烏蠅館 (已搬遷) 新店位置

上次黎食過烤魚，見到原來呢度日頭係食冒菜，就已經心思思想食下，今日咁啱黎尖沙咀做嘢，就上黎看個究竟。呢度午市非常受歡迎，1點開始已經全場滿咁濟。冒菜原來同車仔麵、麻辣燙模式相似，都係叫啲送然後就點個麵，可以揀湯。呢度單人可以揀8款（$58），無限制菜定係肉，麵另外加$5。飲品跟餐加錢，我就揀左熱蜂蜜桂花，加$10。桂花份量唔少架。蜂蜜味道自然甜。因為全部即叫即做，而且午市人好多，都需要等10分鐘左右。呢度環境舒服，燈光都好適合影相。黎到之後發覺都幾大碗，揀左8款料，顯得個碗好滿。個茄湯唔係港式茶記果啲咁甜，而係新鮮蕃茄打成蓉，非常天然，味道唔會好濃味。芝士丸好流心超邪惡！油麥菜、雞髀菇都好吸湯好正。牛筋夠軟，雞肉份量都幾多。蟲草花都好大扎！個麵係火鍋麵，好滑，咬落爽口，份量都唔少架，我就飽到食唔曬！呢度咁抵食唔怪得知咁多人。侍應都好年輕，好有活力。

不嬲對四川嘢食都好有好感，但同行之中有位女士唔食得辣，可惜可惜。不過呢間 "烏蠅館" 真係好食，平時都聽人講話食烤魚要去呢間，結果真係冇失望。總括嚟講:食物  服務  清潔  位置  價錢 冇得輸 睇下啲菜單先 ~款式選擇多，引用佢一句 "秘制香料炒制，醃製烘烤慢炖。口味奇絕，香氣撲鼻"，果然整得非常美味，連餐牌設計都幾好，引人唾液。 一開始先黎條 "三刀魚" ，選擇左蒜香烤味道，蒜香出色，齒硤留香，美味絕頂。蒜泥好濃，鐘意多蒜嘅朋友一定唔可以錯過。食完條魚值我讃嘅係，侍應服務好，食完條魚，即刻好貼心比杯清水大家 "浪浪" 口，佢話飲杯水再食，咁就唔洗比岩岩嘅蒜泥掩蓋左之後嘅美食。 香煎午餐肉，個人認為應該就咁食，唔好打邊爐，否則會 "淋" 左。西洋菜餃必食，新鮮自製，真才實料。美味鵝腸，四川空運過黎，肥膏香氣真係唔同，好好食! 食咁多肉，食返d 菜，呢個萵筍唔係度度有得食，好清新香脆。其他野食都好新鮮好食，所以食烤魚係一定要黎呢間 "烏蠅館"

最近心思思想食烤魚，朋友就帶咗我去尖沙咀嘅烏蠅館，真係冇介紹錯。三刀魚 $288口味：招牌香辣烤魚 （中辣）（每份贈送三個時令素菜）有三種魚選擇，龍躉魚鮮味，三刀魚厚肉，多寶魚較細條但多汁。最終我哋選擇咗三刀魚，魚肉好滑，魚骨都唔多，好食。自家韮菜餃子 $68由於個鍋較淺身，所以餃子都預先煮熟，放落個鍋淥一淥就食得。粟米 $28蔬菜雙拼（任選）$38娃娃菜、油麥菜菇類雙拼（任選）$38鮮冬菇、雞髀菇健康芋絲 $30四川寬粉 $28我哋幾個都好鍾意食薯粉，呢度嘅薯粉比較粗身，特別煙韌，正！四川土豆粉 $28土豆粉個樣似烏冬，但質感比較腍，有興趣都可以一試。Asahi $26食烤魚飲啤酒，爽呀！整體來講都好滿意，位置方便，性價比高，食物有質素，想食烤魚唔一定要返大陸啦！

