道偏甜, 合格水準, 但十八元兩件的定價, 又是有點Overpriced了.

疫情彌漫下祥仔亦叫苦連天, 作為客人的我們坐得鬆動, 因為晚餐入座率大概3成, 當然餐廳人手亦作出調整, 是夜只試了3款,零油膩蝦多士$88 呢個話明唔油膩當然唔油膩啦!因為係"焗"所以唔油都好合理, 兩件蝦多士最占成本係兩只蝦, 其實細心睇在裝飾上還灑了一手櫻花蝦, 不過食的時候就唔多覺啦, 每件盛惠$44.00 漂亮的擺碟就當是成本之一吧!爵肉牛柳$178相當工整, 味道沒有超越想像之外, 做出懷舊風格, 黑豚肉粒飯(鮮栗粟米粒)$118 始終還是”佢"最好, 勝價比高, 外型吸引, 服務方面維持在標準之內.

好好食嘅classy 茶餐廳，兩個飯啲材料都好高質! 啲肉入口即溶。上次嚟試完個熟米肉粒飯，忍唔住兩個禮拜後再嚟過。今次試埋個葡國雞飯一樣好好食😋 坐得舒服又乾淨應該會成日嚟👍🏻

今晚因慕Ricky Cheung 之名而首次光顧祥仔。但令我有些失望! 雖然主打大眾化路線，但餐廳位置和價錢並不是如一般茶餐廳。這點可以理解。可惜，餐廳的服務水平欲如茶餐廳式大排檔! 我和太太選了蒜香橄欖油意粉和焗豬扒飯套餐，有湯和餐飲。首先上湯，分零鐘後餐飲送到，緊接而來是主菜! 餐桌根本不夠空間放下而且湯和主菜都不夠熱! 另侍應亦不見得有好的培訓! 本人並非期望有五星級水準，只是希望消費和服務成正比!

今日去到K11 Art Mall #祥仔 試下K11限定葡汁雞球飯、祥仔脆脆豬扒飯、2日2夜羅宋湯、祥仔秘製瑞士雞翼，雞球同豬扒肉質嫩滑，幾好食，但我覺得醬汁比較淡味，份量好夠，食得好飽，但最失望就係原先諗住去食蝦多士、焗蟹蓋，要晚餐先有得供應，如果午餐都同樣有得食就好喇

一客脆脆豬扒飯$138+套餐$28有野飲再加一，埋單$16x,一的都唔符合期望，豬扒硬+乾身，肉好似醃製咗好耐，真心食唔晒一塊，奶茶自己加糖膠，一見到都知吾好飲，無味仲要鞋口既，收人16x,俾啲咁嘅嘢客人？！如果價錢係$58係合理羅！總之我唔會再俾機會佢！

有人話過「愈普通簡單嘅野愈難整得好味」前幾日幫襯完祥仔後 就感受到呢句說話嘅真理/睇晒成個餐牌發現大部分都係一啲港色茶記嘅「普通野」只係換個靚名咁大把/但當菜式上場後 你就發現唔係換個名咁簡單瑞士雞翼 擺盤好靚雞翼色澤均勻亮麗 一望就知入味食落去發現好腍 但又唔係煮過頭 因為入面嘅肉仲係好嫩滑 同埋發現佢同外面嘅瑞士汁唔同 冇咁甜之餘仲多左幾分薑同花椒八角味唯獨5隻黎講 2-3人食的話唔係好分得勻黑豚肉粒飯$118咪即係粟米肉粒飯 有咩咁特別呀 賣成$118？但食落發現佢個汁 唔係一般茶記嘅死甜 甜得黎有浸新鮮味道黑豚肉好大舊 同肉粒嘅大細差好遠 我諗切咁大舊係為左保持黑豚嫩滑軟熟嘅口感 食落去都幾滿足但$118我都係略嫌貴左少少沙丹豬扒$168極大份 女士們一定食唔晒切落去有啲難度 但食落都係好嫩滑 同埋仲好Juice其他配菜都好出色 隻蛋我係直接成隻放入口食 個蛋汁好甜西蘭花 椰菜花 唔會有果種白烚水味粟米好甜咁大塊扒同咁多出色嘅配菜 真係得住呢個價錢呀%總結：其實呢間餐廳食呢類菜式黎講 價錢係貴嘅賣啲野好普通好常見甚至係一啲難登大雅之堂嘅菜式/但佢又將一啲外面好普通嘅野 整到唔普

個熟米肉粒飯好好食。唔係用罐頭粟米，啲豬肉大大粒但係滑到好似牛脷嘅texture 😋 招牌炸豬扒都好滑但係我覺得個飯嘅茄汁唔係好夾。杯奶茶好，飲環境亦都非常舒服會再嚟👍🏻

非一般的港式茶餐廳，明亮裝修，位置闊落，似日式風既感覺。聽講大廚好出名，於是試下有幾特別😶.▪️蕃茄羅勒蘑菇芝士意粉$98▫️兩日兩夜羅宋湯 $18幾期待呢個聲稱要煮兩日兩夜既湯，但飲落除左比平時飲開既較濃郁之外，都冇咩特別...▪️葡汁雞球飯 $108飯同餸既比例怪怪地，啲飯少到我以為自己叫左迷你版～不過葡汁好入味，雞肉都好軟熟。▫️祥仔秘製雞翼 $18食落有少少似食薑醋版既豉油，幾新奇既口感，不過試一次就夠⋯▪️熱奶茶▫️凍檸茶

