盈記四季養生麵館

營業中

休息中

有朋友响灣仔返工，間唔中都會約佢食lunch。行過幾次見到有一間叫盈記四季養生麵館嘅舖頭，每次都想試吓，結果今日就的起心肝。店舖响軒尼詩道，近修頓球場。裝修都幾光猛，原來開咗唔夠一年。Menu好簡單，主要分藥膳雞湯類，蕃茄湯同叻沙湯類，仲有幾款小食。女性朋友揀咗藥膳農場雞加日本厚花菇。我就想試吓佢嘅叻沙湯配墨魚春卷。另外再叫咗紅油抄手同藥膳上湯浸時菜。而兩杯熱飲係免費嘅，我哋都係叫咗熱柚子蜜。食物上枱好快，朋友叫嘅農場雞加花菇，一上枱已經聞到淡淡嘅藥材香，我都飲咗兩啖湯，藥材味係淡淡的，唔會蓋過個湯本身嘅鮮味，雞有三大件，而最驚喜嘅就係個厚花菇，足足有成吋咁厚，炆得又淋又入味，好好食😋而我嘅叻沙配墨魚春卷就相對普通。叻沙味都濃，但係椰香味就不足。墨魚春卷可能係來貨，冇乜特別，但都算合格。紅油抄手個汁就可以再辣啲，而入面餡料嘅肉就比較碎，類似日本餃子嘅口感，味道都唔錯。最後上嘅係藥膳雞湯浸時菜，今日嘅時菜係生菜。放响雞湯入邊，大大塊嘅生菜勁吸雞湯汁。而雞湯正正就係雞湯麵嘅同一煲湯，所以都好好飲。整體來講店舖主打藥膳雞湯，咁下次再幫襯就要搵啱重點啦。

餐廳位於灣仔，距離灣仔地鐵站路程五分鐘左右，地理上方便，餐廳主打的就是養生米線，這次當然定必一一品嚐。食物方面如下：藥膳農場雞黑蒜養生湯米線藥膳農場雞竹笙銀耳養生湯米線秘製汁木耳紅油抄手最喜愛就是他的湯底，看起來零味精，十分保健養生，絕對是為健康著想的一大選擇，另外，我也十分欣賞他的米線，全因為軟硬度適中，味道還真不錯，配搭養生湯底更為出色。另外，前菜方面，秘製汁木耳，帶丁點辣味，更為可口惹味。最後就是紅油抄手，十分喜愛餐廳自家製的抄手餡料，份量充足，加上味道一流，真不錯。

來到灣仔，食肆選擇多，《盈記四季養生麵館》有別於一般食店，提供藥膳湯底，出街食都可以好健康。店內擺設簡單整潔，好光猛，感覺舒服。店員禮貌地幫忙落單，態度友善。藥膳農場雞蟲草花養生湯米線~啖啖湯底充滿藥膳香味，味道香濃，雞件嫩滑，蟲草花及雲耳有益爽口。鮮茄墨魚春卷湯米線~鮮茄濃湯也非常出色，蕃茄有抗氧化效果，很受女士歡迎，也是小朋友的至愛，墨魚春卷爽口彈牙，米線軟滑。藥膳上湯自家製水餃(5隻)~水餃餡料豐富，與藥膳湯底好配合，吃完一隻又一隻。凍檸茶及熱菜蜜~凍飲好大杯。

話說喺灣仔返工既朋友同我講，佢附近有間養生湯麵幾好食，作為藥膳同碳水化學物之鬼，我始終都係去試左。睇一睇餐牌，價錢非常合理，平均50-60一碗麵。我地兩條友仔叫左個二人套餐（$138），包兩碗麵、一款小飯同兩杯野飲。注意凍飲是要加3蚊的。又講下d野食先：藥膳農場雞配竹笙銀耳養生湯米線 - 個湯絕對足料，香甜既紅棗味，但藥膳味不算濃，大部分人都易入口。雞件有兩件，都係髀呀！好滑好有雞味，都好多肉下，但如果俾多件雞就正了。畜生（竹笙）都爽口，賣相好，唔會揦埋一舊。鮮茄雜演（丸）米線 - 男友表演藥膳係佢敵人，所以叫返個雜演米線算，我試左d貢演同勿演（墨丸）都係爽口彈牙的。藥膳雞腳 - 跟餐的，男朋友竟然話藥膳野好味，佢表示唔多重藥材味，雞腳林，唔會咸，好好啃。埋單一百食十幾，坐得舒服，食得飽，算不錯。

