身為一個醉雞迷，錦田呢檔大排檔算係食過最好食。 超入味，應該浸過夜，份量唔錯，價錢唔貴$51包飲品，凍飲+$3。 醉雞汁超濃花雕味勁香超正，又甜甜的，好惹味好好食！必食！有跟個飯的，好飽肚😄 但講返可以同佢講走腳走翼之類，因為我朋友成兜都係雞翼雞腳，勁多骨，我果碗就雞胸多肉，如果我食左雞腳果兜應該會好嬲。 衰在熱辣辣要坐大排檔，無冷氣無環境，仲要山卡啦咁遠，會去嘅人不多，而且下午3點就收檔，食到嘅人就更少，所以食到都係一種緣份😆 #香港美食 #hkfoodie

路過銅鑼灣搵食，見到呢間賣海南雞飯 銅鑼灣黎講又唔算貴，即管試下佢個醉雞。 店員服務真係好熱情殷勤，好少見咁好服務嘅女店員。 醉雞算係最貴，比左雞髀我，好開心。 但醉雞汁好淡，唔濃唔香唔甜，覺得個醉雞汁唔太好食⋯⋯⋯佢明明寫花雕雞，但又話用玫瑰露，即係兩溝？定唔係花雕雞？我都一頭霧水。 雞就好肥，不過煮得好嫩，衰在無乜花雕味，當食普通海南雞咁。 雞嘅份量好多，飯極少，圖中個飯碗係一個小飯碗仔！ 問佢飯太少可唔可以多d飯，佢就比多碗飯我，真好服務。 不過個雞油飯真係有雞油味，唔係淨係得黃薑粉嘅色，無味、係真係好油潤好香，碗飯成功過d花雕汁。 路過可以一試，特登去就不必。

最近同朋友們去左銅鑼灣，試左一個好靚嘅甜品！ GARIGUETTE係售賣「拿破崙Mille-pressé」嘅日本過江龍超人氣打卡美食店！ 今次我地3個人，一齊share試左一個草莓口味，同埋一個SELFIE口味！乜野係Selfie口味？即係店員會跟據你嘅衣著黎安排好適合你嘅口味！ 店員見到我著到成個英女王咁，就安排左個藍莓口味比我！ 原味草莓 HK$165 有好多stewberry同吉士，外皮係3層的焦糖拿破崙酥皮，食落好甜好香，價錢略貴，但新鮮即製而且都幾大塊，可以一開二Share食。 開心果忌廉覆盆子 Hk$155 呢個酸酸甜甜好開胃，但開心果味就唔多覺，桑莓味就好出！呢個仲好食！

去完買野 周圍搵野食 發現星期日原來鰂魚涌好多都唔開 好難先搵到一間似樣少少嘅餐廳 所以坐低左 點左兩個餐 泰式炒金邊粉 + 香辣肉碎煎蛋飯 肉碎超多 好大份 煎蛋都做到半生熟荷包蛋 不過肉碎係暖的 唔係熱辣辣即炒 又唔乾身 好濕 如果佢係即炒乾身熱辣辣我會滿意多好多 之後再點左一份泰式炒雞肉金邊粉，好少係香港食到咁正宗嘅Pha Thai, 茄準底味，唔係豉油底，香甜酸酸地好惹味，呢碟就真係即炒，好食！ 另外飲品本身好唔滿意佢好細杯，味道又唔係太泰式，有少少印度拉茶d香草味，怪怪地，太細杯都好快飲哂。 點知廚房煮野果位泰國啊姐走出黎問夠唔夠飲？唔夠比多杯我，然後我就得到左兩杯！無再額外收錢，好開心！ 唔怪之得個炒金邊粉咁正宗，原來真係泰國人炒，呢個最好食！ 強烈要求老闆個肉碎炒飯要即炒。 另外室內環境有少少迫，坐得唔太舒服。 不過港島區地鋪係咁上下，將就下。

