牛極 (通菜街)

營業中

休息中

牛肉真係呢個世界上最好食嘅嘢，今日又嚟到「牛極」朝聖啦。呢度係食風味石板燒牛肉，同日本一樣都係用自動販賣機去落order㗎，好有日本風味啊。當中仲有沙律、飯、湯、檸檬水，放題任食，勁抵！同friend一人叫咗一個，牛肩肉眼180g同牛肋骨排200g，好嘢有嘢食啦！離遠都已經聞正浸香味啦，先嚟個牛肩肉眼，嘩！足足有成個手板咁長啊，仲好厚身，肥瘦均勻。我嗰個都嚟埋啦，係牛肋骨啊，仲拎埋沙律、飯、湯，湯都好香好濃味。牛肋骨肉厚，都有少少肥，正喎！食落好juicy，肉質嫩滑，配埋飯食仲好味啊！

跟嗜牛要命的牛大哥雙雙出發，勇闖位於旺角街頭的牛極，誓要查出牛極的終極熱爆之謎！門口已有一部全機械化的銷售機，全自動化選擇你心中曰取想吃的牛部分，選擇真很多，令人馬上患上選擇恐懼症！我與牛大哥點了兩款牛，在等吃牛之際，有半自助式攤位，有蕃薯牛湯、米飯、沙拉，可以無限次添加，也有三款超級秘製醬汁供點牛之用，細心度，加100分！1.牛肩肉眼(180g) : 牛的厚度十足，約有7-8cm高，放在石鐵板上，初時衹有1成，之後按自己的preference 選擇它的熟度，最後五成上碟，熱度驚人，一切開，粉紅幼嫩的肉披露在眼前，口感十足，肉味濃郁！2.西冷(200g): 約手掌般大，也是厚切亮相，絶不欺埸！牛大哥也是燒至5成熟，一切開，牛脂分佈均勻，也滲出牛之濃味，西冷也做到很出色……牛大哥沒有訴求了，一一收貨！滿足就是心理主觀的因素，身體也脹滿了，可以回來再試它們的不同牛部分！

食過幾次啦，因為好食，要推介俾大家！食店位於旺角區，好方便就揾到。半自助式石板燒牛肉店，湯，飯，水，沙律任添任食，毋須額外收費。調味料都係自己取。蒜蓉蘸醬、自家製燒肉汁、胡麻沙拉汁。每張枱都有清晰流程指引。食客可以山石的高溫將牛肉燒至理想的熟度，實行自己牛扒自己燒，最合自己心意。呢塊係牛柳，表面熟，入面係未熟。切開細件燒。口感一流，牛的鮮嫩令人食過番尋味！呢塊係牛肩肉眼，可以話各有千秋，共同點是肉質軟腍，十分惹味。

一入食店就會見到部售票機，在屏幕揀選及付款後，就可將收據交予職員，再安排座位等待食物。再行入少少就係自助區，飯，湯，沙律，食具，水都是自己取。一大桶飯任添，旁有芝麻紫菜粉。係咪好靚呢？！蘿宋湯，唔使濃，清甜清甜的，用料靚，已經好好飲，仲會飲到有小粒的牛肉。主角嚟啦！牛肋骨排150gm有支小竹籤抽住張餐紙，以避免熱辣辣的油彈到食客身上，好細心呢！唔止咁，仲有圍裙供應。想要幾熟自己燒。我會切件後先放在碗裡，再續件燒，咁就唔會過熟。有幾塊蒜片調味。可以話，呢塊肉的級數，10分滿分，我會俾8分！香到呢。。肉質細緻幼滑令人垂涎欲滴！！！頂級肉品！

在旺角行完街，想食D重口味既野，見到女人銜有呢間牛極，門口有部日本餐廳的自助點餐機，睇過之後都幾好咁，所以就同朋友入去試下。點菜機簡單易用，職員都會好用心協助，點完想食咩之後，就可以入去坐了。有沙律、白飯及日式牛肉湯任飲，值得一提既係個湯好好味，好有牛既甜味，而且仲有好多羅白、洋蔥等，好足料，我飲左3碗呀我點左$100既牛肋骨，200G，其實都好大件，再配白飯，呢個午餐好豐富呢~~朋友就豪D食牛柳200G, 都是$120，費$20，肉質好軟兩個牛肉都好鮮味，好正。最特別既地方係佢塊熱石板，可以自己將牛扒切細件，再按自己喜好整到O岩既熟度，呢個做方非常貼心，自己可控制食幾生或熟。如果板冷了，可以請佢再換過另一塊板。

