盈記四季養生麵館

營業中

休息中

同老婆過灣仔會長展睇演唱會，當然，事前晌附近食個快快趣晚餐啦，老婆一向講健康，近來又要食無麩質嘢，就晌網上搵到呢間「盈記四季養生麵館」，主因相中佢喺養生麵館。走進店內，店內裝修簡約，雖然喺灣仔區，可能時間尚早，都喺7:00pm，客人真喺唔多。枱上放有餐具、糖包、辣椒油、牙籤……等等，自由取用。而款式選擇都幾多，一碗粉麵定價$62-$88，話平唔平，話貴唔貴；想食平啲少少嘅又有1人、2人、4人套餐，但計落其實喺平少少而已。此外，仲有啲所謂「期間限定」款式供選擇。A8. 藥膳農場雞山藥養生湯米粉 $64老婆本身唔好飲品，所以，淨叫一份米粉就夠喇，一心諗住養生，就等同健康，完全錯晒。佢碗米粉賣相就一般般，雞得3件，又斬到有唔少碎骨，最可惜喺唔算嫩滑；所謂養生，就喺加咗啲紅棗同杞子，其他藥膳料就唔知仲有乜，最敗筆喺勁油，成層油晌湯面，某程度就喺食每炷米粉就好似吸緊油咁，老婆食咗一半就無再食。B6. 鮮茄花枝丸湯米線 + 古法炆蘿蔔 + 熱奶茶 $78我就叫咗個1人餐，貪佢有大份小食，又包嘢飲。本來想叫木耳（老婆鍾意），不過無晒，店員推薦蘿蔔，就即管試試。其實，啲蘿蔔本身味道好清甜，咬落無渣，但

今日中午到盈記四季養生麵館食午餐。店員安排好座位之後就開始選擇食咩好。佢配搭上都有十分多種類作出選擇。最後我選擇了藥膳農場雞桃膠養生湯米線，益力多爆爆珠。藥膳農場雞桃膠養生湯米線：有雞，桃膠，紅棗，杞子，木耳仲有米線。先講個湯底清甜，今日真係連個湯底都飲埋。跟住到雞，有雞翼有雞脾肉，雞肉夠滑口而且有香既雞味。桃膠就係對腸道有莫大益處的天然食品。講個口感非常爽口有口感。一口一口咬著再加上湯一起吃。紅棗：天然補血食品，甜甜地。杞子：明目好食材。木耳：滑大腸，降膽固醇。有口感好味道。米線唔會太淋，軟硬適中。益力多爆爆珠：粒粒爆珠甜甜地，入口口感好。益力多夠晒正，甜甜地加埋冰夠晒涼。

我在灣仔工作，今晚遲了收工所以冇約人；就隨意看看有乜好食？🤔來到軒尼詩道見到一間以養生為主打的麵館，原來我一直冇留意；嘅不落味精又健康當然要入內品嘗啦!食肆面積不大只容納十張八張四人枱，非常光猛。藥膳農場雞養生湯米線🐓🍜   $62一上枱就嗅到D湯很香，急不及待地喝了幾口；味道濃郁很香藥材味，當飲到落喉嚨時感覺舒服一D都唔乸喉。湯底以當歸、紅棗、圓肉、子和木耳淆製，所以非常養生。而雞件採用三黄雞又嫩又滑又有口感，充滿雞味。配合埋米線清淡得來唔會太寡，最重要係個湯唔 肥膩。古法炆籮白   $28古法調味恰到好處，炆的時間足夠；故大大件蘿蔔很淋和充滿水份完全吸收哂其味道。食時除了有蘿蔔的清甜外，更有著其古法烹調的濃郁的甘甜味道。正👍

