癡膠雞 (軒尼詩道)

營業中

休息中

#20231117 📝📍 癡膠雞 @crazychickenhk 灣仔軒尼詩道254號地舖 🍽️太子荔枝角道78-84號勝興樓地下D號舖➖➖➖➖➖➖➖➖➖➖➖➖➖➖➖➖➖➖#藥膳黃酒花膠雞米粉 #走蔥 #走荽 $68💭 最近天氣突然急降咁多度，梗要搵啲暖身既野食下😋呢度啲招牌花膠雞系列仲可以揀跟爐上，一路有個火熱住就唔使驚啲野食凍晒，不過食到一半建議可以叫店員姐姐整熄佢，咁就唔驚啲雞會煮到老晒🔥個湯底好重紅棗既甜味，同時亦好重酒香🥃雞件滑身而且份量都幾多，米粉係幼身果隻，食極都好似仲有咁好抵食😂.#羊肚菌蟲草花花膠雞米線 $82💭 呢個係期間限定，同藥膳黃酒湯一樣都有兩舊爽爽地既花膠，成件事即刻膠級左好多🤪雞既味道同份量都差唔多，想食雞髀都可以加十蚊轉🐔湯底睇落好似，但飲落完全唔一樣，呢個係好多菇煮出尼既味道，有種獨特既香味🤤.#金磚豆腐 $42💭 出乎🐷想像咁多，大大話話有成十幾粒，新鮮炸起熱辣辣，千祈唔好見佢size一啖一粒就成粒擺入口，咬開入面係標晒煙♨️個皮炸到好鬆化亦好夠味，做到外脆內軟好好味😎.#灣仔美食 #灣仔黃店 #🐷在灣仔 #太子美食 #太子黃店 #🐷在太子 #🐷_食

二訪癡膠雞😍上次食完之後念念不忘決定再去幫襯🥢⭕️ 招牌花膠雞米線 ($68) 客人可選擇用唔用爐上爐上就好似打緊迷你邊爐咁🍲可以keep住米線溫度👍🏻招牌雞米有3-4舊花膠 雞件6-7舊都係雞髀位😋 除左米線滑 啖湯真係無得輸 好重雞湯味⭕️ 椰子雞米線 ($60)今次試埋另外一款椰子雞米好有驚喜🤩 個人認為係必點之選❗️椰子🥥味比雞湯果款更濃郁 夾埋啖米線入口 一流💗依款配料仲有椰子片同雲耳 同樣豐富😌⭕️ 時令田園蔬菜🥬 ($28)我地仲額外點左個菜係上湯白菜 有少少蟲草花同雲耳作伴算幾有誠意⭕️ 桂花烏龍冷泡茶 ($18) / 凍柚子蜜 ($18)最後嗌埋兩杯飲品🥤冷泡茶幾出色 桂花味好出 唔係hea你嘅貨色凍柚子蜜都好足料 為入冬作滋潤😙

喺灣仔主打花膠雞米線嘅癡膠雞主食水準高 小食亦唔遜色為咗keep住大大碗湯米線熱辣辣餐廳會提供一個細爐仔 非常細心💕🍜招牌花膠雞米線（$60）湯底好濃郁雞湯味花膠數量足 有3至4塊雞肉雞味濃郁雞皮爽脆 肉質嫩滑米線份量非常足🍜椰子雞米線（$68）湯底非常出色 椰汁味勁濃唔會過咸之外 飲落亦帶清甜用嚟送米線食一流雞肉亦保持水準◻️金磚豆腐（$42）做得好出色 表皮炸得非常之香口食落入口即化 調味做得好惹味🐷燒豚肉配生菜（$48）豚肉煎得好香口 保持到肉汁配埋韓國酸辣醬 食落好惹味配埋生菜中和油膩感📍癡膠雞 (軒尼詩道) (灣仔)灣仔軒尼詩道254號地舖

🍜姫松茸竹笙花膠雞米線(連爐上) $78轉雞肶肉 +$10🍜藥膳黃酒花膠雞米線 $68轉雞肶肉 +$10🫖桂花冷泡烏龍 +$10🧋凍奶茶 +$6🔸今日推介呢間雞米線好多都可以揀連爐上，我覺得對冬天嚟食真係會好正🔥先講期間限定姫松茸竹笙花膠雞米線底濃郁香醇，非常開胃。米線軟嫩滑口，同湯底完美融合。特別之處在於添加咗姫松茸、竹笙同花膠，豐富咗整個味道層次。我加轉雞肶肉，所以雞肉好嫰滑🔸藥膳黃酒花膠雞米線係人氣皇牌之選，帶有輕微藥膳香氣，非常清爽，雞湯味道更顯突出。同樣地，如果你想增加雞肉口感味道，可以加轉雞肶肉🔸除咗米線，飲品都唔錯。我點咗桂花冷泡烏龍同凍奶茶。桂花冷泡烏龍清香怡人，帶有淡淡香味。而凍奶茶口感滑順

