食物選擇多，不同種類乜都有，刺身，到熟食串燒，壽喜燒都有；服務好，職員不停加茶同收碟。 職員推介新菜式「金酒杯」，賣相好靚，有我鍾意食嘅海膽、三文魚籽、拖羅蓉、松葉蟹肉，啱晒我，所以一定要order呢個。非常新鮮美味，用紫菜包著擺入口中使得味道更加豐富，係我嘅favourite。 小食粟米脆餅壽司，和牛三文魚籽 粟米脆餅的脆爽，鮮嫩的和牛和新鮮的三文魚籽，口感豐富。 金丼，月見海膽三文魚籽拖羅蓉，係金酒屋的招牌丼飯之一，超厚的拖羅蓉搭配新鮮的海膽，再加一顆澄黃的生蛋黃與海膽和三文魚籽融為一體，讓人垂涎欲滴。 同餐廳名一樣，所有菜式都「金」字開頭，金龍珠海膽吞拿魚蓉卷，將海膽、吞拿魚為主要餡料製成四個精緻的卷，鹹香的海鮮味在口中綻放令人回味無窮。 熟食叫咗，厚燒鵝肝飯團，鵝肝入口即溶，搭配上香噴噴香脆的飯團，正，好味！！串燒叫咗宮崎和牛串鮮嫩多汁，黑豚五花腩層層油花散發著香氣，自家製雞皮蝦酥脆可口，都十分美味。 最後天氣凍，所以叫咗個壽享燒和牛鍋，超大的鮮嫩和牛，呢餐好滿足。

除咗鮑魚菜式而聞名，原來午市時段阿翁小館提供多款點心，如果唔係老闆請全隊食lunch，我哋都唔知道，點心選擇多，價錢中上，服務又好，大家都食到好飽好滿意。 特別推介： 1. 南翔小籠包，肉質細嫩多汁，一咬就食到美味嘅肉汁，皮薄，肉餡及湯汁均現點現做，鮮美可口； 2. 瑤柱珍珠雞，無諗過咁多料，仲要有好多瑤柱，咸蛋，材料高質豐富，果然係高級食府出品，所以值呢個價； 3. 香煎蘿蔔糕：煎製時香氣四溢，外脆裡軟，蘿蔔本身的甜度恰到好處； 另外： 叉燒滑腸粉，肥瘦適中的五花肉，腸粉Q彈細滑，口感層次分明； 蟹皇燒賣，皮薄餡大； 時菜牛肉球，肉質保持嫩滑； 蜂巢茘芋角，外脆裡嫩，好香口； 蠔皇叉燒包，選用大蠔燴煮成濃鬱蠔油，叉燒以梅頭肉製成，肥瘦適中。

同一班朋友出黎食飯，大家都想食日本燒海鮮，所以我提出呢度。呢間日式餐廳係我係香港數一數二最鍾意嘅餐廳，我黎過呢度食過幾次，水準依然咁好 。呢度嘅裝修好特別好有日本風味，好似日本居酒屋咁，甚有日本風格。 食海鮮，最緊要食物新鮮，個生蠔同蝦刺身好新鮮。 除咗食物好之外，呢到有專人幫客人燒，所以唔港擔心驚燒唔熟或者熟過龍，又可以專心傾計。 甲羅燒好惹味。燒帶子同鮑魚大大粒，軟嫩口感，啖啖肉又甜。個鮑魚燒緊時仲不停郁。 龍神壽司，有刺身又有壽司。刺身油脂味令人回味，個海膽小卷都好鮮甜出色。 和牛炒飯好大碟，啱哂我哋多人，一大碟竟然分到4至5碗。 全部人都食到好飽同開心。

「餃掂」，非常掂👍🏻 好多間分店分佈多區，我都食過好多次，西環呢間方便我。 我呢啲常客，特別鍾意個個狀元九鼎湯，特登散叫一碗，好大碗，我真係自己一個人飲哂，無味精好清甜。 招牌菜「至尊松茸豬肉餃」必點。我揀咗煎餃，煎得個皮好香脆，入面餡料十足，松茸好香，再包一碗細狀元湯，老公飲，點松茸湯餃會包埋湯，抵！！ 另外牛肉湯餃又係每次必叫，配埋湯麵。 之前冇叫過湯麵，冇諗過意外驚喜，個麵又滑又彈牙，唔洗調味都好好味，兩個人share唔夠喉，冇諗過好味到再特登叫多碗浄麵。 另外佢哋自家製嘅飲品，山渣雪梨水，好潤喉解喝。

地點： 非常方便，地鐵站，巴士站上蓋； 服務：員工服務非常好； 食物：多元化多種鎮，fusion，新式有創意得黎大人細路都啱食， very nice choice for family & friends！！ 叫咗： 夏威夷風情薄餅$102，個餅底意外驚喜好脆，好香口，又多料，推介，好味！！ 巴馬臣芝士番茄醬闊條麵$98，都幾大份，又係好足料多肉醬，番茄醬夠惹味，夏天好醒胃； 經典燒烤汁手製和牛煙肉漢堡，轉竹炭包$126，竹炭包幾特別，個和牛煙漢堡夠大舊。

