申子居酒屋

營業中

休息中

去咗銅鑼灣嘅申子居酒屋食飯，真係一個好正嘅體驗👍🍽️店內環境好有格調🏮🎎坐落喺繁華嘅銅鑼灣🏙️🌆但入到去就覺得好似隔離咗外面嘅喧囂🚦🚶‍♂️坐位之間保持得好好🪑🛋️有私隱又唔會太迫🙅‍♂️🔒係一個放鬆心情嘅好地方🧘‍♂️💆‍♂️食物方面，真係一試難忘😋🍴首先提一提明太子芝士山藥🧀🍠呢個菜式簡直係融合咗日本同西方嘅美味，山藥嘅綿滑加上芝士嘅濃郁🍲🧈味道層次分明👅🎚️口感豐富👄🌟真係食落去停唔到口🚫🛑再講講佢哋嘅燒豆腐🔥🍢呢個簡單嘅菜式都可以做到咁好味👌🌱真係唔簡單🎩🧐豆腐外皮微微焦香🥢🔥內裡嫩滑🍮👍口感上佳👄🏅。而家講返個日式雞鎚花蝦🐔🌸🦐呢個絕對係我嘅心頭好💖👀。雞鎚juicy到不得了💦🍗外皮包住嘅櫻花蝦又鹹香🧂🍤又脆🍪又惹味👃🤤真係一絕🏆🎉。極上鹽燒牛舌芯呢個就更加唔使講🐄👅🔥牛舌嘅質感軟嫩🍖🍮口感豐富👄🌈每一啖都充滿咗肉汁同鹽香🧂💦加埋檸檬汁層次更豐富真係食過一次就忘不了🤯🚫蟹肉燒飯團呢個小食都好出色🦀🍙蟹肉嘅鮮味同飯團嘅香味完美結合👌🌀每一啖都食到蟹肉嘅鮮甜🦀🍯最後一定要提嘅係申子海膽和牛燒🐚🐮🔥呢個真係睇得又食得👀🍽️店員席前用火槍炙燒和牛🔥🔫嗰陣牛脂嘅香氣真係撲鼻而來👃💨而且睇住佢哋燒牛嘅過程

Sunday收工後慣左食好西慰勞下自己，今次同友人去左一間樓上日式居酒屋，小店環境幾舒服☺️而且服務唔錯，幾適合一班人gathering刺身定食 $298刺身由廚師發辦，呢度有幾款唔同既鯛魚刺身、我只認到金線鯛🥲、三文魚腩、池魚同牡丹蝦。先食較淡味既鯛魚，再品嚐油脂豐富既三文魚腩，池魚肉質爽彈，刺身整體都好新鮮肥美😋爽脆既三文魚籽及烏魚子更有提鮮作用，擺盤精緻用心，視覺愉悅瑰麗☺️鰻魚玉子丼香濃鰻魚配厚煎玉子，咸甜交織，份量十足🤩一口芝士黑豚卷 $128外脆內軟😍豚肉岩岩熟，仲有拉絲芝士🧀咸香邪惡😈前菜蟹肉蟹籽鮮味爽脆；牛舌角切，口感厚實但不失嚼勁，兩款前菜質素唔錯Lunch set仲做緊買一送一優惠，幾抵食😋

申子買一送一❓咁抵梗係要去啦🤩🤩而家午市套餐，買一份定食，會送一個丼飯定食，大家lunch記得去食啦☝🏻我哋就揀咗壽喜燒，$288，送嗰份就揀咗鰻魚丼☺️都係平時大家鍾意食嘅嘢。壽喜燒仲有得揀牛或豬，方便唔食牛嘅人👍🏻佢嘅牛肉唔會好肥，啱晒我，牛香味配上一隻靚靚嘅生蛋，真係好正，入面仲有大量蔬菜，非常健康。原本以為送嘅丼飯份量會細啲，點知完全唔會呀，大大份鰻魚飯，亦都配埋湯、小食同牛舌粒，下面仲有大大塊玉子，真係好正😊申子一向出品高質，今次午餐都食得非常開心，而且銅鑼灣分店更新環境更好，係附近返工嘅朋友記得去食啦💕

