焱丸水產

營業中

休息中

焱丸水產是一家位於市中心的日式餐廳，提供了一場食物的饗宴之旅。餐廳的裝修風格充滿了日本的元素，從細緻的木質桌椅到傳統的屏風，每一處都彰顯出日本文化的精髓。蟹殼燒是焱丸水產的招牌之一，外層酥脆，內裡則是滿滿的蟹肉和鮮蝦，每一口都帶來濃郁的海鮮風味。刺身天是另一道令人讚嘆的菜品，新鮮的刺身配上酥炸的天婦羅，豐富的口感和層次感讓人難以抗拒。壽司是焱丸水產的必食評二：焱丸水產——日式餐廳的饗宴之旅焱丸水產是一家位於市中心的日式餐廳，提供了一場食物的饗宴之旅。餐廳的裝修風格充滿了日本的元素，從細緻的木質桌椅到傳統的屏風，每一處都彰顯出日本文化的精髓。蟹殼燒是焱丸水產的招牌之一，外層酥脆，內裡則是滿滿的蟹肉和鮮蝦，每一口都帶來濃郁的海鮮風味。刺身天是另一道令人讚嘆的菜品，新鮮的刺身配上酥炸的天婦羅，豐富的口感和層次感讓人難以抗拒。壽司是焱丸水產的必點之一，他們選用新鮮的生魚片和蓬鬆的壽司飯，每一口都散發出自然的鮮香。無論是握壽司還是刺身壽司，每一個品種都精心製作，展現出廚師的匠心和對食材的敬畏。此外，焱丸水產還提供了各式各樣的日式沙律，色彩鮮豔的時令蔬菜搭配上清爽的日式醬汁，給人一種健康美味的感覺

去過日本嘅朋友，都一定食過磯燒水產的居酒屋，咁啱有個去咗大馬工作咗兩年幾嘅舊同學來香港，今次因為工作關係，公司派她來香港，我哋就有機會聚下舊。咁難得，於是就搵咗間好有氣氛嘅居酒屋食餐飯。我哋大家都好鍾意食日本嘢，呢度啱晒大家口味！終於到了，舖頭好有氣氛，掛住好多燈籠，侍應好熱情，成個氛圍好正！我哋第一時間睇下水缸有咩食，之後就看餐牌啦，首先要cheers左先，叫左杯啤酒和燒酌，大熱天時冰冰佢，菠蘿燒酌好正，有一大片新鮮菠蘿架！叫了食物後，好helpful 嘅店員會過來幫我們燒兩款不同味的甲羅燒，看到蟹蓋上裝得滿滿的蟹膏蟹肉魚子，在爐上燒著，陣陣蟹膏香味撲鼻，真係好好味！之後店員就幫我哋燒埋兩款味道嘅燒帆立貝，我哋等燒嘢食期間，就食咗個壽司同刺身，質素就一般啦之後就到燒魷魚出場啦，最喜歡食燒魷魚，之後係燒虎蝦做結尾，大蝦要燒到個殼濃濃地好香口！我哋真係好似去咗日本一轉咁🥹

位於尖沙咀的主打海鮮磯燒的日式居酒屋。餐廳的裝潢充滿著濃厚的東瀛風，牆壁上亦貼滿和式掛畫，店內掛滿七彩的旗幟和燈籠，彷如置身日本海邊的餐廳，很有格調；餐廳的食材主打由豐洲直送的當日水產，使食客能品嘗活海鮮的鮮味，日料愛好者真的不能錯過喔~⋆_____ᴛᴏᴛᴀʟ ᴏʀᴅᴇʀ______⋆◂ 蟹味噌甲羅燒 (兩隻) $136◂ 刺身五盛 $280◂ 三文魚中卷 $88◂ 精選烤牡蠣 (5款口味) $338◂ 麻醬蕃茄豆腐沙律 $68◂ 野菜天婦羅 $70◂ 北海道海鮮炒飯 $88◂ 檸檬可樂ʜɪɢʜʙᴀʟʟ $58◂ 冰菠蘿梳打 $68  ___⋆ ⋆ ___ ✿ 蟹味噌甲羅燒 既然主打海鮮磯燒，當然要一嚐蟹味噌甲羅燒吧！蟹蓋上舖滿了蟹籽、蟹肉及蟹膏；店員先讓我們拍照後才開始炭燒，烤煮過程已經香氣撲鼻，傳出陣陣蟹香味！甲羅燒果然甘香鹹鮮，蟹膏味濃厚。.✿ 刺身五盛分別有三文魚、海膽、帆立貝、吞拿魚及油甘魚。刺身當日新鮮直送，難怪味鮮濃郁，口感甘甜；尤其吞拿魚及油甘魚，厚切帶光澤，肉質爽口彈牙。.✿  三文魚中卷日式卷物就是最保守的日式飽腹食物，當日實在太餓了，所以決定加點卷物；三文魚細嫩鮮

