神山麺屋 (創紀之城五期(apm))

營業中

休息中

曾經,香港好像自一蘭來港後,就掀起了一股拉麵熱,好多日本名店來港,好多都排長龍.以前,未有這股熱潮時,大家好像都以吃味千拉麵為正斗.我呢,在日本廣島食過沾麵,則念念不忘,卻未必有迴響.簡單介紹下,沾麵是拉麵的一種,但麵還麵,湯還湯.食法就是用筷子把麵放進湯裡沾一沾再吃.麵冷湯熱就可以保留麵的彈和韌,湯的濃和香.麵食完,剩下的濃湯可以加水或淡湯喝完.湯太淡不成事.所以,沾麵一定講究麵硬,湯濃.今天,到APM的神山麵屋,據聞超人氣,常排長龍.我一個人,晚上九點多,去到直入,坐低,不需一分鐘.叫了麵屋主打:神山沾汁麵,另加一罐雪碧.麵上枱,合符商品說明條例,實物和相片有九成似,好野.麵不算多,一位女士吃應剛好,一位男士吃可能要兩倍份量.蛋是流心蛋,算中上水準.燒肉,是厚切.我坐BAR枱,對正個開放式廚房,見到由兩舊長肉放上鐵枝板燒熟再切細.所以,每舊肉都有鐵枝燒過的烙痕,又保留到肉汁和彈性.湯,用湯勺喝一啖,入到口,不稠.之後唔加水都可以喝光.有肉體沒有靈魂,有形無神,可惜這不是拉麵.值得一提,開放式廚房裡都是美少男.單身女士建議一去,睇美男食沾麵,必定為麵屋加分!!

💓當我好掛住日本 🇯🇵我就會去食拉麵 🍜.之前聽朋友講apm有間麵屋好正啲豚肉大大件🤤抵食又好味👍🏻於是今日上網搵資料原來叫「神山麵屋」於是慕名去左試☺️.個人黎講💁🏻‍♀️我鍾意食沾麵多啲因為我個人不嬲重口味嘅🙈黎到神山麵屋都唔例外💋餐牌第一頁就係「神山沾汁麵」唔洗諗即刻試😍.首先試左個沾麵汁好香木魚味🍜個汁好厚身好濃郁但唔會係油淋淋當拉麵放落去攪幾下再夾上黎食個汁係會掛到啲麵嘅🤤好夠味好正💓之後緊係試豚肉啦果然名不虛傳唔係平時煮到好似煲湯豬肉咁嘅質感係有口感得黎但又唔會太勁纖維咬唔開而且同朋友講嘅一樣係好大舊其中一舊嘅surface area佔左1/4個碗厚度仲有3至4cm🤤真係啖啖肉呀👏🏻.💓 #神山麵屋 絕對會係我再去嘅食拉麵嘅首選啊

之前聽朋友講好好食，啲肉燒得好好所以就去左試啦！晚餐時段都要等一陣位。朋友同我都叫左皇牌既神山沾麵，一望落去舊肉已經好吸引！個湯飲落去係有好濃既豚骨味道，而沾面就粗身面，好彈牙，好易可以掛湯，成個配合得好好～湯入邊嘅豚肉係師傅捉緊個火喉後燒好既，望上去以為啲肥豬肉會好膩，但其實咬落去一啲都唔肥膩，好岩我口味～😋鐘意豚骨味既朋友仔應該會鐘意，價錢都可接受！店員服務都ok！如果鐘意食沾麵都可以黎試試喔！💖

最近非常喜歡食拉麵，最近常常到家附近apm食神山拉麵，特別喜歡叫神山豚角沾麵😋😋，超級好味豚角半肥瘦煎得不油膩，肉質咬下一層一層的感覺😋加上個人10分喜歡沾麵，沾麵湯底是濃濃的豬骨湯！超正😋

朋友知我鍾意食沾麵，一直都話有一間好介紹想帶我去，咁岩去開觀塘，即管試試吧呢間神山麵屋最著名既係角煮，即是「日本版東坡肉」，老老實實，我就第一次試！睇相好似好肥咁，唔知會唔會只係食到成舊肥咁呢？？咁我就因應朋友推介叫左個最普通沾麵配角煮，再加個蘋果沙律！蘋果沙律不錯，有d芥茉味，但反而提升左成個沙律既清新感覺。麵終於來了，今日主角係角煮，緊係試左佢先，嘩。。。。真係好味喎，舊肉煮左好耐好淋，但係佢煎香左，味道少少甜加醬油味，d「LONE邊」令舊肉好好味，成個層次提升左，如果佢只係普通咸味，都會無咁好味，個味道較得岩岩好，醬油味再加少少甜，真係一流！至於個麵同湯都係普普通通，因為舊肉太高質了！呢一餐我會俾7/10 分，會再來試的！

