祥仔 (K11購物藝術館)

營業中

休息中

好耐冇出街食嘢啦，今日放工華生話要出去食嘢，約咗喺K11集合，經過呢間祥仔，响長沙灣個間食過2次，覺得好味，可以介紹華生食，於是就決定响呢間食。想再食粟米星班飯，可惜晏晝午餐先至有，晚餐冇得食...咁就揀咗個扒餐、一個沙律、乳鴿。煙燻魚柳配鮮果沙律$68沙律擺盤顏色好靚，水果新鮮味道清新，魚柳熱辣辣，腍得來有質感冇腥味，出乎意料咁好食祥仔秘製瑞士乳鴿$108乳鴿又係另一驚喜，柔若無骨嘅乳鴿，瑞士汁又香入曬味，滋味得來味道啱啱好鐵板食物加 $28可以升級套餐 ，就有羅宋湯+飲品。 呢個兩日兩夜羅宋湯好似好出名，侍應話冇牛肉所以我都有飲，飲落去好順喉，鮮香甜美，好味。沙丹豬扒$158材料好豐富，除咗豬扒，有新鮮白蘑菇、粟米、車厘茄、火腿、太陽蛋、焗薯、洋蔥、三色椒...店員幫忙把醬汁淋上，熱辣辣鐡板發出吱吱聲，香味四溢。焗薯配上忌廉汁同煙肉碎，好味開胃。厚厚的嘅豬扒2個人分享，豬扒又腍又濕潤，肉香豐富，真不錯。新鮮菠羅冰$20餐飲加$20改咗特飲，入面有新鮮菠蘿，充滿菠蘿嘅清香，味道清新又解膩。