先嗌兩款蠔：銀堡壘和日之雪花。 兩者嘅分別在於海水味的濃淡。唧埋檸檬汁，更突顯蠔的鮮味😋👍🏻。 嗌左兩個晚餐： 晚餐包沙律或餐湯，揀左 「煙三文魚田園沙律配凱撒沙律汁」。 煙三文魚田園沙律配凱撒沙律汁 沙律菜十分爽脆，還有酸甜車厘茄，感覺清新～😊 升級頭盤加左$78嗌左「芒果蟹肉他他」。吞拿魚肉鹹鹹地，菜中和吞拿魚的鹹味。酸酸的芒果帶出了吞拿魚的鮮味。 主菜： ❤️香煎三文魚柳配芒果莎莎醬 芒果莎莎醬轉左柚子汁。香煎三文魚柳煎得好香，啖啖肉肉質鮮甜。 ❤️烤加拿大豬鞍扒配蜜糖芥末籽汁 豬鞍好難咁厚都咁熟有肉汁 淨係落鹽無落其他調味料食到本身豬嘅味道，證明用料新鮮，物有所值👍🏻。蒜唔會好嗆鼻。 晚餐包咖啡或茶。 我嗌左「玫瑰花茶」。入口花香盈腔～🥰 凡惠顧杯裝啤酒或紅白酒指定時段Happy Hour(17:30-19:30)買一送一。 同朋友各位嗌左一杯The Orford Chardonnay 2021 和Red Wine。 朋友生日，嗌左個「歌劇院蛋糕」。店員好細心咁喺碟上寫左「Happy Birthday」又點左蠟燭，估唔到重播埋生日歌！令朋友十分驚喜！😍👏🏻👏🏻👏🏻蛋糕上還有士多啤梨🍓和藍莓🫐。朱古力🍫味濃郁，我同朋友都鍾意食朱古力，啱晒我地！ 要提提大家去餐廳前一定要book位呀！因為見餐廳全場爆滿，有人想walk in都被店員婉拒了。

❤️藥膳黃酒花膠雞湯上海麵配雙檸樂 好香藥膳味。雞吸收左黃酒的精華，入口酒味香濃～😍 一片片花膠好補身～❤️ 上海麵和鍋分開上，確保麵不會被浸淰👍🏻。 雙檸樂 雙檸的意思是用了兩款檸檬：鹹檸和檸檬🍋。咁特別嘅飲品好少餐廳有得飲了。 ❤️貴妃雞擔擔麵(轉稻庭烏冬) 配可樂 貴妃雞和麵分開上，確保雞味唔會被湯底遮蓋👍🏻。湯底有少少辣。稻庭烏冬是真稻庭烏冬，口感煙煙韌韌唔會一夾就散。 ❤️豬扒蕃茄湯米粉配可樂 豬扒和米粉分開上，確保豬扒乾身保留到脆口。豬扒煎得香口😋👍🏻。 米粉份量好多。蕃茄湯有蕃茄碎，真材實料酸醒甜甜好開胃～😋

嘩嘩嘩！呢間餐廳真係非同少可！勁多人喺門口排隊😱。店員話生煎包都係即叫即製，製作需時所以請大家耐心等候～🙏🏻大家要有排隊等嘅心理準備啦。 ❤️招牌生煎包 ❤️蟹皇生煎包 入面有蟹肉絲和蟹膏，蟹味好香，夠晒鮮甜味美～😋 見有員工喺店面即席包生煎包，證明係全人手包👍🏻。生煎包上枱時夠晒熱，一咬爆汁，小心辣親嘴仔呀！生煎包全部皮薄餡靚，煎到個底好脆，超正！😋 ❤️糖醋炸排骨湯麵 糖醋炸排骨和湯麵分開上，確保糖醋炸排骨保留到乾身微脆👍🏻。糖醋炸排骨酸酸甜甜好開胃。 湯麵軟硬適中好有口感。 ❤️生炸雞扒蔥油拌麵 生炸雞扒炸漿夠薄，炸得香口。 拌麵上放了炸蔥絲，入口好香。麵條是幼身的。 ❤️低糖豆漿 可選冷或熱，揀左凍。低糖真係低糖，甜度適中👍🏻。 ❤️脆皮豆沙鍋餅 煎到皮微脆，餅食落有口感，中間豆沙微甜。

