友人同我一樣係麵包控，聽佢講話港島區開左分店，呢間麵包店有多款新式菠蘿包同牛角包，每日由師傅新鮮製造，made in HK口碑唔錯。有我鍾意食既牛角包😍聽到都流晒口水🤤 店舖門面寬闊，橙紅色調感覺溫馨暖心，設計簡約時尚，每款麵包細細件，賣相好精緻吸引，左諗右諗咁辛苦，索性揀多幾款唔同味道同屋企人開心share😆 蜜糖粟米小牛角 香甜蜜糖🍯加埋粒粒粟米，口感豐富 香濃咖啡小牛角 陣陣香濃咖啡味攻佔味蕾，咖啡迷必試 提拉米蘇小牛角 幼滑cream同香脆牛角包真係好夾，加埋提拉米蘇既冧酒咖啡香味，真係好香☺️ 黑糖麻糬小牛角 黑糖麻糬粒煙韌軟腍，口感十足，唔會太甜 麻糬芝麻菠蘿包 賣相有別一般菠蘿包，灰黑外皮一咬落去已經食到好香芝麻味，睇來幾足料😯菠蘿包中間夾左片麻糬增加口感，每啖都食到麻糬同麵包 佔唔到傳統麵包可以有咁多變化😯的確好有新鮮感

Sunday要返工，收左工當然要食好西好好慰勞下自己😌，今次揀左日式居酒屋，地點方便易搵，深色木系裝潢，設計簡約有格調，座位舒適，適合聚餐吹水。職員服務態度親切有禮，主動關心客人需要，安排適合既座位，用餐體驗良好 「一個人原來都可以盡興」🎵😆十隻字可以總結🤣（講笑） 刺身定食 $298 擺盤精緻，賣相吸引😍全部都好新鮮 金線雕：目測幾似衫魚😂口感柔軟，味道頗濃郁 油甘魚：肉質爽彈有嚼勁 三文魚腩：肥美鮮甜，油香豐腴，厚切口感十足，蝦頭連膏炸至香脆，物盡其用👍🏻 牡丹蝦：厚肉鮮甜 左口魚：屬味道較淡既刺身，建議先品嚐 帶子：鮮甜柔嫩 赤身：油脂較少，魚味濃郁 包括前菜+麵豉湯+烏冬 蟹肉蟹籽青瓜🥒清新爽口 醬汁牛粒食落好香，啖啖肉口感豐富 烏冬幾爽滑，香濃豬骨湯有驚喜🤤 極上鹽燒牛舌芯 $88 食前滴少少檸檬汁減輕油膩感，牛舌芯色澤誘人，配埋胡椒醬、海鹽提升味道層次，牛舌芯外層微焦，內層柔軟，幾經細嚼下，牛味更突出，咸香中帶少許辛辣，呢款小食餸酒應該唔錯😉 餐廳出品認真用心，整體食物質素唔錯。優惠期間，午市套餐買一送一，可免費獲贈丼飯：鰻魚玉子/和風牛肉丼/親子丼/ 角切魚生丼，四選一

屋企人同我都好鍾意泰菜，今次俾我搵到一間新開，環境舒適食物又唔錯既泰式餐廳，而且地點方便，離西鐵站5-10分鐘就到😄就算你地好似我咁路癡都唔洗擔心難搵路 小店1200先開店，門口已經有好多客人排緊隊，建議想食既朋友仔預先book位😉餐廳以淺色木系設計為主，配合常綠植物及通花藤木傢俱燈飾佈置，充滿新新既田園氣息，樓底夠高，空間感大，2/F亦設有座位，職員服務有禮殷勤 咸香海南雞飯 $65 胡椒蘿蔔湯，清甜微辛易入口；青瓜、菠蘿、車厘茄少少酸辣夠醒胃；雞肉份量慷慨，點埋酸辣汁同醬油一齊食，啖啖嫩滑雞肉肉大滿足😋 跟餐柚子檸檬蜜 唔算太甜，有少少柚子香 跟餐+$40飛天通菜 咸香爽脆，餸飯岩晒 呢個價位有前菜、湯、肉品、又多肉，都算高CP，難怪當日咁多客人係lunchtime都有order套餐😋 泰式乾炒河粉（雞肉）$88 河粉口感幼滑煙韌，同坊間既泰式河粉唔同😯而且食落好有鑊氣🔥加埋蛋、芥蘭、紅蘿蔔、雞肉一齊食，口感豐富又夠香口🤤，可因個人口味加入酸辣醬汁，提升味道層次😋份量都幾多，足夠2-3人share 古法鮮蝦金柚沙律 $88 金柚爽甜多汁，加埋酸辣醬汁同生菜一齊食，味道配搭得好好，炸過既腰果食落香脆，大蝦厚肉爽彈，配料新鮮有質量，係一碟非常開胃健康既菜式 泰國椰青 $42 清甜解渴☺️食完酸辣煎炸野飲椰青水，真係好舒服 本來想試埋椰子雪糕，但趕時間🥲唯有下次先

