影片
更多
2021-06-15
165 瀏覽
呢間相信唔使我多介紹大家都一定識😂😂 牛大人熱潮到依架都未減退 而我終於有機會試到 今次就去咗銅鑼灣分店12點開始午市 我同朋友11:30就到咗 因為不設訂枱同攞飛 所以係用最原始既方法排隊 根據坐位既先後次序入座 所以係要爭凳仔😂😂不過都幾多位坐 唔會等得好辛苦有3種套餐揀 同枱既人一定要揀同一款 今次就試咗$198個款 包哂所有肉種 食得更加滿足呀 其中推薦澳洲和牛M5牛肩卷 雖然細細片 但牛味濃 肉質嫩滑 另外牛筋同滷大腸都好出色 平時打邊爐少啲見呢啲配料 滷得好入味 就算揀個比較重口味既溫底都唔會搶味 另外有超多種類既滑漿可以揀 除咗常見既花枝漿 仲有牛肉豬肉海鮮 味道亦唔錯 出面亦有自助吧 提供蔬菜同雜丸 好多種類比大家揀 湯底亦都好多選擇 今次揀咗紅燒牛骨湯 湯底濃郁惹味 加埋啲好索湯既配菜 好似腐皮同娃娃菜超正 而且鹹度適中 食完唔會好口渴另外好欣賞佢既飲品 一啲都唔麻虎 平時打邊爐最中意揀茶類飲品下火 佢地既樽裝茶飲有埋logo 而且係加茶包浸 而唔係預先煲好一大壺再分裝 今次試咗洛神花茶 酸酸甜甜好解膩OVERALL: 推薦😆 (8.5/10)火煱湯底同配菜選擇超多
12點開始午市 我同朋友11:30就到咗 因為不設訂枱同攞飛 所以係用最原始既方法排隊 根據坐位既先後次序入座 所以係要爭凳仔😂😂不過都幾多位坐 唔會等得好辛苦
有3種套餐揀 同枱既人一定要揀同一款 今次就試咗$198個款 包哂所有肉種 食得更加滿足呀 其中推薦澳洲和牛M5牛肩卷 雖然細細片 但牛味濃 肉質嫩滑 另外牛筋同滷大腸都好出色 平時打邊爐少啲見呢啲配料 滷得好入味 就算揀個比較重口味既溫底都唔會搶味
另外有超多種類既滑漿可以揀 除咗常見既花枝漿 仲有牛肉豬肉海鮮 味道亦唔錯 出面亦有自助吧 提供蔬菜同雜丸 好多種類比大家揀
湯底亦都好多選擇 今次揀咗紅燒牛骨湯 湯底濃郁惹味 加埋啲好索湯既配菜 好似腐皮同娃娃菜超正 而且鹹度適中 食完唔會好口渴
另外好欣賞佢既飲品 一啲都唔麻虎 平時打邊爐最中意揀茶類飲品下火 佢地既樽裝茶飲有埋logo 而且係加茶包浸 而唔係預先煲好一大壺再分裝 今次試咗洛神花茶 酸酸甜甜好解膩
OVERALL: 推薦😆 (8.5/10)
火煱湯底同配菜選擇超多 就算限時90分鐘都真會食到捧住個肚走呀 銅鑼灣分店亦都幾大 平日12點正去都會有位 上菜速度亦好快 肉既質素雖然唔算超好 但以呢個價錢性價比都唔錯
張貼