嗌左兩個「1人套餐」：海南雞拼豬仔髀飯和農家走地雞飯。 ❤️海南雞拼豬仔髀飯配灼青菜 飯轉左油麵 半價追加了小食：手工炸春卷 另加了樽裝可口可樂。 灼青菜🥬是菜心。菜心十分翠綠爽脆鮮嫩冇渣。 送了一碗湯，湯內有冬瓜和雞腎，味道清甜無味精。 海南雞拼豬仔髀一次過滿足我兩個慾望！😍 海南雞雞肉嫩滑～豬仔髀有少少肥膏，邪惡得黎好滋味～😋估唔到重有烚蛋，還有酸蘿蔔、青瓜、木耳和花生。 油麵湯夠熱。麵條軟硬適中。 手工炸春卷剛炸起上枱，入口香脆重熱。點埋甜酸醬食十分滋味。 想試下農家走地雞同海南雞嘅分別就嗌左 ❤️「農家走地雞飯配灼青菜」1人套餐。 揀左油飯、多飯。 半價追加了小食：泰式酸辣鳳爪 個人覺得農家走地雞雞味較海南雞濃，肉質冇海南雞咁滑。重有雞腎。 油飯好香口，不禁食多幾啖飯😋。 泰式酸辣鳳爪真係幾辣🥵，加上微甜帶辛生洋蔥🧅，是一款開胃小吃👍🏻。

下午茶餐供應到6點，嗌左 「吉列魚柳配沙律」。下午茶餐奉送熱飲。 吉列魚柳好大塊！真係要讚佢係即叫即炸，入口重熱辣辣辣嘴！啖啖魚肉新鮮嫩滑～😋 沙律佔左成隻碟嘅一半！除左水果重有紅腰豆🫘。 餐廳係用QR code落單。 想嗌熱檸茶。見竟然有得揀幾多片檸檬🍋同埋茶可以揀濃啲同淡啲，幾貼心👍🏻。我冇特別揀。上枱時見有三片檸檬，茶香濃唔澀。 精選晚餐5點開始供應，奉送白飯、例湯和熱飲。 嗌左「沙薑雞」。朋友嗌左熱杏霜。 沙薑雞份量比我預期多！😱雞肉嫩滑。 湯有粉葛和豬肉，大碗又足料，飲落清甜無味精。

一入去餐廳已經覺得環境幾乾淨企理、坐得又舒服～同friend gathering啱晒👍🏻。 睇睇餐牌揀食咩，見到都幾多款式揀，有雞翼、麵類、韓式套餐、紫菜飯卷等，睇到眼花撩亂，同朋友揀左好耐先揀到🙈。 主菜未上先上3碟前菜：泡菜、薯仔絲和煎餅。個人幾鐵意食薯仔絲。 ❤️拉麵(公仔麵)炒年糕 有少少甜，但都幾辣🥵‼️⚠️。 有半隻烚蛋，重有好多椰菜👍🏻。年糕煙煙韌韌好有口感😋。 ❤️蜜糖蒜蓉雞翼(4件) 真係有成粒蒜蓉！勁多蜜糖🍯，正呀！😍蜜糖令雞翼食落唔會乾。皮炸得香脆，入面嘅肉嫩夠熱又juicy😙。 ❤️炸醬麵 有隻煎太陽蛋，入口重熱辣辣👍🏻！重有青瓜絲。麵煙韌有口感。 ❤️牛肉紫菜飯卷 份量夠，都幾多件👍🏻😍。 入面包左漬物、紅蘿蔔絲🥕、菜、蛋和牛肉，超豐富😋！

