牛極 (通菜街)

營業中

休息中

牛極呢個專門吃牛排的餐廳真的聽好多次了，而且一直聽到好評，抵食，靚料，真係好想試下，今次就終於book到位同媽媽係牛極吃個午餐。Lunch time 真係易book 位好多啊，我們分別點了兩個鐵板牛排，一個係180g 的牛肩排，另一個係200g 的牛柳，兩個都新鮮滾熱辣，連同石板上台，真係好正啊。切開裡面的肉，裡面都係鮮紅色的嫩肉，愈早切就會比較生，鍾意食比較生的就要快快脆切左來食啦，因為係石板的熱力會慢慢越來越熟架啦，我就比較鍾意食生d,口感真係同幾百塊的外國牛排有得揮，無得頂啊。呢度仲有好體貼的地方，就係有沙拉，面豉湯，同埋白飯任裝，而且佢地的醬汁有蒜蓉，辣醬，燒烤汁，配搭牛排都係超正超合適的。食兩塊排食飽飽都係$200左右，抵到爛啊。以後食排呢度絕對係好去處啊，熱烈推介。

今日同朋友喺旺角行完街之後就諗住食個lunch啦，其實都過咗午飯時間㗎喇，所以好多餐廳都有位。就係經過女人街嗰度見到有一間食石板牛嘅，記得以前喺瑞士食過呢一款嘅食法，啲牛肉會好好味嘅，竟然香港都有，所以一於試吓啦。喺門口位有一個自動簡單嘅售賣機，好得意，好有日本嘅感覺。我同我朋友就每人揀咗兩款唔同嘅牛諗住share嚟食。另外佢呢度有飯湯同埋沙律都係任食嘅，湯係好似羅宋湯咁嘅湯。另外喺呢度嘅沙律油醋或者胡麻醬俾你揀，我好鍾意用醋配啲沙律菜，所以都食咗好多碗沙律，好健康。好啦講下啲牛先，啲牛一上枱嘅時候係一成熟嘅，然後你慢慢切開佢一嚿嚿，再用個鐵板熱熟佢，熱到你想要嘅熟度。咁樣啲牛最新鮮滾熱辣同埋最嫩身啲肉質。估唔到百幾蚊就食到咁嘅質素，都好值得encore啊。而且餐廳好貼心仲準備咗啲即棄嘅圍裙仔，俾你整牛嘅時候唔好彈到成身都係。

中午同朋友去旺角食飯，我地搵左一間食牛肉石板燒既餐廳，餐廳喺旺角，好方便。餐廳係半自助形式既，首先，可以自己喺部自助點餐機到揀要邊款牛肉，然後就可以去沙律區到拎野食，嗰到既沙律、白飯同埋湯都係任裝既。我地點左牛肩肉同埋牛柳，上菜既時候牛肉係一成熟，會放喺燒熱既石板上面燒，牛肉上蓋左一層紙，以防啲汁彈上黎。跟住就按自己既喜好燒到合適既生熟程度。我就會切開佢黎燒。兩塊牛都係200克，牛柳就比較厚身同埋腍啲。好滿足既一餐啊！

係旺角上完堂悶悶地去左呢間火山石燒牛排專門店到食飯！一入到門口比站自助售票機嚇襯，通常呢啲機器都係日本先會見到，香港我就真係第一次見啦🥳入到去買完之後出張飛比侍應，之後自己就可以搵位坐架啦。呢到有個自助區，基本上飯，湯，沙律同都係自助形式，唔夠既可以再添唔洗怕醜。我今次食咗牛肩排180g，首先一上台就會俾去巨大嘅火山石吸引左，記住唔好掂舊石啊因為真係好熱㗎😪避免牛肉嘅汁彈出，上枱嘅時候都會有張廚房紙巾蓋住牛排，等到咁上下嘅時候就可以將紙巾拎開架啦。一開始嘅時候牛肉真係唔係太熟，所以比較血紅色不過唔使驚，火山石嘅熱度足以令到牛扒變熟，如果唔夠熱仲可以叫店員換過舊火山石添。由於牛扒嘅熟度係自己控制，所以唔會煮得太熟，有肉味之餘仲非常容易入口，能夠保持牛肉嘅水份同埋鮮味。不過佢嘅日式牛肉湯就略兼有啲似外國嘅羅宋湯多啲，如果變咗麵豉湯可能會更加似日本風味keke🤩

