影片
更多
2023-08-06
2758 瀏覽
冇啦啦老公話過嚟接我收工，但走咗去泊低架車🤨見面時先話佢想食焱丸，接我收工只係套路🤣餐廳係棉登徑既最盡頭，不用懷疑一直向前走到尾就係。餐廳裝修以木系為主，掛咗好多日式燈籠同poster，好有地道日式居酒屋風味😻今次佢大人發板，我就揀下飲咩。不過居酒屋我都只係飲我最愛既梅酒😛梅酒味道偏甜，但都feel到有啲酒精濃度，適合加冰飲老公揸車就揀咗白桃梳打，夠凍啱曬熱辣辣既天氣飲一嚟整個沙律，不過係薯仔既😳我心諗一嚟就飽肚之後點食呀，本身都係諗住食少少就算點知！好鬼好食呀喂🤣唔會過多沙律醬，薯仔好香糯，加埋滿滿既飛魚仔真係食到停唔到居酒屋就梗係食刺身，刺身五盛有海膽三文魚帆立貝吞拿魚同油甘魚，款款都厚切，一啖落口好滿足🥰老公鍾意食三文魚，叫咗個三文魚拼盤同三文魚富士山🗻🫨三文魚拼盤有5款唔同類型既三文魚壽司，唔同配搭都好好食三文魚富士山下面係包住青瓜絲既小卷，上面好似瀑布咁鋪滿曬三文魚粒同三文魚子，老公話今次真係大滿足啦🤣我最鐘意既甲羅燒終於出場😻超多蟹膏呀！所有磯燒會有職員幫手燒，所以唔識燒既都唔需要擔心，個爐係旁邊，一邊燒一邊聞到勁香呀😚野菜天婦羅有6款，竟然有小青椒😻等我先下手為強食曬佢先
餐廳係棉登徑既最盡頭，不用懷疑一直向前走到尾就係。餐廳裝修以木系為主，掛咗好多日式燈籠同poster，好有地道日式居酒屋風味😻
今次佢大人發板，我就揀下飲咩。不過居酒屋我都只係飲我最愛既梅酒😛梅酒味道偏甜，但都feel到有啲酒精濃度，適合加冰飲
老公揸車就揀咗白桃梳打，夠凍啱曬熱辣辣既天氣飲
一嚟整個沙律，不過係薯仔既😳我心諗一嚟就飽肚之後點食呀，本身都係諗住食少少就算
點知！好鬼好食呀喂🤣
唔會過多沙律醬，薯仔好香糯，加埋滿滿既飛魚仔真係食到停唔到
居酒屋就梗係食刺身，刺身五盛有海膽三文魚帆立貝吞拿魚同油甘魚，款款都厚切，一啖落口好滿足🥰
老公鍾意食三文魚，叫咗個三文魚拼盤同三文魚富士山🗻🫨
三文魚拼盤有5款唔同類型既三文魚壽司，唔同配搭都好好食
三文魚富士山下面係包住青瓜絲既小卷，上面好似瀑布咁鋪滿曬三文魚粒同三文魚子，老公話今次真係大滿足啦🤣
我最鐘意既甲羅燒終於出場😻超多蟹膏呀！
所有磯燒會有職員幫手燒，所以唔識燒既都唔需要擔心，個爐係旁邊，一邊燒一邊聞到勁香呀😚
野菜天婦羅有6款，竟然有小青椒😻等我先下手為強食曬佢先🤣
天婦羅外層脆漿好薄唔油膩，炸得好好食
老公話燒隻甲羅燒唔夠喉，不如燒多兩隻鮑魚🙉
嚟到真係哇咗聲，鮑魚好大隻呀🙉而且非常生猛，職員即刻丟咗佢上去燒，好新鮮🤤
燒好既鮑魚都非常厚肉！而且𠝹開燒更加快熟之餘仲可以balance個熟度，真係燒得剛剛好！一啲都唔韌好軟糯🤭
飯桶表示要食飯……………..之香蔥和牛炒飯🤣
成個飯好香和牛既油脂香味！炒得幾乾身而且份量都好大😳雖然我真係9成飽但都忍唔住食咗兩碗細
男人發板就是玩闊肚窄但食得超～滿足🤣今次又比佢養肥我，下次再嚟到我養肥返佢😛
張貼
