牛極 (通菜街)

營業中

休息中

牛魔王又出動喇！出名多嘢食嘅女人街開咗間石阪燒，見到疫情之下都有好多後生仔坐低食就知應該係好東西。牛肉有幾種，唔同種類亦都有唔同gram數，好friendly!見今日唔係好肚餓，同男朋友揀咗180G牛肩排同200g牛柳。另外都有日本汽水選擇。沙律白飯牛肉湯都係任食，椰菜沙律配埋大大粒車厘茄，仲有 柚子汁同芝麻醬配埋，好開胃消滯！清完一碗又一碗！牛肉湯飲落去其實似係冇咁酸嘅羅宋湯，估唔到又幾味，感覺唔似落左味精，不到底仲有好多好冧既牛腩，唔錯唔錯！出面仲有幾種醬汁俾你任添，竟然有大大盆蒜蓉俾我夾住啲牛肉食，重口味既我大推！每台亦都有3支調味粉揀，可以每舊牛肉都唔同口味主角終於出場，好香呀！餐廳細心地為我哋安排圍裙唔會整污糟件衫食左兩種牛發現味道同口感差唔多，牛柳稍為重牛味少少，兩件都好淋身，加少少海鹽同蒜蓉吊味，好正唯一係食石板燒無乜經驗，一早燒哂有啲又過熟有啲到食個時又會已經凍左，見到隔離枱個女仔一開始切開一半擺開佢，燒完另一半食哂先燒剩返嗰啲，應該效果會好好多！唔怕石阪唔熱之後無得燒，因為佢可以隨時換過一塊新嘅俾你！性價比真係不錯！大食既或者男孩子建議食300g或以上，如果唔係會唔夠

再一次愛上牛極 cp值超高 雖然都係叫牛肩排同牛柳 個食過真係返尋味 本人愛牛肩排 食過diy牛 就有經驗啦 唔會一次就切開曬 甘就會變左10成熟 我中意5成左右啦 所以每次薄切2 3塊 食完先再整 甘就very good 雖然牛肩係最平 個我覺得牛味重 5成又好淋 會引唔住食多幾啖飯 今次呢間我好欣賞佢既湯 係日式牛肉湯 入面好多牛 仲要係靚牛又有牛筋 淨係湯都飲左3碗 正過屋企既老火湯 就連白飯我都覺得好好食 日本珍珠米 軟硬適中 中意食牛真係唔好放過 大食既朋友都可以考慮 白飯沙律任裝

跟朋友來到旺角, 佢介紹我去食而家潮流好興的石燒牛.  將牛放在熱滾滾的石板上, 按喜好自行調較熟度，有得享受烹調過程，有得玩又有得食。採用自助式點餐，之後石燒牛會由店員送到。 店位置好方便 在女人街。店內有圍裙供應, 很貼心.  另外點石燒牛, 包了自助沙律, 湯及白飯, 可免費添食. 紫菜麵豉湯有日本的味道 ，濃厚但不會太咸。醬料方面：有自家製燒肉汁，蒜蓉，辛辣燒汁。比較喜歡燒肉汁，提升肉味。牛柳200g  HK$110我叫左牛柳, 店員送餐的時候, 牛柳上放在一張面紙, 我想是不易令油濺起.  厚切牛柳肉比較扎實。 石鍋熱燙燙，要先將放在上面的牛柳翻一翻，以免令一面過熟，因牛比較厚，可先切成小件再將各面煎熟。這做法令牛保持肉汁，客人又可按自己喜好調整生熟度，又可以玩玩，真係唔錯！牛柳肉味香濃，配飯吃一流。 西冷 200g HK$130另外朋友點的是西冷, 西冷部位是牛全身最多活動的，肉質較軟, 入口相對較易溶化, 而且肉厚得來亦不覺韌，肉非常入味。朋友對此讚口不絕，價錢亦性價比高！店主要食石燒牛，還有其他部位種類 如和牛提供，牛魔王一定要來試下呢！