收工後好想搵個舒服既地方lunch，俾我發現有間近CWB MTR既樓上cafe🤭小店設計簡約時尚，主打韓西Fusion菜 泡菜芝士年糕（配魚糕&紫菜粉絲卷）$118 沾滿泡菜芝士既年糕，入口咸咸辣辣，配埋紫菜食，幾煙韌惹味🤤紫菜粉絲卷炸至外脆內軟。整體口感同味道都唔錯，份量頗多，細食既朋友仔可二人share +$66粟米濃湯+精選蛋糕+自選飲品 柚子乳酪慕思 口感鬆軟，有清新柚子味同微酸乳酪味，唔算太甜，做飯後甜品岩晒 蜜桃果粒茶 果茶用上迷你玻璃茶具，精緻清雅，飲前聞一聞蜜桃果香☺️飲落清新唔會太甜，建議焗耐少少先飲更出味😉

勁耐無約友人，今次約左入屯門區打波，佢就帶左我去一間環境唔錯既餐廳食lunch，裝修華麗有格調，座位寬闊舒適，一邊聽住music一邊食野吹水，係幾chill☺️ 粟米忌廉湯 雜菜沙律🥗 酸甜黑醋配爽脆蔬菜，開胃又fresh 香煎盲曹魚柳伴欖油蒜香辣椒扁意粉$138 魚柳大大塊，煎至外脆內嫩，而且無乜骨，啖啖肉😋好香口，意粉雖然有辣椒🌶️，但食落唔太辣，有淡淡既蒜香味，怕辣/小辣既朋友仔都可以試下 手撕燒烤醬豬肉絲，洋蔥及蕃茄酸種麵包三文治配法式炸薯條$108 燒烤醬甜甜地，豬肉絲有口感，連埋番茄、蔬菜同酸種麵包一齊食，味道幾夾😮事先將麵包切細先上菜，方便客人進食，廚師幾細心☺️ 朱古力心太軟配雪糕$48 心太軟一切開就有流心朱古力醬😍非常吸引，入口暖暖地，濃郁朱古力味充斥口腔，草莓既酸甜味可以平衡甜膩感 檸檬蛋白撻$48 手掌size既檸檬蛋白撻入口酸甜清新，撻邊烤至微脆，蛋白cream口感棉密，係一款好適合飯後食既甜品☺️ 熱咖啡 熱檸水

返工咁攰，收工後安排左豐富dinne獎勵自己，俾我搵到間任食鱈場蟹既餐廳，當然要即刻book位🤭 日式磯煮凍鮑魚 凍鮑魚入口軟嫩😍濃香味美，非常入味😋細意品嚐下，汁煮既味道慢慢滲出，真係意猶字盡☺️ 日本3色牡蠣刺身 陳魚籽海膽醬生蠔 拖羅生蠔 原味生蠔 生蠔肉肥美鮮甜，重海水味，成粒連帶子位起肉，賣相完整，食落方便 蟹粉蟹肉炒年糕 年糕偏薄身，塊塊分明而且非常掛汁，食落煙韌有嚼勁，每啖都充滿蟹鮮味😋 炭燒串燒拼盤👍🏻 椒鹽燒粟米：幾香口 糯米雞翼：外脆內軟，啖啖肉咸香易入口 汁燒五花腩：軟硬肥瘦適中，好香豬肉味 三文魚提筋：汁燒勁香濃惹味，有口感 炭燒蟹黃醬蟹肉飯糰 飯糰燒至焦香脆口，加埋蟹肉、蟹膏😍無論口感定味道都好豐富 鹿兒島A5和牛火鍋 油脂分佈均勻，口感柔嫩，好香牛油味🤤唔點醬汁都一樣好食，不愧為頂級A5和牛 雜菜盛盒 蔬菜新鮮爽口 鱈場蟹腳、sapporo啤酒、sake、黑糖薑茶都係無限追加，整體質素唔錯

要係銅鑼灣搵間好食少少既米線的確有難度。搵搵下發現係登龍街小巷內有一間米線小店，第一次食唔敢太進取😂小小辣保險d，見網評話腩肉唔錯，儘管試下，另外仲叫左兩款餸：牛肝菌+腩肉 湯頭酸辣帶少少甜，食物夠熱度，米線條條分明，軟硬適中，煮得算唔錯。但牛肝菌呢樣餸真係好特別🧐口感軟滑，酸酸辣辣…味道唔至於難食到吞唔到，但食落比較古怪，可能唔太岩個人口味😅食過既牛肝菌都係以炒為主，醃製方式都係第一次食 腩肉反而做得唔錯，香辣入味，腩肉偏瘦無太多肥膏，細嚼下都算幾香口 份量以呢個價位同地區來講，算慷慨，整體不過不失，再幫襯會叫返比較大路既餸會更好😂