好久沒有吃烤魚，口癮起便找到這間。餐廳裝修新中式，好多陶瓷碗碟，座位寛敞舒適。.我們點了三刀魚🐟，招牌香辣口味（小辣），每份都會贈送三個時令素菜。因為主要想食魚，另外就只點了豆腐和白飯，兩個女仔非常夠食。.烤魚上枱後要再等滾一會，魚肉才更入味。招牌香辣原來是蒜辣，香得來不會太辣，味道濃郁十分過癮，啱晒我呢啲蒜味怪。魚肉方面個人略嫌不夠滑，但就十分實淨，新鮮有魚味，完全不腥，不算多骨。醬汁越煮越惹味，用來撈白飯🍚一流👍🏻。值得一提的是白飯是珍珠米✨.當天贈送的素菜有蘿蔔、萵筍、木耳。前兩者不用說了，木耳就有驚喜，爽口得來十分入味，贊。另外點的豆腐頗多，需要花時間去入味，建議一早落。.雖然加了湯變淡，但我厚着臉皮問，竟然可以加蒜辣汁❣️❣️服務員真心服務態度超好，我和朋友一開始猶豫點什麼配菜，會非常真誠推介自己的最愛，十分可愛，哈哈🙈。.值得注意⚠️是不要穿太吸味的衫前往，畢竟是烤魚😆

招牌香辣三刀魚($288)，魚肉豐厚嫩滑，烤魚配備3個素菜，每日唔同，當日係雞脾菇、蘿白、雲耳，浸住惹味既湯底好入味。花雕雞($78)，上菜既生雞肉用花雕酒浸住，聞到陣陣酒香，放落湯到滾熟，同時也可以令湯底精華提升，雞肉好滑溜。日本黑豚肉($88)，共有10片，除返開每一片都唔算平，肉和脂肪比例目測7比3，咬落食到豬肉同埋脂肪既香味，兩者味道都唔會蓋過對方，可能哩個就係矜貴之處。鮮淮山片($38)，賣相有d似蘿白，當然這個不是蘿白，是淮山，口感比蘿白腍一d。鮮脆響鈴(48)，共有8條，都幾新鮮，輕輕滾一下，就食到外腍內脆口感。

家人很喜歡吃魚，通常是在酒樓吃蒸魚小菜比較悶，想來點新意思，所以挑選了在尖沙咀的烏蠅館，是專門吃烤魚的餐廳。環境很舒適，擺設用心，現場還有一大班朋友慶祝，氣氛很好～是個好地方開始點餐了，因為烤魚需時，店員會建議我們選擇了魚的種類，分別有$228 多寶魚 比較多細骨，$288 三刀魚 魚肉會較多、骨會少點，及$338 龍躉魚 。最終決定了三刀魚是優惠美味之選呢～而烤魚味道也很多選擇，家人喜歡吃辣，但我不能吃太辣，所以選擇了有小辣的麻辣烤魚，店員說如果能吃辣的話，泡椒烤魚會更美味！麻辣烤魚出場了，很香的麻辣味撲鼻而來，而且有三款時令素菜，這次有萵苣筍、雲耳和白蘿蔔片，店員說烤魚待1-2分鐘就能吃了，而素菜就要耐點，讓它們吸汁後美味可口，雖然只是2分鐘的等待，但望著烤魚已經超級餓了，第一口吃下去很新鮮的魚鮮味～連不太愛吃魚的我，也突然之間愛上了，麻辣味道恰到好處(´∇｀)加上魚香味～非常夾呢 又不會很辣～ 素菜也十分美味，最喜歡白蘿蔔片，甜甜又帶點麻辣，味覺的新體驗。吃完烤魚就可以打邊爐了，我們點了自家製的餃子，想試多點款式就叫了自選雙拼，西洋菜餃子和韮菜餃子，第一次吃西洋菜餃子，味道超級棒