近年很多地方都流行石燒牛熱潮！🐂🐮🔥今日就去左旺角女人街既牛極試下石燒牛同鐵板牛既分別！🔥🐂入到去係自助購票形式！🎫旁邊會有員工好窩心協助你購票！💁🏻💁🏻‍♂️🎫睇落去所有牛既價錢都好合理！🐮💰👍🏼買完飛之後！🎫就會有員工安排入座！💁🏻‍♂️💁🏻入到去，有個自助沙律吧！🥗而且飯同麵豉湯都係任食！🍚🍲檸檬水任飲！🍋🧊自己比較細食！🙈食牛肩排180 g！🐂牛味很重！👍🏼🐂而且再用石燒整熱小小就食得！🐂👍🏼🥰好有口感！😋自己一舊一舊咁切開食！😋慢慢品嚐！😋🐂朋友就叫左澳洲牛肉眼200 g！🐮都係一樣咁夠份量！🐮👍🏼朋友就全部一次過切開晒黎食！😋雖然朋友既澳洲牛肉眼比較厚身！🐮但食落去唔難咬開！🐮依然咁好口感！😋🐮👍🏼發覺鐵板同石燒既分別就係，鐵板一定會問定你要幾多成熟！😄上左枱之後就好難更改！有時會覺得生得滯同熟得滯！🙈但係石燒會燒到六至七成熟左右！🔥上枱既時候唔夠熟的話你可以利用佢既石燒再整熟一點就食得！🔥如果一上枱已經覺得夠熟的話就咁食都可以！😋口感依然！😋👍🏼而且店舖有埋冰島鹽，黑椒粉，BBQ粉用咗調味！🧂全部調味粉一點也不遜色！🧂👍🏼值得再

旺角夜晚8點幾既街上好多餐廳都收左,經過通菜街見呢間石燒牛仲開緊而且仲幾多人食就決定入去醫肚.雖然都食過1-2次都但呢間牛極就真係第一次食.食過今次,暫時係我食過咁多間既首位😋入去餐廳前有一部自助購牛扒機,先揀左自己想食既種類及部位,然後就會有店員帶你入座.係你等待緊牛扒上既時候就可以去自助區內拎白食,湯,沙律同醬汁. 白飯用上珍珠米,餐廳煮得粒粒分明唔會黏,入口煙煙韌韌.麵噌湯唔會過份重手令到湯底好鹹,入口香得黎濃度又啱啱好.牛肩扒180g,圓圓一塊預先燒到一成熟後放上石燒板上按自已喜好將牛排燒熟.牛肉質十分軟腍得黎又唔會無左肉既咬勁,牛味唔算特別香濃但仍食得到牛香味.牛肩脂肪含量較少所以食落唔會肥膩相對較健康.牛柳200g脹卜卜十分吸引,牛味比牛肩扒更香濃,帶更多牛脂香.肉質嫩滑但相比牛肩扒會多點韌性同嚼口,中間有少少筋.牛柳味香,只要加上基本簡單既調味例如點椒同海鹽已經十分足夠.牛柳上既炸蒜片十分香脆,配上牛柳食更香口滋味.

今日終於黎左依間經過左好多次既牛極！😆😆😆一入門口，店員就介紹部落單機，有好多款式嘅牛肉任君選擇，最終決定食石燒牛柳。而餐廳半自助型，白飯、菜絲、麵豉湯及醬料任食。一埋位就出去夾野食。牛柳味重，肉質鮮嫩，易入口，但都只係百零蚊，好抵食！不敢想像如果嗌再高級啲嘅牛會有幾好味☺☺☺ 另外，餐廳亦有珍珠米提供，食之前已經不左一碗，一啖牛一啖飯，口感豐富，好有滿足感。而餐廳亦有好多款醬料提供，有辣醬、蒜蓉，仲有岩鹽，基本上每一啖都可以配襯唔同口味嘅牛，十分有誠意。餐廳將石燒牛文化成功帶到香港，實在好好食，下次一定要試下其他牛！臨走嗰陣，只係七點幾，但已經排長龍，好彩早左嚟食咋。不過都值得！

自從喺日本食過石燒牛，一直念念不忘😆😆依家疫情嚴重，都唔敢去日本😓上網見哩間牛極好評不絕，賣相不錯，於是決定約埋三五知己去試🙈🙈🙈鋪頭位於鬧市中心，好近地鐵👍👍👍由於哩排收早，我哋book咗5:30，好快就安排入座。(食食吓見到越嚟越多人，之後要排隊，奉勸各位早啲到！)首先食咗個菜絲沙律先🌿🌿🌿個沙律有蕃茄、椰菜、紫椰菜，伴以沙律醋或者芝麻醬，菜好新鮮，由於半自助，好快更換。今日嘅湯係麵豉湯🍜好足料，入面有多層日本昆布，原片蘑菇，仲有海藻同豆腐。湯濃度適中，為即將食嘅石燒澳洲牛作開場，十分合適。終於到主角出場！🐂🐃🐂🐃由於熱石太熱，餐廳好細心咁將紙巾隔住牛的上方，以免高溫會把牛脂濺到食客，且客人亦可觀察牛是否已煮好。順帶一提，牛肉上碟時只有一成熟，待食客能自由發揮，將牛的質感與鮮味提升到一個點😍😍熱石燒係一個烹調手法，正正避免左鐵板散熱快嘅缺陷，因為熱石熱力持久，基本上整塊扒食完都仍有熱力。而餐廳嘅牛上乘，肉質鮮甜，基本上三成熟已經好好食。

