牛極 (通菜街)

營業中

休息中

近排好興依啲石板燒牛，所以同朋友係旺角行開街所以就即刻去咗朝聖，因為我同朋友都好鐘意食牛。佢係自助點餐既，係電子售賣機揀咗想食乜，就直接比錢。每個餐都包咗任食既沙律、飯同埋湯。個沙律係椰菜絲、紫椰菜同埋蕃茄仔，佢有提供柚子汁同埋芝麻醬比你自由落。個柚子汁都幾fresh同埋酸酸地真係幾開胃。個湯係日式牛肉湯，個賣相比我既感覺係羅宋湯，因為係橙色，而且有紅蘿蔔、牛肉同薯仔，但飲落個味道係比較淡，吾係羅宋湯咁。我叫咗150g牛肩肉，一嚟到既份量比我想像多，同埋佢都好厚肉。餐廳提供既肉一嚟到就係一成熟既，但個石板都好有熱力，好快就會將啲牛整熟，我就即刻將啲肉切開，希望係太熟之前切好。依個好適合一啲鐘意自己決定牛扒有幾熟同埋口感要點既人。朋友叫咗200g牛柳，佢本身都好鐘意食牛柳，依一個都好厚身，但一啲都吾難咬，係大約三成熟既時候試咗舊，口感真係吾錯，值得一試。餐廳好貼心，有提供圍裙。

下晝出開旺角，順道食埋野至返屋企。揀呢間餐廳係因為想食熱石牛😋。餐廳出面就睇到餐牌，落單全自動化。因為去完旅行想慳d所以點咗最平既180g牛肩肉眼。佢既白飯餐湯沙律同醬料都係自助，坐底之後自己攞。有埋圍裙好貼心上菜都幾快，基本上自己攞完野之後好快就到。塊扒上嚟既時候一成熟，可以按個人既喜愛整到幾熟都得。自己比較鍾意熟d所以等咗一陣至食，本身d肉唔un，食既時候蘸d醬汁，食落更惹味~白飯選用珍珠米，餐湯就足料夠味，唔錯！

**牛極**成日都聽公司同事講Lunch去食牛極，我今日都終於去左食。係公司後一條街，店舖唔算特別，都真係要數街號先得。16:00 呢d時間去到唔算太多人，唔洗等位，一入門口就會有個自動販賣機，原來呢度全部都係自助形式。收費係根據唔同嘅牛肉種類同埋份量，白飯、湯、沙律都係任食。我今次就要左牛肩肉（180g) , 上枱嘅時候只有牛肉表面係熟嘅 ，內裹係全生，係呢度嘅特色，用一塊熱石板遞上按自己鍾意嘅生熟程度去煎，如果燒到咁上下覺得塊板唔夠熱可以要求店員換第二塊180g 對於牛肉愛好者係真係覺得有啲唔夠 ，所以下次決定都係要帶大塊D

呢日去左鋸扒, 試下熱石牛,點知食到一肚火!!!咁我地都知, 熱石牛呢期好紅,預左要等位喇, 但都唔洗等好耐,5分鐘左右職員就叫我地, 問我地介唔介意坐吧枱,講真, 吧枱唔係問題來,我地照入, 點知!! 唔只吧枱咁簡單!!係貼住廚房/廁所入口的位置!有幾貼? 可以睇下圖!我個人坐埋上去, 佢塊布簾根本就貼住我咁滯!然後裡面係冇冷氣既, 一陣陣熱氣係入面攻出來!我一坐落去已發現唔對路, 企起身同職員表示要求調位, 但佢只係一句未執好枱就拒絕左我!到後來人客走了,大把空位佢都冇安排我轉位!坐係度食住熱石牛, 已熱到成身汗, 都未係最差!成餐飯, D職員每次收完枱就將餐具拎入廚房,仲有客人去洗手間!佢地每次出出入入都會撥開布簾, 然後塊布簾就會打落我手臂度!一餐飯, 我隻手畀布簾打中不下二、三十次!我明白店舖係想賺$, 但係唔係為左賺$要去到咁盡, 一個咁既位都可以畀客人坐!?不如叫個老細/職員自己試下係繁忙時間坐係個個位度食餐飯,FEEL下個感受有幾差!?仲有, 我地叫左一個牛柳一個牛肩扒,係人都知牛柳係林D, 形狀係圓D,但職員上菜時(前後相隔一分鐘, 並不是同時上菜),將2塊扒調亂左!