經常在灣仔區出入的我好多食肆都幫襯過，惟獨有間麵館末有機會嘗試；今晚難得路經附近便就地取材試試。地方寬敝乾淨，燈光火猛。有十幾張餐枱約可坐二十餘客人。此食肆以養生為買點當然要試下佢哋嘅養生招牌菜啦!藥膳農場雞＋日本花菇養生湯(米線)  ＄68藥膳湯底好香好甜，有雲耳、紅棗和紀子等，居然一點點藥材味都冇係最啱我。花菇大塊又厚肉，需要頗長時間才炆得淋；咬落淋滑。雞件大大件肉質較结實，有口感和雞味濃。醬香牛肋條  ＄45牛肋條被濃郁醬汁醃得很入味，而且炆得較哂火喉；所以一D都唔韌和鞋口，惹味非常。古法炆蘿蔔  ＄28蘿蔔炆得好淋，清甜冇渣。

聽喺灣仔附近返工嘅人講，呢間藥膳養生麵館晏晝通常都大排長龍，有晚經開見到唔洗等位就入咗去。叫咗個二人餐，包兩個麵兩杯野飲同一個小食。我地叫咗藥膳農場雞蟲草花養生米線同藥膳農場雞花菇養生米粉加咗麻辣。首先啲雞好嫩滑，無雪藏味，烹調方法處理得好好。花菇醃得好入味，又唔會太重口味，又厚又大塊。個湯底好清甜藥材味又唔會太濃，食完成晚都無太口乾既感覺。可以有多個選擇轉米粉，個人米線同米粉都試咗覺得米粉較為出色。認為麻辣不太值得一試，可加可不加。藥膳浸雞腳比較失色，但總括而言都值得一試佢啲雞同個湯底

今次黎左灣仔食養生米線，店舖近灣仔站B1出口，行大約10分鐘便可到達。今次試了❤️藥膳湯花膠雞養生麵 $88湯底每天煲4小時，用左有红棗、元肉、杞子、當歸、木耳、淮山等食材，未飲已經嗅到红棗香味，飲落清甜，不油膩。花膠用到鳕魚膠，來自冰島，零污染環境，有半隻手掌咁大塊，充份吸收湯汁，食落爽身。雞是三黄雞，屬於內地冰鲜雞，一碗有2件雞件，今次食到的是雞髀肉，食落滑得黎又肥美。💜涼拌手撕雞 $68份量十足，舖滿雞肉絲，有花生粒做topping，另外配有青瓜、木耳，醬汁帶咸及有輕微酸味，幾開胃。🧡紅油抄手 $36餃子是店家自製，一碟有5隻餃子，餡料用到豬用、京蔥，味道較濃郁，而且餡料切到好幼細，基本上不用咬已經化開了。💛醬香牛肋條 $45一碟有3件牛肋條，而且偏粗身，感覺滷了好久，已經好入味，醬汁味濃郁，有少少豆豉鯪魚的味道，肉質厚實，屬於飽肚之選。💙奶茶紅豆冰奶茶的奶味較濃，比較甜，岩我口味，紅豆整得恰到好處，質感綿，不會太硬、也不會太淋失去口感，紅豆佔了接近半杯，十分足料，而且糖水味出，整體好味，仲好大杯，抵飲。

頭一次嚟呢間盈記四季養生麵館，外表睇落完全唔似係一間米線鋪，因為佢個裝修色調以灰白色為主，感覺上更加似係一間文青打卡熱點嘅coffee shop。門口排滿外賣自取嘅客人，細看之下先發現原來外賣自取有八折，圍返真係抵食好多！不過筆者就鍾情於堂食多啲，一嚟可以同同事放下break吹下水，二嚟又可以活動下筋骨，唔使成日坐喺office( 坐到肥哂 )~一入去，侍應生非常貼心地為我地擺好兩份餐牌，講解亦都好清晰，態度十分良好。我望住餐牌上圖文並茂嘅養生湯麵，選擇困難症頓時又冒出嚟，最後終於揀左藥饍農場雞桃膠養生湯米線($64)，仲送杯熱飲添！(凍飲加$3)米線湯底充滿濃濃嘅藥饍味，其中桃膠甜味特別明顯，係比較少見嘅湯底味道，所以我都忍唔住飲左好多啖湯~份量適中，較為細食嘅人士會覺得啱啱好，大食嘅朋友就可能未必夠食了，可以再加添一啲小食~最後不得不提佢嘅店內環境，入面樓底極高，筆者認為就算上面間多一層閣樓都不為過，一定可以為鋪頭增添唔少生意！p.s. 埋單嘅時候先知原來堂食都有九折優惠，不過呢個優惠或者有限時，想食嘅朋友就要趁早啦！

