牛大人台灣火鍋吃到飽 (銅鑼灣廣場二期)

營業中

休息中

第二次嚟食牛大人，第一次試佢哋嘅午市。當然午市嘅食物選擇會少啲，但價錢亦都會平啲。今次都係叫咗極上和牛吃到飽套餐。湯底叫咗台灣鳳梨雞鍋，有完整一隻春雞喺鍋入面，不過一啲鳳梨都搵唔到🤣記得要加$30升級海鮮！男朋友好鍾意食佢哋嘅新鮮沙巴，真係好大粒好厚肉好鮮甜，我哋不停encore🤣安格斯特級牛板腱同埋澳洲和牛M5牛肩卷都好食，肉質嫩滑。出面仲有得自己拎嘢飲同埋火鍋配料、菜類。我哋試咗佢哋嘅18+冬瓜茶，即係有酒精嘅冬瓜茶，好特別🙌🏻我哋都試咗一啲台灣小食☺️滑類都唔錯。男朋友最後仲拎咗個王子麵嚟淥😈同埋最後店員會送上一人一碗仙草甜品，作為呢一餐邊爐嘅終結😚

今次同牛魔王friend去食牛大人銅鑼灣店呀 澳洲極上和牛套餐太正😋再嚟任食M5和牛湯底就揀咗阿嬤養生濃湯鍋大骨原湯配以多種藥膳材料 味道甘香鮮濃牛大人嘅牛肉一向都高質💯 牛肉油脂分佈得靚 我哋好快食完又好忙再下單 絕對會食到回本今次感到驚喜嘅係醉雞件原來都好正呀 又滑又肉厚 亦夠花雕酒香蔬菜可以到自取區拎今次食咗好多皇帝菜同娃娃菜 非常新鮮乾淨丸餃類由台灣直送 一樣用料高質海鮮食咗好多大蜆😆 肉厚鮮甜完全冇沙! 個個都大讚👍🏻熟食小食都叫咗三次小香腸煎得香口 一片片易食又好好味大家都點有酒精嘅-18+冬瓜茶試吓甜甜哋又幾好飲 不妨試試最後仲有仙草凍做甜品真係好滿足呀!

近排好喜歡吃牛大人🤩， 實在太好味所以要帶媽咪去食😊。 今次去位於銅鑼灣廣場二期5樓的分店， 先選湯底～台灣鳳梨雞鍋🍲， 然後再點極上和牛吃到飽套餐$198🥩、 午市升級海鮮$30🦐🦪、 18＋冬瓜茶$38😋。店內有火鍋自助區、 醬料區和飲品區，有幾十款火鍋配料，丸類🧆、蔬菜🥗和麵類🍜。 醬料也有多款選擇， 擺放得方便衛生。飲品方面有幾款冷泡茶🥤🥛、 各款汽水和自家製台式飲品。 餐廳採用q r code📲落單方便又快捷， 台灣鳳梨雞鍋🍲味道清甜，極上和牛肉🥩質鮮嫩，味道濃郁， 蟹籽墨汁漿🧆好鮮味， 海鮮類有鮮甜海蝦🦐和新鮮沙白🦪， 熟食我最喜歡鴨血， 嫩滑惹味。 飲品推介18＋冬瓜茶🥤， 由威士忌和台灣道地冬瓜茶製成， 味道醇厚甜美，適合喜歡飲酒的朋友。 最後甜品每人一碗台灣仙草凍🥣， 口感爽滑彈牙，消暑清涼。食了一餐豐富又美味的台式火鍋， ✈️好像去了一轉台灣一樣😍。

A very filling hotpot buffet just minutes away from the mtr! In 90 minutes we ate like there’s no tomorrow and stuffed ourselves with the various high quality meat and various seafood balls. My personal favourite was the crab roe balls (the black ones). The set we got came with, as weird as it sounds, alcoholic winter melon tea 🤣🤣 my first few sips made me shudder but the more I drank it the more addicted I got to it 🤣 for desserts everyone got a bowl of grass jelly and it was the perfect way to