牛極，之前我係荃灣店都食過。不過聽講荃灣店開之前，旺角店就已經有啦，好食的野，其實應該要搵返總店的，所以路經旺角，就不妨入去牛極旺角店度試試啦。入到去，就叫返180g 既肉眼扒來食啦。先講返個配菜，即係個沙律，真係好好食，佢的麻醬絕對係一個開胃菜來。加埋碗牛肉湯，咸咸地得來又有開胃感覺，所以先飲一碗湯，再食個開胃沙律，絕對係令人食慾大振。講返主菜，肉眼扒，因為係自己控制熟度關係，所以我整到佢剛剛熟就放入口，夠哂多汁。當然，唔少得碗開胃飯啦，四樣加埋成為一個滿足午餐，正。

今日行街諗住喺通菜街附近搵間平平哋嘅餐廳食個午餐，朋友揀左間可以自己控制牛排熟成度既餐廳～牛極 望下想食邊個部位入到去買完飛交比職員餐廳一開始會供應一成熟嘅牛扒由我哋自己係熱石上面烹調將牛扒設成小塊放係熱石上面烤可以按自己嘅喜好牛扒想幾多成熟就幾多成😙牛肩肉眼呢個部位嘅肉眼，唔會有太多嘅油脂，肉質非常鮮嫩牛柳最好味既程度系三至五成熟，保留到其肉質柔嫩多汁。佢有一個自助Area要食幾多飯，沙律、湯都自己決定同埋佢哋有圍裙提供，食嘢驚整污糟件3，都可以有圍裙保護着啲衫，好貼心

去完日本，對牛念念不忘，知道牛極的石燒牛扒出名抵吃，小女生還沒有試過石燒，那麼今天就去試一試。位於通菜街街頭的牛極，店舖不是很大，來到是下午二時，可以直接入座。看一看價錢，真的是平民價,$80 已有180g 肉眼，茶餐廳都未必食得到吧！就像日本的拉麵店一樣，自己先在販賣機購票。購好票後就通知店員安排入座。坐下後可去取前菜，沙律，湯，飯是自助的。簡單的椰菜蕃茄沙律，加入芝麻醬，伴牛扒來吃就是最好不過吧！牆壁上掛住一張巨型牛牛圖，介紹不同部位的肉質，邊吃邊長知識吧！因為怕油彈出來，送上枱時石燒牛是蓋上了紙巾。嘩，200g 的牛柳，真的份量十足啊！我的180g肉眼，很厚身呢！醬料也是自取，我和小女生最喜歡的是芝麻醬呢！石頭很燙，真的要小心。餐廳很細心，有圍裙供應，大家就不用擔心被牛的汁液濺到呢！牛肉本身是二成熟（我估計），自己切成小片在石頭烤至喜歡的程度。小女生的牛柳軟稔，不過可能燒得長時間了一點，乾了一點。而我的肉眼扒很有口感，我把它燒成7成熟左右，很香，軟稔多汁，配上沙律菜來吃，可減輕膩滯感，感覺也較健康啊！總的來說，不用一百元的價錢，份量相當有睇頭，而且有的玩有得吃，沙律，白飯和湯任食

