貴妃雞粥加豬潤🐔$65 天寒地凍 一定食雞粥 仲格補吓身 加多份豬潤 粥底綿綿 而且煲粥係淡黃色 證明真係生滾雞粥 仲要入面好多料 最後食唔晒啲雞～ 艇仔粥 $37 加入咗大量魷魚，魚片條同埋豬皮 仲加咗花生！清清地得嚟 又有少少鮮味同咬口 食完雞粥又可以食吓艇仔粥中和翻啲 蜆介鯪魚球$58 有6粒咁多🙊仲要每粒都好大料 配埋蜆介醬 鹹香鹹香～味道好濃 建議配飯同粥食就一流 菠蘿咕嚕肉🍍$61 基本上係廚師推薦同餸飯名物😂 炸衣唔會太厚 而且有好多菠蘿🥰 不過都有好多我唔食嘅3色椒同洋蔥🧅 海哲生腸$58 香脆炸兩腸粉$25 凍檸茶 跟餐$6 熱菊花蜜 跟餐$6

炭燒雞粒溫泉蛋茶漬飯$68 呢個價嚟講真係好抵食‼️ 同埋真係好好食 有粟米青蔥紫菜碎同一粒粒好似米通嘅嘢 另外炭燒雞份量勁多🙈有陣最後用火槍烤過嘅味道 配埋溫泉蛋同埋日本青茶做茶漬飯底～ 不知不覺會食晒成碗飯☺️

冬蔭雞湯(少辣，走青)$138 本身以為呢個價係1碗 點知原來係1煲 仲有明火熱住個湯🔥 咁啱冬天 每人一嚟就飲碗湯暖吓身 酸酸辣辣咁～暖身得嚟又開胃 唔止辣仲有雞肉濃厚嘅鮮味 小曼谷五星燒雞(半隻)🐔$178 要等半個鐘 但一切都值得 一上枱 熱辣辣出晒煙😶‍🌫️ 而且雞胸肉都唔會燒到太鞋～ 下次可能會叫一隻慢慢食 風味燒豬頸肉$138 燒到lon邊嘅豬頸肉真係好好食 份量比想像中多 第一碟清碟嘅就係佢🫶🏻 泰式飛天炒通菜🥬$108 點都要食菜系列 飛天通菜無咁辣 雖然少油都有啲啲油 但重口味不嬲都係泰國菜嘅特色之一 青咖喱雞肉🥘$118 泰式原味烤薄餅(2塊)$52 椰青🥥$53

Fried Chicken Wings🐔$72 好有某連鎖快餐雞翼嘅感覺🥹最鍾意食 皮脆內軟 重要係佢單骨～配酒一流 而且醬汁食落少少東南亞嘅風味 酸酸辣辣咁 Lime and Chilli Sauce Pasta🍝$158 有蜆 帶子 菇 煮成嘅意粉～好野味 而且意粉唔會煮得太耐 鍾意食硬身又有咬口嘅 記得嚟食吓‼️ Classic Blue Mussels with Sourdough $138 🍞Sourdough 真係好好食⚠️ 用咗唔同香草醃咗個包再煎翻乾身 外脆內軟 單獨食 or 點汁食都好好味😛 Virgo🍸$108 Jasmine Gin, Cranberry Roselle with Lychee Foam~ 對於唔識飲酒嘅我 呢杯Virgo 嘅初頭的確有少少難以入口 但飲到最後 發覺Gin 嘅濃度好似低咗啲 而fruit 嘅甜味出翻嚟 Phoenix🍹$58 唔飲酒嘅我 鍾意飲啲酸嘢 呢杯就啱晒 Lemon🍋juice加Apple🍎juice 仲要有埋Soda~ 配埋頭先嘅雞翼食剛剛好

飛毯燴羊腿$218 難得3個人都食羊 無理由唔食羊 比個參考大家～ 每份Portion大概2-3人share 而全腿大概6人左右 羊肉肉質滑嫩 味道偏羶 但就啱鍾意食羊嘅人去嘗試 最緊要係佢有條骨比你拎上手食 嗰part 嘅肉最好食🙈 Murgh Masala 瑪沙拉燴雞$108 Masala係以各式香料 經過調配同烹調而製成嘅咖哩 加入咗大量大蒜、洋葱、豆蔻等等製成嘅醬汁 通常比較濃稠配埋Naan 食就一流 千層烤餅🫓 $38 蒜蓉烤餅🧄🫓$38 Mango Lassi $54