#烏蠅館 (尖沙咀)四川菜，夜晚嘅時候就會係主要食烤魚。當然如果要食粉麵都有。我地主要黎想食烤魚。烤魚即叫即整，大概都要等成20分鐘。上枱嘅時候，😚魚已經熟透。可以再煮一陣等佢入味啲。我哋揀咗$288三刀魚，因為比多寶魚多肉食啲。魚比較細條，魚身大約手板🖐️咁上下大細，但勝在無咩骨。肉質實淨帶小小甜味，有啲似大眼雞。招牌香辣味個烤汁個味道調得好惹味，🙂好多蒜茸、芝麻同香蔥係面上。整個鐵板都充滿紅油油，辣勁十足。隨魚會附送3個時令配菜，👌🏻今日係蘿蔔萵筍同木耳。👻全部都係吸汁既菜，好惹味。因為太多紅油嘅關係，食食吓都會覺得好油膩，👀呢個時間就最啱加湯，煮埋其他配料。我哋怕唔飽叫咗土豆粉，🤗粉嘅份量都幾多，煮完之後會變少少透明，🤭口感好特別，煙煙韌韌但又無薯粉咁韌，🤩帶小小軟綿綿嘅質感。我幾鍾意食。另外仲叫咗西洋菜餃拼芫荽餃。本身已經煮好左，🤣佢話如果唔係嘅話個爐就要煮好耐，咁我哋放入去沾返啲辣汁就食得。飲品方便佢有日本生啤。我就揀咗新會小青柑普洱，原來係陳皮。普洱味好淡，比較似飲緊陳皮茶。

這個冬天不太冷, 是有種可惜, 特別是吃烤魚又打邊爐! 這幾天難得凍番d, 拿拿淋同fd 食多次! 今次去左烏蠅館, 入到去很光猛, 店員有heart 地講解是日的魚款。最後我們點了三刀魚, 要香辣湯底(小辣)! 要讚既唔止魚質嫩滑, 啖啖鬆香, 連其湯的香料都好味到停不了口! 讓這魚的靈魂有所提升的不只有辣椒, 而是其香蒜, 超級新鮮, 配飯吃一流! 它送蒿荀, 白蘿蔔及黑木耳, d 蘿蔔浸哂湯, 好高質! 另外我們點了響鈴, 自家製雲吞同油麥菜! 菜好新鮮, 雲吞皮薄餡靚, 鮮蝦大大粒! 響鈴則畸為未夠脆。整體都良好, 值得去試! 記得記得要食魚叫飯, 好爽! 唔想食太飽既, 可點它的麵食😊

烤魚喺香港都盛行咗一段時間，今日終於第一次 喺香港食到呢個傳說中嘅烤魚。作為一個我先與愛好者，無論係蒸魚，炸魚定烤魚，都非常捧場。喺內地烤魚到處有喺香港要搵到好食嘅都係跟朋友介紹，嚟咗尖沙咀亞士厘道呢間小店。 面積細細但裝修有一種中國宮廷嘅味道，大部分都係木質嘅材料裝修，富有一點書香味。一坐低店員就立即為我哋介紹佢哋嘅食物同埋烤魚類型，聽到三種魚入面三刀魚係最多肉同最少骨，我哋二話不說就點樣呢一款，因為其中一位朋友喉嚨不適，我哋亦都唔想食太辣，就點咗蒜香味道。店員話蒜香雖然唔辣，但係因為蒜蓉比較多，所以比較油膩，推介如果食得辣嘅朋友嚟試，就選擇返辣味，都有唔同程度嘅辣可以畀大家選擇。烤魚大約十到十五分鐘就嚟到店員叫我哋先食烤魚，差唔多食到一半嘅時候佢就會加水畀我哋去打邊爐。魚肉非常嫩滑冇泥味，蒜蓉唔會遮蓋到魚肉嘅鮮味，而且感覺上冇想像中咁油，唔會好多碎骨，對於怕食骨嘅朋友，呢條魚可以接受。是日所送嘅配菜係萵筍，蘿蔔同雲耳，配料吸收曬魚湯嘅精華，令原來平淡味道嘅食材變得香口濃郁😀火鍋配料，點左金菇菜，鮮淮山片，貢丸，娃娃菜，黑豚肉，脆脆午餐肉，土豆粉等等。當中最喜歡一定係金菇同土豆粉，兩