❤️手工黑松露雲吞配野菌黑松露忌廉汁 雲吞整成一口bite-size，細細粒好得意😍，食起黎又方便👍🏻。黑松露和雜菌的味道好夾，好香口。 ❤️香煎虎蝦扁意粉 除了有虎蝦和扁意粉還有蕃茄仔和雜菌，口感十分豐富。 虎蝦有約4-5隻，份量足，夠新鮮，肉質結實唔會霉。 扁意粉軟硬適中有口感～😋 加左蕃茄仔酸酸甜甜食落更開胃。 加左$38升級做餐配是日餐湯及餐飲 是日餐湯係南瓜湯。未飲見個賣相都十分精美❤️。用左忌廉拉左花好靚～😍，飲落有南瓜嘅甜味，口感順滑～ 餐飲嗌左熱檸茶。 茶香唔澀。檸檬酸中帶香，唔會苦。 另嗌左個甜品： ❤️藍莓醬巴斯克芝士蛋糕配雪糕 呢個甜品不得了😍。巴斯克芝士蛋糕🍰口感軟軟的配雲尼拿雪糕🍦超正！還有藍莓🫐、士多啤梨🍓等水果，配上酸甜藍莓醬。水果中和了芝士的膩，這種配搭不錯👍🏻😋。

晏晝黎飲茶🫖。肚餓想食d粉麵就嗌左一碗切雞瀨粉。 ❤️切雞瀨粉(碗) 雞和瀨粉分開上。兩者的份量都足夠。雞有雞翼，雞肉嫩滑啖啖肉。雞旁還有灼菜心。 飲茶梗係要食點心啦，嗌左3款。 呢間舊式酒樓重係用「推車仔」形式黎賣點心。點心車一推出黎，個個立即蜂擁而上，要食就要快手啦，如果唔係就比人攞晒。所有點心都係新鮮出爐，保證食到熱辣辣嘅點心！ ❤️咸水角(中點) 外脆，「皮」口感煙韌。 ❤️干蒸牛肉(大點) 皮薄，點埋喼汁食更滋味～😋 ❤️蝦餃(頂點) 同樣皮薄，但薄得黎有口感，透明的餃皮晶瑩剔透，看到入面的餡。做餡的蝦夠新鮮。 $16位茶。呢度係用盎沖茶，十分懷舊。沖出黎嘅茶十分濃。因為個盅好細，好快就飲晒，打開盅蓋好快就有人黎沖水。侍應用熱水煲煲水然後直接將剛剛煲滾嘅水倒入盅內，可謂水滾茶靚👏🏻👍🏻🍵。很怕熱水會濺到我身上，但一點也不用擔心，因為這裏的侍應手勢十分純熟，水不會濺到桌上，內心喑喑讚嘆。

難得平日得閒，約左朋友一齊食放題。午市放題時段是12-3pm，足足可以任飲任食3個鐘，超正呀！😍嗌左最平個「經典」餐已經可以任食刺身、壽司、卷物、串燒、鐵板、燒物、一品料理、廚師推介、天婦羅、炸物等。重未計出面有自助區可以任攞冷盤、煎炸小食、甜品和飲品。 Scan QR code落單之前已經被門口自助區琳琅滿目嘅食品吸引住啦！😍 忍唔住即刻攞左螺、青口、蜆等海鮮、酸辣鳳爪、麻辣豬耳等黎食🙈。朋友鐘意食炸野就攞左薯條、薯角等煎炸小食。各自各精彩！ 我特別鍾意食海鮮，點埋酸汁食鮮味更突出！ 冷鮑魚酸酸辣辣好開胃🤤 刺身嗌左八爪魚和角螺，新鮮有口感。 見佢有款卷物好特別：榴槤加州卷一於試下佢！喺加州卷上加左榴槤蓉，還不錯，鍾意食榴槤嘅朋友可以一試👌🏻。除咗呢款榴槤食品，重有貓山王榴槤炸彈！炸得熱辣辣，入面係榴槤蓉，一咬便滿口榴槤蓉，正爆！😋 蒜蓉燒生蠔🦪落咗蒜蓉同埋辣椒，十分香口。 我特別鍾意食西京比目魚，煎得好香，魚肉又滑溜～🥳 鐵板紐西蘭西冷牛扒 有分黑椒汁和蒜蓉汁兩款口味，我兩款都嗌左，兩款汁各有風味👍🏻😋。 估唔到呢度有「萵筍炒蝦球」食！即刻嗌碟試。除了萵筍和蝦還有木耳，萵筍和木耳十分爽脆；蝦肉飽滿新鮮唔霉。 和風牛柳粒 除咗牛柳粒，仲有洋蔥和三色甜甜燈籠椒，炒得幾有鑊氣！👍🏻 芝麻雞翼 炸得外皮香脆，入面重保留到肉汁👍🏻唔會乾爭爭。 提提大家記得留肚食甜品呀！😍😍😍 我同朋友去甜品櫃攞咗幾款甜品，另外還攞了雪糕🍦😙！啲甜品都算高質，有賣相又好味😋～👍🏻

