磯野水產

營業中

休息中

拍拖周年晩餐，好鐘意佢用時令嘢，嗰期啱食咩用咩，嘢食新鮮好味店員有禮貌，知道第一次去會詳細介紹餐牌菜式食法多，好多海鮮都可以揀刺身或者燒，大啲嘅海鮮例如魚同龍蝦嗰啲有得兩食，幾好

磯野水產 (銅鑼灣) 超高質日本居酒屋，磯野水產，海鮮超級新鮮，服務態度優良，week day lunch hour 都全場爆滿就知有幾好味!🏮💥浜燒貝類盛合（$698）必叫！啲海鮮全部都仲好生猛識得郁，店員逐樣燒好送上，海鮮超級清甜又大隻，太好味了🥹🥹🥹Lunch time都有一人前 $188都可以試下！仲叫左兩個lunch set ,包埋有海鮮味增湯同漬物，啲配菜都咁高質海鮮味噌湯有成四隻 蜆兩粒蝦💥 磯燒壽司盛合$188 每件壽司都好新鮮好味，高質！💥帶子三文魚煙肉意粉$168足料又好味😋整體食物都非常高質！會再encore !好似去左日本食磯燒水產咁🥹🥹🥹味道: 8/10環境: 8/10服務: 8/10人均消費:$300-600

磯野水產 (銅鑼灣)銅鑼灣日本居酒屋，裝修有格調，地理位置十分方便，新鮮日本海鮮直送食材，高質推介！前菜-野菜條沙律伴鯷魚醬青瓜/甘筍/梨 配鯷魚醬鹹香，別有一番風味，值得一試💥浜燒貝類盛合（$698）必叫！貝殼類海鮮為主，文蛤/白貝/貴妃蚌/鮑魚 ，清甜美味，又無沙，肉質爽彈嫩滑，非常有口感，中保留陣陣海水鮮味💥 磯燒壽司盛合$188 時令刺身壽司，仲有深海池魚脂味厚實，口感爽彈💥帶子三文魚煙肉意粉$168卡邦尼意粉好彈牙，加埋三文魚煙肉，口感豐富又飽肚地址：銅鑼灣軒尼詩道525號澳門逸園中心19樓#銅鑼灣美食#日本美食#居酒屋#壽喜燒#磯野水產

疫情以來，已經很久沒去過日本了。女朋友知道我思鄉愁緒，特別訂了這間磯燒餐廳，以緩我抑鬱心情。餐廳位於銅鑼灣中心的高層，靠窗能一覽繁華景緻。裝璜簡約日風，很是對我的胃口！前菜：前菜為一款蘿蔔及青瓜條，配上鯷魚醬！蘿蔔及青瓜條一口一爽脆，鯷魚醬再微溫下更顯鮮甜！磯野浜燒貝類盛合：分別為活龍蝦、赤貝、北寄貝及鮑魚。龍蝦開半並拿去浜燒，個頭很大之餘，更舖滿香濃的蝦膏，令燒得香嫰的蝦肉更加惹味！七款刺身分別為：牡丹蝦、北海道馬糞海膽、深海池魚、帶子、北寄貝、三文魚及中拖羅！牡丹蝦除了肉身鮮甜，蝦頭更可加$50 去熬湯！馬糞海膽在紫菜包裹下，仍然鮮味十足。深海池魚及中拖羅油脂感邪惡，帶子個頭十分巨大，而且與北寄貝一樣，味道新鮮香甜，比坊間一般的更見新鮮！現在店舖的清酒在做著買一送一的優惠，適逢小弟生日快到，女朋友即席點了兩支清酒，店員更貼心的安排了生日板配甜品，很大心思。

一入到去其實好有日本色彩居高臨下，即刻可以放鬆心情同朋友好好吃喝一番店員推介而家做緊清酒買一送一飲唔晒仲可以keep喺度留返下次同朋友再嚟嘅時候飲前菜係鯷魚醬配搭住青瓜條、蘿蔔條一起吃更加能夠帶出鯷魚醬的鮮味刺身選用左時令既刺身魚7品深海池魚、北海道海膽、中拖羅、牡丹蝦、帆立貝及活赤貝出邊好少食到新鮮嘅活赤貝刺身，同埋好爽口一啲都吾腥深海池魚油脂味厚實而口感爽彈拖羅食落雖然未去到入口即溶，但係都非常之有邪惡感帆立貝係King Size，鮮甜美味另外牡丹蝦蝦頭可以煲麵豉湯，亦只需加$50一碗活龍蝦用上日本磯野浜燒煮法，免頭鋪滿香濃嘅蝦醬龍蝦非常之鮮味肉厚，入口彈牙，回味無窮另外因為朋友生日，餐廳亦都有附送生日名牌依個賣點都幾有心思