一行四人到尖沙咀烏蠅館食烤魚，唔洗山長水遠返大陸食喇🤗 一坐低店員就走過嚟介紹佢哋嘅菜式， 服務好好。由於朋友唔食得辣，所以叫咗蒜蓉烤魚，而魚呢我哋就揀咗多肉又少骨嘅三刀魚。條魚一黎到未放上個爐上面時已經好香，超勁蒜蓉味，店員仲教我地食咗啲魚先，食到咁上下就可以叫佢地加湯打邊爐，咁就食到濃郁嘅蒜蓉烤魚，又可以用啲精華黎打邊爐喇。魚肉同蒜蓉非常夾，而且魚肉都算多，又滑，好食，是日嘅配菜，有羅白，雲耳同埋萵荀，啲菜索哂啲精華，真係好食到不得了。食到咁上下我地就叫店員幫我地加湯，我地叫左最索味嘅豆卜，四川寬粉，同埋食唔夠喉要叫一份嘅娃娃菜呢幾樣野真係食烤魚必定要叫嘅野食。仲有唔係周圍都食到嘅黃喉，店員仲教我地烚十幾秒就食得，連唔食內臟嘅朋友都覺得好食，好爽口。另外仲叫咗午餐肉烏蠅館好有誠意，午餐肉係煎到好靚先上，唔係就咁切完就比你。我哋仲叫再個豬肉片，掛住食唔記得影相😂野飲方面我就叫咗洛神花蜜唔會太甜好清新，本身我哋仲想食埋冰粉，聽朋友講呢度個冰粉超好食，可惜當日無貨， 唯有下次再嚟食啦。 整體嚟講非常好食，值得一去！

【冒菜】兩個字雖然唔明白當中意思，但最重要係食到好食既烤魚，一到步就見到門口寫住店鋪既口號，店內擺滿好多陶瓷器皿，帶點藝術感三刀魚$288，揀左招牌香辣烤魚，店員話湯有滾起時就食得，夠熱夠辣味道好濃郁，魚肉亦都好滑，不過食得慢的話湯會蒸發，每加一次湯味道就會淡左一d土豆粉$28，賣相同烏冬相似度十足，初初以為比錯食物，問店員佢話哩個的確係土豆粉，至於口感就好似食薯粉質感萵筍$28，顏色非常翠綠新鮮，食落爽滑，共有10片，平均每片$2.8，都算抵食，少有地方可以有萵筍鮮蝦滑$88，口感彈牙，食得出唔似來貨食物，應該係自己手打，加上蔥花更香響鈴$48，食完烤魚就會加湯轉打邊爐，點少得響鈴黑豚肉$88，切既厚度係一口一片，岩岩好，肉質好軟淋淋

今日有d涷，所以專登同朋友黎左尖沙咀食想食好耐既烤魚。烤魚我地叫左龍躉，魚比較滑，多肉同無咁多骨。我地唔算好食得辣，但又鐘意辣味感覺，呢間餐廳有好多種唔同辣度比你揀，我地叫左招牌香辣，個味完全接受到，一個字-正！佢係有d烤魚加打邊爐咁既配搭 選擇都好多 菜單有肥牛類 麵食都有多種選擇 本身烤魚亦有香油令到配菜更香更吸味 食完條魚就可以點配菜配汁咁食 我地叫左炸午餐肉 鴨血 蛋 寛粉 豆卜 等等 個炸午餐肉好好味 😋 點下小小辣汁食更好食。鴨血亦唔腥，配汁一流！同時，佢地都有多款飲品選擇，我地揀左無糖既茉莉花茶加奶蓋 奶蓋好香滑奶味濃，茶味感覺清新。同行朋友點左蜂蜜茶，佢話都好好飲，好滋潤。而餐廳個環境都好闊落，坐得幾舒服，覺得幾岩朋友聚會傾下計，員工又好友善同幫得手。下次會再帶屋企人黎食烤魚😍

