影片
更多
2025-03-20
595 瀏覽
最近食得太油, 就黎試下呢間主打養生湯底嘅米線 清下腸胃。夜晚收咗太陽又凍返少少, 我哋都想食雞, 就一齊叫咗兩款養生湯米線再加個小食叫完唔駛等好耐，好快就有得食，先上個蟲草花米線，第一時間飲啖湯, wow驚艷❤️ 之前喺其他地方食過藥膳湯米線， 覺得個湯好苦， 所以有啲驚呢度啲藥材味太重嘅話可能會接受唔到，但唔係講笑，湯底好好飲，清甜到不得了，趁熱飲好補。雞肉滑嘅，但略嫌切得太薄，如果可以斬少幾刀 啖啖肉仲正XD 蟲草花份量多到好似唔駛錢咁😂 湯入邊仲有好多切開咗嘅紅棗 煲到淋晒又去咗核， 可以直接食、有木耳，撈到仲有桂圓、個湯唔甜就奇 再黎竹笙銀耳米線，竹笙有剪開細細舊 好貼心方便食 夠爽口又索湯， 正~ 配埋銀耳多咗膠質，令成個湯再潤d。呢碗好好彩俾咗雞脾， 啖啖肉仲要夠晒滑， 好滿足。 最後上湯水餃有五隻，個湯同米線湯底一樣， 都係清甜香濃嘅藥膳雞湯。餡料調味都ok，唯一係我expectation有啲落差，仲以為叫得水餃會係有木耳絲嗰種饀， 早知問清楚先叫🥲呢間啲湯真係無得輸，雖然叫得做藥膳，但唔一定要苦口先係良藥嘅，而且佢份量好多，男仔正常食量都應該夠飽。佢哋米線分兩種湯底，一
叫完唔駛等好耐，好快就有得食，先上個蟲草花米線，第一時間飲啖湯, wow驚艷❤️ 之前喺其他地方食過藥膳湯米線， 覺得個湯好苦， 所以有啲驚呢度啲藥材味太重嘅話可能會接受唔到，但唔係講笑，湯底好好飲，清甜到不得了，趁熱飲好補。雞肉滑嘅，但略嫌切得太薄，如果可以斬少幾刀 啖啖肉仲正XD 蟲草花份量多到好似唔駛錢咁😂 湯入邊仲有好多切開咗嘅紅棗 煲到淋晒又去咗核， 可以直接食、有木耳，撈到仲有桂圓、個湯唔甜就奇
再黎竹笙銀耳米線，竹笙有剪開細細舊 好貼心方便食 夠爽口又索湯， 正~ 配埋銀耳多咗膠質，令成個湯再潤d。呢碗好好彩俾咗雞脾， 啖啖肉仲要夠晒滑， 好滿足。
最後上湯水餃有五隻，個湯同米線湯底一樣， 都係清甜香濃嘅藥膳雞湯。餡料調味都ok，唯一係我expectation有啲落差，仲以為叫得水餃會係有木耳絲嗰種饀， 早知問清楚先叫🥲
呢間啲湯真係無得輸，雖然叫得做藥膳，但唔一定要苦口先係良藥嘅，而且佢份量好多，男仔正常食量都應該夠飽。佢哋米線分兩種湯底，一係揀藥膳雞湯，另一個選擇係蕃茄湯，許願如果可以蕃茄湯米線，有俾錢加雞呢個option就好！
張貼