喺未開關之前，暫時喺香港食住日本野先啦，喺Blue Monday放工去銅鑼灣行陣街，揀咗SOGO附近呢間日本餐廳。-因為好多嘢都想食，所以直接就叫咗磯野二人餐可以食晒餐廳最signature既菜式一坐低要咗個前菜先，鯷魚醬蔬菜條用蔬菜條點嚟食，鹹鹹地幾開胃-青蘋果蟹籽沙律好清新好Fresh嘅沙律蟹子粒粒都食到卜卜聲-燒雞泡魚乾雖然係燒既魚乾，但係一啲都唔乾熱辣辣仲可以keep到好Juicy就算唔點沙律醬都好好食😋最啱送酒，而家仲有sake買一送一優惠! -刺身壽司盛盒用一個木製九宮格去盛上 啱晒打卡火炙左口魚邊好肥美最鍾意甜蝦，勁大隻又鮮甜磯煮鮑魚好彈牙多汁其他嘅黑松露帶子，八爪魚，松葉蟹肉壽司全部都好新鮮-原隻活龍蝦二食師傅會先將活生生嘅龍蝦拎俾你打卡先龍蝦嘅肉就會攞嚟做刺身咁樣食剩低嘅就用來做甲羅燒-鹿兒島和牛鋤燒油脂豐富好香肉味入口即溶個汁係錦上添花，不過唔點個汁都已經好好食-食到好飽之際仲有個蟹膏帶子炒飯!!炒飯好夠鑊氣，入邊勁多料，就算已經好飽都成碟飯食晒-白蜆湯用一個好清甜嘅湯來做結尾好滿足呀

相信大家都同我一樣，好想快啲再去日本旅行。近期同朋友講開好想快啲去日本，佢就有一家浜燒店推薦。同熊貓女食完非常滿足，所以都好想推薦給大家，就是位於銅鑼灣SOGO附近的磯野水產！熊貓誠意推薦大家吃「磯野二人餐」😍先讓熊貓急不及待介紹，最正的原隻伊勢海老 🦞 呢隻龍蝦足以證明餐廳的水產是名不虛傳。新鮮龍蝦好大隻，分量十足，肉質鮮甜又爽👍🏽隻龍蝦除咗做刺身，廚師亦會將部份製成甲羅燒，淨係食龍蝦已經值回票價💪🏻💪🏻本熊除咗鍾意食之外，亦都好鍾意飲酒。餐廳做緊清酒買一送一，熊貓當然唔會錯過做醉貓的機會。🐼🍶淨係龍蝦已經咁正，爭啲唔記得介紹返前菜，同埋其他食物😂😅前菜有青蘋果蟹子沙律，新鮮好味👏亦都好推薦燒雞泡魚乾😍雞泡魚乾燒得啱啱好，配上清酒簡直絕配💪🏻既然龍蝦都咁新鮮，刺身壽司盛盒更加唔使講啦！如果你問熊貓邊樣最好食，熊貓會答你件件都好食！特別左口魚同帶子壽司，同埋磯煮鮑魚😍總之每件都好新鮮又好食！除咗海產之外，套餐仲包括熊貓最鍾意嘅牛 🐮 係鹿兒島和牛😍入口即溶，係唔會覺得好油膩，證明牛係幾靚👍🏽👍🏽仲有蟹膏帶子炒飯，同埋白蜆湯😍炒飯香氣十足，配料都好多👍🏽白蜆湯鮮甜，蜆肉爽口全部都好新鮮😍

食物不俗，新鮮美味。雖然價錢不便宜但份量合適，加上清酒買一送一優惠，喜歡喝酒的朋友不要錯過。來到居酒屋喝酒必不可少。先來只清酒冰凍，等食物一起享受，看著酒具欲罷不能，爽口又帶少少甜味的清酒特別襯托至夏季節。下酒小菜都是燒物，鹽燒帶著少許鹹鹹甜甜。餐廳推薦當日的新鮮魚類，講了幾種沒有記住，由朋友話事點海鮮。整籃海鮮每樣都很精緻，煮法也是廚師推薦，盡量合乎口味。印象中帶子好大好鮮甜，其他各具特色，看著不多但最後很飽。條魚燒出來的樣子：最後還叫了炒飯和甜品。