點解用左火山石做石燒，可以令到肉類嘅油膩感覺減少，而且煙都少D，而且亦有貼心嘅圍裙供應。可惜上菜嘅時候，牛舌本身已經全熟，所以放係石上面，只係有保溫嘅作用，同埋增加燒焦嘅效果，可調味嘅作用唔大，牛舌本身調味亦比較淡，感覺似係烚熟左之後再放上去，建議用番海鹽同埋黑胡椒再作調味，一份午餐已經包括左三塊好厚嘅牛舌，女仔嘅份量算係太多，男仔嘅份量應該勉強飽肚｡同一般石板燒一樣，任食珍珠米白飯，麵豉湯，椰菜絲沙律再加檸檬水。

某天晚上同朋友去左旺角女人街附近行街，見到一間叫牛極既餐廳，店鋪入面坐位都幾多嫁，仲有可以看到廚房既制作食物過程讓食客食得安心，餐牌方面入面有好多款牛扒選擇，份量都好多選擇岩晒大食或者細食既朋友。用自助機先付款後上菜形式，我地點左個牛肩排同牛柳，牛肩排肉質好淋，好香口，牛柳肉味香濃，大大塊，在石塊上燒熱至自己喜歡的熟度，仲有切肉之前可以去外面有個位置放左圍裙防止食客俾燒肉既汁彈到衫，好細心。仲有任飲麵豉湯同沙律，飯。

要滿足牛魔王男友就只能到保證食飽的自助牛扒店，開業快一年的連鎖店牛極是其中一個選擇小店位於女人街內，一進門就會看到一台購買機！首先點餐，然後將單據交予店員等待安排入座估不到在疫情下晚上九時仍然人山人海，只剩下吧台每份牛排都包括自助吧沙律、麵豉湯及白飯熱石燒難免會將肉汁濺到衣服上，店家貼心地提供即棄圍裙約一成熟的牛扒放在燒至三百度的火山熱石上供食客按個人喜好自己烹調！桌上已預備好三款調味料店中供應的5款牛都經過三天自然熟成處理！180g的牛肩排只須$88！肌肉豐富有彈性，美味多汁牛柳肉嫩軟腍，油花平均牛肩排實在太可口，忍不住追加一份最大的360g！那麼大的一塊牛扒只須$150，十分超值性價比那麼高，難怪可以在這麼短時間內開出那麼多分店

近排疫症問題攪到出街次數大大減少，今日出去旺角行一轉添置物資同睇下出面咩情況，搏一搏有冇口罩返貨去到旺角行完一陣就到食飯時間，行到女人街附近搵搵下見到一間石燒牛，於是我地就試試一進入店舖好特別，餐廳用自助售賣機，叫左 order 之後先安排坐，令我地諗番去左日本旅行感覺😆😆，拉面，定食，😆😆，講番正題，我地分別叫左牛肩 180g同牛柳 200 g，餐廳係半自助，沙律，飯，湯，水同調味料按自己需要自由添加，正等左一陣石燒牛就送到上檯了，牛會係一成熟開始，需要幾多成就睇個人喜好，過左一陣牛肩同牛柳到牛肩肉用多少少力切先切到粒，經過一輪嘅燒後可以品嘗，食落有牛嘅蘇味，咬落去夠咬口，唔錯唔錯牛柳就容易切粒，同埋會快熟 d，唔好燒太耐，避免快燶，牛柳就牛味冇咁蘇，太太接受到，咬口比較軟 d兩者加埋送飯食到唔停口，無論原味定加醬汁，都唔同感覺，食到唔停，最後再飲埋蕃茄牛肉湯，一 d 都唔水，我自己都飲多碗，大滿足 食完休息後就繼續尋找口罩 😅😅

