烏蠅館 (已搬遷) 新店位置

早排4個人去食烤魚叫左招牌香辣烤魚 三刀魚 ($288)有3種魚揀 我地就揀左最厚肉既三刀魚 🤤每份烤魚會送3款時令菜 今次有蘿白金菇雲耳等大約20分鐘 條魚就黎到 我地就聽店員講煮1分鐘就可以食😆呢度比較特別既係 一開始佢會比好少湯 店員同我地講 少湯係唔想條魚煮到老晒 會等食晒啲魚肉先再加湯打邊爐👍🏻👍🏻 呢種食法比較少見 睇得到出店主對食客都好甜心♥️ 果然咁樣條魚真係好滑嫩🥰 而且條魚幾厚肉 肉質鮮甜 唔多骨😋我地叫左小辣 一黎到就好香 食落唔算辣 仲有陣陣蒜蓉香😋 唔會搶左魚既鮮味👍🏻另外仲叫左啲配菜打邊爐雪花肥牛 ($128) 肥瘦均勻 唔會鞋口餃子可以自由雙拼 揀左西洋菜同韮菜($72) 店舖會先煮熟左啲餃 等我地淥一淥記可以食☺️ 幾好食 有陣陣蝦米香丸類方面都可以自行雙拼 牛丸同墨汁墨魚丸 ($58) 墨汁墨丸幾特別 鴨血($78) 又係配埋辣一流👍🏻另外唔少得好易入味既配菜 萵荀 蓮藕薯仔 完美吸晒d香辣味 正啊♥️店入面有提供生啤 配火鍋一流🥰食到後期仲叫左杯茉莉花茶 唔係甜個種 可以幫助解油膩感☺️———Overall 食物質素幾好 食材新鮮😋不過我太中意食魚 4個人

最近無得北上食至愛烤魚..唯有搵下香港邊度有得食。尋晚約左好耐無見既朋友去尖沙咀食烏蠅館，貪佢個名夠得意同有烤魚食一入門口見到原來係專食冒茶既，雖然店面唔太大，但都坐得舒服。首先我地點左條魚先，配料夠多，唔會有魚腥味真係好緊要。而且魚肉夠滑，唔會hi拾拾配菜大推呢個自家制韮菜餃子!餃子入面好足料，而且好juicy另外仲點左娃娃菜同烏冬，2個人食已經夠飽~飲品方面，推介這個檸檬蝶豆花，味道唔太濃又有清新既味道，讚!

以前成日上深圳食酸菜魚自從社會事件同肺炎都無得去😖真係好掛住烤魚同酸菜魚😍我同朋友黎呢到食解相思之苦🤣一入到去店員好好為我地介紹每款魚的特色，最後我地點左條龍躉，比較鮮甜。👍🏿👍🏿我地揀左蒜香，一黎到條魚傳來陣陣蒜香味，魚比我地想像中細條，不過兩個人食都ok!魚好入味，有濃烈的蒜味，魚經過烤，鮮味更突出，好快我地就ko左條魚，繼續食配菜，有金菇雲耳蘿蔔，配菜份量都幾多！我地再叫左少量打邊爐材料同野飲😛個湯會變得油，記得食「大餐」打抵😛

好耐冇食過烤魚啦🤤今次去左尖沙咀呢間主打冒菜嘅餐廳食😋香港都比較少冒菜嘅餐廳所以就去試下😋餐廳除左烤魚之外仲會提供麵食😉🍴招牌香辣烤三刀魚($288)烤魚口味都幾多總共有六款~今次就試左招牌香辣(小辣🌶)😋辣味香濃唔算好辣表面佈滿辣椒芝麻等調味~魚方面就可以揀龍躉、三刀魚同多寶魚~我地揀左三刀魚肉質冇咁實但又比多寶魚多肉🤤👍🏻餐廳嘅煮法同出面有啲唔同~烤魚會即叫即煮所以大概要等20分鐘~上枱嘅時候條魚已經係焗熟左大概煮一分鐘等佢索曬啲汁就先食魚再加湯打邊爐🍲食法就好似雞煲咁幾特別第一次試呢種食法👍🏻每份烤魚本身會送三款配料~今日送嘅係白蘿蔔、雲耳同金菇😋另外仲可以自己再加配料😋我地就叫左鴨血、雪花肥牛、餃子雙拼(韭菜&西洋菜)、丸雙拼(牛丸&墨汁墨魚丸)等等~肥牛份量都幾多因為一卷都幾厚肉~👍🏻餃子入面落左好多蝦米？所以好重蝦米味🤣丸類我就比較鍾意牛丸~可能我食唔慣墨汁嘅味~🙊最後個茉莉花茶都好清香~可以解解滯👍🏻整體黎講幾滿意餐廳嘅食物~質素都幾好食材夠新鮮~湯底亦好濃郁食材索曬啲湯好好食😋👍🏻餐廳叫烏蠅館個名幾搞笑~但係餐廳嘅環境衛生幾好🤣大家放心🤣