同一班朋友出黎食飯，大家都想食日本燒海鮮，所以我提出呢度。呢間日式餐廳係我係香港數一數二最鍾意嘅餐廳，我黎過呢度食過幾次，水準依然咁好 。呢度嘅裝修好特別好有日本風味，好似日本居酒屋咁，甚有日本風格。食海鮮，最緊要食物新鮮，個生蠔同蝦刺身好新鮮。除咗食物好之外，呢到有專人幫客人燒，所以唔港擔心驚燒唔熟或者熟過龍，又可以專心傾計。甲羅燒好惹味。燒帶子同鮑魚大大粒，軟嫩口感，啖啖肉又甜。個鮑魚燒緊時仲不停郁。龍神壽司，有刺身又有壽司。刺身油脂味令人回味，個海膽小卷都好鮮甜出色。和牛炒飯好大碟，啱哂我哋多人，一大碟竟然分到4至5碗。全部人都食到好飽同開心。

焱丸水產可以算係日本水產龍頭，日式燒海鮮，甲羅燒嘅始早，幫襯咗尖沙咀店多年。餐廳裝潢富特色，到處都是充滿日本風情的佈置，令人像置身日本一樣，無論氣氛定係服務態度態度都好好。每次嚟呢度必食嘅一定係甲羅燒，蟹肉，鵪鶪蛋，蟹籽撈埋真係冇得頂，呢度D職員係會幫我地燒埋，坐定定就有得食。除咗燒蟹蓋之外仲有其他海鮮都好新鮮，好鮮味。 鮑魚同帆立貝磯燒好爽口鮮甜，帆立貝非常之鮮甜而且新鮮，店員非常細心咁幫我地剪開再配上醬汁。今次試埋龍神壽司，黎咁多次第一次試呢個，賣相好用心，外層係刺身，入面係一層層海膽小卷。賣相精美，質素佳，色澤靚又新鮮美，啖啖魚油，非常美味。海膽新鮮creamy，毫不腥臭。巨峰梳打冰凍解渴，濃郁香甜，正。焱丸水產每次都好滿足，放心嘅選擇。

今日朋友係尖沙咀放工之後就約我食飯，大家都好耐冇見，商量咗一陣之後決定食日本嘢，因為大家都好鍾意。自己覺得呢個刺身盛 CP值幾高，三百唔洗就已經食到海膽，而且其他刺身亦非常肥美同新鮮。荔枝玉露茶 (左)，冰菠蘿燒酎 (右)，自己叫咗冰菠蘿燒酎，雖然有酒但一啲都唔濃烈，菠蘿條超級鮮甜，非常適合唔太飲得酒嘅女仕。炸雞肉質嫩滑又多汁，覺得熱氣嘅話伴碟仲有青瓜，蕃茄解膩，而且價錢亦唔算貴，作為小食一流。蟹味噌甲羅燒 ($68) : 雖然全場都坐滿客人，但侍應都會好有耐性咁幫你燒埋，哪怕係價錢平嘅菜，服務質素估唔到咁好，甲羅燒味道非常濃郁，下次再去要試埋個黑松露甲羅燒味道應該會更正。海鮮方面叫左幾款，分別有海膽帆立貝燒、鮑魚殼燒、大蝦鬼殼磯燒，每款海鮮都超高質，不論係新鮮程度同口感。最後食埋個份量都幾多嘅海鮮炒飯，非常滿足咁埋單。