牛扒有好多選擇 例如牛肩排肉眼 牛仔肉眼 西冷 牛柳 日本和牛(赤身) 日本和牛(富油脂)入到餐廳 首先要去售票機買飛 然後店員安排入座等食物嘅時候可以去自助區任添飯 湯 沙津 醬料同水自助沙律係椰菜絲 有柚子汁同胡麻湯係日式牛肉湯 裡面有紅蘿蔔 牛肉粒 洋蔥等三款醬料分別有 自家製燒肉汁 蒜蓉同辛味燒汁上枱嘅時候咋咋聲 好彩上面有張紙 廢是汁彈到身餐廳好貼心 仲有圍裙提供 唔怕件衫整污漕-🥩牛肩扒 ($80 180g)牛肩肉肉質鮮嫩 比牛柳薄身少少鐵板夠熱 切牛扒後用鐵板餘溫再煎下肉上嘅時候得一兩成熟 你可以選擇燒幾耐 要生定熟啲餐廳職員好好 話如果熱石板唔夠熱可以換-🥩牛柳 ($110 200g)牛柳肉質一樣好嫩 夠厚 肥膏多啲 入口充滿油香味肉質比牛肩腍 肉汁亦都比較豐富建議食嘅時候點多啲汁 肉比較厚 中間好容易無味

近年石🔥牛開到四圍都係今日同媽咪去旺角牛極試下有售買機自己入$揀食乜👍🏻👍🏻圖文並茂好方便😆牆上有張🐂圖😆望兩望的確長知識原來塊熱石唔夠熱可以換牙窩心！岩曬鍾意慢慢嘆嘅我地！飯。湯。沙律。水全部自助形式媽咪爆like❤️鍾意食幾多拎幾多!唔做大晒鬼！我揀咗平價之選牛肩排180g上枱用張tissue蓋住唔怕d汁彈到件3！180g望落都唔少架！出嚟一成熟可以自己煮下玩下！媽咪揀咗牛柳200g🤪肉質的確嫩滑d~正所謂一分$一分貨!

今日係旺角行街，成日都諗唔到食咩好，今日去左牛極試下，又唔洗點等位。一入到去係自助付款，可以揀想食咩肉好幾大件，之後入面自助bar既湯、飯、醬汁同埋沙律就任食。湯既料好足，但係我去到得返小小面豉湯，之後鋪頭refill既係蕃茄牛肉湯，都好好味但面豉湯會吸引D。沙律就得一款揀，冇咩特別，加下甾汁都唔錯。我地叫左牛肩排180g同埋牛柳200g，當日唔係好肚餓，所以小小食住先。牛肩排180g $80好有肉味，好淋加上可以點下醬汁同埋加下D調味粉或者係鹽，已經好好食。牛柳200g $110牛柳反而冇牛肩排咁淋，其實牛好多唔同部位都好好食，可以去多D呢D食牛既專門店食多D試下唔同部位。牛極既特色係用燒熱左既石板上菜，可以自己去adjust下熟既程度，食到咁上下石塊唔夠熱可以叫店員幫手換另外一塊，同時間會warm住唔怕凍曬啦。最平果兩塊都幾好食，仲有和牛系列，下次都想再黎試下。

今天因有要事出旺角，完成工作後跟友人一起享受午膳的時光。隨機入了這間牛極，結果真是令我喜出望外。看到這個價錢，初時都懷疑會是什麼質素，已包括前菜、水、湯和飯，還要是任食的，只要在外面的吧枱自取便可以。沙律是青及紫椰菜切絲，口感很好，也清清的，很不錯。而麵豉湯的湯料比想像中豐富，有豆腐、昆布、香菇，味道也不錯，很香也不會太淡。友人點了B餐的黑豚腩片燒，賣相很不錯，令我也很期待自己那份。因為我是不吃牛的，所以點了A餐的日式雞排燒，天呀！雞排真的很大塊，已滿足到視覺上的感覺。一放上枱已經能感受到那股熱氣，熱騰騰的，還可以聽到那些油脂在石板上滋滋作響，加上雞排的醬汁在石燒之下非常香，真的急不及待要吃。即使雞排一直在石板上燒，也一點都不乾，而且還很滑，非常juicy，真的非常好吃，也吃到很飽。這店令我非常有驚喜，每次隨機入店，若能發掘到好餐廳，都令我非常開心及滿足，加上這個價錢能吃到這個質素，真的非常的棒，絕對會再來光顧的。