盈記四季養生麵館

營業中

休息中

在假日的灣仔，不難找到美食，因為少了上班一族，我們經過這間餐廳，看起來是新裝修，餐廳提供口罩套以及隔板，整體感覺衛生清潔。留意到養生藥膳是餐廳主打菜式，所以便點了兩碗藥膳米線，以及一碟麻辣手撕雞，由於我們不太吃得辣，於是便詢問可否點小辣，餐廳店主表示無問題，還聽到她跟廚房額外叮囑要小辣。雖然藥膳雞件是有骨的，但非常大件、份量甚至比起米線還要多，而且餐廳亦有提供額外碗來放置雞骨。這碗黑蒜雞米線就不太吃得出黑蒜味，而藥膳湯底比較清甜，沒有想像中的苦澀味，店主上菜時表示是用紅棗杞子桂圓多種藥材煲湯，是藥材的甜味，除了米線和湯底外，亦可以看到大量藥材浸泡著，感覺挺足料，所以最後我們都把湯飲光了。 而且套餐還包括一杯飲品所以最後吃得非常飽肚，我們結賬時才發現堂食原來有九折優惠，是個小驚喜

在灣仔上堂數天發現呢邊搵食真係幾艱難特別係中午時間遲一分鐘都無位坐在搵食期間無意中發現呢間專買藥膳養生湯既麵店女仔都係需要間中養生滋補下所以今日放學便同朋友來試晚上人流少啲 就容易啲搵位坐門口已見到大大既菜單 睇啱先入去坐入到去見到環境整潔乾淨 仲有洗手間可借用 店面細細 對顧客的需要卻照顧周到有基本醬料和餐具我哋兩個女仔都係想養生滋補下 所以都叫左藥膳農場雞養生湯米線一個加花菇另一個加蟲草花落單等十幾分鐘就有得食啦望落都幾足料 又嗅到藥材味 正呀！食物真係足料，雞肉大塊而且吃落嫩滑，養生湯有鮮味不會太淡太鹹，每啖都覺得滋補，有益身體，增強免疫力的食療，營養價值高，米線份量足咬感正常！物有所值啊！👍🏻我哋比較大食 所以仲叫左醬香牛肋條店員細心地提供埋碗仔比我哋 服務態度非常好牛肋條都幾軟淋和重醬油味 鐘意食濃味嘢就啱食買單每人9十幾 灣仔黎講 係平靚正之晚餐選擇

時下流行養生，尤其食物方面，都可以吃得有益之餘又可以味道至上。今天讓我遇到一間米線店，既真材實料，又令我一試便愛上。店舖座位舒適，空間足夠，非忙時段不用等候。友人點的藥膳農場雞蟲草花湯米線，用料十足，蟲草花佈滿整碗米線，還有大量紅棗杞子，真材實料，絕對超值。接著到我的藥膳農場雞桃膠養生湯米線，一樣足料，還有大量桃膠。想不到桃膠跟藥膳湯底十分夾，湯底清新沒有味精，未開始吃米線已經喝了近三分一，味道嘆為觀止。農場雞十分嫩滑，沒有碎骨，體積較大。紅棗甜味十分出眾，令湯底更清甜。加了小吃鮑魚汁炆花菇，花菇四隻都十分巨型，厚身多汁，口感一流，配上秘製鮑魚汁，一試愛上。加三塊便有巨型凍飲，凍奶茶不會過甜，茶味均勻，喝完份外醒神。

天氣乍暖還寒，忽冷忽熱，真係要食番碗靚湯麵補補身😂尤其是女性朋友仔，日常多數飲生冷野，點都要補補身子。這盈記已經唔係第一次食，我好鍾意飲藥材味嘅湯，有當歸、紅棗，總令我覺得溫暖自在，😍😍其實，藥味並不太濃，配湯麵，正正令人滿足，加上農場雞：有脾、有翼也有胸，是不錯的配搭。店主都做到非常妥貼，可迎合各類人客。值得一讚👍🏻朋友點的黑蒜油農場雞，滿滿黑蒜味，話好香，好香呀！再加個藥膳雞腳$38，燜得好淋又入味，價錢又平，真抵食😋一定要點的就係鮑汁炆花菇，鮑汁味濃，花菇肉爽都係$38咋。哈哈，古法炆蘿蔔係店長送架，佢可能聽到我哋話想試食蘿蔔，但卻點咗花菇😂😂😂真係好好人👍🏻免費嘅蘿蔔又真係食到舔舔脷