友人住九龍城附近，食過唔少泰式餐廳，傾開先知原來佢同我一樣鍾情私房菜，而且佢都鍾意食中菜，於是帶佢來食一間我幫襯過幾次既私房菜 牛魔王一見到menu有紅酒燴牛腩就二話不說要order😂本人就唔特別好牛肉，但都會食少少🤏牛腩入口軟腍，醬汁燘煮入味，無牛羶味，食落有驚喜😯蘿蔔同西芹索晒汁，好香濃，而且可以中和肉類既油膩感 紅燒潮洲翅幾足料，每啖都食到翅既口感，調味及稀稠度適中 另外仲叫左碟豉油王乾煎蝦，蝦肉爽彈新鮮，簡單用豉油乾煎已經好惹味，餸飯/餸酒都一樣好食 友人仲話下次有機會要試其他菜式，睇來呢餐佢都幾滿意🤭

太耐無同友人食飯，今次到佢帶我食好西😂係燒海鮮呀😍，呢度既海產每日由日本空運到港，燒前仲見到活鮑魚同龍蝦，夠晒新鮮👍🏻餐廳以日式居酒屋風格設計，氣氛溫暖熱鬧，職員服務殷勤有效率，用餐體驗唔錯 緹魚醬+蔬菜棒 緹魚醬由多春魚及沙甸魚醬製成，配合爽脆既青瓜、沙葛紅蘿蔔一齊食，咸香提味 火炙帶子刺身沙律 帶子大大粒，軟嫩鮮甜，配埋爽脆酸甜既蔬菜一齊食，好開胃😋 刺身 三文魚、油甘魚、牡丹蝦 擺盤精美用心，賣相夠吸引😍厚切刺身新鮮肥美，油脂豐富，牡丹蝦爽口鮮甜，高質👍🏻 活龍蝦刺身 善用食材擺盤，有創意又不失美感，賞心悅目。龍蝦刺身非常鮮甜爽彈、加埋脆卜卜魚籽增加口感😋 浜燒文蛤蜆 鮮甜爆汁，蜆肉夠晒新鮮😋食食下仲見到文蛤蜆入面有隻BB蟹，應該係文蛤蜆未消化既食物，食咁多次貝類真係第一次遇到😯有趣 磯燒鮑魚 火候控制得宜，鮑魚岩岩熟，鮮嫩彈牙，加埋咸香微辛既胡椒籽醬，味道恰到好處 浜燒時令活蠔 食前加幾滴檸檬汁，可帶出蠔既鮮甜，肉質肥美juicy 😋的確好新鮮 新鮮燒魷魚 一上菜已經好香🤤鮮魷口感爽脆，咸香燒汁有助提鮮。就算凍左都仍然保持爽口感 龍蝦甲羅燒 濃郁龍蝦膏配梳打餅，味道幾夾😯食落有驚喜😋邪惡又無法抗拒🙈 牛舌 牛舌入口柔嫩，調味適中，怕太raw仲可以用熱辣辣既鐵板略為煎兩下🤭 芝士虎蝦卷 原條虎蝦炸至酥脆，配埋香濃芝士同脆口魚籽，外軟內脆，口感豐富😋大滿足 石鍋飯 本來以為太飽食唔晒一大碗飯😂點知個飯焦香易入口，而且唔覺油膩，雪菜+紫菜+雞肉配搭幾特別，同友人不知不覺就食晒😀 芝士蛋糕 唔太甜，作為飯後甜品岩好😉

好耐都無打邊爐，今次捉埋熱愛火鍋既友人一齊烚下烚下😌望住個sea view捉膝長談 鹹酸菜胡椒豬肚鍋$138 湯底鮮甜，有豬肚、紫菜、豆卜等材料，酸中帶輕微辛辣，足料暖胃👍🏻友人同我每人先飲兩大碗🤭再落配料 頂級安格斯牛小排 $208 大理石紋雪花分佈均勻，肉質嫩滑，點埋醬油提鮮😋牛味更突出 黑松露蝦蟹餃 $ 78 濃郁黑松露食落好香🤤仲有粒粒爽口鮮蝦 手打芝士蝦丸 $68 鮮味彈牙，食得出用鮮蝦製成，加埋流心芝士汁增加味道層次😋 蜂巢豆腐 $48 吸晒湯汁精華，一咬就爆汁😋夠晒juicy 蔬菜拼盤 $78 雜菌拼盤 $ 78 蔬菜種類多元化，擺籃鮮豔奪目🤩食落爽脆鮮甜 三色鮮製生麵 $ 68 生麵用菠菜、甘筍、墨汁製成，天然又健康，口感爽滑，建議快滾五分鐘左右進食，避免麵條過淋 竹蔗茅根 $28 潤肺生津，清熱下火 羅漢果菊花 $28 清熱解毒，唔會太甜😋 黃金椒鹽蝦 用咸蛋黃爆炒大蝦🍤咸香惹味🤤 職員可能聽到我地話下次再來食😂溫馨提示來緊餐廳晚上9點後入座，可享五式湯底火鍋，以及全單95折優惠