盈記四季養生麵館

營業中

休息中

成日都係食辣嘅米線，但最近想試下少啲食辣，健康啲，又想食米線，就去食藥膳湯米線啦！二人套餐 $138叫二人套餐都幾抵食，呢度每碗米線大約60幾蚊一碗，二人套餐就有兩碗米線、兩杯飲品同埋一個小菜，抵過散叫好多。藥膳農場雞桃膠養生湯米線桃膠有好多，雞肉好嫩滑，仲有好香嘅雞味。藥膳湯底嘅藥材味幾重，仲有啲杞子、桂圓同紅棗喺入面，感覺好補身。米線嘅麵質口感幾好，唔係一夾就斷嗰種。藥膳農場雞麻油養生湯米線朋友就叫咗呢碗，麻油味好香，令到我聞到都食指大動。你碗米線同我嗰碗都差唔多，主要係冇咗桃膠同埋除咗藥膳味之餘仲有麻油香。藥膳上湯浸時令菜同樣都係用咗藥膳湯底，生菜幾新鮮爽脆。藥膳上湯自家製水餃 $36為食嘅我哋額外加咗份水餃，一份有五隻，係菜肉餃，食落都幾香。