焱丸水產 (已結業)

喺日本東京遊覽咗幾日, 食咗不少美食, 其中一樣就係磯燒, 過咗一排冇食, 勾起左個癮, 係時候係香港搵食啦! 點了白桃梳打, 就算走左冰, 香甜度保持水準, 唔會太淡又唔會太甜, 香甜嘅白桃味滲進口腔, aftertaste 強先食佢嘅原條池魚, 賣相非常之靚! 魚肉起骨, 一塊塊魚肉呈現眼前, 另外魚肉砌條, 配上醬汁, 夾埋紫菜食, 口感豐富質感爽口鮮甜, 滋味無窮, 點一點醬汁來食更提升鮮味另一樣令人懷念嘅就係蟹味噌甲羅燒, 焱丸嘅好處就係同日本磯丸水產不同, 店員為我哋悉心烹調, 誠意非常之好, 食物質素得以保持, 蟹味噌甲羅燒, 有鹹香再加啲蟹子, 咬口有少少脆, 不錯 榮螺用上磯燒的方式去煮,榮螺保持水份和口感，口感十足，但最重要的，是入口一刻那道濃郁的鮮味, 正

本來朋友想食一蘭拉麵, 但係見到咁多人排, 我提議唔好食, 再行過啲, 就有間焱丸水產, 佢嘅賣相似日本嘅居酒屋磯丸水產, 有置身喺日本嘅感覺,望望個menu有我想食嘅磯燒, 咁就提議一齊去食啦點選左幾個刺身, 賣相靚靚, 北寄貝係鮮活的, 新鮮貝肉口感細膩更富有層次感，甘甜而爽滑三文魚魚肉較有彈性，色澤鮮豔，口感肥美豐滿油甘魚油滑彈性， 味道特別甘甜, 入口最滑及鮮味海膽肉深黃色，味香甘甜，口感紮實豐富, 入口有一點點黏稠的吞拿魚口感軟滑，筋少而脂肪多，魚味極濃重頭戲就係波士頓龍蝦, 波士頓龍蝦件頭都不細, 活生生, 放喺個火爐度燒, 幾殘忍, 但係我又好想食! 店員為我哋細心去燒, 燒到咁上下, 再加啲芝士, 再用噴槍噴一噴, 芝士焗龍蝦嘅焦香撲鼻, 芝士味濃, 再有拉絲效果, 蝦肉q彈, 而蟹鉗肉地不靱. 燒得啱啱好

呢倫食磯燒食上癮, 同事講起焱丸都好正, 今日一於去試下先^^ 餐廳店外設計已經好有沖繩feel, 店內好有係海邊餐廳既風味, 真係好似去左沖繩揀海鮮即燒即食咁. 首先黎杯野飲先: 菠蘿燒酌淡淡既燒酌配好清新既菠蘿味, 酒味唔太濃, 配磯燒就最配啦!柚子啤酒好特別,  柚子味同啤酒味一樣咁濃, 好易入口刺身七盛 + 另加原條針魚賣相好靚, 擺得好精緻. 未食睇D色已經知道好新鮮, 不過呢D都唔係重點!重點係厚厚切~~件件都好有肉地, 睇到都已經哇哇聲, 急不及待想拎起快子 ^^七盛包括: 三文魚, 油金魚, 劍魚, 海膽, 帆立貝, 蝦及拖羅講得係厚厚切, 當然係非一般厚啦…我諗佢果D係一件等於人地2-3件咁厚, 真係好滿足! 三文魚油脂分佈好均勻, 色澤又靚, 超級肥美. 食完一件想再食都冇晒啦拖羅更加無得彈, 入口即溶唔在講,入口回甘,正!帆立貝爽甜彈牙, 加少少青檸, 鮮味更加突出海膽味濃,好鮮甜原條針魚第一次試, 肉質晶瑩剔透, 本身好清新爽口, 不過本身魚味唔算濃, 但原來食針魚係配薑葱醬油, 配埋一齊食真係滋味好多!萬眾期待 - 蟹肉噌味甲羅燒有兩種味道選擇: 原味及南瓜味

