牛極 (通菜街)

營業中

休息中

突然之間好想食牛扒，一諗就諗到食牛極，呢間餐廳之前食過一次，非常美味，值得再來幫襯 ！今日叫埋朋友，一齊你享受一下😄我叫了牛柳，牛柳非常厚身，脹卜卜，我切開一件件，放在熱石上烹調，生熟度自己控制，食牛柳自己覺到五六成就夠，否則太靭，再點埋他們的秘製醬汁，真係正到不得了！我朋友就食牛肩扒，當然都係充滿牛肉味，無根又無揸，有種入口即溶的感覺！自助區有白飯，沙律和麵豉湯，無限添飲添食，所以一定食得飽🤗特別要讚一讚這間餐廳，牛扒送來時，有餐紙覆蓋在牛排上面，避免有汁淺到衣服，還有即棄圍裙，真係非常貼心😘

雖然熱石燒牛排的熱潮好似比之後退了一點, 不過見近日天氣有點冷, 晚上也只有12至14度, 所以走去食一個熱騰騰的熱石燒牛排暖新! 此店在網上都有人推介一下, openrice的食評都唔錯,所以特來一試!!今次點了3份牛排, 日本和牛(赤身)雖然有點貴, 但是是3款牛排中最好味的一個!肉質很腍，有少少入口即溶的感覺! 牛肉的味道亦足! 個人覺得日本和牛(富油脂)應該味道會更和和濃, 會更好食!亂切牛排即是(牛柳,西冷及牛肩扒)三併! 個人覺得這個很抵食, 因一次過可以品嚐到3牛肉! 肉質都算腍，牛肉味足夠, 幾好食!不過澳洲牛仔肉眼就差了一點,肉質比較硬, 很難咬, 味道也只屬一般, 說實在有點失望!另外, 湯很夠熱, 味道唔差!沙律配上香濃的沙律醬亦十分好食! 整體而言, 質素算唔錯, 日後應該有機會會再來!

同朋友行街行到咁上下，見肚餓就入左去醫肚！呢度係食石燒既肉食，每人需要至少點一份~~一入到去就見到個自動售票機，自己買好飛就可以告知店員安排入座，簡單方便：）除左所點既肉食，呢度既醬料、沙律、白飯、湯品都係自助任取既所以一定食得飽xpp店家亦都好細心咁提供即棄圍裙就算著淺色衫都唔洗怕整污漕啦~~唔洗等好耐，我地既肉肉都黎到啦！我要左最平既牛肩肉，只係$80炸~~朋友既就係貴少少既牛柳，兩款都唔錯！牛肩既肉味較濃，而牛柳就比較淋身兩者各有優點最中意係可以自己燒，想食生d定熟d都可以由自己調節，仲可以邊食邊燒添

入到門口有一種日本的味道，全因為店內唔有teller, 而係在門口擺放著一部日本很多拉麵店/車站食店均備有的自動販賣機而機所賣正正係餐廳重點熱石牛點了牛肩肉180g餐牌列明煮到1成熟後就會用熱石上台，自行燒到自己鐘意的熟度如果燒得耐覺得熱石唔夠熱的話就可以叫職員換牛的種類都有幾款選擇。有和牛﹑肉眼﹑西冷等可以選擇~而且係較平民的價錢就可以試到。。。除左重點牛外，仲有自助吧可自己夾沙律同麵c湯﹑白飯等等~

早兩日食完，仲好掛住燒牛牛嘅味道，所以今日喺旺角做完「馬殺雞」，又再搵間嚟食下。同樣地食親呢啲，都係白飯沙律湯任裝。佢個湯都幾好飲，類似羅宋湯咁，酸酸地幾開胃，有好多牛肉同埋紅蘿蔔白蘿蔔洋蔥，甜甜酸酸咁，幾啱我。佢呢度嘅沙律有得加柚子醋，仲有麻醬俾你揀添。但係佢個白飯就硬左少少，所以冇影相。我今晚試左佢個牛柳，好林好juicy，啖啖肉，啖啖肉汁，淨係加粗鹽就已經好好味。佢呢間牛肉只係煎左個面，入面係全生，所以當塊板唔夠就記得搵職員幫你換啦！但切開可以睇到牛柳嗰啲雪花，好靚。男人今晚就試牛肩肉，牛肩肉牛味比較濃，口感上會覺得油脂多少少，同埋燒耐左嘅話肉質會比牛柳為實。