好耐無食過牛大人今次約咗朋友喺銅鑼灣食飯我哋就揀咗牛大人11點45左右上到去等12點嗰一轉都一如既往嘅多人排排咗一陣隊 大約12點10分就入座入座安排都好快手入座後因為係90mins 所以都快快手點野食食材岀得快 吉碟亦收得快👍🏻今次依然揀咗🐮 極上和牛吃到飽 而湯底則揀咗養生阿嬤濃湯鍋入口惹味 味道似雞湯令嫩肉更鮮甜食物完全放心 質素有保證安格斯特選牛板腱同澳洲和牛M5牛肩卷都肉質鮮嫩 口感厚實 食落Q彈特別-18冬瓜茶 喺在酒精嘅冬瓜茶聽到都覺得超特格入口清甜 濃度啱啱好 完全吾會太over 😋最後甜品有仙草凍😍😍仙草非常滑溜Q彈 仲有珍珠同紅豆等 食落非常舒服 有解膩之用

牛大人台灣火鍋吃到飽 (銅鑼灣廣場二期) (銅鑼灣)📍銅鑼灣駱克道463-483號銅鑼灣廣場二期5樓牛大人不嬲都係去食台灣火鍋嘅好地方因為性價比極高今日嚟銅鑼灣分店約咗朋友食午餐90分鐘對兩個女仔來講啱啱好我哋點左極上和牛吃到飽套餐$198位星期六日及公眾假期加$10湯底點左阿嬤養生濃湯鍋🥰因為唔想太熱氣所以點左啲清淡啲嘅湯底入面有桂圓紅棗白菜等 但係好濃郁🤩呢度嘅和牛質素影真唔錯😋牛味突出之餘亦帶有油香仲另外加咗錢升級海鮮+$30沙白質素幾好 大粒肉亦都飽滿鮮甜海蝦質素唔錯 新鮮而且彈牙 有啲仲有膏添手工啤🍺牛大人越來越多飲品嘅選擇點左兩杯手工啤 叫18+冬瓜茶原來係加咗酒嘅冬瓜茶 味道唔錯夏天打住邊爐飲幾透心涼😚甜品仲有仙草凍🤫加埋珍珠 椰果 花生 紅豆等等令到成餐飯更加圓滿

今次午市試佢個極上和牛吃到飽($198)湯底揀咗紅燒牛骨鍋 似足牛肉麵個湯好惹味午市牛肉會少啲選擇 不過叫得呢個餐 當然唔執輸要狂食澳洲M5和牛啦M5和牛有肉香 而且油脂分怖唔錯我亦推介安格斯特選牛板腱 又香又嫩滑試哂幾款魚漿之後 我最推介蟹籽墨汁漿充滿蟹籽同墨魚粒 .而且嫩滑爽口呢度仲有台灣小食嗌 有我鍾意嘅皮蛋豆腐嫌食火鍋太單調 可以叫吓小食黎過下癮飲品試咗18+冬瓜茶 幾特別其實係加入咗威士忌嘅冬瓜茶鍾意飲酒嘅大家唔好錯過

又返黎第一次食牛大人既分店以前真係要等成兩個幾鐘而家終於唔洗等咁耐平日lunch 12點黎到估唔到未到開門時間已經開始有人排隊平日lunch都爆埸就知勁啦90分鐘放題餐牌上有3款套餐 次次都揀最高級極上和牛湯底一共有9款選擇今次試左蕃茄湯同麻辣湯底 double 湯底另加＄50蕃茄湯濃甜 仲有好多蕃茄肉 蕃茄控必叫麻辣湯底係食辣人士邊爐必叫 叫左最低辣度都好夠麻落完湯底就出自助區搵食有勁多野揀丸類瓜菜菇 各類台式飲品冷泡茶 仲有醬料區所有邊燼材料都有齊 仲有得自己整魯肉飯次次都會拎蛙蛙菜 花枝丸 響鈴等等飲品今次就冇飲冷泡茶試左18+冬瓜茶($38/杯)本物已經幾鐘意飲冬瓜茶加左WHISKEY落甜甜既冬瓜茶酒味重得黎都好易入口估唔到又幾好飲 私心幾鐘意如果長有就好了澳洲和牛M5牛肩卷牛肉油花分佈均勻 不過唔係次次都好平均脂肪較多 好有油潤感安格斯特選牛板腱口感厚實一點 肉味重 蟹籽墨汁漿墨汁漿食落爽口彈牙唔會好多粉 帶點蟹籽脆增加口感鴨血同牛筋都係一定食口感味道都好正新鮮唔韌台式小食一口size 唔驚太飽炸甘薯好食次次都encoreLunch甜品已經唔洗揀係仙草凍配料好多 有椰果 珍珠