難得喺港島區同好朋友食飯，一於就試我好耐想試既申子居酒屋先。上網見訂枱有八八折，準時六點到餐廳，我哋係第一枱客，不過門口戴眼鏡嘅女接待員安排我哋坐喺近門口嘅一張枱。感覺麻麻，不過坐低咗，我就費事出聲啦！✨極上鹽燒牛舌芯我唔係好食牛舌，試咗一口都覺得好腍可能因為係牛舌芯嘅關係，好好食，值得推介。✨汁煮左口魚裙邊好少地方有左口魚裙邊食，所以見到第一時間就叫咗，冇失望，又係好滑，入口即溶。✨吉列三重芝士千層豚肉芝士多到流晒出嚟，同埋侍應都講到話要趁熱食，炸粉又唔會太厚，肉質好嫩，我同朋友每人食咗兩嚿已經超飽。✨ 申子新卷上面會有吞拿魚蓉，再配上海膽加三文魚子，味道好夾。總括嚟講本人覺得價錢略貴同埋居酒屋嚟講啲串燒選擇唔算多。

Set lunch竟然買一送一🫢連星期六都做緊呢個優惠😱😱😱😱～之前幫襯過旺角店 銅鑼灣呢間就第一次嚟發現好多卡座 空間感足 又夠清靜同朋友慢慢食吹下水啱晒✔️壽喜燒定食 牛肉份量勁多 好似食極都有咁 牛肉味重得嚟唔會好重油脂 啱晒我口味 配上好多娃娃菜、本菇、冬菇、金菇，洋蔥 令到個湯底更加清甜 跟隻雞蛋黃 用嚟點牛肉食一流✔️角切魚生丼 呢個就係其中指定送嘅一款 唔好以為送就會好求其 同單點一樣份量㗎 魚生丼有油甘魚、三文魚、吞拿魚、三文魚籽 再配上少少芝麻醬 食落好香口Set lunch仲會包埋麵豉湯同兩款小食今日我個小食就有涼拌牛舌同埋蟹肉青瓜一啲都唔hea 㗎！✔️極上塩燒牛舌芯 呢味純粹見好多人介紹好食 我呢個牛舌控當然要食埋一份啦 切成粒粒咁樣燒 食落又好嫩口喎 再配埋少少柚子鹽食 牛肉味更加出色

好耐冇食過申子居酒屋 記得之前印象中食過旺角係好好食 值得encore ！ 芥末八爪魚 $108 好味，估唔到佢d八爪魚都幾大塊，肉質又彈牙，加埋濃郁嘅芥末，成個組合好新鮮開胃😋 洋風雞肉卷 $168 呢個都係好食嘅驚喜， 入邊係用雞肉包住紅蘿蔔同埋牛蒡，雞皮香脆，雞肉肉汁鎖住係入邊，味道好夾👍鮮魚兩食- 手調池魚 $368一條魚兩個食法，刺身新鮮甜味，另外一種整成天婦羅，入邊仲有紫蘇葉包埋去炸，幾特別，連魚骨都可以食埋！ 串燒套餐$288 整體味道都唔錯，啲肉都燒得好，保留到肉入邊嘅Juicy，成個套餐有大蔥雞、免治雞、黑豚肉、煙肉車厘茄同埋海蝦😌 極上鹽燒牛舌芯 $128 一如既往咁外煎得脆內裡好厚肉彈牙 配埋個胡椒柚子醬或者海鹽就好好食😋 柚子燒酌 $78 黎居酒屋當然要加翻杯酒🍻價錢中價，但味道真係保持到高水準，有日本居酒屋嘅味道🏮🥰

今日約我妹去食晚飯先，職員介紹之下，原來餐牌會不時更新，今日推介咗幾款新產品，咁我要試下先。🐃 鹿兒島A4和牛茶漬飯 $328選用來自鹿兒島的高級A4和牛，配以每日用上六至十隻無激素雞、花上十小時熬製而成的雞白湯，與適量濃味綠茶結合，成就最矜貴又味道濃郁的茶漬飯。🦀 極上蟹肉蟹膏燉飯 $288軟綿綿嘅燉飯，面頭放滿蟹肉、蟹膏、三文魚子，充滿蟹膏鹹香，蟹肉口感。食居酒屋點少得串燒，點返幾串食下先：🐖軟芝士黒豚卷一串 $48豚肉燒得軟腍，入面包上軟芝士，口感層次豐富。🐖豚肉露荀卷 $58燒得香脆嘅豚肉，包上粗大嘅露荀，香爽脆。🐓雞翼（鹽燒）一串 $45簡簡單單嘅鹽燒雞翼，皮脆肉滑，非常juicy。🐓大蔥雞肉燒一串 $48香甜微辛嘅大蔥，嫩滑雞肉，十分惹味。

