影片
更多
2017-12-13
115 瀏覽
香港最近多咗呢類型嘅日本水產，因為自己係日本都未食過，所以特登上網搵左間好評多嘅去試吓。餐廳每日都會有啲唔同嘅新鮮海鮮寫係黑板上面，全部都係日本空運過嚟，我哋都係黑板上面揀咗金目鯛黎試吓。首先上菜嘅係蟹味噌甲羅燒，佢係一個蟹殼入面有蟹肉，蟹膏，魚子，鵪鶉蛋同埋啲蔥花。咁店員俾我哋影完相之後就幫我地燒，佢將啲撈埋晒啲材料一齊，燒完之後就變咗一劈好似蟹膏嘅物質，食落去係蟹膏同蟹肉嘅混合味，仲可以食到一粒粒嘅蟹子，味道同口感都一流。之後上嘅係刺身五盛，分別有三文魚，油甘魚，吞拿魚，帶子同海膽。魚類刺身每一舊都切到好厚，可以大大啖咬落去，所有刺身都非常鮮甜新鮮，特別係海膽，個甜味直情留喺口入面。金目鯛刺身接住黎，師傅將魚被火炙，魚肉厚切，爽甜新鮮，肥美而不膩，配合魚皮比火燒後既油份，雙重享受。另一份同樣用蟹殼裝住嘅蟹味噌雲丹，入面有蟹肉，蟹膏，魚子，海膽，日本豆苗，今次就唔係攞去燒，而係加上芥末牛奶醬汁好似沙律咁撈嚟食，芥末味同食材好夾，啲鮮味出晒黎。最後嘅主角就係焱丸活貝大盛，有鮑魚，帶子，生蠔同蜆。鮑魚超級新鮮，兩隻鮑魚生龍活虎仲糾纏緊，而生蠔亦都非常大隻。之後店員就幫我地攞去燒，帶子就快
首先上菜嘅係蟹味噌甲羅燒，佢係一個蟹殼入面有蟹肉，蟹膏，魚子，鵪鶉蛋同埋啲蔥花。
咁店員俾我哋影完相之後就幫我地燒，佢將啲撈埋晒啲材料一齊，燒完之後就變咗一劈好似蟹膏嘅物質，食落去係蟹膏同蟹肉嘅混合味，仲可以食到一粒粒嘅蟹子，味道同口感都一流。
之後上嘅係刺身五盛，分別有三文魚，油甘魚，吞拿魚，帶子同海膽。魚類刺身每一舊都切到好厚，可以大大啖咬落去，所有刺身都非常鮮甜新鮮，特別係海膽，個甜味直情留喺口入面。
金目鯛刺身接住黎，師傅將魚被火炙，魚肉厚切，爽甜新鮮，肥美而不膩，配合魚皮比火燒後既油份，雙重享受。
另一份同樣用蟹殼裝住嘅蟹味噌雲丹，入面有蟹肉，蟹膏，魚子，海膽，日本豆苗，今次就唔係攞去燒，而係加上芥末牛奶醬汁好似沙律咁撈嚟食，芥末味同食材好夾，啲鮮味出晒黎。
最後嘅主角就係焱丸活貝大盛，有鮑魚，帶子，生蠔同蜆。鮑魚超級新鮮，兩隻鮑魚生龍活虎仲糾纏緊，而生蠔亦都非常大隻。之後店員就幫我地攞去燒，帶子就快熟嘅時候，店員加入清酒，清酒將帶子嘅鮮味大晒出嚟，食完帶子之後入面既汁好似湯一樣咁甜。所有食材都非常新鮮，燒完之後都感受到佢嘅新鮮度，唔需要太多嘅調味就已經好好食。
最後我哋仲有少少餓，就叫咗個名物海栗湯加烏冬，個湯跟埋一盤刺身，有帶子三文魚海膽魷魚，原來果盤刺身就係湯嘅材料，將所有材料到晒落去，最後擺埋烏冬落去煮就完成。個湯非常甜，啲海膽嘅甜味完全融入個湯度，海膽熟咗之後都仲係非常甜。
值得一提嘅係叫咗個青蘋果梳打，佢入面係有啲雪凍左嘅青蘋果，非常爽口。
張貼