最近食得太油, 就黎試下呢間主打養生湯底嘅米線 清下腸胃。夜晚收咗太陽又凍返少少, 我哋都想食雞, 就一齊叫咗兩款養生湯米線再加個小食叫完唔駛等好耐，好快就有得食，先上個蟲草花米線，第一時間飲啖湯, wow驚艷❤️ 之前喺其他地方食過藥膳湯米線， 覺得個湯好苦， 所以有啲驚呢度啲藥材味太重嘅話可能會接受唔到，但唔係講笑，湯底好好飲，清甜到不得了，趁熱飲好補。雞肉滑嘅，但略嫌切得太薄，如果可以斬少幾刀　啖啖肉仲正XD 蟲草花份量多到好似唔駛錢咁😂 湯入邊仲有好多切開咗嘅紅棗　煲到淋晒又去咗核， 可以直接食、有木耳，撈到仲有桂圓、個湯唔甜就奇 再黎竹笙銀耳米線，竹笙有剪開細細舊 好貼心方便食 夠爽口又索湯， 正~ 配埋銀耳多咗膠質，令成個湯再潤d。呢碗好好彩俾咗雞脾， 啖啖肉仲要夠晒滑， 好滿足。 最後上湯水餃有五隻，個湯同米線湯底一樣， 都係清甜香濃嘅藥膳雞湯。餡料調味都ok，唯一係我expectation有啲落差，仲以為叫得水餃會係有木耳絲嗰種饀， 早知問清楚先叫🥲呢間啲湯真係無得輸，雖然叫得做藥膳，但唔一定要苦口先係良藥嘅，而且佢份量好多，男仔正常食量都應該夠飽。佢哋米線分兩種湯底，一

位於灣仔❣︎盈記四季養生麵館❣︎係一間主打食粉麵米線嘅餐廳，期間限定😍藥膳湯底夠晒養生👍🏻呢到湯底味道濃郁足料，飲完一啲都唔口乾，超適合健康養生人士。❣︎藥膳農場雞海參冬菇養生米線❣︎海參發到超大😍非常軟滑👍🏻冬菇相當大隻超入味，農場雞啖啖肉，配搭埋藥膳湯底真係超級養生嘅米線。❣︎藥膳水餃養生米線❣︎有成6隻水餃，內餡足料，面頭鋪滿紅棗同杞子😍望落都夠晒滋補。❣︎熱菜蜜 凍奶茶❣︎菜蜜非常清甜，奶茶順滑。

一段時間冇幫襯、今天外賣咗個養生雞米線、湯和湯料還可以、但分開包裝嘅米線又「林」又「碎」（咁不如索性慳番個外賣盒！）、口感差劣、與剛開業時比較差得遠、建議認真改善☹️🙇🏻‍♀️

朋友被介紹一試難忘非常踴躍帶我去食大約中午12：15入到去做仲即刻有位坐雖然已經係搭枱不過每人一碗麵一杯飲品位置剛剛好啦12:30過後門口已經排緊隊睇嚟真係好好食兩個飲食可以揀二人餐藥膳農場雞竹笙銀耳養生湯竹笙銀耳 大大件 份量又多雞件好滑個湯 藥膳味唔會太重但係唔會好味道飲曬碗雞湯藥膳農場雞桃膠養生湯桃膠大大粒 食開甜品好滋潤估唔到湯食都ok古法炆蘿蔔蘿蔔有甜又淋大大件上枱古法味道調教得好好清清地嘅雞湯配上濃味嘅蘿蔔味道更加豐富必食推介

知道係繁忙時間，所以都明唔坐得耐，一個人，坐左只係半個鐘，係半個鐘only, 食完碗麵諗住飲完杯熱嘢即走，但店員都黑面，開口叫快啲，埋單仲鞋口鞋面，真係丟香港服務業架..講真，藥膳料理唔係得一間，我幾鐘意食依味都唔會再去依間

呢個蟲草雞米線呢就係位於灣仔嘅 近軒尼詩道修頓球場嗰度附近佢呢個蟲草雞米線嘅特點呢就係佢加咗啲紅棗落去個湯頭好甜呀咁就幾好食嘅啲雞又嫩滑咁出呢間嘢蟲草雞米線長咗食米線之外呢我覺得都可以轉米線轉做飯呀蟲草雞湯撈飯食冬天凍凍地整個泡飯嚟食暖笠笠對個胃仔都好舒服嘅都唔錯裝修都簡單嘅地方都清潔企嚟嘅舖頭都大㗎好多位坐就有個套餐咁樣嘅一個一人餐我記得大概係$75左右有嘢飲包個小食啦都抵食嘅次次去食都飲曬個湯個湯好好飲