想食好味既烤魚唔駛專登上深圳食探魚啦, 係尖沙咀有間冒菜的餐廳, 主打食烤魚, 食完仲可以再打邊爐.烤魚主要有三款可選擇, 分別有多寶魚($228), 三刀魚($288)及龍躉魚($338), 可選擇辣或不辣. 這次點了蒜香三刀魚, 超多蒜超惹味, 而且魚肉滑, 最重要係幾乎冇骨咁, 超易食. 絕對值得一試. 另外亦點了火鍋配料, 試了自家韮菜餃子 ($68 / 8隻), 很香很足料的韮菜😎 ❤店舖 : 💙地址 : 尖沙咀亞士厘道34號天星大厦一樓B

烏蠅館 (尖沙咀)尖沙咀亞士厘道38號天星大廈1樓B舖-❤️尖沙咀惹味烤魚新發現👀！🔸招牌香辣口味三刀魚先點選好要邊款魚先，今次試咗麻辣味三刀魚，店員推介係最厚肉同唔多骨！老少咸宜嘅選擇，啱曬鍾愛啖啖肉嘅朋友。魚肉尙算嫩，新鮮不腥。烤魚肉越煮越吸收啲麻辣湯汁，好惹味。每份烤魚會贈送三款時令蔬菜，今次試咗木耳，蘿蔔片同萵筍。整體口感爽口，又吸收晒啲惹味湯汁，正！唯獨略嫌魚嘅份量偏細條，3至4人share未必夠食。🔸另點烤魚配料額外點了不同款式嘅烤魚配料一起食。分別有雪花肥牛、鴨血、午餐肉、寬粉、墨魚及蝦滑、魚腐。啲配料中規中矩啦，值得一讚係雪花肥牛，肥瘦均勻，牛味香濃。連肉惹味烤魚一起食，好滿足啊！寬粉同魚腐都吸引曬湯汁精華，好索味，係必點之選呀！

呢間鋪係樓上鋪，其實都好易去，就係旺記冰室對面棟大廈樓上一樓，因為冇招牌擺出黎，就隱閉左少少，但呢間係隱世美食，佢係類似大陸超人氣探魚烤魚的香港版本，味道好川式，價錢都相宜，係好值得去的一間鋪。在大陸好少烤魚店會用多寶魚，可能因為比較扁平，肉不算多，但勝在肉質滑嫩可口，用來烤都好入味。跟魚會配送三個菜，當天我們有木耳、菇同薯仔片，都係烤魚常點的配菜，沾著湯底吃份外惹味。我地最近不嗜辣，就小小地點了個小小小辣，師傅很好，真的調得香而不辣，點點麻，卻沒有後勁，可以放肆大吃的辣度。爐是用石油氣的而非常見的炭火爐，火力較大，燒得快，很快就可以吃，但可能沒有用炭火燉的那麼入味。盤比較淺，放下墨魚丸，有3分1是外露出來的，這點比較奇怪，為什麼要用這麼淺的盤。不過火力比較猛，也沒有弄不熟的問題存在啦。我們另外點了魚皮餃、墨魚丸及土豆粉。魚皮餃、墨魚丸魚皮餃皮比較厚，入面豬肉，不過不失。墨魚丸解滑彈牙，入面真係有一舊舊墨魚，真材實料。土豆粉甫上菜我還以為是當當牌烏冬，因為佢既樣子有點似，但煮5-10分鐘後就會開始漸轉透明，非常彈牙。檸檬蝶豆花，其實蝶豆花沒什麼味道，我就是沖著它的夢幻顏色而點的，整杯飲