相約同事銅鑼灣區午飯選擇十分之多，不過賀佢牛一要食返間中價日式餐廳，呢度有各類套餐，係心水選擇。呢個卡片盒上的卡片係唔同餐廳，每張有唔同風格幾特別。松葉味噌甲羅 蟹膏鹹香，搽在餅乾或青瓜上，有唔同的口感，餅乾帶香口食落比較濃，而青瓜帶爽甜食落較清新，我對兩樣都有好感。白蜆味噌湯呢個湯清甜，唔會好似太多味噌而變得過鹹。角切魚生沙律呢個係前菜，先來一個 warm-up，加咗沙律醋幾開胃。先付四點牛蒡、蒜頭漬物再加兩款刺身，牛蒡、蒜頭醃製過食唔到原有味道，尤其蒜頭沒有刺鼻感，而刺身新鮮，鮮味無話可說。海鮮蒸蛋口感滑溜，有蝦同蟹籽錦上添花。燒羊架配青橘啫喱沒有騷味，而且有咬口而不嚡，燒得恰好。不過唔知點解會有青橘啫喱伴碟，點都好，啫喱的確好味，當甜品作中場休息吧。松葉蟹肉三文魚蟹膏炒飯每樣材料都很吸引，而家放埋一齊炒更加香，飯粒唔算炒得分明，但食落有好多層次，口感係唔同啲。清酒同雪糕分開，可按自己喜好份量放酒落雪糕，驚喜酒配雪糕原來味道幾夾，沒有衝突，下次自己喺屋企試下先得。午餐有驚喜，而且依家有折，算起來也可接受，整體感覺不俗。

銅鑼灣這間「磯野水產」位於澳門逸園中心19樓，門面見到大大隻「磯野水產」四個字無去錯，裏面裝修係一般嘅日式風，反而環境靜靜地與大街熱鬧情況截然不同的感覺。午餐有套餐選擇或者散叫，服務員話各類款式都有不同的折扣優惠。我哋叫啲海產真係新鮮，因為佢哋會擺出活生生嘅海產畀我哋打卡，打完卡仲即場攞嚟燒，咁先可以驗證到海產真係新鮮沒有欺場。日本活赤貝刺身：質地橙色亮麗，爽口鮮滑帶甜，比起平時食嘅急凍版本真係冇得比。鹽燒牛舌串：串燒好厚身，但食落去一啲都唔韌，服務員提醒趁熱食，如果唔係凍返就會變口感無咁好，串燒加咗少少鹽帶起陣陣肉香，不錯。活北寄貝浜燒：本身北寄貝夠大隻，個殼盛了一粒粒北寄貝還有湯汁及海帶，食得到北寄貝肉質的新鮮，煮法別出心裁。浜燒活南非鮑魚：又係一道鮮味十足嘅海產，在網上燒，然後切成數片，放了一些柚子及辣已經可以食得，煙煙韌韌，燒得剛好。賣的是如假包換的新鮮海產，童叟無欺，加上烹調得啱口味，可以再encore。

今日同朋友去咗銅鑼灣附近食日本嘢🇯🇵 店員推薦我哋食C餐 即系磯野昼食C 🍲 Premium C $538 一位💸-火炙三色沙律Grilled Tri-Sashimi salad火炙三文魚同左口魚邊特別肥美😛配上柚子醬汁沙律比較清爽🥳🥗-先付四點Assorted Appetizer (4 Kinds)三文魚吞拿魚刺身好新鮮😍海膽汁撈魷魚味道同口感層次豐富😋仲有醬油漬蒜頭🧄蒜香味好濃-海鮮蒸蛋 Steamed Egg Custard with Seafood蒸蛋好滑入口即溶😆入面有三文魚、左口魚邊等海鮮所以海水味好重-浜燒蘇格蘭蟶子 Scottish Razor Fish Hamayaki清蒸聖子食得出非常之新鮮🥳-浜燒北海道活帆立貝Fresh Scallop Hamayaki帆立貝好大隻😍店員幫手剪開幾舊所以比較易入口😉-塩燒美國牛小排Grilled Beef Short Rib一咬落去真係好驚喜🤤🤤🤤牛肉唔會煎得過熟非常Juicy💦又重牛味🥩食得出肉同脂肪分布比例非常平均😆香煎日式野菜Fried Assorted Vegetable有杏鮑菇冬菇同翠玉瓜配牛肉食健康又好味😋-海鮮味噌湯

呢一間日式料理餐廳一直出名食高質日式料理😆，今日就專程同朋友黎試下啦🥳.刺身盛合六款 $528六款刺身有深海池魚、帆立貝、牡丹蝦、三文魚、赤身、拖羅😍，首先每一款刺身都夠曬新鮮，牡丹蝦好爽口，味道亦都好鮮甜🤤，而呢幾款當中我特別鍾意拖羅，夠曬肥美，而且仲會有入口即溶嘅感覺😜，口感方面亦都好完美，唔會有筋，食完仲係覺得唔夠🔥.鐵罐酒蒸時令蠔(三隻) $264今次嘅好係用鐵罐酒蒸🌟，會有淡淡嘅酒香，而且火候控制得啱啱好，蠔唔會蒸得太老或者太生😛，蠔本身嘅品質亦都好出色，鮮嫩多汁好有鮮味❤️，加少少檸檬汁調味已經好足夠😜