又發現一間主打健康養生湯雞米線嘅餐廳。餐廳環境簡約撲素。米線選擇好多，全部都係藥膳嘅配搭，價錢正常，仲有各種小食選擇😍藥膳湯浸雞腳 $38雞腳浸得軟淋，都幾多肉，輕輕一咬就已經可以骨肉分離，充滿藥膳湯味。🥰藥膳農場雞麻油養生湯米線 $64一上枱已經聞到好香嘅麻油味，湯配料有紅棗，杞子，木耳，湯底足料，味道濃郁而且好甜。雞有四件，唔同部位都有，唔會全部係雞胸或者骨位。雞肉肉質滑，雞皮有彈性，都切得幾大件。藥膳農場雞蟲草花養生湯米線 $65湯底味道，配料，雞肉一樣只係多咗蟲草花，感覺真係好養生。米線份量都多，米線質地唔太淋，比較冇咁掛湯。但總括來講都幾好食😋

今日去灣仔工作，行過「盈記四季養生麵館 」近近地 好食下午菜好正！下午2點開始有下午茶餐，會送野飲 好抵食！又不用同上班人士逼在lunch hour!「藥膳養場雞桃膠養生湯米線」，湯底好香藥膳味 又不會太濃稠，飲一啖，好好飲易入口！感覺好養生，加些有紅棗等湯料！雞是切件上的，雞肉好嫩滑，是不錯！「藥膳自家餃子湯米粉」也是不錯的，餃子有5/6粒，大大粒！餡料都好新鮮，好多豬肉，吸引了湯底的精華！另加了個小食墨魚春卷 都不錯，幾彈牙 不會是面粉味！飲料叫了涷coffee, 涷奶茶，好飲！灣仔上班地區，呢間小店都算有誠意，又坐得幾舒服！

這間新開的餐廳主打藥膳湯底，當然要試一試點餐之後，大概五分鐘便上菜，非常有效率藥膳農場雞桃膠養生湯米線 - 賣相吸引，有雞件，木耳，紅棗和桃膠，絕對是女性養顏之選雞肉出奇地嫩滑，一定要連雞皮吃，雞皮的黃油的油香十分香濃加了桃膠每藥膳湯帶清甜，更易入口自家製水餃叻沙湯米粉 - 一看湯底便知道很濃郁水餃份量多，有五粒，而且大大粒的是白菜豬肉餃，皮薄而且非常足料，叻沙湯配米粉能吸盡湯底精華這間餐廳的食物性價比高，值得再來

現在在外用餐的日子很珍貴，週六中午終於有機會跟友人出外相聚一刻現在流行養生，走進一間養生麵館，以藥膳養生湯為題材，還有鮮茄，喇沙湯選擇每點一碗湯麵，是附送一杯熱飲環境寬敞舒適，樓底高鮮茄牛肋湯米線，超濃郁湯底，蕃茄油也湧出來，真材實料不得不讚，每條牛肋條帶點牛筋，入口牛感滿分，有口感藥膳農場醉雞養生湯米線，入口湯底同樣濃郁，味道出眾，果然是招牌湯底湯底內有木耳，紅棗及杞子，女士們必點標榜是農場雞，當然入口嫩滑帶雞味最後是紅油抄手，最喜歡他們的辣醬調味，沒有太辣，好香，一客五件，令人回味三番

灣仔新開咗間養生麵館，主打藥膳米線，好有興趣試，收工約朋友去食下先😄店舖唔太大，幾乾淨企理，餐牌簡單，主要係藥膳湯底嘅米線或米粉，一碗💰62起，唔算貴😄，另外仲可以揀鮮茄湯或喇沙湯。想補下身，我哋當然係食藥膳湯啦😉藥膳農場雞+蟲草花養生湯米線藥膳湯底有淡淡藥材味，唔太濃烈，有蟲草花、紅棗、桂圓、杞子同雲耳，甜甜哋，幾好飲，農場雞雖然唔係新鮮雞，但食落都有雞味，唔鞋，仲有雞脾添🤭，米線索咗湯汁，爽滑好食😋藥膳農場雞+麻油養生湯米線湯底一樣，少咗蟲草花，多咗麻油香😄藥膳浸雞腳雞腳用藥膳湯浸製，雞腳好腍，夠入味，可以補充下骨膠原🤭

