牛極 (通菜街)

營業中

休息中

牛極下班忽爾想吃牛，經過公司附近新開張的石板牛便進內一試。一踏入門內便看見一部售賣機，與日本食店十分相似，先買票再入座，店員也會在旁介紹，非常貼心。我點了一份180g肉眼，同行友人則點了200g牛肋骨排，讓大家都能試試不同口味。入座後，店員告訴我們所點扒餐已包括前菜、湯及白飯，而且可以續添！所以在等待主菜時，先出去走一圈，看看有甚麼東西。每樣東西都拿了一點試試看，米飯放在飯煲裡温着，盛出來時還是熱騰騰的，另備有紫菜粉灑左米飯上，增添味道；椰菜沙律新鮮爽脆，配上柚子汁，既清新又開胃；湯是日式牛肉湯，有蘿蔔作配料。餐廳亦提供了三種醬汁配牛扒，每種都盛了一丁點試試。不久，主菜便上場了，在熱石上烘着的的牛肉香氣四溢，非常吸引！先嚐一口原汁原味的肉眼，肉質有嚼勁，充滿肉汁；而牛肋骨扒的牛香味則更濃郁。由於廚師只將外面稍稍煎熟，所以客人可以按照自己喜好，選擇將牛燒至多少成熟，如果喜歡嫩滑的牛肉，記住要偶爾翻翻肉扒，甚至先擱在碗中，以免燒至過熟，影響口感。最低只要80元便可享用牛扒晚餐，更包含前菜、白飯、湯無限續添，實在十分專值，值得推薦。

見到咁多人講牛極今日就去試吓成間餐廳嘅裝潢都以日式為主但餐廳就以自助嘅形式去運作每個套餐都近一飯一沙律 另外仲有醬汁俾你點其他配菜唔使講最緊要講個牛個牛好稔 本身都好有牛肉味吾會蘇 點埋佢個醬汁送飯就好開胃👍🏼😋

星期二的下午，返鋪頭之前打算先吃個late lunch，係女人街同我男人行左一陣，見到呢間石燒牛專門店。想想都有一段時間無認真食過牛，就決定食佢。店鋪入面既販賣機同日本當地既餐廳一樣，都係先買，後享用。我地研究左個menu一陣，決定揀最細portion既牛柳同埋牛肋骨。點解會揀最細portion呢，下面就會講喇。因為店鋪入面有一排自助吧，分別有白飯，湯同埋胡麻菜絲沙律。全部都係任拎既，所以唔洗怕唔夠飽。呢個位置都放左三款點牛扒既醬汁，我自己就比較喜歡點芥未。石燒牛扒上台！佢會放一張廚紙係上面，因為塊石板係好熱好熱架，所以會好彈油。牛扒上枱係一成熟，會比你慢慢係石板上煎到你想食既熟度先至食。牛上面有蒜片，非常香。一片片切開再放上石板燒，感覺又好玩，而且又可以自己控制想食既熟度。牛肋好好味呀，因為係痴骨既肉，又有油脂，燒完之後逼哂d肉汁出黎，好香口。加埋汁再加埋飯一齊食，好夠飽肚。男朋友揀左牛柳，肉質比較實D同埋無咁多油，同樣係正架，不過佢就覺得唔係好夠飽。可能下次會揀一個份量多D既牛！順帶一提，呢日既湯係蕃茄牛肉湯，好夠濃，亦有牛味，我都飲左成兩碗先收手。我覺得呢一齊重點係平，兩個人20