呢晚約了閨蜜去補一補☺️睇餐廳名都知道一定要食膠和雞🤭羊肚菌花膠雞米線 $82好特別，用鑊仔上，仲要有個爐仔保溫，熱焫焫～ 湯好清甜，好似第一次食羊肚菌，好得意。雞好新鮮，冇雪藏味，啲肉好嫩滑😋 配料仲有紅棗(好甜)、蟲草花和雲耳👍🏻 食到咁上下呢姐姐會拎走個爐，可以保留住啲湯唔會過分蒸發。姬松茸竹笙花膠雞米線 $78姫松茸味勁香，而且好濃味 ！！個湯一入口就係啖啖松茸味，米線都入哂味，果然真材實料😃 米線份量好似食極都食唔完🙈 好抵食！金磚豆腐 $42好香口好惹味外脆內軟滑🤤 少少辣份量估唔到有咁多，價錢好實惠😬 好得意，留意到好多人都係得自己一個來食，享受me time 😌 除咗麵食之外，呢度仲有飯同埋其他小食小菜。街坊價，真不錯 🤓

行經灣仔，見到這間小店的名字～“癡膠雞”咁搞笑，一於入內試試啲雞有幾癡。我們點了：⭐招牌花膠雞米線～湯底充滿香濃雞湯味，雞肉嫰滑。⭐藥膳黃酒花膠雞上海麵～湯底帶清香黃酒、川芎白茋味，花膠數量也足料。我們選了以鍋上米線和上海麵，令整個進食過程都可品嚐到熱騰騰的湯，特別適合秋冬時節享用。⭐時令白菜仔～白菜仔以清湯灼，伴以木耳，感覺健康。⭐凍檸檬薏米水及羅漢果杭菊茶～兩杯飲品都足料，滋潤。

之前有YouTube(米紙)介紹過呢間米線，bookmark 左好耐，終於有機會同朋友黎試下，個湯底真係不得了！招牌花膠雞米線-奶白色的湯底，十分十分濃雞味，但完全唔會有油膩感-花膠好足料，足料到個湯的texture 係偏厚身，真係啖啖湯都係溶左的花膠-雞肉十分嫩滑唔鞋口藥膳黃酒花膠雞米線-湯底冇招牌花膠咁厚身，但藥膳係另一種風味，有紅棗的清甜做平衡，好岩秋冬飲好暖身-花膠同樣有原隻上，有2-3塊蜜糖雞翼-炸得好出色！外脆內juicy👍🏻-加左蜜糖更香金磚豆腐-$42黎講份量好多，一口size，十分酥脆自家制檸檬薏米

之前係用一個細鑊上，而家轉感用石窩，好似有d唔一樣，一樣都夠熱，湯無之前胡椒味禁重，雞同以前一樣禁嫩，好多舊雞，豬肚都好味，夠晒滋補😋唯一唔好係堂食d位坐得麻麻舒服，之後都會再食

呢日喺灣仔搵食，搵到呢間地道小店叫痴膠雞個名咁有趣就決定試吓！嚟到就試咗佢哋嘅招牌菜─羊肚菌花膠雞米線，石頭鍋上夠晒熱，湯底濃郁，羊肚菌同花膠都好新鮮，口感滑嫩，加埋鮮嫩嘅雞肉同米線，真係一碗滋味十足嘅好湯麵！食完真係令人心滿意足。另外碗係椰子雞米線，新鮮嘅雞肉同米線加入椰子燉煮，令到湯底更加濃郁同香濃。椰子肉嘅香甜味同雞肉嘅鮮嫩口感完美結合，經典😋最後，叫左杯桃味冷泡茶。呢杯冷泡茶清新怡人，桃味香濃，令人口感舒爽。特別係岩岩食完熱辣辣嘅湯麵後，飲返杯呢款冷泡茶，真係好消暑同解膩！

秋冬要滋補，約埋麻甩佬。😈講到養生，麻甩佬敢認二，我唔敢認第一。 《藥膳花膠雞米線 $68》是必點的。淡淡當歸藥材味嘅滋補湯，仲有嫩滑非常嘅雞髀肉，用火爐滾住食，湯頭熱辣辣， 唔會食到凍曬。《胡椒豬肚雞米線$60》湯頭仲濃過藥膳雞，灼熱胡椒味，非常暖胃。豬肚都幾多，兩個湯撈埋一齊飲仲正😋 順帶一提，佢哋請緊斬雞備貨女工呀喂，人工兩萬起，大家多個選擇考慮下🤑 📍癡膠雞 (軒尼詩道)灣仔軒尼詩道254號地

天氣開始涼啦，除咗食雞煲以外食雞湯米線都係一個補身嘅好選擇，食完成個人真係暖笠笠♨️而且晚餐可以係六十幾至八十幾蚊一碗大米線，真係好少見嘅抵食😋如果想食啲唔同嘅，佢仲有蜜糖雞翼芝士竹輪濃湯米線、胡椒豬肚雞麵或米線、酸菜魚米線、水煮魚米線等，全部都唔過$100😜1️⃣ 羊肚菌花膠雞米線 $82期間限定啊🤩羊肚菌可以增加抵抗力，而花膠都可以增加骨膠原，啱晒貪靚又想健康嘅大家😶‍🌫️而且佢係用火鍋形式上，就算你食得再慢佢都會一直幫你熱住個鍋，確保大家食嘅熱辣辣🔥2️⃣ 藥膳黄酒花膠雞米線 $68湯底黎講呢個仲濃郁，因為唔係普通雞湯咁簡單，係用藥膳熬煮以成❤️小編差唔多飲晒成碗🥣而且佢米線份量好多，雞肉頗滑身，大概有六至八舊，絕對唔係用幾舊敷衍咗你🤫💰~50 p.p.