磯野水產，果然名不虛傳，不論係壽司定磯燒，一樣咁出色，一啲都冇令人失望。 前菜 ($34)前菜係鯷魚醬蔬菜條，鯷魚醬會放係細細地ge火爐上面保溫，個醬有少少鹹，不過啲蔬菜條點埋啲醬變得好好味。 梅子甜酒 ($65/杯) + 柚子x梅酒 ($65/杯)另外仲叫左 梅子甜酒 同 柚子x梅酒，甜而不膩，好易入口。 深海池魚薄切刺身 ($288)每片都切到勁薄，入口好新鮮好甜。 穴子壽司 ($68)穴子原來即係海鰻，肉質比平時食ge鰻魚更細嫩。 兵燒盛合 ($698)原隻磯煮鮑魚要重點介，唔單止大大隻，仲入口好彈牙tim ! 時令海鮮仲有燒象拔蚌、蟶子同埋虎蝦，雖然係以燒嘅方式煮，但都仲keep到海水味，十分清甜又香口。 火炙吞拿魚腩筋壽司 ($78)吞拿魚腩筋壽司賣相十分吸引，燒過ge吞拿魚腩更加香氣迫人。 最後，甜品係芝士蛋糕 ($68)、蘋果雪葩 ($78)，還以非常特別ge擺盤出現，裝飾得好靚。

前菜 鯷魚醬蔬菜條 $34鯷魚醬鹹鹹香香好惹味 放係小火爐上保溫個醬係精粹，用沙甸魚&多春魚mix 埋一齊點蔬菜條夠開胃火灸吞拿魚腩筋 $78/件吞拿魚腩筋用火槍輕燒過迫晒d 魚油出黎，入口即溶深海池魚薄切 $288每片都薄到睇到透光，看得出師湛刀功精湛點上酸汁&蘿蔔蓉wasabi 更帶池魚鮮味穴子壽司 $136/2肥美既鰻魚 口感一流兵燒盛盒 $698食材非常新鮮 每一啖入口都充滿海水味，十分清甜燒貴妃蚌好爽口 鮮甜美味大大隻燒蟶子同貴妃蚌口感有d 似 十分清甜 口感爽脆燒虎蝦燒得好香口 蝦頭仲有膏磯煮鮑魚 鮑魚煮得算腍 &彈口入味，大大隻，上碟前已幫我地砌好芝士蛋糕 $68 +蘋果雪芭 $78餐廳好好 訂枱個時同佢講話慶祝週年紀念，就有呢個小驚喜 芝士蛋糕非常好食 值得叫梅子甜酒 $65甜而不膩既梅酒 好好飲柚子梅酒 $65相對無咩梅酒味 似柚子燒灼多d好岩女仔飲Overall 好似去左日本甘既居酒屋 食材好新鮮 sake仲有買一送一優惠

銅鑼灣行完街，去咗呢間上樓店食日式磯燒水產，叫咗一個波士頓龍蝦活貝浜燒盛合及一支細清酒-鈴川鹿，酒身入口甜味重，少少碳酸感。另外見店員推介，點了一份日本清森象拔蚌刺身，尺寸細細隻，切片上枱，入口好清甜，仲要好爽脆，比平時嘅加拿大更鮮甜。加了二份甲羅燒，原蓋上枱，燒熟裏面蟹膏，蟹肉及鵪鶉蛋，入口有濃郁嘅蟹味，蟹肉份量足，搽上旁邊嘅麵包，非常香滑好味！套餐嘅食材全部都好新鮮生猛，即叫即劏。燒文蛤，蛤肉清甜，充滿鮮味。燒鮑魚，切片上枱，鮑魚非常爽身，可以點小小柚子胡椒醬或七味辣醬，提起鮮味。燒元貝，一隻原味及香草牛油燒，原味會清甜啲，食得貝類的清甜，香草帶濃郁牛油香，二隻貝身都非常厚身，生熟剛好。波士頓龍蝦加蛋黃醬，龍蝦鉗及腳上枱已經拆開，所以食嘅時候好方便，大身慢火燒烤，加上蛋黃醬都幾鮮甜。最後叫咗個海膽炒飯，裏面有啲洋蔥粒日式胡椒調味，入口粒粒分明，海膽香濃又惹味。