一直都覺得焱丸係香港最有日本感覺既居酒屋，無論裝修同氣氛都好正真係同去左日本無分別，所以我間唔中都會過黎食飯。不過今次我覺得佢佢食物質素比之前更加出色更加有水準，所以好寫個食評讚下。首先係呢個刺身5盛加赤貝，個帶子同海膽真係勁甜勁新鮮，三文魚同油甘魚勁肥美油脂味勁濃，赤貝個樣靚到見到都流哂口水，又係勁新鮮勁爽甜。焱丸號壽司又係勁足料，勁多三文魚籽又係我最愛既海膽，賣樣又靚又好食。蟹味噌甲羅燒又係好出色，仲要有專人幫你煮，有啖啖蟹膏加埋蟹籽，實在食到停唔到口。溫泉蛋天婦羅擺盤又係勁靚，皮薄又脆，溫泉蛋大大粒仲會流心，勁正。燒帆立貝勁大粒勁甜勁好味，無論係醬油味或者三文魚籽一齊燒都好好味。最後叫埋個香蔥和牛炒飯，好足料好多和牛，和牛都好重牛味，炒飯唔會太咸都好有鑊氣。一間餐廳可以越做越出色，真係好難得。

今日係棉登徑 Barber Shop 剪完頭髮，見差唔多到晚飯時間，就搵咗個喺尖沙咀返工嘅朋友同我撐枱腳。近近地就揀咗係髮型舖附近嘅日本餐廳食晚飯，餐廳非常多日本裝飾物，而且好多物品都圍繞着木材，彷彿返咗去以前嘅日本時代，整個氛圍都唔錯。刺身五盛 ($280) : 刺身非常新鮮，肉厚肥美，每樣都超鮮甜。轟炸雞 ($68) : 每件炸雞都非常大粒同多汁，油炸技術一流，酥脆而不油膩。蟹味噌甲羅燒 ($68)，黑松露蟹肉甲羅燒 ($75) : 叫咗兩款唔同味道嘅甲羅燒 ，每隻蟹膏份量都好多，而且味道超濃郁。海膽帆立貝燒 ($85)，鮑魚殼燒 ($136) : 因為餐廳有自己水缸養鮑魚，所以鮑魚上枱時非常生猛不停郁，兩隻手掌咁大嘅鮑魚都只係 $136，真係非常超值，鮑魚口感非常彈牙，新鮮食材真係唔同啲，而帆立貝亦超超級大粒，海膽汁融入帆立貝肉內，令本身已經鮮味十足嘅帆立貝更加鮮甜。焱丸號壽司 ($158) : 非常鐘意呢款菜式，客人可以就自己喜好將蛋絲、拖羅蓉、三文魚籽、小貝柱、蟹肉、海膽等食材放上小軍艦嚟食。

冇啦啦老公話過嚟接我收工，但走咗去泊低架車🤨見面時先話佢想食焱丸，接我收工只係套路🤣餐廳係棉登徑既最盡頭，不用懷疑一直向前走到尾就係。餐廳裝修以木系為主，掛咗好多日式燈籠同poster，好有地道日式居酒屋風味😻今次佢大人發板，我就揀下飲咩。不過居酒屋我都只係飲我最愛既梅酒😛梅酒味道偏甜，但都feel到有啲酒精濃度，適合加冰飲老公揸車就揀咗白桃梳打，夠凍啱曬熱辣辣既天氣飲一嚟整個沙律，不過係薯仔既😳我心諗一嚟就飽肚之後點食呀，本身都係諗住食少少就算點知！好鬼好食呀喂🤣唔會過多沙律醬，薯仔好香糯，加埋滿滿既飛魚仔真係食到停唔到居酒屋就梗係食刺身，刺身五盛有海膽三文魚帆立貝吞拿魚同油甘魚，款款都厚切，一啖落口好滿足🥰老公鍾意食三文魚，叫咗個三文魚拼盤同三文魚富士山🗻🫨三文魚拼盤有5款唔同類型既三文魚壽司，唔同配搭都好好食三文魚富士山下面係包住青瓜絲既小卷，上面好似瀑布咁鋪滿曬三文魚粒同三文魚子，老公話今次真係大滿足啦🤣我最鐘意既甲羅燒終於出場😻超多蟹膏呀！所有磯燒會有職員幫手燒，所以唔識燒既都唔需要擔心，個爐係旁邊，一邊燒一邊聞到勁香呀😚野菜天婦羅有6款，竟然有小青椒😻等我先下手為強食曬佢先