< 牛大人台灣火鍋吃到飽🍲 > 📍銅鑼灣呢日同啊妹去銅鑼灣見工 見完工之後同佢食牛大人😆90分鐘午市 極上和牛吃到飽 $198 湯底我地就揀咗未試過嘅菠蘿雞鍋😛 之後用手機掃code落單😛 等緊湯底嘅時候就出去夾其他丸同配料肉類最好食係澳洲m5和牛牛肩卷😋 一盤有兩大塊 入口即溶 幾嫩重牛味🥰 另外牛小排都唔錯 冇乜油花 唔會太肥膩😛我地仲叫咗台式小食 有鹽酥雞、糖醋甜不辣、香腸等等😛 台式香腸同出面食嘅差唔多😋👍🏻 甜不辣加咗糖醋汁 酸酸甜甜幾特別😆野飲加咗錢試威士忌冬瓜茶 好特別 唔太甜 幾好飲食完仲有每人一碗愛玉仙草 唔太甜 入面有紅豆蓉 幾好食😋

今次試嚐牛大人午市放題，因為收到張傳單，見到LUNCH個價錢真係好平，百令蚊就可以食到飽, 足足係晚市一半有多，一於去試下。我同朋友叫左個蕃茄湯底，蕃茄味唔算濃，不過我地好醒，出去雪櫃果度再囉左一盆蕃茄配料返黎加落去滾湯，跟住變左勁濃郁呀痴線~~~~~~我另外再倒左D蒜蘑 蔥花落去，本來人地比我整醬汁, 但我自己DIY整個更濃香湯底，好好味呀!!!!午市少好多野食，牛肉片得兩款，有少少唔夠喉不過賣相都靚，唯有狂食佢 試下前菜個皮蛋，一般般，皮蛋有D硬，但都好食嘅飲品方面，朋友要求另外加錢叫左 18+冬瓜茶(有酒)，其實確實我唔記得左係咩酒，但佢係甜甜地有少少酒味，打邊爐飲又幾正肉食方面就得兩款牛, 兩款豬, 一款雞醉雞豬肉海鮮方面反而仲精彩有超大隻沙白，隻隻都勁肥美鮮甜，真係食得出佢係好新鮮, 好似食緊刺身咁彈牙脆肉鯇魚腩，勁正，我真係超中意食，每次都要去狂食 HAHA鱸魚片，好結實彈牙，好好味墨魚膠同花枝膠，其實都算係丸類，有幾款，都好好食另外仲有牛肉膠，算係第三款牛肉類食品，都唔錯，可以喪點由於午市款式唔多，所以連水餃都唔放過，有好多唔同餃子 , 吸哂D蕃茄湯汁好好食呀~~~~真係

話說今日同朋友滿心歡喜去到餐廳，見到唔洗等位都好開心。叫左個鴛鴦鍋，食落大家嘅comment都係話啲味好似差左喎，都算！ 到牛肉黎到嘅時候， 真係有啲無話， 一碟得兩片係咩玩法、 雖然係可以再叫啫，都唔係咁吖嘛！ 到最後先激氣，都未夠鐘就俾人不停咁同我哋講話出需有客等緊，講到我好似應該要即刻放低筷子走人咁，更離譜嘅係，其實當時我介等緊找錢，而佢哋都係未上甜品嘅！ 冇下次囉！

次次嚟都超多人嘅牛大人，無論邊個時段邊間分店！今次揀咗中午嚟諗住無咁多人，點知都係一樣大排長龍😅，好彩呢度夠大，排咁長龍嘅尾都可以入得晒去！午餐雖然最貴都有和牛食，但就只得一款肉，不過仲有安格斯特選牛板腱可以揀，同其他豬肉、雞肉咁！午餐時段用餐時間都相對短啲得90分鐘，價錢就$198再加一！雖然午餐嘅肉類選擇唔多，但仲有好多其他嘢食，都可以食得好飽！淨食和牛都回到本啦！😂因為之前食過覺得個麻辣湯底好食，仲要煮完啲肉啊菜啊完全唔駛再另外點汁已經好夠味，所以今次又揀返呢個湯底！食得辣嘅千祈唔好錯過！仲有辣度可以選擇！上菜速度真係唔話得，好有效率😆服務態度又好！