近期興起了平食自助石燒牛扒，讓一眾牛肉控就算挨近糧尾也可一解口腹之慾。這種鐵板餐的進化版，之前筆者就試過家裏附近的一間連鎖小店，質素還算不錯，今次由網友推介來到旺角這間石燒牛扒專門店，選擇更是多樣，除了美國牛扒之外，還有澳洲與日本和牛，饞嘴的筆者當然即現心心眼，實行大吃一餐！小店位於通菜街內街的排檔後邊，門面不是太顯眼，店內面積不算太大，簡單整潔的日式風格裝潢，還算坐得舒適。牆上掛上一幅巨型的解牛圖，介紹著不同的部位，邊吃邊長知識。近門處放有一部自助點餐機，蠻有東洋風，點餐機操作簡單易明，店員亦會從旁協助介紹，自助付款之後將單據交給店員，便可坐低慢慢等著所點的牛扒送上。餐廳主打的火山石燒牛扒全部都經過三日自然熟成處理程序，而5款部位均有3種不同份量的選擇，正宗豐儉由人，彈性十足。入坐後可先到自助吧取前菜、沙律、湯品和白飯。當日的沙律是用上爽脆的椰菜絲和車厘茄配上胡麻醬或柚子酸汁，簡單的配搭，清新開胃。而湯品則是味噌湯，微鹹中帶豆香，濃香惹味。筆者和朋友當晚點了牛柳200克 和牛肩排180克，牛扒端上來時以廚紙蓋著，避免油花彈出濺污客人，有夠貼心。扒身件頭十足，煎至一成熟放在滾燙的火山石

行過女人街發現原來有間牛極, 之前係佐敦都見過佢, 今次咁岩要晚飯就試試佢!門口點餐, 分別有牛肩, 肉眼, 西冷, 牛柳, 仲有貴價d既和牛! 最平既牛肩排只係80蚊180g, 而最靚油脂最豐富既和牛就450蚊360g, 豐儉由人。點完餐就去拎圍裙, 唔好彈到件衫枱上面有簡單調味料, 鹽, 黑椒同埋燒烤調味。自助區既沙律, 飯同麵豉湯都係任拎, 見店員都refill得幾快, 包保有野拎仲有好多款醬汁提供。係個扒未黎既時候拎定湯同飯, 依度既麵豉湯調味唔錯, 唔會過咸, 仲有海帶同豆腐粒, 而白飯仲可加上紫菜粉, 令個飯更香牛柳份量十足, 切開黎睇下係咪真係1成熟先, 真係粉嫩生肉, 切一塊, 煎5秒再連飯擺入口, 夠軟夠腍西冷圓圓既厚切西冷, 肉味濃, 同少少鹽調味就可以無牛柳咁軟腍, 所以可以唔洗煎咁熟, 大概4~5成左右口感就最好啦而家想鋸扒真係好多選擇, 100蚊唔洗既既熱石牛扒CP值係高既, 絕對係一個唔錯既選擇

呢排好似好興石燒牛扒，我同朋友食飯好多時啲人都揀試石燒牛扒旺角比較就腳，大家最後揀咗呢間平平哋甫入門就有自助售賣機，自己揀完食咩先，再俾埋錢再等店員叫先入座，基本上最平80蚊就有而且係半自助模式，麵豉湯沙律白飯都係任食自取醬汁都有幾款胡麻沙律汁for沙律用，鍾意蒜味亦可喺牛扒度加蒜蓉自家製燒肉汁同辛味燒汁就係for牛扒用不過辛味燒汁就有啲辣，食得辣嘅人先好蘸BBQ汁蘸肉就好惹味，仲有少少芝麻香有好多款扒任揀，有牛肩扒澳洲扒西冷扒牛柳甚至和牛石燒牛扒上枱時只係1成熟Rare Only塊石燒到攝氏300度需自己喺火山熱石上煎熟牛扒如果舊石唔夠熱可以叫店員換過塊建議切成細細塊逐舊逐舊去煎因為好快就會熟，熟得滯牛肉質感會韌牛肩扒 Top Blade Muscle 180g $80煎到5-7成就夠，牛肩扒肉質軟腍入口有豐腴肉汁，加上少少調味料調味更香牛肩肉本身比較嫩身，有啲筋位好夠牛味，咬落油脂香滿滿180g對女仔其實已經好夠，女士之選！牛柳 Tenderloin 200g $110食肉獸必點嘅牛柳，200g大大舊都夠食男士基本都夠，不過部份男士可能300g或400g先夠牛柳比較厚身，食落好有肉