眨吓眼就嚟到九月中，又係時候要開始清假😏 就襯呢個星期五冇咁忙，攞咗半日假去剪頭髮、順便搭多兩個站去 #灣仔 搵個朋友食lunch。因為匆匆只有一粒鐘，朋友仔建議食得簡單啲。話哂佢先至係地膽，我梗係跟住行… 原來佢想同我補一補🤩由地鐵站行過嚟餐廳 #盈記四季養生麵館，大概3分鐘嘅路程，不過我呢個路痴居然花咗十分鐘時間搵路，先知道單數街號嘅地舖原來喺對面街😅 好彩朋友仔一早搵定位等我😜 佢推介我一定要試吓 #盈記 嘅 #藥膳農場雞養生湯，補吓氣血之餘、聽聞仲可以提升免疫系統… 講到咁好，就一於跟佢啦😜 除咗主要嘅湯底，仲可以另加其他嘅配料，我就揀咗 #桃膠 同 #紅棗 就配角，#鮑汁炆花菇 做 #小食。#炆花菇 一份有4大隻，菇身好厚，咬落去充滿鮮味🤩 至於主角 #藥膳農場雞養生湯 我就加咗啲 #米線。啖湯飲落一啲都唔油膩，配上新鮮嘅雞件🐣，肉質果然係同平時食開嘅 #冰鮮雞 有好大嘅分別，肉質有彈性之餘、亦保持到雞嘅鮮味🤩 最後將啲桃膠跟 #米線 同埋 #雞湯 一齊入口，確實有另一番風味🤩 最後要讚下 #店員 #親切嘅笑容，雖然明知佢哋好忙，佢哋都好樂意為我哋一一解釋 #配料 上嘅不同功

成日都係食辣嘅米線，但最近想試下少啲食辣，健康啲，又想食米線，就去食藥膳湯米線啦！二人套餐 $138叫二人套餐都幾抵食，呢度每碗米線大約60幾蚊一碗，二人套餐就有兩碗米線、兩杯飲品同埋一個小菜，抵過散叫好多。藥膳農場雞桃膠養生湯米線桃膠有好多，雞肉好嫩滑，仲有好香嘅雞味。藥膳湯底嘅藥材味幾重，仲有啲杞子、桂圓同紅棗喺入面，感覺好補身。米線嘅麵質口感幾好，唔係一夾就斷嗰種。藥膳農場雞麻油養生湯米線朋友就叫咗呢碗，麻油味好香，令到我聞到都食指大動。你碗米線同我嗰碗都差唔多，主要係冇咗桃膠同埋除咗藥膳味之餘仲有麻油香。藥膳上湯浸時令菜同樣都係用咗藥膳湯底，生菜幾新鮮爽脆。藥膳上湯自家製水餃 $36為食嘅我哋額外加咗份水餃，一份有五隻，係菜肉餃，食落都幾香。

今日跟同事出灣仔做野，搞到成三點先可以食飯行去大街軒尼詩道，見到呢間「盈記四季養生麵館」，比佢門口餐牌既藥膳湯底吸引左入去平時米線舖好晏先開，呢間好勤力連早市都做埋，7點有早餐時段米線主打三款湯底：藥膳、蕃茄、叻沙環境光猛，地方好新、好乾淨A04:藥膳農場雞麻油養生湯米線好香，上枱已經聞到好香麻油藥膳味真係唔可以同平時食開果d濃味味精湯底米線比！！！個湯底好鮮甜，好有麻油香、飲得出當歸、杞子等既藥膳味及紅棗既清甜味米線口感爽滑，整體成碗米線超正三黃雞，肥美肉厚，肉質嫩滑C08:雜丸叻沙湯米線湯底好濃郁，味道香濃，椰香味適中幾多料，豆卜有四件，蛋一隻，貢丸三粒，花枝丸三粒小食點左個蘿蔔蘿蔔睇相都知超入味，夠淋又無渣