  難得同同事出去見客行同一區，即刻捉佢嚟食好西。  嚟到旺角牛極，一入門口，就嗅到個陣燒牛脂味❤️❤️❤️好餓啦喂  跟住見到門口售賣機，好似買汽水咁，好正，買完就可以自己搵位，自己拎湯拎沙律拎餐具，完全係全自助😂任你添湯/沙律/飯，大食嘅話就啱晒。  我叫咗牛柳200g, 同事叫咗牛肩排180g,因為廚房只會煎1成熟牛排出嚟放上熱石上，所以我坐低都未有3分鐘，牛排就上枱啦，貼心地鋪咗張廚房紙，d油脂唔會彈到成衫都係👍  我嘅建議食法係，食幾多切幾多，輕輕放上石板煎煎佢，咁就5成熟✨，如果切太多就會煎熟晒，塊牛柳好厚身，$110堅抵食啊，肉味都夠，好軟身多汁，淨食晒200g肉完全唔覺得油膩😂塊熱石板好正，因為可以keep到牛排夠熱之餘，重有煎香帶少少脆嘅口感。  同事叫咗牛肩排180g, 無牛柳咁厚身，但肉嘅口感較有層次，肉味都濃，適合鍾意食7成熟嘅朋友仔👍  整體嚟講牛極絕對係牛肉愛好者嘅好選擇，抵食有質素，亦坐得舒適❤️下次再嚟😋

每每經過牛扒店都會被那厚厚的肉肉吸引著真的很想大口大口的把肉吃下去好吃的牛扒不容易煮要做到外面脆脆的裡面要嫩嫩的切起來不會太硬真的很不容易！這次經過旺角通菜街的牛極就被他的香味吸引著我就跟朋友進去裡面吃吃看今天五點左右到店裡沒什麼人他是半自助形式的先點餐然後就自己去自助吧那邊挑選自己想吃的東西這裡有米飯有牛肉湯、沙拉菜還有一些檸檬水牛肉湯做得一點都不馬虎蔬菜還是滿滿的！牛肉味也是很濃濃的然後主角很快就來了！牛扒是用一張紙蓋住以防止油花彈到衣服上十分貼心的做法這次點了牛肩排（$80）和牛柳（$110）兩者都很好吃就算不用調味也吃得出牛肉的香味熟度也是剛剛好肉質很厚油份很足吃起來嫩嫩的！咬勁也很好！整體很好～下次希望嘗試西冷或日本和牛！

主打以火山石讓顧客自助煎牛扒，牛扒來自美國、紐西蘭及日本，而且有5款種類，可以選擇不同份量，最平的套餐只需$80！是$80！平時食和牛也要幾百多才有交易，這裡最平$168就可以試到200g和牛，而且珍珠米白飯、沙律及麵豉湯也是任飲任食，CP值高，食肉獸值得一試。餐廳採用日式裝潢，為自助下單，也有沙律、麵豉湯、珍珠米白飯任食Bar。沙律、日式牛肉湯、珍珠米白飯一律以自助形式任飲任食，毋須額外收費，十分抵食！（沙律同白飯我都有refill 左幾次）餐廳最平$80就有交易──180g 牛肩肉眼和牛肉質軟腍，十分惹味。大滿足！價錢抵食！之後再利用火山石的高溫將牛肉燒至理想的熟度，實行自己牛扒自己燒，牆上有提示建議先切開再自己煎喜歡的熟度。餐廳亦提供調味料給客人選擇。另外醬料有蒜蓉蘸醬、自家製燒肉汁、胡麻沙拉汁。200g 牛肋骨排 $110，非常厚身，食落啖啖肉。打卡也一流！

朋友食過牛極覺得幾好食~於是就推介左我地來潮聖一下坐低望住個menu, 牛柳﹑西冷﹑ribs eye我全部都想食啊，不過永遠都係眼闊肚窄。所以今次我就唔發版，問下staff有咩推介佢推介我地食牛肩肉眼同西冷等左15 分鐘左右，石燒牛肉總於來到啦 ~果然明不虛傳無得頂，放在燒熱左的石頭上的牛牛~令到食物同環境更增添日本味道，唔講仲以為自己去左日本肉汁保留住~完全冇流失極正而且肉質入口一d都唔硬~ 靚野的確唔同d

講真有啲失望，直接對比Triple steak嘅話，價錢貴左三成，肉嘅質素又無甘好，睇相已經見到狂標血水。相中係一上菜即影，啱啱出黎就已經燒到好明顯唔止一成熟，加上佢啲石板嘅溫度太高，正常應該要根據你塊肉嘅size去調節下石板嘅溫度，依家两三分鐘已經全熟，鞋哂...點食？仲有啲飯，其實入一間餐廳睇碗就知佢廚房啲野得吾得，又凍又乾身，嘥哂啲靚嘅珍珠米。服務質素又差，見到又明知我女友用紙巾擋住啲油但都吾會提下佢有提供即棄圍裙，無下次。有讚嘅，就係個湯幾有誠意嘅

每次行過牛極，都對佢嘅牛扒有興趣，但係奈何每次都好多人排隊，今次黎到終於唔使排隊，所以就黎試一試！呢度都係百零蚊嘅價位，有唔同嘅牛肉款式選擇，牛肩排，澳洲牛肉眼，西冷，牛柳，仲有價位貴少少嘅和牛。呢度係半自助形式， 自己拎餐具，醬料，湯，沙律同飯，自己鍾意拎幾多就幾多，自己揀鍾意嘅醬料，都幾好！拎左碗沙律食，開下胃，飲左碗牛湯，好似羅宋湯！今次我哋揀咗牛柳同埋西冷，一嚟到熱石版上面放着牛肉，好彩有張紙巾方面，避免油彈上自己身上，幾貼心！牛柳都都啲牛味，唔會太乾，有少少鞋口，點左醬好好食！可能隔離飯香，我更鍾意食友人個塊西冷，好juicy，又唔乾又唔鞋口，好正！今次黎冇曬和牛，下次再試下先得！