癡膠雞最近轉左工，開始發掘下灣仔既美食，今次就介紹下呢間養生藥膳米線！睇個名就知道呢度有花膠食，唔好以為會好貴，其實都係$70左右一碗，如果食厭左普通酸辣米線，呢度真係好岩黎食！招牌花膠雞米線（$68）湯底聞落好香藥膳味，食落甜甜哋，配埋蟲草花，雲耳同花膠，都知幾養生！返工受完一日氣，梗係要食返好西補補！椰子雞米線（$60）椰子湯底好清甜，配埋啲滑滑既雞肉，又多左啲肉湯味。如果唔鐘意藥膳味既朋友，可以食呢個椰子湯底～食完咁補既一餐，如果一定要彈就係個爐keep 住著，搞到湯底keep住好熱，但養生真係要食暖🤣所以呢間真係會得閒encore下！

轉眼已入秋 微涼的天氣特別想吃火鍋然後發現了一人火鍋米線！！即是整碗米線都是以火鍋形式呈上讓湯底在進食期間保持溫度 滿足了下午想輕食火鍋又想吃米線的心 ⍢藥膳黃酒花膠雞米線 $68湯底藥膳味偏重 但都帶有淡淡雞湯味米線相對軟身 但非常掛湯而雞肉肉質嫩滑 份量也很多花膠 雲耳等都軟腍值得一提是喝光了都完全不口渴～胡椒豬肚雞湯米線 $60湯底濃郁 帶有胡椒香氣 微辣米線同樣掛湯 雞肉亦嫩滑而豬肚軟腍有咬口 完全不腥又是不知不覺喝光了湯XD吃完後非常暖胃檸檬茶+$6(跟餐)檸檬薏米水 +$18(跟餐)足料的健康飲品入口微酸 充滿了薏米⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐癡膠雞📍灣仔軒尼詩道254號地舖#foodiegoodie_wanchai

🍽️ 癡膠雞 📍灣仔軒尼詩道254號地舖-話說呢幾日唔舒服，想食得健康啲🥲🥲男朋友就揀咗呢間位於灣仔嘅花膠雞米線專門店😍😍估唔到佢真係足料又健康呀😝😝😝💫姬松茸竹笙花膠雞米線（益腎補虛） （ $78 ）好足料！一上枱已經俾佢嘅大大隻雞髀吸引咗😍😍😍 雞髀肉滑溜味濃😚😚竹笙、姬松茸、蟲草花同埋花膠都吸曬味！好濃郁雞味！😋😋😋另外要大贊嘅係佢嘅湯底！飲落似媽媽煲既老火湯，好有家既感覺😚😚🏡🏡唔可以忘記佢嘅米線，軟硬適中，而且同湯好夾💪🏻💪🏻💫胡椒豬肚雞米線（ $60 ）湯底有好香濃嘅胡椒同埋雞味👍🏻👍🏻豬肚既分量都好多，入味鮮嫩而且完全唔腥🫶🏻🫶🏻食落好開胃😋😋食到最後，男朋友忍唔住飲曬啲湯🤭🤭🤭男朋友亦大讚米線既設計😍😍有個火爐喺下邊興住，食到最後都仲係熱辣辣🔥🔥💫檸檬薏米水（$25 ）檸檬薏米水係自家製嘅🍋🍋飲落清甜，而且有好多薏米粒😍😍足料既証明！🫰🏻🫰🏻💫羅漢果胎菊茶（ $25 ）同樣地，羅漢果胎菊茶都係自家製嘅飲品👍🏻👍🏻甘甘甜甜，而且見到有唔少菊花花瓣喺底🌼🌼感覺好養生好健康🫶🏻🫶🏻-🌟餐廳座位寬敞，坐得舒服👍🏻而且職員都好Nice，真係好有屋企feel🌟餐廳既食物都好足料😆😆食

#Elsie帶你食｜🇭🇰｜癡膠雞 📍灣仔軒尼詩道254號地舖——————————————-鍾意食米線嘅你 多個選擇啦 想食得健康啲嘅 真係啱晒 佢啲湯底都係算比較藥膳！呢間唔算係集團式嘅米線 但佢分店仲有荔枝角 唔怕得過海先有！🔖 胡椒豬肚雞米線 HKD60價錢完全合理 佢會成個鍋咁上 我覺得好好 因為麵就係要熱辣辣食先正 湯底胡椒味夠重 仲有好濃雞油見到 令成個湯底更香 雞件數量大約有3-4舊 而且大大舊雞胸肉 唔怕要咬骨好麻煩 配料仲有唔少豬肚 蟲草花 雲耳 紅棗等等 真係落足料🥰