今日同朋友慶祝生日，佢一直都話好來試呢間居酒屋～估唔到平日8點黎到都全場爆滿，氣氛好熱鬧好似喺日本嘅居酒屋咁！朋友最中意食刺身同燒海鮮，呢度有好多選擇～ 叫咗個刺身5點盛， 另外加咗一隻赤貝。 刺身好厚切～油甘魚超肥美，色澤睇落夠新鮮，口感一流！帆立貝夠晒鮮甜，搭配少少青檸味道更提鮮。海膽喺我至愛，味濃帶鮮甜，配搭青瓜絲帶點清爽感覺。朋友就好中意個原隻赤貝刺身 , 新鮮夠爽口鮮甜。呢個焱丸號壽司非常有驚喜！有滿滿刺身海膽吞拿魚腩蓉蟹肉等。。一啲都唔吝嗇， CP值高。配搭雞蛋絲可以拌勻一齊食都唔錯，幾特別。 燒物方面叫咗甲羅燒同埋2款帆立貝殼燒。好欣賞個帆立貝殼燒，創意蔬菜類配料拎個配搭更加豐富，成品更鮮甜。呢個溫泉蛋天婦羅賣相好可愛，入面流芯嘅程度剛剛好！最後呢個和牛炒飯亦非常推介，有唔少和牛粒，每粒都非常重和牛油脂香味，令每一啖炒飯食落都非常美味！值得一試！飲品方面推介呢個 蘋果乳酸梳打，除左賣相吸引，仲好好飲， 青蘋果味重，清新唔會太甜！

鮑魚殼燒($68)，蟹味噌甲羅燒($68)，大蝦鬼殼磯燒($65)，服務周到，燒物都由店員幫忙燒的，食物燒至剛剛好，肉質唔會太老好韌，甲羅燒有濃濃既蟹膏味在口腔散發，配上青瓜絲可以中和一下味蕾。左口魚刺身($168)，赤海老($68)，刺身入口爽而且好鮮甜，左口魚呈半透明狀，配上店家酸酸尾尾既醬汁，好醒胃，赤海老共5本，用力一吸整隻海老已吸入口，好滑溜。焱丸號($158)，係店家招牌菜，主打滿瀉既海產壽司，目測有5款海產食物，超多海膽，連同蟹肉一齊食，真係好滿足。三文魚牛油果酢漬($80)，牛油果似三文魚既味道，再配埋真正既三文魚，簡直有double既口感，放上黑椒粒食落微辣更開胃。溫泉蛋天婦羅($70)，這個菜式幾創新，將溫泉蛋做天婦羅，外層酥脆，切開裏面仍然係流心。辣味豆腐($45)，經炸過既豆腐，外層脆，內裏仍然保持滑溜，灑上了店家秘製辣粉，辣度都幾強幾惹味，但建議食得辣先好挑戰。北海道海鮮炒飯($88)，飯炒得夠乾身，表面唔會好油膩感，而且將蟹籽撈埋飯一齊食，一粒粒口感豐富。菠蘿梳打($68)，白桃梳打($48)，個人較喜歡菠蘿梳打，因為有菠蘿果肉可以食而且好清甜。

What a surprisingly nice and worth-trying restaurant in Tst which offers good food😍 I enjoy the dinner so much !!! We ate for 1.5 hrs… so jeng 😍 . Worth to give it a try. 👍🏻We found the restaurant is fabulous so we seat in and had super nice catch up . The decoration is full of romance 🥰 And Japanese 🇯🇵 style !We can park car outsideWe ordered two non-alcoholic drinks. One is 梅soda. The other one is 烏龍茶～清清地啱我哋😛First comes to this sushi 🍣 set ! 我哋可以試晒唔同，最鍾意食海膽壽司👍🏻 super fresh and full for 2 ppl