老母介紹話佢成日去呢度食糖水，見滔滔排哂隊無位，唯有轉個彎粗粗地試下d糖水，本身都已經無期望，但估唔到係咁差。 叫左個芋圓仙草凍 & 桃膠 個仙草凍上面有一堆罐頭生果，芋圓呢？原來得3粒⋯⋯ d生果好難食，咪就係罐頭菠蘿囉！ 其實乜野都無味，淨係得糖水味，垃圾。 然後食到一半太難食，打包半碗，問佢囉個蓋，問佢個蓋係咪唔駛錢？佢話唔收啦（因為淨係囉左個蓋，膠袋都無要佢）然後埋單走人，佢收我30+35+2。 我問「佢果2蚊邊度黎？」 阿叔兇我話「外賣丫嘛！外賣加$1你睇唔到架咩？」 我話「外咩賣呀？我堂食架喎」 阿叔話「你唔係用外賣碗咩？咁咪加$1囉，寫左架啦！」 我話「我無叫過你用外賣碗喎 ! 係你自己用外賣碗！我明明坐係度堂食」 阿叔話「你打包呢個咩黎？唔係外賣咩？」 我話「我係將你個堂食個外賣兜囉個蓋咋wo 我堂食架！ 岩岩問你話唔駛收錢我先囉個蓋！」 阿叔話「算啦唔駛比啦 咁計較果兩蚊」 我話「唔係我計較！係你而家堂食屈人比外賣錢！」 非常差嘅服務態度，食物又唔係好食，無下次。

聽人講永順個沙嗲牛肉好堅，所以今日試左。 沙嗲好重甜味，少香，微辣，個人嫌佢太甜，但事實個醬真係落好多好濃，唔係少少好稀咁。 但你話係咪好好食？我覺得大把茶記好食過佢。 聽講要食蟹王麵先好食，但星期日無貨，先揀左通粉。 另外點左個雞扒福麵，雞扒好薄好咸，食完會腎病咁，咸到痴線。 另外再點左個炸豬扒芝士流心蛋三文治。 豬扒好薄得5mm厚，鬆脆但又係好咸，頂唔順。 雞蛋流水係正嘅但食到一手都係，好狼狽。 芝士係普通卡夫芝士，無咩特吃，不值得吹奏。 飲品叫左凍奶茶+凍奶茶紅豆冰。 凍奶茶一般。 奶茶紅豆冰$20，紅豆不太甜幾好。

跟朋友去西環吃飯，選了這家很多人光顧的小店Cafe 2 Oyster n Grill。
我們各點了一份晚餐，價格不便宜，要$293一份，到底吃甚麼呢？
先來了餐湯和麵包，中規中矩。

餐前小吃我們加錢$20轉了軟殼蟹沙律，有整隻軟殼蟹，不錯，好吃！
再加錢$24 轉了蒜頭大蝦，那個蒜頭油好吃到爆炸，我用來夾餐前麵包好爽，沾滿蒜蓉和油超香的，蝦子也很爽滑彈牙。

主菜是燒鱸魚，口感很好，很扎實，有魚鮮油香，份量也很大！

另一份主菜是辣肉腸薄餅，薄底很薄也不會裂開，做得非常好，味道充滿芝士跟茄膏的香味，帶有少少辣肉腸的香勁，很不錯！

甜品有兩款，選了芒果奶凍+朱古力布朗尼雪糕，兩個都很驚豔又好吃。
特別介紹布朗尼蛋糕用了鐵板上桌，把布朗尼蛋糕都煎香了，脆脆的口感很特別！
但雪糕會很快溶掉，不能拍照拍太久啊！