跑馬地有間「Little Napoli」專食pizza，pizza愛好者必試！👍🏻 我地一共嗌左5款pizza試下唔同款嘅pizza。 Pizza由麵糰到焗起成個過程喺呢度都可以一覽無遺😍。 店員熱情地招呼我們，介紹我地知個焗爐溫度係400幾度可以同一時間焗5塊pizza，90秒就烘起。 店員話呢度整嘅係拿坡里 pizza。呢種pizza係較濕嘅soft pizza。店員話因為呢種pizza較濕較soft，食法都同平時一般嘅食法唔同。為防止食材邊食邊跌，要將pizza摺埋食。佢話呢個食法”Not gonna be pretty but gonna be yummy”。 同出面嘅pizza連鎖店每一塊嘅味道同size都係標準唔同，呢度每一塊pizza都係人手製，每一塊都唔同，店員話”No pizza that is exactly the same”，黎呢度係想食「隨意」。 店員話做pizza最緊要係3樣野：食材、爐和廚師。食材皆是從意大利來的。 1. Margherita 用左兩款芝士：阿傑羅拉水牛芝士和羅馬羊奶芝士，雙重芝味😋。配上聖馬札諾香濃茄醬🥫和鮮羅勒，茄醬的酸甜味和羅勒的香氣正好中和了芝士的膩👍🏻。 2. ZINGARA 用上巴馬火腿、車厘茄、水牛芝士、一種叫Pantelleria oregano嘅香草🌿和鮮羅勒等食材整成。車厘茄有黃色和紅色兩款，令pizza望落色彩繽紛好靚😍。 3. B O S C H I V A 這個pizza用上了巴馬黑毛豬頸肉切片、我最喜歡的火箭菜、蘑菇等食材整成，有火箭菜和蘑菇中和了巴馬黑毛豬頸肉切片的鹹味，有菜有肉這個配搭不錯👍🏻。 4. Monaca 這個pizza加了辣椒碎，食落有微微辣味。還有黃蕃茄醬，味道較一般紅蕃茄甜。黃蕃茄醬的甜和辣椒的辣互相中和，恰到好處。加上豬肉腸食落有口感。 5. Affumicata 呢款pizza最特別嘅地方係佢用左一種煙燻芝士叫「阿傑羅拉煙燻水牛芝士」。煙燻過的芝士更香。 總括來說，這裏的pizza都是邊厚中間薄。因為是人手即拉即焗起上枱，確保每一塊pizza都口感鬆軟煙韌有口感而且夠熱👍🏻。唔會因為凍左令餅皮變硬難咬。 店員說對意大利人來說Pizza是他們的一餐飯，師傅十分著重各款食材的配搭(Combination)，見到呢度有咁多款pizza都知道，十分欣賞師傅的創意👍🏻和用心。