現在回想起來，今次已是我第三趟來此吃麵了。拉麵狂人這一個稱號，可真不是白叫的....這一次又有同樣愛食麵的小友相陪。前兩趟來都點沾麵的我，今次就嚐新，點了碗白神山豚角拉麵....湯夠滾熱，油份雖有點高但算夠味濃；麵的掛湯能力很好，質感也不太淰軟；豚角煑醬油味重肉亦軟熟；溏心蛋能營造出流心的效果，蛋黃味甘甜....小友吃的叉燒沾麵，小弟上次已試過，故今天就不便與他爭食了....今次反而有機會試一下這裡的小食。這一味沖繩炆豬腳，入味而肉跡近軟爛火喉十足；旁邊的大根盡嗦鹵汁入口淰甜，吃起來比豬腳更妙....日式的煎餃子平時就食多，但湯餃子就好像較少試....此品最大的敗筆是餃子被湯浸著底下，一夾起來就已全散，跟著所有的餡就全掉入湯中。在這情況下，再好食的餃子都是枉然的....縱然吃到一碗令人不爽的餃子湯，但若論主角麵本身而言，這兒仍是做得不錯....

上網見咁多正評就特登去試吓個招牌沾麵同try try個唐揚石池魚。上枱先係唐揚石池魚🐟（唔記得影相）：排得靚靚，一條條小魚响碟上，熱辣辣，襯上小小酸嘅汁加有啲微蒜同watsabi，感覺啲魚唔油膩，小魚冇骨，成條啪都冇問題。神山沾麵🍜：賣相的確唔錯，不自覺地又同我的最愛3️⃣田沾麵比較一下：麵：神山勝的確啲麵爽口，放耐咗都冇黏埋一舊，完全唔難鬆開汁：神山敗咸唔夠香，好在汁身唔太杰，汁長時間都可以輕型掛上麵上肉🥩：神山勝舊豬腩超厚，應該有一吋厚，🔥燒過有肉香，雖然有厚厚肥糕但咬落甘香，一啲都唔油膩，不過咬一啖好喇，成舊食哂(total兩舊）真係找死⋯⋯蛋🥚：神山敗浸得太耐，有苦味兩勝兩敗睇你鐘意食乜，在下對沾麵情有獨鍾，食沾麵只追求麵與汁和諧，所以一個巧味嘅汁會係大比數勝出，但如果只係貪過癮食吓沾麵咁都一試無妨。

今日同仔仔去觀塘辦事，正值中午時間就揀左尼件餐廳因為d野arm阿仔口味。首先叫左神豚燒沾汁麵（$85）同仔仔share。叫尼個麵係因為見到 poster 張相好似好好味。個沾汁好濃好結有d似豬手汁幸好唔太鹹。個麵上面有兩大塊烤豬肉片係幾惹味有炭爐燒過的痕跡。麵上面有個糖心蛋呢個係最好味。個麵的份量就就比較少。另外叫左兩個小食燒鱈魚捧（$38）尼個就好香口阿仔好鍾意因為又香又脆，但係我覺得很熱氣不能多吃。另外個係日式炸雞配芥末汁（$38）尼個就比較麻麻因為炸得比較乾同埋唔夠香。埋單有加一要差唔多$170。唔係好飽因為每樣份量都好少。應該唔會再來了！

突然想吃拉麵，便找了一位朋友陪伴到了觀塘的神山麵屋去吃拉麵。裝潢是日式設計，故配合拉麵店的設計。且環境整潔，故環境有4分。服務比一般餐廳好一點，入坐後，員工便會奉上熱茶，且員工十分有禮，故服務滿分。雖然神山麵屋有名的是沾麵，但沾麵一般是較鹹的，但我比較喜歡淡味的東西，故這次還是選了湯麵品嚐。我們點了醬油雞叉燒拉麵及和風蘋果沙津。醬油雞叉燒拉麵比我想像中還是鹹了一點，但雞肉細嫰，肉厚，故仍是不錯。且我很愛吃筍，而這裡的筍爽口，沒有渣，故也不錯。而和風蘋果沙津是十分開胃的前菜，內有蘋果及青瓜，份量十足，故也推薦。

以前有段時間系觀塘番工，一放工就黎幫襯真系食過無數咁多次。自從轉左工就好少黎觀塘啦，不過今日突然想起呢間沾麵店就黎回味一下先系香港系沾麵好多既湯都好咸，我覺得神山已經系咁多間入面做得最唔咸果間，佢好多款我都食過，我覺得最好食系之前既神海老，勁大隻蝦又有膏又啖啖肉，如果再出番一定會再黎食。今次冇簡到沾麵，簡左黑蒜油拉麵，拉麵的麵會冇沾麵咁粗，但如果同一蘭果d專做幼麵既比較當然都系粗身啦。一試枱就哇左一聲，好黑呀，好香呀。但食落我覺得油左少少，頭幾啖蒜味幾香，但越食越油就食唔出蒜味了～不過要讚佢既角煮，即系五花腩，好淋好滑大大舊，但如果怕肥既眼友就要諗諗啦，因為肥膏都好多下。小食叫左雙色牛舌同炸雞。佢個牛舌好味到我每次黎都必點，一味系凍食玩沙律鹽汁，好淋好軟。一味系熱食配醬汁，惹味得黎又香口，仲好彈牙。另友炸雞系第一次食，即炸熱啦啦，炸漿好薄，要讚下個芥辣沙律醬，好夾個炸雞又唔攻骨，正呀！店員的服務態度都好有禮貌，每次黎都會推介一下今期的限定沾麵絕對唔系擺底餐牌就走