早幾日朋友話想食宜間，咁啱去完旺角買野就去左宜度食!去牛極嘅時候都揾左一陣先揾到，到嘅時間嘅指示有啲唔清晰，門口冇職員，唔知要拎飛先定買左先(因為門口有部機)，之後見到出面等嘅人都拎住張飛我地就問職員拎。等左大約1個鐘就入左去了~入到去係買左野食先嘅，我地叫左牛肋骨同肉眼再加一罐可藥~牛肋骨:好有牛味，我地個舊係有啲肥嘅，但食落口一啲都唔覺得好膩但係連住骨個舊肉就太難咬所以食唔到牛肉眼:宜個好好食 比起肋骨我更中意肉眼，成舊都係肉，又唔難切，落小小鹽已經好夠味!飯，湯，沙律，餐具，醬汁 都係要自己去令嘅~我地2個人加埋先係270~就食到咁好質素嘅牛，都覺得好抵食!

一條友係旺角食晏想食好啲，搵到呢間裝修同野食賣相都幾吸引既餐廳就決定一試～呢間牛扒店就好似日本嘅拉麵店咁，自己用售票機點餐另外就有一個自助區， 可以自己斟水，取醬料，仲有羅宋湯有飯同有沙律～我叫咗一份最細既西冷，不過黎到都唔細😅 好厚身😀牛扒係用熱石上，所以想要幾熟可以自己決定👍👍 我就大約等到七至八成，幾juicy，有牛味但唔“蘇”，點啲生蒜同辣汁感覺仲開胃左😁 我就幾中意呢個熱石上可以自己決定幾熟既idea， 因為好多時出去食牛扒話要幾熟同最後上菜真係有幾熟係有啲落差，而且感覺呢間餐廳用料幾靚，有surprise👏

日式料理一直是香港人甚為喜歡的菜色，近年興起以火山石燒牛排🥩，今天下午便來到這裏一試。進入店內已經可以看到自動售賣機，只需選擇牛肉的款式及重量，然後付款，便可以入內坐下，等侍應送上牛扒。　自助區內有餐湯、沙律🥗、醬料、白飯和水，供給客人自取。餐湯是蔬菜牛肉肉，味道很像羅宋湯，不過我很喜歡，因為非常清甜可口。牛扒放在火山石上，而火山石有250度，牛扒只有一成熟，自己將牛扒切開，放在火山石上，自己控制生熟度。牛肩肉眼180g$80牛肩肉肉質軟腍中帶點嚼勁，加些岩鹽和黑椒，味道更加好。牛肋骨排200g$100牛肋骨肉質帶點嚼勁，肉味比較濃。另外有三種醬汁可供選擇，其中以蒜蓉最為惹味。

食呢間鋪其中一個印象深刻就係侍應姨姨好有心機咁教由點餐至食飯個過程，令到食飯心情好好！點餐類似日本買飛仔嘅餐廳，門口有部點餐機，揀好食咩然候入錢就可以坐成等食。椰菜沙律，排骨湯同白飯可以任添幾好，不過其實牛扒份量都足夠，所有食材味道合格，唯一係因為自助吧啲野食都係開放咁擺係度，我去拎就咁啱見到有飛蟲...成餐最過癮係自己燒牛排，因為點完餐之後，師傅會將牛排煎至約一成熟（聽姨姨講）然後放係燒紅咗嘅石板上面上菜，跟住就睇食客自己決定食幾成熟啦。開頭諗住塊石板會好快無咗熱力唔夠燒但原來有得換石板！好似韓燒咁！算係性價比正常，食玩環境都平衡啦～

最近經過旺角見到呢間主打熱石煎牛扒，價錢唔貴可以一試喎餐廳是採用自主下單，在點餐機揀選想要的肉類及飲品付款後，等待店員安排入座，然後店員就會送上食物什菜沙律，日式牛肉湯，珍珠米飯是任飲任食的，還有海苔飯素任灑由於廚師烹調時只用海鹽及黑椒調味，所以餐廳提供三款醬汁供客人享用，有黃芥辣，辛味芥末燒汁同自家製燒肉汁，客人可先嚐肉的原汁原味後，再按個人喜好蘸點醬汁。至於另外兩款喺柚子沙拉汁及胡麻沙拉汁，混合菜絲沙律食清新惹味又開胃餐廳很貼心，仲備有檸檬水給客人解膩師傅會將牛肉燒至一成熟，再放在經過攝氏300度烤焗的火山熱石上，讓客人按自己喜好的生熟度自助煎製牛柳牛腰背的內側後段肌肉，肉質細嫩，脂肪含量低，口感鮮嫩多汁牛肋骨扒牛的肋脊部靠近背脊之肌肉，肉質嫩滑，肉味濃厚，大理石紋的油花多而且分佈均勻西冷牛的外脊肉，肉味濃郁，肉質厚實有嚼勁