今日同朋友係旺角做完瑜珈，放學已經係晚飯時間，朋友話想試下最近大熱的熱石牛～坊間已開左好多間，我地搜尋最近的一間，決意跟朋友一齊去食！呢間牛極地理位置好方便，就係女人街旁邊，先達對面，門面都幾日式設計，仲貼左menu，簡單清晰，一開門入去就會見到有部售票機，好似日本d拉麵店一樣，都係先自助購票，再搵位坐低等野食。餐廳主打熱石牛，當然不會只有一款牛簡，有好多唔同部位簡，例如牛肩肉眼、牛肋骨排、西冷、日本和牛等，因為我同朋友都不太餓，所以點了一份西冷，餐廳另外有設自助區，可以自由添白飯、湯、沙律同檸檬水，白飯竟然有驚喜係用左珍珠米，裝好熱辣辣既飯就等主菜上！主菜到啦，侍應好細心提我地小心熱，上面鋪左張紙係阻止d油彈到，亦有圍裙提供👍🏻等左一陣，見無咁彈我哋就拎起張紙，切開塊西冷牛肉，200g既牛比我想像中再偏厚身，切開等佢燒到5成熟左右我就試試，先不點任何醬汁食牛肉本身的味道，肉質幾細嫩，口感豐富，加上師傅煎牛扒時會加自家製和牛牛油，難怪特別香～我都朋友都略略嫌不夠咸，所以加上少少喜馬拉雅山岩鹽，牛肉味更得以提升！

今日難得走出旺角，人跡罕至， 風聲鶴唳， 但因為生理需要，肚餓急call，所以決定找間肉食店舖 補充蛋白質， 好好培養一下肌肉。這間店我已不是第一次光顧， 無他， 因為店員服務質素優質， 環境有光鮮， 彷如置身日本一般。點了一份200gm西冷， 對一個女孩子來說算是剛剛好。剛上枱的時候， 牛扒大約一成熟， 完全考驗食客的烹調功夫。 當然， 燒烤對我來說算是駕輕就熟， 輕易就製作了medium熟成度的牛扒。肉味算是不錯，因為西冷牛味比較重，口感 靠自己控制。在店舖提供自助沙律， 白飯任裝， 絕對令你 滿載而歸。

今天相約了媽咪在旺角食lunch，她提議去吃牛扒🥩，因已經很耐沒有去据扒！Search 到附近有一間平民版自助扒房，決定去試試！入到去有部像日式拉麵店的自動販賣機，有poster 張貼在側教導操作，簡單易明👍🏻！機內列明了各種牛扒選項，分別有不同部位和重量⏲，以及其價錢💰！Order 完後直接俾飛給店員便可以坐低等食😋！在等待期間立即去巡一下自助區，有飯，牛肉湯，沙律🥗，調味料🧂，餐具，水🥛等等任攞任食！⭐️沙律菜是新鮮爽囗椰菜絲🥬和車厘茄，簡單配上芝麻醬已非常美味，能夠中和稍會食肉的油膩感！但湯就一般般，有點像羅宋湯🥣，但較淡味！不消一會兒，店員便把熱石版連同牛扒🥩一併送上，牛扒上舖上廚紙避免油花彈起！廚師只把牛肉煎至一成熟，建議先把牛扒剪成✂️細塊容易煎煮，然後大家可以按照自己的喜好在熱石上烹調至適合自己的熟成度！⭐️牛肋骨排 （200g)上面還有血水，證明是差不多全生的狀態😅！因為是帶骨的關係，所以看上去不是太大塊！牛肋骨☠️非常重牛味，而且肉質鮮嫩！雖然帶有少少肥，但油香十足配上白飯加紫菜飯素一起吃味道更佳！⭐️西冷 （200g）是厚切的，比牛肋骨排更大塊更多肉！經煎煮後外脆內軟，肉質彈

出開旺角，知有間石燒牛，就走黎試下啦一入鋪就要買飛黎叫嘢食，十分日式叫完可以係呢個自助吧度拎唔同嘅嘢，又係勁日式當中無影到相但有得拎嘅係飯同埋餐具蕃茄洋葱牛肉湯，勁香又幾開胃日式沙律加芝士醬，咁樣係絕配啲菜都算新鮮正式上菜，一黎有張吸油紙遮住，因為舊石勁熱，啲油喪彈好在有紙亦有圍裙拎，都算貼心呢個係牛柳，勁腍，食落勁香口呢個係西冷，超重牛味，一切開勁多油花，超級香口呢間全部係一成熟嘅牛，切開就好似上圖咁，然後大家可按自己想要嘅熟度黎煎，有得玩有得食，都幾正仲有唔少醬可以揀，亦有鹽同胡椒，啱哂鐘意特製嘅人食完除低圍裙，真係一定要記得帶，圖可能唔清楚，但其實勁多油點今次呢個體驗幾有趣，相信我會再黎食