屋企人話大廚幾出名所以就過黎試下，但食物質素真係麻麻，服務態度亦唔算好唯一推薦係瑞士雞翼，加左花椒/八角幾特別，好食，唔錯。見好多人推介就叫左爵肉牛柳。個menu食明有咩dietary requirements可以落單嗰陣講，因為唔食得太多澱粉質，所以我就有問可唔可以將薯仔轉其他菜/撤走，但waitress話唔得。唔緊要，當你真係有規定唔可以轉啦。上菜好快，啲肉唔算熱辣辣咁上。肉質麻麻，熟度唔平均。只可以話如果你想食牛就去第二間食啦。Waiter/waitress服務態度麻麻地，攞碟落枱幾重手。仲有好多細節位都令人唔想去食多次。普通茶餐廳質素。想快食嘅都ok，但想食好野就不了。

星期日同屋企人去食early dinner，去到果陣5:45pm，都唔算特別早，但已經係餐廳嘅第一枱客。//首先上咗個小食(個樣冇特別，所以冇影)，然後羅未湯。個湯充滿蕃茄味，有蕃茄容，小小辣味，好飲！//叫咗個冬陰公雞冀做小食，要知道好多餐廳都係求求其其比個sauce就當完咗，反而呢度冇sauce，將冬陰公嘅味注入雞冀，表皮炸到又脆又juicy，正！//脆脆豬扒飯。平時食開果啲係一齊上，飯+豬扒+蕃茄汁。呢個分開上，保持咗豬扒嘅脆度，唔會因為個汁令到豬扒表皮淋咗，食客可以根據自己喜好食。豬扒係真心脆，而且好厚，食落好有質感，因係略嫌唔夠豬扒味(但後來試淨豬扒，覺得好rich豬扒味，唔知係唔係因爲煮法唔一樣，定比其他味搶咗)。但overall係好食嘅，對得住「脆脆」呢個名。//Overall high quality，值得一試，睇得出係有心機都煮，價錢亦都算係公道

經過左好多次K11都好想黎呢一間傳說中嘅’祥仔‘黎試吓我哋兩個人叫咗一個叫做脆脆豬扒飯 另一個叫左芝士煙肉長通粉 啲嘢飲我地冇乜興趣 所以就冇升級左套餐 脆脆豬扒飯 香脆嘅外皮加埋滑嫩嘅豬肉再配埋佢個飯嘅茄汁其實成個餐係好好味 不過因為個飯太多茄汁 食落去其實有啲鹹 所以我哋就叫侍應提供兩杯水俾我哋 點知呢個就係不滿嘅開端我哋叫咗水大概係10分鐘左右冇人理我地 我哋再叫返同一個侍應提供水俾我哋 都係冇人理過我哋嘅 咁跟住就聽到隔離枱嘅客人都要問侍應攞水嘅時候 個侍應係極速5分鐘內就可以比到一杯水比佢哋 令到我哋好不滿 咁都算！ 我哋叫買單嘅時候我哋舉手係完全冇一個侍應係理我哋 就算有侍應見到我哋舉手 都係推比另一個侍應 然後另一個侍應見到我哋話買單 之後呢佢就唔係第一時間去櫃檯嗰度幫你埋張單 佢係繼續做自己野之後黑住面咁走左去 扮聽唔到 後來再有另一個侍應幫我哋買單嘅 呢個服務態度真係令我刮目相看 野食幾好味都冇用 服務態度已經令人成肚氣！

原本想約朋友早點食晚餐，之後可以輕鬆地返畫畫班。 最後好朋友有要事，遲了點到食店。 但是無損我們食晚餐的雅興，很快地決定點菜，店員又很體貼地按我們指示才起菜。 這樣朋友到來，不至於一個人食時朋友到來菜式變冷。在K11內的祥仔，我們也是第一次到來，鄰近尖沙咀地鐵站在K11出口，非常的方便又容易找。 Shopping 或看完電影，放工後約好三五知己食晚飯，是最佳的選擇。電話箱常見到的Chef, 看他的菜式很是美味的。今天可嚐試一下味道祥仔精選menuRicky's Crispy Pork Chop Rice早陣子，上網研究豬扒飯的烹調，原來看似簡單，其實一點也不簡單 的菜式。 要煮的香口又好味道的，真的不容易。 今晚可以嚐試一下脆脆豬扒飯了祥仔脆脆豬扒飯 ：朋友跟我異口同聲說脆脆豬扒，炸的不油膩；脆脆豬肉不乾，有肉質嫰滑，有肉汁真的好味道😋😋很喜歡豬扒飯的茄汁，好豐富，不單止有茄汁，其實汁入面有豐富的蔬菜，酸甜不油膩，配飯配脆脆豬扒，真的好配合及好味道。Smoked Fish Filled With Fresh Fruit Salad 煙燻魚柳配鮮果沙律煙燻魚，起菜時，見到及聞到一絲絲煙燻