申子 - 日系居酒屋今日介紹一間位於銅鑼灣區嘅日本餐廳，居酒屋嘅形式，提供多款地道經典嘅日本菜式，另外亦有創意新穎嘅料理。而家優惠期間煩光顧午市套餐，即可以買一送一送以下套餐一個：鰻魚玉子丼、親子丼、和風牛舌丼或角切魚生丼飯。壽喜燒 (牛/豬） $288揀咗牛嘅壽喜燒，牛肉軟腍，入口溶化，配合香甜嘅壽喜燒汁，當中有着洋蔥、蘑菇同埋菜，將牛肉沾上蛋汁食！角切魚生丼飯 $0午市優惠贈送嘅丼飯，有三文魚、火炙三文魚同埋油甘魚，係成個定食套餐一齊贈送，相當有誠意。極上鹽燒牛舌芯 $88外層燒得香脆，內裏口感軟腍嘅牛舌芯，可以配合蔥花、岩鹽或者柚子蓉一齊食。

「和牛愛好者召集🐮🥩🩵」最近知道申子居酒居出左新Menu，一向中意食牛嘅我梗係要去試下啦！😋————————————🥩🍚鹿兒島A4和牛茶漬飯來自鹿兒島嘅和牛肉質唔會太肥，非常鮮嫩，仲可以按個人喜好加上拌飯素同芥末加以調味，配上茶漬湯飯超開胃🤤🐮🍲壽喜燒鍋鍋物附上嘅牛肉份量超多😍壽喜燒湯頭好甜，配菜都好足料，牛肉味好夠😋兩個人食剛剛好👍🏻————————————環境寬敞舒適位置充足餐廳服務好好，平日晚市客量都幾多，想去之前記得book位😎值得推介😋👍🏻♥️

銅鑼灣人氣日本料理，平日晚餐時間也差不多滿座，正值奧運比賽時間，不少客人一邊用餐，一邊討論賽果，氣氛熱鬧，是下班後放鬆身心不錯的聚腳點。申子海膽和牛燒 $378新品推出，又海膽又和牛，很有派頭，還有專人即場以火槍燒熱，店員推介的7成熟度恰到好處，和牛經火燒後油香散發，包住日本蛋黃拌飯，整個Presentation有儀式感之餘，味道也令人滿意，入口即溶，好奢華的感覺。極尚鹽燒牛舌心 $88申子招牌單品，左右鄰座客人也有Order，讓人期望很高，最後也是有驚艷到！牛舌芯厚肉大大粒，爽脆內Juicy，豐富的油香實在太邪惡，令人一口接一口，質素果然很有保證，絕對要Encore。關東煮 $108看似簡單平凡的小食，也吃得出誠意。使用無激素雞白湯做湯底，一喝就心心眼，清甜不油膩，比坊間的味精湯底完全是兩回事。魚糕、魚豆腐、蘿蔔等配料吹盡湯底精華，單吃已很美味。海膽炒飯 $238本身炒飯已很出色，鑊氣十足，熱辣辣，炒得乾身而且粒粒分明。除了主角海膽外，還有三文魚籽、蟹籽及鮮貝粒，份量看似不多，但倆口子吃起來也很有飽足感。

以選料上乘✨見稱嘅🌟申子居酒屋🌟，銅鑼灣分店長期爆場💥，人氣極旺🔥！🥩鹿兒島A4和牛茶漬飯 $328鹿兒島A4和牛嘅油脂紋路極漂亮，加入熱湯後，睇住啲油脂慢慢咁變成半透明，過程極療癒！和牛入口軟柔，肉香出眾！茶漬飯吸收咗和牛嘅油脂後，變得甘香！🍣蔥拖羅卷 $168拖羅蓉肥美又夠軟滑！🍤雜錦天婦羅 $168一碟有齊大大隻連頭嘅炸蝦、茄子、南瓜、小青椒、金菇等，份量足！🧈蓬鬆玉子 $108半熟嘅流心芝士玉子燒，配海量嘅醬汁，滋味十足！🍢鹽燒雞翼 $45燒到皮脆肉嫩，火侯掌控得啱啱好！