熱石燒牛扒🤟🏻今日約埋成班牛魔王的朋友一齊黎試下依間價錢有平有貴，重可以按自己需要選份量一入到去餐廳，走一貫日本風🇯🇵門口有部點餐機，買飛之後，就直接交比職員另外入面自助吧有：沙律、飯、麵豉湯椰菜蕃茄沙律絲切得很幼細，再配上柚子汁，令人胃口大開，而牛肉湯亦幾足料等了大約10分鐘，牛扒終於上枱了。大約是180g。由熱石燒板送上來，店員稱新現在這個是大約一成熟（表面已經燒熟了），再烤至自己喜好的生熟度。我點左牛柳😆😆我朋友就要食得熟d，而我就食5成熟😜可能是用上熱石板的關係，完全能夠鎖住肉汁。牛味濃郁，入面勁Juicy😁而且脂肪比例都好平均，好甘香整體覺得肉質都幾軟腍，我自己就鐘意原汁原味啦，只是加左少少岩鹽

鍾意食牛嘅...鐵板就食得多，石頭燒原來正好多👍🏼👍🏼自助點餐自己鍾意點揀就點揀，重量自己揀，部位又自己揀👏🏼👏🏼柯打完入座等送餐，仲有半自助沙律🥗湯🍲白飯🍚任食！今次食300克牛肩肉眼，$120飽到嘔呀

鍾意食牛嘅...鐵板就食得多，石頭燒真係正好多👍🏼👍🏼自助點餐自己鍾意點揀就點㨂，重量自己揀，部位又自己揀👏🏼👏🏼柯打完入座等送餐，仲有半自助沙律🥗湯🍲白飯🍚任食！今次食300克牛肩肉眼，$120飽到嘔

2019年6月3日 星期一今日早左收工，就諗住出去旺角買做運動既裝備，順便周圍行下。買完見有d肚餓就睇下附近有乜好野食突然見到有呢間熱石牛柳，聽講最近網上面好多人食，但我就從來都未試過，一於睇下係點一入到去就好似日本既拉麵店咁有部機要入錢選擇食d咩，揀完就出左一張飛再入去坐低，而我要左400g既牛柳，當然一叫就要叫最大坐低左發現裡面既裝修簡單得黎又有少少日本風，上面掛住d日本燈籠店員之後同我講可以去自助區拎沙律、飯同牛肉湯，沙律既菜好新鮮，仲有3個唔同既汁可以加，咁我當然係要最鐘意既胡麻汁喇。至於飯係用飯煲蓋住，一打開仲係熱辣辣，食落好軟綿綿，仲可以自行加紫菜碎一齊食無咁單調添終於主角出場，塊牛柳有半塊石板咁大，好香。店員話可以自行烹調到適合既熟成度，因為本身塊牛柳只係一成熟我切開晒佢再慢慢烤每一邊到大約三至五成熟，見到大部分既血水都無就一啖食落去，果一陣牛肉味真係好濃，濃到成個口都擴散開去，肉質好嫩，一咬就融化，好似食緊日本和牛咁，幸福既感覺走晒出黎，好慶幸自己有叫到最大份量下次一定會再黎試其他部分，睇下有咩分別！

呢排出現多間熱石牛扒店，今次朋友推薦呢間牛極，價錢都唔算好貴，還有自助沙律和飯，啱晒我呢啲坐唔定又鍾意自己拎嘢食的為食女子——————————🔸沙律🥗 在等待主食前，店員提醒我們可以先出去拎沙律、飯、湯和醬料。雖然沙律只有椰菜絲和番茄仔，但係配上芝麻醬或酸醋汁，非常醒胃且解膩👍🏼朋友特別喜歡沙律配芝麻醬，所以前後都拎左兩大碗🤣湯是番茄牛肉湯，但有點偏鹹😩醬料區分別有自家製燒肉汁、辛味芥末燒汁和胡麻沙拉汁，本人較喜歡第一種~🔹牛肩肉眼  180g $80等咗大概10分鐘，牛肩肉眼終於嚟到🤤肉嘅份量比我想像中多，外層輕輕燒過，但入面仍然非常生，需要客人自己繼續燒，整體肉質很軟腍，就算燒到熟曬，依然很腍👍🏼🔸西冷 200g $130這個西冷比牛肩肉眼更加厚身，肉味亦相對較重，不過肉質就韌少少，而三種醬汁中，自家製燒肉汁同肉最夾，甜甜地，令肉味更突出。整體比較鍾意牛肩肉眼多啲❤️