最近迷上日風, 經常都約埋朋友們周圍去搜羅好食的日本餐廳. 而今次就黎到銅鑼灣呢間日式水產店. 店內裝修以木材為主, 周圍的擺設都充滿日本風格。天花板仲有鮮艷嘅旗幡裝飾。 先黎飲品: 柚子啤酒  啤酒加柚子蜜的組合都幾有創意, 飲落甜甜地又帶有柚子的清新香味. 食日本野點可以少左刺身 & 壽司. 刺身盛合 有三文魚, 吞拿魚, 帶子, 牡丹蝦, 海膽, 油甘魚, 劍魚, 針魚刺身等等… 魚刺身基本全部係厚切手法, 而且都非常新鮮。  三文魚紋理鮮明， 肉質肥美; 海膽入口即化，好甘甜;  肥美的粉紅色吞拿魚，油脂分佈細密, 入口即溶, 肥美甘香; 另外, 牡丹蝦雖然唔大隻，但肉質細滑綿軟都幾甜; 第一次食針魚刺身, 原來d肉質都幾結實彈牙，味道鮮甜但比較偏淡, 需配上薑蔥一齊食, 味道會更加好, 感覺清爽;  壽司盛合 11款壽司好在每件的壽司飯都唔大件, 細細舊咁唔會太飽肚. 望落上面d魚肉就夠哂有光澤, 感覺好新鮮;  而我就揀左海膽壽司&帶子壽司, 前者海膽依然係入口即化又甘甜, 後者就肥美鮮甜, 讚!  什錦天婦羅 有大蝦, 魚, 南瓜, 秋葵, 大蔥, 茄子 等等

餐廳係日本居酒屋裝潢，以木色為主，天花板就有色彩鮮艷嘅旗幡。最特色係有榻榻米坐位，用竹簾相間，啱晒一大班人聚會，私隱度較高。除左一般日式料理外，最出名就係浜燒，當然海鮮一定要新鮮，魚缸養住，上枱時啲海鮮仲會郁!感覺食海鮮冇咁易肥，一於盡情一晚。【梅干燒酎$48】日本燒酒x梅子，食浜燒當然要飲燒酒先夠風味，海鮮嘅鮮味同燒酒味道好夾，酸酸甜甜開胃一流，不過個人覺得梅子少咗啲，味道偏淡。【青蘋果颱風乳酸$68】上面塞滿晒粒粒青蘋果肉，係真果肉乳酸嚟。青蘋果味道濃郁，甜甜蜜蜜，青青綠綠嘅顏色又靚，飲完成個人開心晒。【蟹味噌甲羅燒$136】我最愛嘅甲羅燒，除左蟹羔蟹肉外仲有生鵪鶉蛋、香蔥、蟹籽，紅黃綠色望落去顏色都幾繽紛。不過店員幫我地燒嗰陣都係撈埋晒變返一「pat」蟹羔嘅泥漿色去燒，雖然唔再「靚仔」但絕對係頂級美味。蟹羔味道濃郁但唔會過鹹，撈咗鵪鶉蛋嘅蟹羔好嫩滑，間唔中又會咬到爽脆嘅蟹籽，口感特別。我地見到個蟹殼燒到有少少燶，但反而食落有種微焦味道，更加香口。我諗我呢個蟹迷食多廿個都唔會覺得多。【秋刀魚刺身$228】我食秋刀魚多數係熟食，可能由於秋冬係秋刀魚當造季節，顏色並唔亮麗嘅秋刀魚食落係

香港最近多咗呢類型嘅日本水產，因為自己係日本都未食過，所以特登上網搵左間好評多嘅去試吓。餐廳每日都會有啲唔同嘅新鮮海鮮寫係黑板上面，全部都係日本空運過嚟，我哋都係黑板上面揀咗金目鯛黎試吓。首先上菜嘅係蟹味噌甲羅燒，佢係一個蟹殼入面有蟹肉，蟹膏，魚子，鵪鶉蛋同埋啲蔥花。咁店員俾我哋影完相之後就幫我地燒，佢將啲撈埋晒啲材料一齊，燒完之後就變咗一劈好似蟹膏嘅物質，食落去係蟹膏同蟹肉嘅混合味，仲可以食到一粒粒嘅蟹子，味道同口感都一流。之後上嘅係刺身五盛，分別有三文魚，油甘魚，吞拿魚，帶子同海膽。魚類刺身每一舊都切到好厚，可以大大啖咬落去，所有刺身都非常鮮甜新鮮，特別係海膽，個甜味直情留喺口入面。金目鯛刺身接住黎，師傅將魚被火炙，魚肉厚切，爽甜新鮮，肥美而不膩，配合魚皮比火燒後既油份，雙重享受。另一份同樣用蟹殼裝住嘅蟹味噌雲丹，入面有蟹肉，蟹膏，魚子，海膽，日本豆苗，今次就唔係攞去燒，而係加上芥末牛奶醬汁好似沙律咁撈嚟食，芥末味同食材好夾，啲鮮味出晒黎。最後嘅主角就係焱丸活貝大盛，有鮑魚，帶子，生蠔同蜆。鮑魚超級新鮮，兩隻鮑魚生龍活虎仲糾纏緊，而生蠔亦都非常大隻。之後店員就幫我地攞去燒，帶子就快