發現銅鑼灣廣場開咗牛大人分店，呢間嘅旺角店長期排長龍，今日早咗過黎，唔洗排，勁正。銅鑼灣店有限定午市優惠，90分鐘，由＄138起去揀選肉類，想食埋海鮮就要另加$30，計返條數真係超值，自助區嗰邊，同晚市一樣，啲嘢食和飲品醬料款式係冇少過。我鍾意食佢哋嘅特色台式手工水餃，有高麗菜、韭菜、瓜仔雞、台式蝦餃、蛋餃等，全部都係出面好少食到嘅。呢個水餃皮係手工制，唔係日式嗰種超薄嘅皮，係比較厚身少少Q彈嘅口感，好特別。肉類方面其實都係主打食M5極上和牛，塊塊都夠薄身，滾10秒左右就食得😊呢個午市限定90分鐘又幾好喎😄性價比夠高👍

點解又到假期最後一日🥲1. 極上和牛吃到飽 $208呢個餐包左最靚最頂級嘅牛 的確食落口感十分嫩 入口即溶咁 好香牛味 而佢都包左好多配料 菜啊丸啊餃啊 仲有啲台灣小食 值得講下可能係啲餃同啲肉漿 小編叫左蛋餃水餃 size唔大 但係餡都飽滿 而啲漿都幾多唔同款揀 食得出幾手工嘅 小食就鹽酥雞都幾正 香脆酥味齊全 惹味 而個湯底就叫左養生湯 有淡淡藥材味 都幾健康 最後仲有個仙草甜品 佢落左花生 所以食落特別香 正 飲品都有其他罐裝飲品/自家製嘅茶飲 飲左桂花烏龍 茶味都清香 幾好2. 18+冬瓜茶 $38呢個係個餐唔包 要另外叫 好搞笑嘅味 係冬瓜茶溝啤酒咁 甜得黎又有少少酒味嘅澀 新嘗試Overall推介指數：4-4.5/5嘢食味道幾好 係位置坐得有啲迫 二人枱真係放唔到太多嘢 可能要食快啲逐啲叫 而且好多人 中午食一夠90分鐘就會清場咁濟 所以要專心食嘢

呢間相信唔使我多介紹大家都一定識😂😂 牛大人熱潮到依架都未減退 而我終於有機會試到 今次就去咗銅鑼灣分店12點開始午市 我同朋友11:30就到咗 因為不設訂枱同攞飛 所以係用最原始既方法排隊 根據坐位既先後次序入座 所以係要爭凳仔😂😂不過都幾多位坐 唔會等得好辛苦有3種套餐揀 同枱既人一定要揀同一款 今次就試咗$198個款 包哂所有肉種 食得更加滿足呀 其中推薦澳洲和牛M5牛肩卷 雖然細細片 但牛味濃 肉質嫩滑 另外牛筋同滷大腸都好出色 平時打邊爐少啲見呢啲配料 滷得好入味 就算揀個比較重口味既溫底都唔會搶味 另外有超多種類既滑漿可以揀 除咗常見既花枝漿 仲有牛肉豬肉海鮮 味道亦唔錯 出面亦有自助吧 提供蔬菜同雜丸 好多種類比大家揀 湯底亦都好多選擇 今次揀咗紅燒牛骨湯 湯底濃郁惹味 加埋啲好索湯既配菜 好似腐皮同娃娃菜超正 而且鹹度適中 食完唔會好口渴另外好欣賞佢既飲品 一啲都唔麻虎 平時打邊爐最中意揀茶類飲品下火 佢地既樽裝茶飲有埋logo 而且係加茶包浸 而唔係預先煲好一大壺再分裝 今次試咗洛神花茶 酸酸甜甜好解膩OVERALL: 推薦😆 (8.5/10)火煱湯底同配菜選擇超多