最後還有餐飲，不錯。
這個晚餐雖然小貴$350人均，但水準真好，值得一試。

我成日都搵一間好食嘅檬粉 終於比我試到一間好食架啦！ 平時成日出去食撈檬，唔係檬粉太硬就有雪櫃味，一係個醋淡茂茂唔好食，一係齋甜唔酸，一係齋酸唔甜，呢兩年來無食過一間滿意，估唔到呢間連鎖店竟然比到驚喜我！ 叫左個晚餐set，$88 雞肉串撈檬+海蜇+三色咸檸七。 個撈檬質地好軟身，唔會硬骨骨成抽野咁痴埋哂，好分明，彈牙爽脆；個醋甜酸度都好足！好好味！仲有乾蔥碎花生等等材料加埋一齊好好食！！！真係好好食！好滿意❤️ 小食海蜇好大碟，全部大塊又粒粒通透，好好食！超正！ 咸檸七有三種唔同檸檬，好味！ 朋友叫左海鮮湯檬，試左好鬼辣，無乜味道，辣到好難入口，個湯底又無乜味咁，麻麻地唔會再試。 小食係蓮藕餅，細塊又唔好食，唔會再試。 整體覺得撈檬做得好好，湯檬個湯無乜味道。 衞生方面張凳好多油漬，同佢反映都好快好積積清潔，算係咁👌🏻

最近同朋友係元朗搵地方飲酒chill下，佢介紹我去呢間串燒酒場，話可以飲酒同食串燒，我發現原來我去過佢大埔間分店，所以都有D信心保證。 整體D串燒都唔算好貴，十令廿蚊基本野有交易，除非你叫海鮮類就會貴好多，豐儉由人。 先來兩杯COCKTAIL，我叫左菠蘿MOJITO，幾特別加左RUM酒。 我朋友叫左GODIVA朱古力酒，佢話好重奶味好易入口。 我朋友好癩咁叫左好多海鮮，其實海鮮類係貴架！
呢個係聖子王?  HK$108一份得兩隻仔，感覺好細隻，味道係OK，但性價比好低，一隻幾乎可以叫一碗主食嘅丼飯啦! 扇貝HK$55/2隻
好新鮮，但我覺得性價比一般，唔算好抵食 跟住上左串燒，叫左好多款，一次過上。 但唔知係咪佢一次過上，有D一早燒好左等齊先上檯，搞到上到黎食果時有幾串已經微溫，唔係熱辣辣。 中間呢串魚泡HK$35好得意，好少見到出面有得食，幾好食。
車里茄煙肉串就係微溫，味道OK 呢個係燒雞翼包飯HK$19 裡面有D飯夾住好黏糯，幾好味，HK$19隻性價比OK，食落辣辣地都幾正 另一款係雞翼包肉碎，個汁甜甜地幾惹味 金菇牛肉卷，一般般。 大啡菇好JUICY~ 燒芝士大虎蝦，我又唔係覺得佢真係好大隻，要HK$68一隻，味道係OK，但性價比唔高。 燒大頭蝦HK$58，燒得幾靚，但肉真係好少，一啖就無左，不過幾鮮甜，係奢侈野。仲叫左少少蔬菜類 韭菜HK$16，幾新鮮爽脆，幾好食 燒秋葵HK$24都燒得幾JUICY 燒茄子HK$39燒得好靚，呢個真係唔容易燒的 整體黎講味道係OK，飲住酒黎CHILL可以，但今次叫左好多海鮮類都好貴，埋單兩個人要820!!!!
唔算抵食，如果你未食飯黎，其實佢有丼飯果D叫都係幾十蚊一碗，真係唔好用串燒黎食飽自己，因為可能你食20串都未飽。 我見好多中年男女黎呢度食野飲酒，佢地都係一串一串咁叫，佢地就真係醒，逐串點，逐串燒，即刻食，唔會擺到凍哂，又可以一路食一路飲酒吹水，真爽。