woooooooo個汁超菇菇啊 git tart tart好厚身的沾汁😋😋"曲麵"夠粗夠彈 簡直係拎得起掛得住😎😎 啲汁可以乖乖地sit喺條麵上面😄😄仲有好多鮮雜菌啊😍😍戈兩舊肉我就麻麻哋啦😏😏personally唔鍾意炭燒stuff😐😐肉質同肥膏都不錯嘅🙂🙂喜愛食燶燶der朋友就會like🤗🤗味道：7/10神山麵屋松茸沾汁$88📍觀塘

約左friend去apm食野。平時行過apm都見到神山拉麵好多人排，今日唔洗排就試試佢。之前佢開業冇耐聽d人講麻麻，可能因為水準不穩，但今日試過之後，終於明點解成日keep住有人排因爲好好食。唔單止好食，服務員都好nice我同我friend都叫左沾麵。個濃湯鹹度適中，有好香既鮮魚同豬骨味。個拉麵係粗身彈牙，配埋湯食好正值得再黎！唯一要改善既就係個玉子要再流心d。其他都perfect。份量夠，食到好飽

今日嚟到神山麵屋唔係食佢嘅招牌沾麵，係試下佢嘅番茄豚肉片拉麵，豚肉片份量算多，番茄湯底香濃好好味，開頭以為圓型個粒係蒜蓉，一咬落去原來係薯蓉嚟㗎，口感好滑，我好鍾意食比較爽口嘅麵，呢到嘅麵軟硬度啱啱好，一路食一路飲d湯，不經不覺飲咗大半碗，好飽。神山手造煎餃子咬落去有肉汁流出嚟，可以話係皮脆肉嫩，正呀！另外一提我當日坐係吧枱，一路食一路可以睇到師傅們認真工作，真係辛苦晒佢地我先可以食到咁好食嘅拉麵。

近排有股沾麵癮🤤黎咗呢間係apm既神山麵屋試下😍除咗店員好有禮貌會同客人交流 沾麵都好唔錯入座後會遞上熱麥茶同介紹沾麵款式俾客人 成個感覺好良好🥰-#神山沾汁麵麵條粗身 唔會漿住一舊 口感彈牙有咬口😋而且有坑紋 令掛湯力更強 每一條麵條都可以沾滿湯汁😆沾汁質地濃稠 充滿濃郁既豚骨同魚介味😍唔會過咸 好啱我口味👍🏻重點係好夠熱 黎到個陣仲出煙的😆而厚燒豚肉更為驚喜！因為我坐係吧檯望到師傅燒住原條豚肉🤤再切出黎擺係碗沾麵到 食慾大增啊😳肉同脂肪既比例完美 面頭燒得焦香微脆❤️咬落去肉好腍好嫩仲好入味🤤帶微微炭燒味🔥仲有不可不提既原隻溏心蛋🥚滷過黎更好味 夠軟心夠畫 而且咬開非常香🥰整體無乜挑剔位 湯底麵條燒豚肉溏心蛋都非常出色👍🏻-呢到除咗沾麵 仲有好多小食、炒飯唔同野食嗌～沾麵咁出色，玉子飯又掂唔掂呢？😝👇🏻-明太子玉子小碗飯 玉子炒得好軟滑 雞蛋香味十足又滑又多蛋汁而且都幾厚😍💕蛋係無調味過的 所以成碗飯係靠個少少明太子同飯入面既醬油提味🧚🏻‍♀️但始終成碗飯味道太淡 就咁食會比較寡🤨可能配埋啲小食送飯食就perfect啦！我認為呢到既沾麵更為出色❤️但對於鍾意滑蛋既朋友都值得一試！-雜果賓

平時拉麵吃得多，偶爾吃吃沾麵也不錯「神山麵屋」是日本過江龍，開業時便想來試了，可是遲遲未有時間今天終於能試試這間馳名沾麵店神豚燒沾汁麵（$85）餐具、湯碗都極具特色，富有日本的傳統風味與拉麵相似，湯底、配料、麵質都可自由選擇及搭配一碗出色的沾麵，除了湯底夠濃郁外，麵質也是十分重要的幸好，這碗沾麵各方面都做得不錯湯底十分濃郁，其鹹度是可以接受的（曾試過其他店的沾麵，湯底鹹得無法接受）沾麵煙韌彈牙，頗有口感至於配料的部分則不過不失，豚肉偏瘦，如果肥肉多一點點會更好溏心蛋也做得不錯，夠入味整體而言，份量是充足的，價錢也合理，喜歡沾麵的朋友不妨一試