放工約咗老友出黎聚聚，揀咗間日式居酒屋，傾住計聽住日本音樂，舒解工作悶氣。原來呢間居酒屋主打和牛，我哋叫左道申子海膽和牛燒。店職員即席用火槍，將和牛燒至五成熟，然後將蛋黃同飯拌勻，捲嚮和牛入面，再整件和牛再燒一燒，加上海膽同魚子醬，分半切開。和牛口感真係超嫩滑，入口即溶，簡直係味覺嘅享受 🤩另外叫左個極上蟹膏蟹肉燉飯。揭開蟹蓋，見到滿滿的蟹肉、蟹膏、蟹子，份量十足！燉飯仲加入左菇，提升鮮味！熱辣辣嘅燉飯同配料拌勻後，味道鮮甜清香，口感細密。職員介紹今日的off menu item - 愛女魚&尾長鯛刺身。呢兩款魚刺身比較少見，我哋就叫左碟試試。愛女魚比較軟身，尾長鯛硬身爽口, 兩款刺身都好新鮮同鮮甜，能夠試到平時少有嘅魚品種，實在難得。今晚晚餐嘅食物質素非常高質。無論食物質素，定係環境氣氛，都彷彿置身於日本地道居酒屋中。未有時間返家鄉日本，不防去一去申子一解思鄉之愁。

申子係出名既人氣居酒屋，日系裝修，環境坐得舒適寬敞，想食日本菜一定會來呢度🌟️申子海膽和牛燒侍應會即場用火槍燒和牛燒到半熟，加上生雞蛋黃🥚撈勻，與飯卷起來，再加上魚子和海膽。牛肉十分軟嫩，油脂豐富，有入口即溶的感覺😻加上和魚子醬和海膽配合一起吃，非常奢華美味🌟️火炙大蝦讚岐手打烏冬 火灸大蝦鮮味彈牙，香濃蝦湯湯底十分濃郁，有好多櫻花蝦十分鮮味，配上QQ烏冬👍🏻🌟蓬松玉子⁡切開蓬松玉子，係非常滑嫩，入口鬆軟有蛋汁😋蛋味香濃，加上甜甜大阪燒醬汁，好食～⁡🌟⁡極上鹽燒牛舌芯⁡必點！牛舌芯厚切，外脆內軟，咬落去牛味香濃，油脂十分香，沾上少許柚子胡椒更提香🫶🏻⁡

嚟咗呢間樓上日式餐廳食個午餐🤣呢度有幾款「午市套餐」，咁揀咗 $298「壽司🍣定食」，「午市套餐」竟然仲包一個丼飯（係 regular size)🤩，有4款丼飯可以揀，咁揀咗「鰻魚玉子丼」🤣；餐牌仲竟然寫住「優惠期間 - 午市套餐 - 買一送一」🤩🤩🤩「壽司定食」：有前菜牛舌、蟹肉蟹籽沙律、麵豉湯、烏冬、當然仲有壽司🍣啦🤣壽司🍣有 海膽、帆立貝、油甘魚、赤身 等蟹肉蟹籽青瓜🥒：細細兜但係幾足料🤣牛舌配青瓜：幾好食🤣烏冬：都幾大碗🤣「鰻魚玉子丼」：都係 セット咁樣上 - 有牛舌青瓜、牛蒡、麵豉湯🤣鰻魚厚身好多肉👍，玉子日式做法夠晒甜🤩成個套餐就係咁嘅樣，食晒就真係飽到呢🤩

朋友話想食和牛同串燒就帶佢黎到係銅鑼灣既申子居酒屋 居酒屋的燈光比較暗 裝修以深色為主有卡位坐啱哂幾個朋友食飯傾計申子海膽和牛燒 店員拎住一塊雪花均勻的和牛同火槍問我地要幾成熟 我地揀左5成熟佢就開始燒和牛 然後將飯同蛋黃舖上面 將和牛包好飯之後燒多一陣 分成兩份再加上海膽同魚子放上面和牛食落入口即溶 蛋香滲滿飯粒 海膽同魚子一齊食好有口感精選串燒套餐有大蔥雞 免治雞 黑豚肉 煙肉車厘茄 海蝦夠新鮮 好彈牙 蘸上蛋汁味道更加好火灸大蝦讚岐手打烏冬睇落細細碗 食落都幾飽肚湯底味道濃郁 烏冬夠彈牙