入到去店員細心為我介紹唔同牛扒的特性，印象中好似提供4款牛扒，各自有唔同gram數，可以按自己的肚餓程度選擇。牛扒分別有牛柳、西冷、肉眼同一款唔記得左，揀完自己在自動售票機買飛，好似日本咁，買完安心就座，店員會比幾隻唔同大小的碗你。有一個碗裝湯，一個裝飯，一個裝沙律，呢三樣全自助形式，無限加添。湯係雜菜湯，都幾好飲。沙律好新鮮，有柚子汁同另一種醬汁選擇，好味道！我選左牛柳，因店員話係最林，簡左200g, 都好大塊哦！一上菜已聽到沙沙聲，因為石板非常熱，牛扒已煎緊啦，所以店員好貼心用紙蓋住，有需要仲可以自取圍裙。食牛扒最緊要即刻切細佢做一片片，按自己喜愛的生熟情度煎，煎幾耐自己控制。牛扒味道好好，真的好林，無筋，好有牛味。以呢個價錢計，性價比非常高，我一定返黎再幫襯。

近日喺網上見到關於依一間既介紹，吸引左我，我就約咗朋友今日食，我哋8:00p.m去到門口，等左大概30分鐘先入到去。.首先要問職員拎左張飛先，然後等佢叫號，叫到你個號先至入去禁售賣機食乜嘢，職員會一直係你隔離望住，當你買完嗰陣佢就會拎走張單去廚房落order，你只需要坐係個位度，職員就會送上。.人流比較多，所以睇得出每個員工都好心急同埋心情有啲煩躁，但係我哋後邊有一台客人唔小心將成塊牛扒完整跌咗落地，職員掃完之後，叫個客人下次小心啲之外都即刻叫廚房煮多一舊俾佢👍🏻.我同朋友分別叫咗個牛助骨排、牛肩肉眼，200g同300g牛助骨排:⭐️⭐️⭐️一黎到，就好彈油，一路切開一路彈，彈到我面至腳都好痛😂但都係因為佢入面好juicy，所以先咁彈，食落好淋，好食牛肩肉眼:⭐️⭐️⭐️⭐️我個人喜好鍾意呢個多啲，雖然佢冇咁juicy，但係好香，食落淡淡都好淋、好嫩，而且好厚，大食嘅人都會食得好飽.回頭率:8/10好味指數:8/10

經過女人街，收到店員派既傳單，原來係最近好Hit既火山石燒牛，而且新開，我呢個牛迷當然衝左入去啦～一入店內巳經有部日本常見既自助購票機，方便易用！買好票交左比店員，當然要試下佢地既任食Area啦，有日式牛湯、沙律、同白飯都係任食！日式牛湯好甜牛肉香味，而且真材實料，事關湯煲入面有好多牛肉、蘿蔔、洋蔥等等材料！好飲！沙律配有芝麻醬/柚子醋，個人較鍾意柚子醋，因為酸酸地較開胃～好快店員就棒住燒左一成熟既牛上枱～因爲火山石燒不停濺油，好貼心會有紙巾蓋住，避免彈到成身油，其後店家溫馨提示先分成小粒，再按自己喜愛既熟度去燒，個人又幾鍾意呢個模式～西冷：牛肋骨排：而且亦有提供食牛必備既黑胡椒同岩鹽，醬油方面就有三款，自家製燒肉汁、辛味芥末燒汁同黃芥辣，燒好既牛本身巳經好有牛味，加埋醬汁更加錦上添花！隨自己喜愛熟度去燒，而且有任飲湯同沙律，呢個價錢值得再Encore～