上個星期已經想試，襯今日放假去食～一入到門口已經覺得好香牛味，首先第一步要係部機買飛同俾錢先，之後有職員帶你去位。枱上面有兩個碗同一個杯，係for你出去個小型bar自行夾沙津，麵豉湯同白飯既，係免費架！！除此之外，仲有三個醬俾你點肉食，我自己覺得黑椒燒肉味果個醬幾好食。重頭戲當然係件牛排啦，我食果個係肉眼黎，份量揀最細果個已經好夠我食，塊牛都好林，因為廚房出塊牛時只有一成熟，客人可以按自己所需烹調，80蚊黎講我覺得都唔錯👍🏻👍🏻👍🏻

今次係第二次食日式鐵板燒牛，都吾錯，日本的總是好味的😂今次食呢間，向屋企樓下，叫牛極，因為吾想行太遠，想食完Lunch 就返屋企繼續訓覺😂價錢同出面差吾多吾算貴。餐廳入面都好大，坐得好舒服。入坐前記得先買票點餐😂我買左一份300g既肉眼排，包埋任食白飯，沙拉同湯，抵食指數有⭐️⭐️⭐️⭐️食左兩大碗沙拉，牛排到啦，即刻去整返碗白飯先。牛排表面已經煎熟，放左向一塊好熱既鐵板上，食既時後，切一舊舊，再按自己想食幾多成熟去煎下佢。牛排好多肉汁，一啲都吾硬，送飯一流。啖啖肉，口入面充滿牛肉味，好爽。如果想食濃少少味，餐廳重有喜瑪拉雅山岩鹽提供，加少少上去，牛肉味即時提升，更加好味。美味指數⭐️⭐️⭐️⭐️⭐️大家都要去試下，抵食同一定食得飽既呢一間牛極👍🏻

最近香港興起食熱石牛，見完蘋果動介紹，自己都心郁郁想試，所以就去左旺角就近既熱石牛-牛極，黎做返日牛魔王！餐廳好細心，提供埋即棄圍裙，最開心係沙律🥗任食、牛湯任飲、飯任添！牛湯幾唔錯！其他配菜就不過不失啦！主角出場！80 grams 肉眼扒！店員一拎出黎，有血水出緊，所以好大煙，大概係一成熟！我等左5分鐘，已經係7成熟，大家唔好放咁耐！食落都幾好食！價錢算係大眾化，唔洗過$100就有交易！都可以一試呀！

香港最近大熱自助燒牛扒店，今日在旺角行經這間店，入去試下這店的流程是一入門口先用自動售票機選心水牛肉類型同重量，總共有六款，分別是：牛肩肉眼、牛肋骨排、西冷、牛柳、日本和牛，同埋每月推介店內陳設好有日本氣氛坐下後把單交給店員就可以先去自助吧，自助吧有沙律、麵豉湯、白飯同檸檬水，都係任食任飲，不用額外付費，物超所值牛肉湯-牛味濃而帶有番茄味，湯底有大量牛肉，一定要試沙律-任取，椰菜絲切得好幼細，配合柚子醋，令人好開胃主角送到，以火山石板上送上，切開一小塊牛扒放在石板上，再按自己喜好自行燒至理想熟度，有三款汁可供自行選擇西冷煎香後外脆內嫩，肉味重，油花分佈平均，而且肉質富彈性牛肋骨扒係帶骨嘅，感覺上會無咁抵，但骨附近嘅肉一般都比較嫩滑好味，而且本身厚切，不但有口感，牛肉味亦相當重同突出

今年尼類根據重量黎比錢既鐵板牛扒愈開愈多估唔到女人街入面都有一間見到6點鬆d就已經有唔少人我估應該都幾好食掛見到門口有部機可以自己簡食咩扒同埋份量要幾多覺得幾得意就入左去.叫左一入西冷 200g肉相對比較實少少牛肉味都相對比較濃.另一份係骨排 200g 口感juice 肉質無咁實如果想要牛肉味重d既 都係叫番西冷.除左牛肉之外其他野都係任食包括湯 沙律 飯大食既人黎可以食飯食到回本因為淨食肉一定唔飽我平時好細食 我都唔飽飯雖然一粒粒 但係無乜米香 少硬.沙律爽 少苦 汁酸.順便一提 佢提供既肉都係一成熟切開後自己煎熟就得啦不過呢度冷氣好大好快就將舊石吹凍凍左可叫職員幫手換不過食完呢餐 即被吹到發燒同感冒提提大家帶件小外套啦🤧