最近試了一家米芝連推介的餐廳「大圍小館」，之前佢係大圍時已經想試好耐，不過好遠一直懶得去試，而家開左黎元朗即刻同屋企人去一試！ 內裡環境唔算好大，不過坐位空間好闊落，唔會好擠迫 聽聞佢地有好多失傳功夫菜可以食到，但始終第一次去食唔敢太冒險，所以叫左D基本野黎試下先！ 職員介紹我地飲呢款茶叫做鳳凰單欉，飲落有水果香，好清新茶味，唔會好苦果種，係一款好易入口甘香嘅茶！ 首先上左一壺湯
【日月魚淮杞元肉雞湯】 HK$208 超大壺，足夠有7-8碗份量咁多，一D都唔少！
飲落個湯超鮮味，好重元貝類海鮮味，仲有鮮雞甜味，真係好足料好好飲！ 湯同湯渣仲會分開上，保證成煲都係湯水勁足料！
裡面有好多日月魚，即係深海貝類，我係大澳見過好貴架，呢煲湯裡面落左勁多，真心好抵飲！而且食落D日月魚好鮮味！好似食緊磯燒元貝咁，好好食！ 之後上左我地點嘅當店招牌菜
【勾魂叉燒】HK$188/5件睇價錢+睇食評時，我心諗：188得果5粒仔叉燒，好貴唧！
點知原來黎到實物果「5粒」叉燒原來件年都成個拳頭咁大！ 職員會係叉燒上面塗上鳳梨醬，加強佢嘅香甜味道，好清新呀！ 之後仲會用火槍燒一燒表面，令佢收乾水份，令到鳳梨味更濃郁！ 最後會沾上底下的脆米，寓意有米有米，食中菜嘅人果然好迷信！食個叉燒都要咁好意頭！ 叉燒用上梅頭肉部份，肥瘦均勻，咬落去每啖都係鬆軟，好多油脂咇出黎，真係好鬼好食，不過怕肥嘅我食左一舊就收手。 然後又到左另一款小菜
【桂花一縷香】HK$258
桂花一縷香原本係滿漢全席四中碗之一的「炒桂花翅」，但職員話而家環保概念所以轉左用乾瑤柱炒頂替魚翅，爆炒到乾瑤柱及雞蛋乾身散開，型似桂花，但我由於唔識野，一心以為碟小菜有桂花成份，哈哈哈哈。 味道方面就係乾瑤柱芽菜炒蛋，由於原來無桂花成份，係想像中有落差。 然後仲有半隻豉油雞
【大孖豉油鮮雞】HK$248
我呢排好鍾意周圍試豉油雞，覺得整得好食係好難嘅，所以亦都問左佢呢款豉油雞有咩來頭，原來佢係用左本土七十年老字號大孖醬園的豉油及老抽製作，雞皮充滿豉油香，咸香帶點，好好味！ 雞肉都係本地農埸無激素新鮮雞，真係好嫩滑好好食！不過佢地肉就比較薄，無美國雞咁肥大肉厚，所以真係睇得出係無激素好天然！ 【陳皮欖角骨】HK$258 之後仲有黎到重頭戲，蟹肉蒸飯！
【蒜香薑米籠仔蒸蟹飯】HK$368
佢地職員話呢道蒸蟹飯，係會視乎季節選蟹，海肉蟹、海膏蟹或海奄仔蟹都會時令形式挑款，每次都係以當造嘅蟹黎蒸飯。
飯底指定選用金鳳米，然後加上薑米、蛋白及蟹膏先炒後蒸，上檯時個籠係超巨大差不多有12寸，再有超巨大隻蟹係飯面，好震撼。 職員起籠時會將蟹殼分開放回碟上，方便我地享用，真細心。 個蟹殼仲連住D蟹膏，真係不得了。
連米飯上面都有蟹膏，真係好正好豐富呀！ 叫到一檯都係野，4位享用剛剛好，但埋單要成1665，人均消費HK$410，值唔值真係見人見志。我覺得當中有70%食物都係高質，例如蟹肉蒸飯 / 大孖豉油雞/ 勾魂叉燒，全部都係有80分以上。
有30%食物就一般般唔會再叫，欖角骨平平無奇；桂花一縷香呢個其實主要成份係芽菜炒蛋，但要價258，我覺得係巧手工，但唔見得味道好精彩。
而100%必試係個湯！真係好好飲！我諗我閒來無事都可能會入去飲呢個湯，平靚正份量夠多，超好味！ 最後送上糖水渣渣，幾好食，但已經好飽，所以感覺上只係正常發揮。