今日同另一半去食火山石燒牛入到去好似傳統日本拉麵店咁 有一部自動售票機 裡面寫咗各種扒類同重量我地分別嗌咗牛肩排180g同牛柳200g店鋪裡面有半自助吧提供珍珠飯 牛尾湯 沙律菜 我頗欣賞牛尾湯 因為有濃濃蕃茄味主菜用熱石上 雖然寫住只煮一成熟 但眼見其實都有3成至4成 假如熱石凍卻 可以再換牛肩排肉香較重 本身只落幾塊蒜片調味可以先試一下原味 再自行加上店舖自家燒汁 pink salt , Bbq seasoning ,black pepper我個人認為加了自家燒汁以岩鹽已很足夠 略略調味 足以散發濃厚肉香一邊吃 一邊用熱石燒熟牛扒 頗為過癮至於牛柳 則較為軟身 同樣 略加調味已很足夠 店鋪有另外提供辣燒汁 不過味道頗辣 我較喜歡不辣 不會搶走原本肉香飲品方面 亦是自由斟形式 店鋪提供檸檬水任飲

**牛極**旺角店呢日LUNCH好想食肉,唔想行太遠忽然間醒起之前食過間熟成牛,一於就再ENCORE門口售票機落ORDER我就要左份牛肩肉. 其他嘢都係自助形式自己去拎有湯,白飯,沙律菜,水 仲有幾款醬汁自助形式既好處係可以按個人喜好去拎,又跟據返自己食到既份量去攞減少造成浪費! 牛肉用塊熱石板遞上,仲用左張廚房紙蓋住,免得D油彈到周圍都係.牛大概只有兩成熟,鐘意食幾熟仲整幾熟,如果塊板唔夠熱仲可以要求店員換過另一塊不過牛要盡快切同食,如果唔係會熟得勁快,變做WELL DONE嫁啦

女人街熱石牛扒前排去左女人街食熱石牛扒，覺得都幾好，寫返個食評留念下。入到去見到係自助式點餐既，日本感受，落order既時候有服務員協助。前菜、沙律、湯、白飯等等都係自助形式去拎，換言之係半任食！ 仲有幾款醬汁，燒肉汁，辛味燒汁，蒜蓉，胡麻沙拉汁。餐廳有一次性圍裙供應，俾你著住，免得熱石煮牛扒既肉汁彈到衣服，貼心安排。仲有玫瑰鹽，黑椒同bbq調味粉俾你自己加落牛扒。我地點了牛肩排180g及牛柳 200g。牛扒上菜時只有一成熟，熱石溫度高，很快會變熟，想食咩熟度自行選擇。牛肩排牛味濃郁，而且有口感，10分推薦！勁厚，有肉汁，熱到5成熟，加玫瑰鹽同點小小燒肉汁，yummy。牛柳牛柳中間有一條很大的筋，係影響左小小口感，不過都好食，除咗筋位，其他位都好淋身。