姐有多愛養生身邊的朋友都知道，今日朋友話帶我去灣仔食個好養生的lunch, 養生同好味道係冇trade-off 的，我成個湯飲哂！藥膳農場雞+日本花菇養生湯-雞好滑好嫩，肥瘦適中。雞味好濃，完全冇冰鮮雞的雪藏味。-日本花菇厚到一個點！好似食緊菇”扒”咁，除左日本菇本身的菇香，仲有吸哂藥膳湯的紅棗清甜。-重點來了，係個藥膳湯。好有驚喜！飲哂成碗後完全唔口渴，飲到有紅棗杞子圓肉的甘甜。藥膳農場雞+桃膠養生湯-唔係講笑，桃膠份量好慷慨。仲要唔係劣質桃膠，粒粒分明。趁埋個養生湯一齊食好夾好似食緊補品咁！手撕雞（唔辣）-見到啲雞咁有雞味咁嫩滑即刻叫多碟手撕雞，係預期中的好食。-拌住唔辣的秘製汁，鹹鹹香香咁，好惹味。

今日去左灣仔食飯，經過見到有間麵食館，主打養生湯底香港地打工咁辛苦，壓力又大，都要識得養生、養心，都喺健康啲好餐廳環境乾淨整潔，幾舒服，晚市岩岩開始，人客唔多唔會好逼！我叫左一個養生藥膳湯底，叫左農場麻油雞！估唔到味道超驚喜藥膳湯底非常濃厚，唔會好重藥材味唔會好膩，味道香濃帶有清甜味道，改變左我對藥膳湯底既諗法農場雞份量都唔算少，入口極是香嫩，雞肉肉質好滑溜，甜甜地雞肉，雞皮完全唔會油膩！我叫左豆漿，又一個健康晚餐

位於灣仔的盈記之前食過， 今次帶一向注重健康的朋友來試試， 看看這裏能否通過這位養生食家的考核(哈哈)!見到二人晚餐已經可以嘗試到這裏多款的招牌養生麵食, 我和朋友分別點了藥膳自家製水餃養生湯米線, 藥膳農場醉雞養生湯米線, 古法炆蘿蔔和藥膳湯雙拼丸。藥膳自家製水餃養生湯米線之前已經試過這裏的養生湯， 先是湯頭非常清甜， 之後會慢慢滲出滋補養生的清淡藥材香， 容易入口。特別是這次試試加了麻辣口味， 冇違和感之餘， 麻辣令湯底帶出另一款甘甜香味， 令人更加上癮的想渴盡湯底。 自家製水餃皮薄， 餡料的豬肉偏瘦但帶肉香配上小小香菜， 健康又美味。藥膳農場醉雞養生湯米線經常覺得醉雞的烹調方法可以加倍吊起新鮮肉類的鮮美， 相反如果質素不好的就顯露缺點。 這裏的醉雞絕對屬於前者， 肉質新鮮嫩滑， 雞皮都非常薄身， 就算連皮吃也絕對不油膩， 反而更凸顯雞香。 湯底再滲入了醉雞的精華， 注重健康的朋友也忍不住差不多將整碗湯喝盡， 事後也讚嘆完全不覺口乾。 過關。古法炆蘿蔔只要蘿蔔夠新鮮入味， 配合這裏香濃的湯底， 沒有不試的理由。藥膳湯雙拼丸再試試將這藥膳湯配上這裏懷疑新鮮自家製的貢丸 和墨魚丸， 貢

難得去灣仔，梗係搵埋朋友一齊食埋晚飯先。朋友喺附近番工，成日幫襯哩間都係主打藥膳雞湯米線有二人餐，經濟又實惠麻辣藥膳蟲草花雞米線藥膳湯有紅棗，龍眼肉。除咗滋陰養生，更清甜可口。 雞滑溜，啖啖肉。蟲草花夠曬多。 麻辣夠麻夠辣，好醒神。藥膳醉雞養生湯米線傳統養生湯，更清香又天然甜。不知不覺差不多飲完所有湯。望就知道醉雞滑溜， 食落唔嚡口，有淡淡酒味秘製汁木耳辣辣地木耳，夠爽口，又開胃紅油抄手有5粒， 夠大隻，多肉飽滿。成枱都食物，好好味，好滿足