行經旺角通菜街78號地舖，見門口有部銷售機，同日本模式一樣，選擇你喜歡的牛扒類購票後就坐低，有專人送餐。 餐廳內有半自助式區，有羅宋牛肉湯、飯、沙律，檸檬水可以無限次添加。羅宋湯入面都有牛肉粒，很香牛肉味又清甜，很好飲。 勁抵！ 我們選左西冷牛扒，西冷肉味香濃、肉質腍滑，睇著石燒上慢慢煮熟，隨你個人喜歡幾成熟就可，超正又好味，like肉眼扒都十分好味，肉質香，牛肉味濃，又腍又滑，送飯一流。再喝羅宋湯、食沙律很滿足的一餐。

牛極牛肩肉眼＄80，180g。牛肩肉，午餐之選，價錢平又唔heavy，份量剛剛好！牛扒到時得一成熟，跟火熱鐡板，自己能夠繼續烤熟，控制喜歡熟度，好好的設計！其實牛肩肉是指牛的肩膀和脖子部分的肉，肉質好鮮嫩，有美味牛筋位，牛味不錯。以價錢比對，好超值。推介指數：8/10牛肋骨排＄140，300g。牛肋骨排，晚飯之選，肉質上乘！300g 大大塊，好飽肚。牛肋骨排即是帶骨的牛肋肉，肉質非常之嫩，又多牛汁，牛味超濃，牛扒烤煮時牛鮮油一直滲出，散發出濃郁的牛香味，非常開胃。推介指數：9/10西冷＄190，300g。西冷牛扒是牛腰後端接近尾的部分，含有較多的肥油。此扒纖維質豐富、很有嚼勁，o趙口感超豐富。推介指數：7/10

之前在荃灣分店食過一次牛極覺得回味之餘又抵食今次來旺角再嘗回味呢間裝修都很有日式風格感覺好清新亦非常之特別牆上用上日式風格的立體畫去點綴可以自己一個靜靜地食又得一入門口就有日式嘅自助售票機先付款然後店員就會幫你安排上牛睇吓個價錢真係超抵食喎這裏的沙律，湯和飯都是任食的啱晒大食嘅我呀沙律店員會不停加添這盆滿滿的沙律醬仲有柚子汁和胡麻醬汁兩款選擇我就2樣都加了記得吃飯前先帶一條圍裙牛肉上嘅時候有紙巾墊住千萬唔好咁快揭開張紙巾啊小心啲油彈到你呀我覺得呢度最特別之處就係可以自己去調教牛肉嘅熟度因為鐵板有300度嘅高溫最啱就係我呢啲好鍾意食好熟無血紅牛嘅朋友仔啦再配埋黑胡椒或者鹽，牛肉嘅鮮味原汁原味我選擇了牛肩肉眼$80 180 g牛肩肉眼肉質很淋鮮嫩我朋友就揀咗$110 牛肩排 180g 牛肉非常非常之爽口彈牙再配上特別的醬汁包括係黃介辣醬汁，辛辣燒汁和自家製燒醬汁整體感覺非常滿意下次來的時候要試埋和牛

今日無咩做就自己一個去食飯飯，唔想一個人的浪漫都係去元氣食壽司，今次去左旺角食牛扒，就試下呢間熱石牛扒。一入門口就要叫左先，用點餐機買的，叫左個牛肩肉眼分左g數100克，200克，300克同400克，毛就叫左同300克黎食。熱石牛扒一成熟上，之後等佢慢慢煎熟佢至4、5成熟就岩岩好。整體都唔錯，下次可以試下和牛扒先

是日和老公去旺角買波鞋，見到呢間自助日式石燒牛店就話入去見識下！見價錢唔貴就坐低一嚐新式既日式燒牛！自動販賣機都幾易操作，幾新奇！我們選了牛肩肉眼180g 及牛柳 200g 。餐廳有自助bar 沙律、飯、湯及檸水🍴眼見佢地沙律、熱湯同水fill得幾密，服務唔錯👍🏻🔸牛肩肉眼 180g ＄80都幾大塊同厚身，他們盛出來只有一成熟的！要自行切件在石上燒到五至六成熟食用，牛肉上面放有蒜片，抬上放有黑椒及岩鹽調味，牛肩肉好香，估計燒到五成熟倒，我們巳急不及待食了😋肉質嫩無根而且啖啖肉又腍身，肉眼比牛柳肉質結實一點的👍🏻好食！🔸牛柳 200g ＄120牛柳肉質腍身，簡單用黑椒調味巳好出牛味！個人較喜歡牛柳的口感，牛柳肉juicy比較容易燒😋🍴蒜+黑椒簡簡單單就很好食 ！以平民價錢食到呢個質素，真的很不錯喔！一定會再去食呢😋😋😋