烏蠅館？一開始聽個名真係笑左出黎，見識少，原來在四川，食物頂級既餐廳先被稱為烏蠅館！朋友話食烤魚呢間係首選，我今日就同佢黎試下。呢度介紹自己係冒菜，上網得知冒菜其實都係四川菜之一，但較少油冇咁麻，食起上黎會冇咁膩，岩哂d腸胃唔太好既人，但當然都要小心，始終麻辣野比較肥膩。叫左一個招牌烤三刀魚，選了三個配菜－萵筍、薯仔，木耳店員話叫左要等一段時間，要先將魚整熟先會上碟，務求可以一滾即食。一上菜，真係好香，唔係辣既攻鼻，而係一陣陣麻香和蒜蓉香。魚果然好快食得，好滑好鮮，d汁真係唔太油，用黎送飯食一流！好想叫多d不同既配菜，但加落烤魚到太貴了哈哈，我地另外叫左一個麻辣燙，58hkd有8款！真係可以大吃特吃，好好食！

同事介紹，一個星期食兩次。 價錢公道。 叫左6 個餸加土豆粉， 四川酸辣， 都係$50, 由於肺炎肆虐既關係都係叫左外賣， 加左$1 外賣盒。意想不到咁好味，酸辣比麻辣少辣仲要再辣d, d 餸係打孖黎， 好滿足。 絕對會encall!

家陣來到亞士厘道的『烏蠅館』，一係為冒菜，一係為烤魚，火鍋暫時冇做啦，但今次來到發覺原來仲有茶飲喎，下次再來過，同港式飲茶一樣嗎?或者係喺四川睇變臉嗰隻飲茶呢今晚主要係為烤魚而來，講真，之前想食烤魚就會去深圳，宜家就留喺香港消費啦。是晚有三隻魚提供，可能長期都係。佢哋係多寶魚，三刀魚，龍躉魚，有多種材料烤制方法，但呢晚就冇咗豆豉烤魚同鮮椒烤魚，不過都唔緊要，本來唔多吃得辣，呢排更加唔好吃吖，費时到時又眼水，又鼻水嚇親D人就唔好喇。由於店員話烤制需時，大約20分鐘，咁平時最後吃的冰粉就提前上枱，正，用透明杯装满了冰粉，燈光下晶瑩透明好似冰雕，好睇又好飲又可打發等待的時間。揀咗厚肉的三刀魚，而烤制方法係蒜香，上枱時飄來陣陣蒜香，魚又大大隻，多多的蒜香鋪係面吸引了我哋嘅同時也吸引了隔離枱的女士，佢都借咗影相，話下次搵朋友共享，因一個人食就太飽了。免費配菜係蘿蔔，淮山同木耳，我哋再點咗豆腐及煙韌、Q彈嘅四川寬粉，咁就已經係完满的一餐。吃完離開，回頭望，那是溫暖的光，溫暖的店，店員哥哥態度好好，好抵讚

今晚突然好想食辣 友人提議到尖沙咀食烤魚 之前已經試過佢地麻辣粉麵 烤魚一直都想試 今次真係無令我地失望😋口味選擇都有好多 招牌香辣 泡椒 麻辣 豆豉 等等 辣度亦可以自行選擇 🐟龍躉，三刀，多寶 我地最後選擇左香辣三刀魚配料我地叫左*四川土豆粉、豆卜、油麥菜、自家製西洋菜餃 ，全部份量都好多😅（*推介）烤魚上台，店員會詳細介紹食用方法 建議我們先食晒啲魚 再加湯打邊爐 ，魚啖啖肉 鮮甜 吾多骨 小辣岩晒我地2個 連埋蒜一齊食好野味👍🏻 食完烤魚可以飲杯桂花蜂蜜 好清新🍹