前幾日諗住去旺角買鞋 之後夜晚就同女朋友搵吓有咩食 平時我哋去旺角來來去去都係打邊爐或者食放題 而今次我哋兩個人就唔想咁heavy 就搵吓有啲咩新餐廳可以試吓先！-既然平時大街都行過曬 一於捐窿捐啦搵下有咩好嘢食！果然！俾我地搵到呢間好特別嘅人氣燒牛餐廳😭 餐廳位於女人街旁邊嘅位置 雖然位置唔易搵 但都吸引到好多人去食！🤔原因係因為呢度食嘢夠特別同大方！呢度入去食嘢之前 要喺度買飛揀定自己想食乜嘢 然後再比飛店員！而佢哋主打就係食石燒牛 有好多唔同部位同份量俾大家揀👍🏻 而且價錢唔算貴 $6-70都有個餐!!另外佢哋仲有自助吧枱 俾大家免費任飲麵豉湯任攞珍珠飯！😍😍仲有沙律同埋醬料都係任大家拎！超好！-我哋拎完野 正餐都到啦！上碟前店員會用廚房紙蓋住個牛以免客人比油彈親 好貼心哦！☺️-牛柳(200g)🥩-呢個牛柳睇落都好大舊 而店員只會將佢煮到一成熟 之後客人就可以按自己喜好係熱石上邊燒至自己想要嘅熟度！而我燒左一陣就食 因為我鍾意食生D嘅！呢個牛柳嘅肉質相當嫩滑 而且一咬就開 口感好冧！ 而且仲好有牛嘅油香味 配埋個飯食真係一流！🤤-牛肩肉(150g)🥩-而另外我女朋友胃口細啲 就叫

吃牛吃上癮，尤其係用石燒方法更加引人入勝。呢次來到位於旺角女人街嘅『牛極』，佢嘅半自助食法更加抵讚，嗌一樣主菜就可以任食白飯，牛肉湯，菜沙律等，大食者唔怕食唔飽，細食者亦唔會嗌多咗而浪費，唔怪得吸引咗咁多人來食，午餐之後keep住有食客，川流不息。嗌咗牛柳和牛肩扒，師傅會幫煮够一成熟然後交給我哋自己燒，可以控制要燒幾成熟最啱自已口味，實在太好喇。同朋友share吃，两樣都吃到，牛味好濃郁，又唔會太硬，勁满足。而牛肉湯也好好味，平時飲麵豉湯居多，而呢間因為做牛為主，所以D湯有碎牛肉，有紅蘿卜，絕對係真材實料牛肉湯絕無花假

鐘情食牛既我 好想一試呢間叫 "牛極 " 既牛扒店 .上次路過見店門口排晒長龍 一定有它的吸引力 .今晚等埋老公OT收工 專登過黎試吓 .店舖簡潔乾淨 一坐低職員拿上籃子給我們放好手袋/背囊.給我們介紹 最後我同老公各自揀選了牛肩扒同牛柳。職員給我們圍肩後.不久就將端上一盆盛有一磚燙得熱烘烘的熱石來.上面端著厚一切牛肩扒.牛柳 .愛食幾成熟隨自己喜好烹調。老公愛那個牛肩扒愛它有口感 。我還是愛這個牛柳好吃夠軟夠淋口 。兩款也是同樣肉質嫩口.濃厚牛肉鮮肉味 又不帶牛膻味 每一口也是極美味的小鮮肉啊！還附上 自家製燒肉汁辛味燒汁 蒜蓉 胡麻沙律醬汁 舔在肉上份外滋味。另外還檸檬水.沙律菜. 麵豉湯 .珍珠白飯.任客人隨意添加飲用。值得一提那個昆布海帶豆腐麵豉湯. 淡淡麵豉清香又帶些少昆布甜味 好好食 我添加了三碗啊 。老公話日後收工唔好煮飯喇 兩公婆黎呢處食 大家都開心滿足.至嘆好享受！

旺角行街被大陣燒烤味吸引，所以入去試下。牛極係火生石黎燒的。牛極係半自助形式。要係售票機選擇你想食既牛先購票，店員就會安排座位。一入去既右邊有個小型既自助吧有檸檬水，飯、麵豉湯及生拉菜提供及任裝添。幾款醬汁添，另外餐具及圍裙要自取的。我同朋友唔算太肚餓，分別簡左200g牛柳（$110）同180g牛肩排（$80）。上菜速度都好快。牛扒會用廚房紙巾蓋著，貼心可以防止油彈，隔左陣先揭起，石板仍極度熱，你想食幾成熟都得添。味道唔錯，不用調味，但記得要配蒜蓉食，會更好味。牛柳都幾厚身，都ok多汁及軟身。牛肩排冇甘厚身，肉味較牛柳濃，有口感少少韌。牛肩排既石板比較熱，所以唔好一次過切哂，否則好易變8成熟。整體黎講以這個價錢黎睇都算抵食，較平民。