日本菜向來講求食材的新鮮度，加上不時不食的原則，即使不加任何調味料，只吃食材的原汁原味，已經令人食指大動。位於尖沙咀的「焱丸水產」就是當中的最佳例子，餐廳以浜燒作主打，將喺日本剛捕獲的海產即日送到香港，即燒即食，風味十足。早前從網頁得知「焱丸」喺銅鑼灣開咗分店，不過由於一直未同朋友夾到時間，所以先將餐廳放喺 Wish List。最近終於約到這個大忙人，雖然友人只可以騰出午市時段，但亦無損我倆來吃頓海鮮餐的意欲。餐廳位於謝斐道駱克大廈，是間地舖，踏進店，地方闊落，裝潢以日本漁民為設計概念，用餐區放滿木製椅桌，配上店內的日本裝飾、小擺設、掛滿的日本旗幡和海報等，讓人有彷如置身於日本漁船上的感覺，東瀛風味滿滿。翻開餐牌，食物選項豐富，有刺身、鮭、手握、貝殼燒、浜燒、野菜、沙律、酒肴、揚物、天婦羅、逸品、鍋物、食事、甘味、燒酎和飲品等。友人向來識飲識食，而且最愛就是同朋友分享飲食經，所以點餐方面，就一於請好友代勞。先揀飲品，由於我倆都不好酒，所以各自點了巨峰梳打 ($48) 和烏龍茶 ($28)。巨峰梳打以日本巨峰提子汁調配，入口帶清新果香；而友人點的凍烏龍茶，據說茶味亦夠香夠濃，水準不俗。接

去到銅鑼灣食晚飯，當然要挑選間食物質素出眾，而座位亦夠舒適。呢間焱丸有著日本魚市場嘅食物質素，而且餐牌選擇豐富，啱晒中意食日本餐嘅香港人。先有一客刺身開開胃，大隻嘅響螺用作刺身，鮮甜無比，而螺肉白淨無雜質，群邊甚具彈牙口感，以刺身食法最食得出原汁原味。而秋刀魚亦係當造嘅海產，以刺身方式品嚐亦係最尊重食材嘅造法，非常味美!接著以浜燒方式處理呢個海鮮拼盤，亦係一流滋味。燒得鮑魚群邊有微微香脆嘅口感，而厚身嘅鮑魚魚身帶有鮮甜味道，極具口感。日本大元貝當然極貝質素，群邊同元貝係秘製醬汁中煮熟，入口時有海鮮嘅鮮味，以及醬汁嘅味道，當然會係一流享受。最後有一鍋原隻龍蝦蔬菜窩，淨係見到龍蝦滿滿嘅蝦膏，就知道夠晒味美啦。係上湯中煮熱，蝦膏夠晒邪惡感，而龍蝦肉整隻品嚐，白雪雪彈牙嘅龍蝦肉完全無雜質，再吸收埋上湯中嘅精華，更令龍蝦肉味道昇華!

今天真有口福因為阿妹帶我去食海鲜。平時食海鮮多數入西貢或鯉魚門，但今次居然在銅鑼灣區認真方便。門面和室內佈置很有日本氣氛。首先侍應很有禮貌地為我們介紹當日由日本新鮮運到的海產，令到我已急不及待的立即品嘗。 首先來個蟹味噌甲羅燒 蟹蓋內有很多蟹膏和蟹子，侍應先把鵪鶉蛋和蟹膏混合一起;看來像一團啡褐色的物體放在燒烤爐上買相不太喜愛。但食落甘香好味，若加些青瓜絲感覺更清新。 原條池鱼和象拔蚌刺身 池魚厚切肉質鮮甜肥美，而象拔蚌亦很新鮮爽口。 焱丸活貝大盛 活生生的鲍魚夠大隻見到都開心，扇貝新鲜肉厚，蠔亦肥美食落有海水味;蜆肉漲卜卜毫不遜色，。服務員很細心地把握各類海產燒烤時間，只加些許清酒;將所有美食拿捏得很好地給人客遂一品嘗。 龍蝦鍋 龍蝦原隻開邊上，配菜甚多。大大嚿龍蝦肉咬落彈牙爽口，非常滿足。 青蘋果颱風乳酸 買相唔錯，酸酸甜甜;味道清新。

