祥仔 (K11購物藝術館)

營業中

休息中

位於九龍尖沙咀河內道k11的高級港式茶餐廳 ，可由尖沙咀港鐵站地底通道步行直達，非常方便 。店內裝潢明亮雅致，座位寬敞 。店內供應港式茶餐廳經典食品，味道不錯，而且店員有禮，態度即極，用餐體驗良好 。

今日朋友生日,我們往尖沙咀K11食晚餐,朋友點了牛舌司華力腸粉和葱油朱扒煎蛋飯配羅宋湯,我點了脆皮雞扒飯,配黑椒汁,雞扒炸得金黃香脆,雞扒好厚身,食落香脆啖啖肉,口感一流,黑淑汁辣度適中,我另加了$10配太陽蛋和香腸,太陽蛋有蛋香,拌飯一流,香腸食落爽脆,而白飯飯粒分明,食落軟綿,整碟黑椒脆皮雞扒飯,食落啖啖肉,口感滿足,另外我加了$4凍奶茶,茶味香濃,奶味香滑,餐廳座位闊落光猛,坐得舒適,適合朋友聚會,而且食物價錢合理,食了一頓美味脆皮雞扒飯

星期六下午去 不用等位食物好味叫左一份西多士同埋芝士撈丁一貫既港式味道食到人好舒服紅豆冰既紅豆好淋羅宋湯料很多 好味道西多士有花生餡，有咬口港式奶茶絲滑香濃，值得推介

I recently had the pleasure of dining at this restaurant, and I can’t recommend it enough! The atmosphere is incredibly friendly, and the staff are kind and attentive, making you feel right at home. The food is absolutely delicious, offering a variety of options that cater to different tastes, all while being budget-friendly. Plus, it’s great to know that you can redeem k-dollars here, making it even more convenient to enjoy a fantastic meal without breaking the bank. If you’re looking for a pla

下午茶嘅價錢不高，品質不錯！我今次試個 沙爹牛肉麵，味道都好濃，喜歡濃味嘅人就啱食啦！另外，跟餐嘅多士非常鬆脆，好味！雖然下午茶嘅人流唔多，各位服務員都好好人，值得支持一下！

祥仔餐廳比普通茶餐廳高級少少，招牌脆脆豬扒飯外脆內嫩，份量足夠。不過近排再飲佢嘅羅宋湯，覺得比以往稀，有少少溝咗水嘅成份。午餐通常太大份，偏向選擇下午茶套餐。整體用餐體驗愉快，值得一試！希望餐牌可定期更新，保持新鮮感。

行到有點累，在尖沙咀K11見到祥仔，享受了超值下午茶。尖沙咀市中心難得有超舒服的環境。麻辣雞扒加滑蛋公仔麵很美味，加上熱檸茶才港元48,值得一試。下次要試下香辣惹味的美國安格斯牛柳粒意粉晚餐。

祥仔下午茶，令人讚不絕口。五點前入座，可以享用價廉物美嘅下午茶。記得加$3轉兩日兩夜羅宋湯。豬扒肥瘦適中，羅宋湯味道濃郁，令人不得不一口一口地喝完了。飲品嘅選擇也多元化。

粒粒花生厚味突出，脆口甜而不膩，內軟流心花生醬，大件夾抵食，啖啖滿足食慾，口感豐富，熱騰騰夠可口，堪稱香港之經典食品，難得價錢不太貴可接受，值得重臨再食和推薦。

一月一日假期黃昏時間都容易搵位。足料羅宋湯，有少少辣但我唔食辣嘅都可以。加上黑椒牛舌意粉，呢個真係辣咗少少。但係好味道。最後加杯後上咖啡，簡簡單單又一餐。正😋

行完街有點肚餓，經過K11 Art Mall 選擇咗祥仔。試咗佢哋新出嘅鐵板餐A+ B餐，雞扒勁厚飯勁多超級飽肚，但羅宋湯就一般而且不太熱。呢個餐價錢$98都可以一試。

又到3點3下午茶時間，這次與朋友來這間茶餐廳，是因為被他門口大大的下午茶餐牌吸引🤩而且這茶餐廳裝修蠻有格調，不是平時的港式茶餐廳。一坐低必定要點很邪惡的經典特厚粒粒重量級西多士，西多士比一般的厚身，一切開花生醬已流出來，看見已非常有食慾。另外侍應好nice還推薦我們食秘製瑞士巨人雞髀，真的很大隻，瑞士汁甜甜的，但最驚喜是食到淡淡的花椒香味，之後慢慢feel 到舌頭有點麻麻的，但不辣的。飲品點了有特色的話梅雪碧菠蘿冰，賣相吸引，而且菠蘿味很濃加上淡淡的話梅味，口感清新。

之前嚟過一次服務正常，黑椒牛肉意粉亦ok。不知是否聖誕假期原故還是其他原因😒食物及服務質素明顯不達標準 😟叫了一客招牌脆豬扒飯豬扒正常，但係個飯係室溫的，等咗5分鐘催促之下先換來熱的飯，但係個豬扒都已經唔熱啦。另外叫了黑椒牛柳粒意粉，個羅宋湯完全冇嚟到。直到個黑椒意粉都嚟埋，我投訴個湯仲未到，佢check完張單拎羅宋湯嚟。我同佢同事講，如果佢係個客人佢有咩感受。但係佢係個頭向住其他方向而唔係望住客人講唔好意思。咁嘅服務質素真係唔得另外個牛柳粒真係嚡到一個點。絕對唔會再去。

今日同老公去尖沙咀K11試吓祥仔，叫左個西多，西多好正好多醬汁豬扒包夠趣個豬扒夠口夠肥，仲好多洋蔥添侍應服務好周到，態度良好，非常值得推介下次一定會再嚟過K11

17/12/2024 和朋友在《祥仔》惠顧兩客鐵板餐，朋友要雜扒餐，我要了 $128 三餸鐵板餐，選了牛舌、豬扒及雜菌，牛舌很腍，香茅豬扒及雜菌都不錯，另加$28 有鮮果沙律，很好味，讚！如果點 $98 鐵板餐，飯就放在鐵板上，但 $98 鐵板餐性價比更高。至於 $178 雜扒餐，就係食肉獸嘅選擇。我們又要了花椒瑞士雞翼，$58/5隻，花椒油不算辣，幾特別。另加了一客葡撻，真的很好味，一定要一試。至於兩日兩夜羅宋湯就一般，沒有預期精彩。