喺日本成日都會食一啲有自助點餐機嘅餐廳， 有時盲摸摸咁點餐都係一種樂趣。 估唔到喺香港都有自動點餐機可以入錢落去點餐， 而且有電源喺側邊輔助你絕對唔會盲摸摸。 我點完餐之後搵咗個位坐低， 發現原來呢度有自助區， 提供任食嘅湯飯同沙律。 我就好奇咁裝咗碗羅宋牛肉湯， 估唔到超級有牛味， 果然係專門食牛嘅餐廳！飲咗一陣湯， 好快就有牛肉可以食， 呢度係用火山石嘅石板去煮熱啲牛肉， 牛肉上碟嘅時候只係一成熟基本上入面係生嘅， 咁想見你想煮度有幾熟就係自己決定。我自己比較鍾意食大約六成熟嘅牛肉， 所以我就快速切開啲牛肉，急不及待咁食咗幾啖， 牛肉質地都幾好食， 呢一個價錢嘅性價比我覺得算係好高！最後臨走嗰陣我重裝多咗一碗牛肉湯飲， 而且佢哋係會 隨時都會補返自助區裏面嘅食物，所以唔需要擔心食曬冇得食。同場都有一家大細坐低喺度食牛肉， 小朋友見到自動點餐機十分之興奮。

同朋友睇電視見到一早想黎試，夾到假期，遊完水行完街，就早啲五點鐘就黎食晚飯，食食下都已經開始多人黎食，早啲黎唔洗排隊。同朋友叫左200g西冷同牛柳share食，覺得好貼心既係，佢一攞個排出黎，個排係桔住左張廚房紙係度擋油。食完個心得係，煎到咁上下好過碟慢慢切，如果唔係會太熟。我比較鍾意食牛柳厚肉啲又淋啲。兩款牛味都好濃好好食。最鍾意係佢自助攞餐具、紙巾、檸水、牛肉湯(好飲)、沙律同白飯任攞，非常之大方。白飯我加左勁多紫菜粉，加啲牛肉汁同黑椒好好食。牛肉湯酸酸地好好飲。沙律有小蕃茄，簡單但配埋啲胡麻醬同柚子汁，清清地好好食，如果行緊生酮飲食既朋友仔可以食呢間，可以食到勁多蔬菜。枱面有黑椒同粉紅色海鹽俾你調味，出面又有芥末醬，茄汁同燒汁俾你，同埋要自己買票，好似日本咁都幾好玩。

食牛扒可以食到好普通嘅碟頭飯可以食得好高貴好講究，通常要食一 啲好嘅牛扒一係要去貴價餐廳，一係就要去酒店。但萬萬估唔到喺一間咁細嘅旺角舖頭可以食到咁高質嘅👍牛扒。行過見到佢細細間但係侍應態度親切有禮，不如又去試下啦！反正我最鍾意就係食牛！點咗份西冷，舊牛放喺舊熱石上面我覺得都幾得意喎！可能我大鄉裡唔係好知呢種烹調方法係乜嘢。有你冇你最緊要好食，咬落口牛肉鮮味！同埋你真係食緊牛本身嘅味道，這種味道通常只能夠在五星級嘅餐廳或酒店先至會有。真真真係估唔到喺旺角呢啲喺旺角嘅小店可以食得到咁講究同高質嘅牛肉👍

周日特別到旺角下$350 和牛及$100牛肩。怎知不求在日本食那種，但都不要難嚼，問侍應有冇比錯，佢叫順紋，真係聞所未聞。汁醬冇味。一句，慎入，$450 學會教訓。

聽聞係新開的,所以走去試下不過去到,裝飾同格局同深水埗個間咁似,以為佢抄人的,點知原來係同一間野旺角舖，雖然比起深水埗個間大,但係抽風系統完成唔同,入到去,成間舖都充滿油煙地下又跣,又油，行路都要分外小心！食完Lunch,身上d衫都係成陣油煙味,揮之不去🤦🏻‍♀️飯,沙律,湯都係任食的話係牛肉湯,實情係無味版羅宋湯唔知係唔係因為擺湯,沙律同飯個位置唔夠擺所以放晒係餐桌上面,餐具又放埋一邊攪到好似好唔方便咁！行幾轉先拎齊湯,沙律,飯同餐具,嘥晒d時間！比起深水埗舖最起碼唔洗排隊先🤪