將海鮮即捕即燒就是「浜燒」。記得前年去和歌山的時候，食過的浜燒真係另人回味無窮。近年香港進駐了不少專門的浜燒店，以後不用外遊也可吃到了。焱丸水產亦是浜燒的表表者，海鮮天天到貨務求將新鮮的海產呈現食客眼前。位置便利在銅鑼灣中心地段。細心看店內裝潢型造出日本居酒屋的氣氛。先來個熱身菜式就係原條池魚和象拔蚌刺身。池魚用來做厚切，仍然見到彩光，鮮甜肥美的口感，確係滋味！象拔蚌肉質爽甜而鮮！一盤活具大盛終於上埸了。鮑魚還在蠕動呢！好新鮮呀！全程有店員代勞。店員將海鮮續一放在迷你燒烤爐上，很有風味。每種海鮮都會有不同時間的掌握，這個難不到他們。十多分鐘就燒好，配以簡單調味如清酒和秘製醬汁。蜆隻雖然嬌小但感受海水味濃，鮑魚新鮮程度可見，入口爽彈，扇具嫰滑，蠔隻肥美爆膏，食到舔舔脷。最後龍蝦鍋都不容錯過，原條龍蝦在菜蔬中翻滾，精華盡出，連蔬菜都散發出鮮味。龍蝦肉質Q彈，啖啖肉好滿足喔！

去開日本旅行，一定會留意到東京、大阪等地有好多間以即燒海鮮聞名嘅「磯丸水產」。最近發現，原來香港都有類似餐廳「焱丸水產」，主打每日由日本空運到港嘅磯燒活水產。就算身處香港，都可以食到磯燒水產。刺身三點盛($160)：有三文魚、帆立貝同油甘魚，食海鮮前，食少少刺身先！ 是日刺身仲有秋刀魚($228)：呢個季節當造而又要必食嘅魚生之一！至於餐前小食，叫左炸蓮藕片($35)，薄薄地似食薯片咁。辣味炸豆腐($38)：豆腐炸到外脆內嫩，教人一口又一口咁食！招牌菜⋯⋯蟹味噌甲羅燒($68/隻)：呢個幾乎每檯食客必點，將松葉蟹內嘅蟹膏、蟹肉、蟹籽加上鵪鶉蛋，一同釀於松葉蟹蓋內，邊攪邊燒約3-4分鐘就食得。而且呢度燒海鮮係全程有店員為你代勞，完全唔需要費心。用匙羹一𢳂，啖啖都係蟹膏！好邪惡，好滿足！怕食多幾口會膩？碟邊仲有青瓜絲，撈勻蟹膏再食就剛剛好。當然，個人覺得叫碗白飯撈都得架！淨係食甲羅燒點會夠呀？我地仲食左當日新鮮運到嘅貴妃蚌（$30/2隻），新鮮又生猛，食個新鮮度已經足夠！燒海鮮類仲order左燒烏賊($75)，呢個當然又係唔洗自己動手燒啦。先將烏賊放爐上，然後將兩面燒至乾身，再煎成一個個

中環坐的士落銅鑼灣搵食，對我嚟講唔洗排隊優先，就試吓呢間啦。一入舖頭，魚鯹味好重，有人鍾意食魚生，但怕魚鯹味架。舖頭設計令人身在日本咁。我吃咗7款刺身定食，一上枱我先影相啦，然後聞碗飯，因為日本菜有飯食，個飯係好重要，點知.......米香唔係日本米。刺身肥美肉厚。蒸蛋足料又夠滑。麵豉湯普普通通。後話，因為我食量唔多，一個定食已經好飽。但見到其他客人，點了松葉蟹蓋燒，飄來陣陣香味，蓋過魚鯹味。胃口大嘅人，真係要試呀

朋友話銅鑼灣開左間焱丸水產約我去試下，其實我唔知原來係好出名，佢話好食就跟佢黎試下啦。係門口已經好特別，一入到去仲更加似去左日本小店餐廳咁，裝修好有日本風格，地方唔算好大，不過多人一齊黎要大枱都會有，見佢有個area 都比較有privacy, 6-8人都應該坐到。黎到當然要食佢最出名嘅蟹味噌甲羅燒，見到枱枱都食一定好好食。一開始個賣相係咁，之後店員就會搞埋佢地再燒，燒好香氣撲鼻，好香蟹膏味，但係同大閘蟹個種又完全唔一樣。咸咸地又甜甜地，佢入面又有蟹肉絲同埋蟹子，口感豐富。係唔自覺係咁食係咁食。難怪咁出名啦。除咗呢個之外，我哋都帶咗蟹味噌雲單，佢亦都係好類似，不過唔洗燒，再加埋海膽、昆布、魚子一齊，得別係佢個醬汁，加埋入去搞堆佢，鮮甜之餘仲有好清新嘅感覺，食完好refreshing.另外點少得刺身呢， 叫左個刺身五盛，款款都肥美肉厚。平時對刺身冇乜要要求唔算好識食，但係一食呢個就食得出有分別。以前唔真正知鮮甜點解，不過呢到一放入口，腦袋淨係講得出鮮甜呢兩個字。係放入口溶化之際，甜味就會慢慢滲出。我真係對刺身冇乜知識，除左三文魚同呑拿魚之外，另一款係我最驚喜亦都最鍾意。魚肉質地實而不硬，魚