養生是一大學問，其中飲食是重要一環。中醫師常言，從藥膳開始，能改變不良飲食習慣。灣仔開了一間主打藥膳養生麵館，最適合初學者的我，能了解多一些。藥膳農場雞桃膠養生湯嘩！湯底非常清甜，以紅棗，龍眼...藥材餚製，入口潤喉。桃膠是平民版燕窩，滿滿的，有口感。食後感覺皮膚都靚咗！加二十元轉了雞脾部位，滑溜肉質，啖啖滋味。米缐掛湯，又鮮又甜。還有其他十多款可選，如黑蒜，蟲草花，麻油....等等，下次一定要試不同口味。

上星期在灣仔下班，和同事兩個人到附近看看有什麼餐廳可以解決晚飯，看到這一間新開的主打藥膳湯底的麵店，好奇心驅使下決定一試，想不到會有驚喜收穫菜單的選擇都是以藥膳湯底作主打另外還有提供鮮茄湯底藥膳上湯浸菜，先上枱便是這一道，先嘗試了一下湯底已經感覺驚艷，湯底藥材味道濃厚，有一浸層次感的甘甜香氣，非常配搭生菜藥膳湯墨魚春卷，墨魚春卷彈牙重膠質，配搭藥膳看多了一陣香甜味道，同樣值得推薦藥膳麻油雞養生米粉，期待已久的主菜，餐廳以湯底作主打真的非常正確，甘甜的藥膳湯底配搭米粉非常配搭，另外他們的雞件亦滑溜大件，比起喜愛的日式的拉麵更有驚喜，絕對會再來

藥膳湯水一向都是女孩至愛。今日去灣仔食飯，見天氣開始又濕又熱，想試下有藥膳又保健的食物，行過見到這間新開的藥膳米線，二話不說就走入去吃了。由於不是繁忙時段，很輕易就找到位置了。間藥膳面鋪，菜單入邊面有好多選擇，主要是農場雞和蕃茄米線，主打是養生湯， 價錢比較相對中等。藥膳農場雞虫草花養生湯米線 ($65)店員送藥膳農場雞虫草花養生湯米線時已嗅到濃濃的藥膳湯香味，而且大碗又抵吃! 估計湯底用上雞再加十多種藥材熬製，眼見有紅棗、杞子及肉圓等，味道非常香甜(有一陣當歸、北芪、黨參味道)，但曷藥材味不會令人反感。個人覺得藥膳蟲草雞湯底一流甜潤，加上有雲耳吃，而雞件非常鮮味，雞味濃郁嫩滑! 古法炆蘿蔔( $28)湯底味道與米線是一樣的，而蘿蔔非常軟滑入味。

湯超多油超重呢， 湯唔係天然 一飲就知係味精。 食到一半停手， 食完感想就係想好似李小龍將佢嘅招牌個養生兩字踢開兩截， 掛養生賣味精， 同譚仔啲湯無貫。 兩個人坐低只係畀一杯水～ 特意寫呢個評論係畀大家認清佢嘅真面目。 我女朋友食到好無奈，無言。如果大家想食得健康真係要諗諗，鍾意咪既更加，例如你都唔想飲合味道杯麵既湯吧。食完都係去其他地方填番肚算，今時今日想食餐健康都唔容易，太多揸住健康但實質咪精重既店舖大行其道，希望大家真係搵岩😂

呢排新年，成日食到好多油膩既美食。所以諗住食番啲清淡小小既食物。咁啱今日經過灣仔，見到呢間養生面店，就膽粗粗入去試下。入到去見到餐牌有好多唔同種類既養生湯，我就揀左個藥善農場雞麻油養生湯米線黎試。過左無耐，個米線就送到黎，店員仲好貼心咁比左細碗我裝雞骨。未開始食已經聞到超級香既麻油味，我就試左佢地個湯先，畢竟係招牌野。一飲落口，感到十分甘甜，有小小幾子味。米線就係一般米線，無乜特別。個雞非常嫩滑，都幾好食，唔錯

今日去灣仔幫女朋友買野，佢成日都去灣仔剪頭髮，成日都去果邊買髮型用品下午三點三，搵間餐廳食個下午茶，有間主打養生藥膳湯底既鋪頭，我就去試下啦餐廳主打藥膳湯底，餐牌上多種菜式都用左藥膳湯底，我就反反傳統，試左一個喇沙湯底自家製水餃配香濃喇沙湯米線水餃大大隻，食得出真係自家製，入口肉餡豐富，水餃皮薄足料，豬肉香甜又唔會太肥，隻隻都好飽滿喇沙湯底好驚喜，香濃椰香味道，入口酸香甜甜地，唔會好油，椰香味好濃郁！米線掛上湯底，食完好滿足！餐廳另有多款小食，下次再試吓