同朋友喺會展出嚟搵到呢間養生麵館食個lunch佢哋個藥膳農場雞蟲草花養生湯陣陣紅棗杞子味道，值得一試。朋友叫做蕃茄粥竹笙銀耳湯米線，味道酸酸地超開胃佢地份量真係好多，我地2個都食唔曬啲米線。如果驚食唔曬，我唸大家可以落order可以叫少米線，盡量唔好浪費太多食物。仲叫咗兩樣小食秘製汁木耳同紅油抄手，木耳味道小小酸好好吃😋紅油抄手餡好足👍🏼嘢飲分別叫咗凍/熱柚子蜜，我覺得甜度適中，有子味道都好出

食襯米線唔係麻辣就係酸辣，食得多都刺激腸胃，食清湯又唔得滿足，係灣仔軒尼詩道呢間食養生湯麵就啱晒啦！好，坐低睇下有咩好食先。藥膳農場雞厚身花菇養生湯，黎到一定要試左個湯底先，湯好足料，有紅棗、杞子、木耳，湯飲落藥膳得黎帶清甜。雞件大件又嫩又滑嘟嘟，份量都唔少，連雞皮都感覺得到好補身。花菇超厚身，浸泡得好足，軟綿綿，好有菇味。熱柚子蜜，天氣開始涼，加埋呢個充滿維他命C既熱柚子蜜，甜甜蜜蜜仲有柚子皮可以咬下。

藥膳雞蟲草花湯米線 我問職員佢話裏面係有包含雞藥膳雞水餃湯米線 個職員同我講話裏面係冇雞！ 咁個意思即係藥膳雞蟲草花湯米線 裏面係咪應該剩係得蟲草花呢？ 講真你字眼寫藥膳雞水餃湯米線 ，真係唔會估到裏面係冇雞㗎囉！ 仲要收價錢60幾接近70蚊！打返去問過阿姐，個阿姐仲要同我講係咁㗎我唔覺得有問題喎！好嘢！如果而家都咁樣誤導顧客，其實真係唔會再有人幫襯！ 再加上叫熱檸蜜 ，永遠都係俾咗菜蜜。如果你係冇檸蜜咁不如你唔好寫出嚟啦。真係以後唔會再幫襯！

📍盈記四季養生麵館 (灣仔)📍灣仔軒尼詩道69號華美樓地舖🟡藥膳農場雞羊肚菌冬菇養生米線 $88🟡跟餐：熱柚子蜜每次經過晏晝同夜晚都好多人食，今次終於有機會試吓盈記。見到有新品推出，都係以健康為主打，叫左藥膳農場雞羊肚菌冬菇養生米線，湯頭好清甜，充滿中藥材和菌菇的香氣，湯底濃郁不過於油膩，吃起來非常舒服。雞肉鮮嫩多汁，搭配羊肚菌同超厚冬菇，$88係物超所值！冬菇見到相都知有幾厚，最緊要係咬落去嗰吓啲汁超鮮甜，真係勁好食！另外，羊肚菌富含蛋白質、膳食纖維和維生素D，有助提升免疫力和促進骨骼健康。同時又具抗氧化、抗炎的特性，能幫助減少體內炎症反應，對消化功能也有顯著益處，是非常適合注重養生的選擇！這碗米線不僅味道鮮，還有多重養生功效，特別適合關注健康的食客。跟餐附送的熱柚子蜜添！

今晚食健康啲.......就去咗食養生米線......交通非常方便.......好耐冇食啦!!藥膳農場醉雞養生湯米線恰到好處...這裡的藥膳雞湯採用了肥美三黃雞配以多藥材熬製4小時......又唔會太過濃烈...........幾鮮甜.....同雞一齊食味道好夾....配合米線清淡得來又唔會太寡...食完一碗剛剛好飽.....姐姐介紹手撕雞.....份量啱啱好........飲埋支烏龍茶順返條氣先.......整體都可以...下次試第二間

好中意食藥膳米線，呢間已經二訪了～呢面湯底甜甜的，淡淡藥材味，有點像媽媽煲的雞湯，令人非常回味。麻油雞米線香濃麻油味，十分暖胃，但略嫌麻油放得過多，太油膩，失去左清澈感，建議點其他配搭。花菇藥膳雞米線必點！花菇扒黎😍超大又厚肉，仲要吸滿哂甜甜的汁，滷得非常入味，係一啖一啖嘅滿足感🥰呢到啲雞都滑！