之前同朋友行V-walk食過呢間餐廳，覺得價錢好抵食，所以今次路過呢區，再黎幫襯。 抵食在你叫一個主食，可以加少少錢要埋一個小食（唔洗正價叫一大碟太多），再加少少錢又有埋飲品，所以好化算。 叫咗 主食：豬扒撈金邊粉，香葉肉碎煎蛋飯；豬扒撈金邊粉意外驚喜，個麵辣得黎好惹味開胃，豬扒夠香口；香葉肉碎煎蛋飯如果可以乾身d更加好； 配小食：蝦餅，春卷（加配小份，兩個人啱啱好，又可以試多樣）；所以加多蒜蓉飽； 飲品：泰妹蘭香籽飲品，荔枝味同芒果味，幾好飲，唔會太甜，有個d 蘭香籽粒粒好特別，推介！！ 甜品：芒果糯米飯。 另外，餐廳服務好好。 食咁多種類，份量又啱啱好，都只係$250兩個人，因為有埋九拆 = 唔洗加一，抵食！！

係TKO新都城探完朋友，又想打邊爐，所以search下Openrice，之前係荃灣食過一次「牛摩」，覺得性價比高，價錢合理，肉質OK，見到呢度有，又有得免費拍車，所以一於再encore。 「牛摩」個賣點，一人一鍋，自己可以去揀自己想要嘅湯底，唔洗就其他人，covid之下又衞生，唔洗share，揀咗豬骨湯同蟲草花雞白湯。 我哋都食返「美國牛小排」，覺得質素好好！！上菜上得快，唔會要你狂等。 前面櫃枱有好多蔬菜/瓜類。 甜品有我哋好鍾意食嘅紅豆餅，又有乳酪，意外驚喜有提子沙冰，好飲，正！！ 另外要讃6月2號晚市帶位染咗頭髮好長頭髮扎起嘅職員/經理，服務好好。 成個晚餐非常滿意，會再encore！！

寶石戲院呢個area好多餐廳選擇，但「你妳」係我成日黎叫外賣，食過幾次。 因為覺得餐牌食物好多種類，價錢又好抵食，好好味。 魯肉飯有埋蛋，唔洗特登加錢嗌，仲有佢碗飯好多魯肉，唔會好似其他地方唔夠送飯。d魯肉好入味，好味，推介!! 我們全家嘅至愛，花枝丸 & 鹽酥雞好香口，每次必食！！ 今次另外叫咗我一直想試嘅「白兔糖鮮奶麻薯系列」，好鍾意個包裝，超級吸睛，相機食先！！ 佢哋d吐司每一個份量又係大大份，大件夾抵食！！

主菜前，食個煎鍋貼先，裏面的鮮肉調味不錯，口感亦夠嫩滑，至於塊皮方面，算係薄至中等嘅厚度，唔錯唔錯。而且十分之足料，成隻餃脹卜卜咁，好抵食呀！ 紅燒獅子頭因為肉丸形似獅子頭而得名。呢道菜需要細火慢燉嘅料理，由細食到大，對呢個菜式有情義結。 呢間餐廳嘅紅燒獅子頭仲有特別之處，入面用咗咸蛋，令個味道更加惹味！！ 食到肉嘅鮮甜，個獅子頭好正宗。 我地仲叫咗個菜飯，個飯啖啖菜。 圓圓嘅肉丸子同汁餸飯一齊食，一流！！！

週末同摯愛撐枱腳， 老公鐘意飲酒， 而我就鐘意食西餐同聽Live Band， 所以選擇黎彌敦佐岸輕鬆下。 幸好預先訂座， 可以近距離現場欣賞動聽的音樂!! 酒方面首先揀選左兩杯酒名相反意思既酒品嚐下： Fall in Love 係Whiskey Cross over Coffee再加Pop Corn Syrup，苦中帶甜既味道。 Broke up Vodka配搭Lime&Lemon，岩晒夏天飲，清新開胃。 美食方面 點選了西餐最愛之一威靈頓美國特級牛柳(USDA Prime Beef Wellington)，酥皮香脆與肉質鮮嫩的牛柳是絕配，配菜的菠菜相當鮮甜，呢款菜式不是容易烹調洽當的美食。 另一款原本想點選的慢煮乳豬，今次未能享用， 那麼試下相類近的豬手(German Pork Knuckle)， 外脆內軟，不會太油。 再點較飽肚的上湯龍躉魚柳意大利飯(Poached Giant Grouper Fillet Risotto)，上湯汁是以乾蕃茄較開胃，配菜有翠肉瓜，cross over日式的玉子豆腐，這款較為健康之選。 享用完美味的晚餐， 老公一邊飲Double Macallan 18 Yrs，而我就飲解渴消暑的King of Grapes，一邊聽Live Band，最後一首唱貓王Elvis Presley既Can’t Help Falling in Love作完美演繹。 呢度會定期更改餐單的佳餚同美酒，下次再黎品嚐其他美酒佳餚