焱丸水產

營業中

休息中

同一班朋友出黎食飯，大家都想食日本燒海鮮，所以我提出呢度。呢間日式餐廳係我係香港數一數二最鍾意嘅餐廳，我黎過呢度食過幾次，水準依然咁好 。呢度嘅裝修好特別好有日本風味，好似日本居酒屋咁，甚有日本風格。食海鮮，最緊要食物新鮮，個生蠔同蝦刺身好新鮮。除咗食物好之外，呢到有專人幫客人燒，所以唔港擔心驚燒唔熟或者熟過龍，又可以專心傾計。甲羅燒好惹味。燒帶子同鮑魚大大粒，軟嫩口感，啖啖肉又甜。個鮑魚燒緊時仲不停郁。龍神壽司，有刺身又有壽司。刺身油脂味令人回味，個海膽小卷都好鮮甜出色。和牛炒飯好大碟，啱哂我哋多人，一大碟竟然分到4至5碗。全部人都食到好飽同開心。