未有假期去日本玩，唯有食住日本野解下思（鄉）嘅心情啦，一講日本野就會諗起浜燒，我就捉埋朋友一齊嚟位於尖沙咀嘅 焱丸水產食飯餐廳主打浜燒，走日式居酒屋風格，佈置充滿和風值得一讚係店員會幫我哋燒烤食物，我地只需要坐定定等食就得🤩蟹味噌甲羅燒🦀$68黑松露蟹肉甲羅燒🦀$75甲羅燒係餐廳必點嘅食品，蟹肉、蟹膏、蟹籽、鵪鶉蛋再加上唔同配料（味噌、黑松露）烤出唔到口味，烤完熱辣辣，用匙羹🥄筆嚟食，一細啖都香濃鮮味，仲有蟹籽粒粒口感鮑魚殼燒$136兩隻鮑魚都好新鮮，上枱嘅時候仲係到郁緊，肉質鮮甜爽口松葉蟹房帆立殼燒$80三文魚籽帆立殼焼$80用唔同配料配搭，令本身鮮甜嘅帶子多一種風味同口感岩手縣生蠔🦪$136每一隻都有半隻手掌大細，味道較清甜，肉質爽嫩龍神壽司🗻🍣$158擺碟好似一座小山丘，表面鋪上紫菜絲同一片片刺身，中間就用海膽壽司搭成一個小塔🗼刺身5盛$280五款刺身，每一片都新鮮鮮甜有一定嘅厚度，最欣賞係海膽，唔會一夾就散，而且味道濃郁冰菠蘿燒酎🍍$68甜甜嘅菠蘿汁帶有淡淡酒味，仲有多汁嘅菠蘿食青蘋果颱風乳酸🍏$68味道清新，食過濃味食物飲一啖即刻回復清爽

焱丸水產位於尖沙咀，喺香港嘅中心點住邊度嘅朋友嚟食飯都非常方便就腳。呢度嘅食材新鮮，即燒即食超高享受！先講吓甲羅燒，打咗鵪鶉蛋撈埋蟹子、蟹肉同蟹膏，燒得啱啱好，啲蟹膏好甘香，令人一試難忘。燒大虎蝦燒鮑魚都非常出色，蝦肉鮮嫩，配合新鮮鮑魚一齊燒，鮑魚仲識郁嘅，夠晒生猛，兩種高級食材配合起嚟味道更加豐富，絕對值得一試。刺身五盛亦十分推介，有五款刺身可以揀，每一款都好鮮美，三文魚海膽同埋帆立貝超好味！最後一樣菜式就係天婦羅啦，炸得香脆不油膩，入面啲蔬菜好fresh，令人食到欲罷不能😋總括而言，焱丸水產係一個非常出色嘅日本餐廳，食物質素高，服務貼心，環境舒適，係一個非常適合與家人、朋友一齊享受美食的好地方。強烈推介大家嚟試佢哋嘅甲羅燒同燒海鮮，絕對會讓你回味無窮。

廢話唔多講，直接介紹食物，不過提提大家要book位!今次叫咗3款燒物，首先係必食嘅味噌甲羅燒、仲有芝士蟹肉甲羅燒。店員仲會幫你燒埋，唔洗驚Fail，個蟹膏加埋鵪鶉蛋撈埋一齊超好食。另外芝士蟹肉甲羅燒有陣陣芝香味道，但又不會太過over，沒有蓋過本身蟹肉蟹膏味道，正！仲有浜燒鮑魚，外面充滿焦香味，內裏肉嫩彈牙，鮮香惹味，十分有口感!左口魚、三文魚腩刺身。左口魚配上特製醬汁，非常開胃，三文魚腩刺身啖啖肉。龍神號壽司。有多款刺身配搭海膽小卷而成，一份食到多款刺身食材，好抵食！三文魚牛油果油酢漬。三文魚他他及牛油果粒，配以新鮮嘅貝芽菜、沙律菜、車厘茄，富濃厚酸甜味，非常醒胃，同行友人讚口不絕!蟹子蟹肉薯仔沙律。沙律足料，好多蟹肉、蟹子，口感豐富。溫泉蛋天婦羅。天婦羅炸得外層香脆，內層溫泉蛋流心，再加上天婦羅醬油作點綴，十分特別！和牛炒飯，賣相雖然普通，但入邊係勁多粒和牛，食落去絕對好味!當然唔小得整返杯Highball 及 生啤啦！一流配搭！