脆皮炸雞 🐔$680 晚市最後一隻都比我地嗌咗～ 皮脆肉滑而且燒到唔會乾身 碟底保留咗肉汁 餸飯必備 本身叫咗一碗飯Share 嘅我都忍唔住叫多碗食🍚 菊花玻璃蝦球配蓮子泡自家製特級蝦油$238@1 上枱嘅時候職員先會將蝦油滴上 確保油香唔會揮發？～ 蝦球肉質爽彈🦐 蓮子泡可以中和蝦球嘅鮮味保持返平衡

天氣凍凍地緊係要食個靚雞煲+打邊爐🍲 火焰黑松露雙重芝士麻辣雞煲 成人@$168 呢個同一般食開既傳統雞煲有少少唔同， 有啲fusion感，似傳統+韓式嘅混合版雞煲 店員會先送上一煲熱辣辣既雞煲 雞件既份量都好多， 仲可以無限添加雞 附送一兜滿滿黑松路醬+兩款cheese (芝士片&芝士碎）🧀 岩晒芝士控的你 雞件雖然浸滿晒汁，但咬落口都仲感受到雞既表皮稍為處理過，仍然有一陣香脆感，十分驚喜。試完原味落左芝士同黑松路醬落去再食，估唔到呢個配搭又幾新鮮😎出奇地好味，加上雞件好滑，有少少似食緊韓式雞既錯覺。 店鋪仲有多款汽水、配菜任你揀，食完雞煲之後可以加唔同湯底落去繼續sha bu sha bu 最令我驚喜係呢個套餐仲有得包埋一款小菜，我地揀左椒鹽豆腐。即叫即整，送到上黎熱辣辣，椒鹽超惹味，啲豆腐係有口感、挺身既豆腐，下次再黎會試下叫佢其他小菜🤭

餐廳位於佐敦同尖沙咀交界 所以要花啲時間搵餐廳係邊～ 牛油香煎帶子鮮蠔汁意大利飯🦪🍚$228 一上台已經有好大浸蠔汁嘅味道～ 本身我對蠔呢樣野真係又愛又恨 佢唔單止落咗蠔汁🦪 仲加咗蠔肉碎落去煮嗰意大利飯 濃郁嘅蠔味無掩蓋飯嘅芝士香氣～ 面頭仲有3粒鮮帶子 誠意十足☺️ 炭燒美國安格斯肉眼🐮🐮$468 10安士嘅Rib eye 叫咗3成熟 真係啱啱好☺️ 煎起嘅肉面 Rest 完可以鎖起肉汁 肉質鮮味～而且調味唔係好重手 食落唔會死鹹同係咁飲水 餐湯飲品甜品 +$40 雜菜湯～講真我本人就唔係太好西湯🍅因為好怕西湯個草青味 但飲咗第一啖之後～發覺好甜 成個湯都好甜 入面嘅洋蔥蘿蔔湯蕃茄 都好淋甜 一入口咬2吓就已經滑入喉嚨☺️❤️

估唔到醫院附近有咁好食嘅日本小店～ 位置唔係好多🥲開中午12點 12點15分到已經得返1張2人枱 本身叫咗普通角切魚生丼。 但見到有個油甘魚三色丼勁吸引 店員仲要話係琴晚啱啱到貨 即刻轉咗🤣 油甘魚三色丼 🐟🍣$138 每一塊魚生都係厚切 仲食得出鮮味 但略嫌壽司飯整得太濕 同埋酸度唔夠 唔似靚嘅日本米🥺🍚

由尖沙咀食到荃灣～ 終於都開到屯門！平日都要等位 真係唔講笑🤭 韓風蟹肉塔🦀$153 呢個超好食 蟹肉，椰菜，青瓜，牛油果 可以慢慢搽落去黑米烤薄餅到食 食炸雞同Pizza嘅同時有呢個蟹肉他他 即刻refresh咗自己嘅味覺🤤 解油膩之餘 抖一陣又可以再食過其他嘢‼️ 蜂蜜忌廉炸薯條🍯$96 炸到熱辣辣嘅薯條永遠都唔會失望 睇得出薯條上面淋咗蜜糖同巴馬臣芝士 而配埋中間嘅忌廉鹹甜鹹甜咁～ 愈食愈上癮 玫瑰炒年糕炸雞🌹🐔$146@6 睇相以為係偏透明清甜嘅醬汁 但係食落佢算係韓國辣公仔麵個陣味～ 都可以話好似韓式卡邦尼個種感覺 雖然同想像嘅有少少出入 但見佢個味好鬼濃郁 加埋年糕同炸雞 咬完一啖可以再點汁🤣無止境～ Mango Passionfruit Iced Tea🥭$48 Yuza Sour Iced Tea🍹$48