牛極 (通菜街)

營業中

休息中

喺日本成日都會食一啲有自助點餐機嘅餐廳， 有時盲摸摸咁點餐都係一種樂趣。 估唔到喺香港都有自動點餐機可以入錢落去點餐， 而且有電源喺側邊輔助你絕對唔會盲摸摸。 我點完餐之後搵咗個位坐低， 發現原來呢度有自助區， 提供任食嘅湯飯同沙律。 我就好奇咁裝咗碗羅宋牛肉湯， 估唔到超級有牛味， 果然係專門食牛嘅餐廳！飲咗一陣湯， 好快就有牛肉可以食， 呢度係用火山石嘅石板去煮熱啲牛肉， 牛肉上碟嘅時候只係一成熟基本上入面係生嘅， 咁想見你想煮度有幾熟就係自己決定。我自己比較鍾意食大約六成熟嘅牛肉， 所以我就快速切開啲牛肉，急不及待咁食咗幾啖， 牛肉質地都幾好食， 呢一個價錢嘅性價比我覺得算係好高！最後臨走嗰陣我重裝多咗一碗牛肉湯飲， 而且佢哋係會 隨時都會補返自助區裏面嘅食物，所以唔需要擔心食曬冇得食。同場都有一家大細坐低喺度食牛肉， 小朋友見到自動點餐機十分之興奮。