影片
更多
2017-12-14
1402 瀏覽
餐廳係日本居酒屋裝潢，以木色為主，天花板就有色彩鮮艷嘅旗幡。最特色係有榻榻米坐位，用竹簾相間，啱晒一大班人聚會，私隱度較高。除左一般日式料理外，最出名就係浜燒，當然海鮮一定要新鮮，魚缸養住，上枱時啲海鮮仲會郁!感覺食海鮮冇咁易肥，一於盡情一晚。【梅干燒酎$48】日本燒酒x梅子，食浜燒當然要飲燒酒先夠風味，海鮮嘅鮮味同燒酒味道好夾，酸酸甜甜開胃一流，不過個人覺得梅子少咗啲，味道偏淡。【青蘋果颱風乳酸$68】上面塞滿晒粒粒青蘋果肉，係真果肉乳酸嚟。青蘋果味道濃郁，甜甜蜜蜜，青青綠綠嘅顏色又靚，飲完成個人開心晒。【蟹味噌甲羅燒$136】我最愛嘅甲羅燒，除左蟹羔蟹肉外仲有生鵪鶉蛋、香蔥、蟹籽，紅黃綠色望落去顏色都幾繽紛。不過店員幫我地燒嗰陣都係撈埋晒變返一「pat」蟹羔嘅泥漿色去燒，雖然唔再「靚仔」但絕對係頂級美味。蟹羔味道濃郁但唔會過鹹，撈咗鵪鶉蛋嘅蟹羔好嫩滑，間唔中又會咬到爽脆嘅蟹籽，口感特別。我地見到個蟹殼燒到有少少燶，但反而食落有種微焦味道，更加香口。我諗我呢個蟹迷食多廿個都唔會覺得多。【秋刀魚刺身$228】我食秋刀魚多數係熟食，可能由於秋冬係秋刀魚當造季節，顏色並唔亮麗嘅秋刀魚食落係
除左一般日式料理外，最出名就係浜燒，當然海鮮一定要新鮮，魚缸養住，上枱時啲海鮮仲會郁!
感覺食海鮮冇咁易肥，一於盡情一晚。
【梅干燒酎$48】日本燒酒x梅子，食浜燒當然要飲燒酒先夠風味，海鮮嘅鮮味同燒酒味道好夾，酸酸甜甜開胃一流，不過個人覺得梅子少咗啲，味道偏淡。
【青蘋果颱風乳酸$68】上面塞滿晒粒粒青蘋果肉，係真果肉乳酸嚟。青蘋果味道濃郁，甜甜蜜蜜，青青綠綠嘅顏色又靚，飲完成個人開心晒。
【蟹味噌甲羅燒$136】我最愛嘅甲羅燒，除左蟹羔蟹肉外仲有生鵪鶉蛋、香蔥、蟹籽，紅黃綠色望落去顏色都幾繽紛。
不過店員幫我地燒嗰陣都係撈埋晒變返一「pat」蟹羔嘅泥漿色去燒，雖然唔再「靚仔」但絕對係頂級美味。
蟹羔味道濃郁但唔會過鹹，撈咗鵪鶉蛋嘅蟹羔好嫩滑，間唔中又會咬到爽脆嘅蟹籽，口感特別。我地見到個蟹殼燒到有少少燶，但反而食落有種微焦味道，更加香口。我諗我呢個蟹迷食多廿個都唔會覺得多。
【秋刀魚刺身$228】我食秋刀魚多數係熟食，可能由於秋冬係秋刀魚當造季節，顏色並唔亮麗嘅秋刀魚食落係意想不到嘅甘甜。個人覺得好過熟食好多，而且係原條秋刀魚上，絕對新鮮。
【壽司盛合$268】秋刀魚壽司較為少見，估唔到呢個盛合都有。較為出色係海膽軍艦壽司，海膽夠多同鮮甜。其次係三文魚壽司，油脂豐富，魚油味香。
【吞拿魚鮫$228】好巨型，比一把大較剪更大，厚肉。魚皮厚而韌，係唔食得架。掀開燒到香脆嘅魚皮，就會見到魚肉霧煙，香噴噴! 因為係魚鮫位，魚膏特別多，魚肉亦特別嫩滑，正!
枱面上有呢張卡，就係同枱面上啲調味料對應，海鮮醬油、刺身醬油、日式清酒都會用嚟燒海鮮，保持海鮮多汁同增添鮮味。
【焱丸活貝大盛$368】蜆、鮑魚、蠔、帆立貝，一盤有齊晒，好抵食。
蜆肉漲卜卜，只係用左日式清酒去燒，已經超級鮮甜。
蠔肉燒完之後縮左啲水，但仍見飽滿，落左海鮮醬汁，鮮味特別出。
鮑魚好新鮮，燒嗰時仲係咁掙扎，轉嚟轉去。燒到中途店員將鮑魚去除內臟同殼，之後直接放上網燒。我就覺得燒得太燶了，有啲乾同苦澀。 最好用個殼燒多陣，咁會嫩滑啲同juicy啲。
帆立貝大大隻，燒完仲可以cut成四粒入口，好滋味。
店員一路燒會一路落清酒，所以食完海鮮可以將個殼凈返嗰啲清酒食埋，「海鮮清酒」真係好好飲。【特大榮螺$198】上枱時仲郁緊，原個上爐燒，中間不斷加入清酒，可能清酒落得太多，燒完之後肉質彈牙，但帶啲苦味。
秋冬夜，食浜燒，飲燒酒，真係爽。
張貼
