癡膠雞 (軒尼詩道)

營業中

休息中

呢間痴膠雞我已經食左超過10次，試過原味花膠雞、口水雞、藥膳黃酒雞、椰子雞，最好味都係椰子雞，第二中意係口水雞，個湯底好濃郁次次都飲哂，椰子雞個湯椰子味好重，而且飲完唔會口渴，不過雞肉就唔算好滑。小食都好好味，椒鹽豆腐即炸惹味得黎外脆內軟，舊豆腐好滑，明太子雞翼就份量較少入面唔似明太子餡，黑松露薯條即炸出黎薯仔夠粗黑松露醬又好味，肥牛就好味不過冇咩驚喜。佢地用煲上個雞可以keep住熱同埋個湯會越煲越濃。不過個冷氣好大坐有個煲個人都會凍，而且好多時搭枱位置比較迫。