石燒牛扒店越開越多。今日喺旺角通菜街又見到都有一間食石燒牛扒，於是我又去試吓啦。石燒牛扒嘅意思，就係廚師只會煎牛扒至一成熟，然後就會放喺熱石上邊，食客我地可以根據自己喜歡食嘅生熟程度，將牛排切成小塊，自行喺熱石上烹煮。呢度都係採取自助形式，用電子餐牌度點餐比完錢之後，就可以比飛店員，之後搵位坐低，可以去自助沙律吧、汽水機，攞白飯、沙律、同埋湯每人有三隻碗，分別裝飯、湯、沙律我點左一份西冷牛扒店員會用廚紙蓋住，避免彈油切開無血水，但肉仍然好生，想食三成熟既話，輕輕一煎就夠！另外個湯都幾好飲！沙律汁有兩款可以揀，有誠意。

早前熱石牛扒興起已經想試好耐但係晚餐時間成日都好多人排隊；最近下午經過見到終於冇人等位即刻入左去試餐廳裝潢設計採用日式風格；門口設有自助點餐系統操作簡單而且職員亦會從旁介紹協助餐廳主打日式火山石燒牛排；五款牛肉全部經過三日自然熟成處理而且每個部位都有三種唔同份量選擇豐儉由人自助餐區提供餐湯沙律以及白飯入座後計九十分鐘任飲任食椰菜沙律切絲幼細配搭蕃茄香甜清新；柚子汁微酸醒胃而胡麻醬則濃香惹味白飯選用珍珠米粒飽滿口感煙韌配搭青海苔粉感覺輕盈日式牛肉湯底稠厚配搭蔬菜蕃茄酸甜開胃而且牛肉軟嫩香濃有啲似羅宋湯三款醬料除左黃芥末同自家製燒肉汁仲有辛辣芥末燒汁牛肋骨排牛肋骨排骨頭唔算大舊而且肉質柔軟油脂最為豐腴牛扒厚切上枱嗰時中間依然嫩紅唔會過熟；客人可以按照個人喜好喺熱石上自行燒煮；如果之後熱石熱力不足亦都可以通知店員更換石板西冷西冷部位肉味最濃簡單配搭岩鹽黑椒已經好正油花唔算多但勝在分佈平均牛柳牛柳脂肪相對較少但係肉質幼嫩軟腍而且肉汁豐富

自己其實都經常會喺旺角女人街橫巷喥食飯，而呢晚食嘅「牛極」就係一間食熱石牛嘅自助食店。🐂當店員叫位叫到自己時，首先要係售票機喥買飛揀自己食咩牛，咩份量，同飲唔飲嘢。場內有自助區可以任拎沙律，飯同湯。👍🏻食吓沙律菜，飲啖湯，等咗無耐我叫嘅牛柳就熱辣辣送到埋嚟！牛柳200g $120估唔到200g 份量嘅牛柳比我預期大份！而本身塊牛柳上枱時只係得一成熟，🍴要自己喺塊熱石上面慢慢煎熟。平日鋸扒食開五成熟嘅我，由於今次時間控制得唔好，食得比較慢，所以塊牛柳食到一半就已經太熟。😅但好彩牛本身肉質唔錯，熟咗都唔會韌，肉味好濃～如果下次再食一定要控制得好啲！⏱🐂