呢間嘢叫做"烏蠅館"，喺四川，食物需做到頂級，先會被人尊稱作烏蠅館。當然啦，任何食品嚟到香港都無乜可能去到頂級，不過都係絕對值得一試嘅小店。今日lunch去咗食冒菜，好正啊!啱晒我哋呢啲鐘意食麻但係又食唔到辣嘅人。不過佢個小辣對於我嚟講係完全唔辣，所以心思思下次好想試大辣😆

好耐無食過烤魚啦！香港有得食烤魚的地方不算多。朋友就介紹了尖沙咀的這家出名烤魚。-蒜香烤三刀魚 配三份時令素菜 $288爆香過的香蒜加上醬汁 好香！三刀魚魚質厚實而滑嫩 魚鮮味重 魚骨唔多，一條魚可以兩位分享。素菜三款有海白菜、雲耳、雞脾菇三款都好入味。其中海白菜口感微爽 掛汁。-四川土豆粉 $28樣子好似烏冬，但久煮不爛。口感非常煙韌，沾湯後更好味。-土豆片 $28可以依賴你喜好煮得淋或爽身。我比較喜歡淋身就會煮耐點。

天氣突然凍咗好多，所以決定同屋企人晚餐去食暖笠笠嘅烤魚。朋友食過話尖沙咀嘅烏蠅館唔錯, 介紹我哋 。六點去到餐廳，人不算多，環境幾靚，有啲中國風，牆壁有好多迷你茶壺，好似藝術品。我哋點咗一條三刀魚，因為鍾意呢款魚夠厚身，啖啖肉。我哋揀咗唔辣嘅蒜香味道，魚肉嫩滑，吸收咗蒜香味，真係好惹味。食完魚就可以加湯打邊爐，配料我哋叫咗雪花肥牛，蝦滑拼墨魚滑，粟米餃同稻庭烏冬。肥牛都幾大碟，份量多，牛肉味濃郁。店員好有禮貌，會介紹唔同食物同埋食法。

好耐冇食過烤魚，突然間好想食又唔敢返深圳，所以近近哋去咗尖沙咀嘅烏蠅館。呢度嘅烤魚有三款選擇，有多寶魚，三刀魚同龍躉。店員介紹多寶滑嫩，三刀厚肉，龍躉鮮甜，最終揀咗中價嘅三刀魚，貪佢夠啖啖肉。而每款魚都會送三個素菜，今日是海白菜，芋絲同埋木耳。餐廳環境幾舒適，裝修有心思，尤其喺茶壺牆。 烤魚選了蒜香味唔辣，魚肉滑嫩，食完就打邊爐。必點牛肉，又試咗粟米餃，雙拼鮮滑同稻庭烏冬。呢度嘅drink list款式好豐富，連台式飲品都有。叫咗黑糖桃膠鮮奶，桃膠口感似啫喱，更有滋補養顏功效，幾特別。另外呢度有好多唔同嘅茶飲，真係用茶葉沖出嚟㗎，無加糖。試下玫瑰普洱，普洱香濃，有淡淡玫瑰味，可以消解烤魚嘅油膩。

點解見人見致呢咁岩係尼個武肺炎時間幫襯佢...好難一次定佢江山既情人節2人叫左香辣龍躉.佢話會叫做送配菜（旦出面食烤魚好多都會有料放底）🤔條龍躉細條到.有點那個👉🏻👈🏻（早一日訂左都咁）食食下叫.鯇魚腩.鱔片...佢話今日冇貨所以想叫肥牛都卻步左.後尾見隔離位叫左牛.個賣相就一般叫左杯蝶豆花檸檬...結果除左色水唔同.就只係一杯凍檸水☹️唉唉唉鴨紅...好食既...旦點解要切到咁薄片☹️西洋菜水餃韮菜餃唔明點解會煮左先比我地.原因係怕個魚盤淺煮唔熟☹️可以叫攪笑都可叫細心.觀點與角度🙌🏼唯一可讚讚.服務態度.好.其中一個女服務員.好好心機...其他都態度好希望日後有所改善🤔

真係勁耐冇食烤魚啦！今日同老公係尖咀搵到呢間烤魚，門口寫住「我們擅長用味道表達」，令人滿心期待！我地先點左一個多寶烤魚，要等15分鐘左右，嗅到隔離枱既烤魚味道，令人食慾大增!終於上魚啦，肉質好嫩滑，又夠入味，2個人食份量剛剛好！而烤魚包有3種配菜，侍應好窩心，叫我地食完魚先食配菜，個時就剛剛熟，配菜又香又夠味，正！我地仲加左肥牛、丸等等，而我覺得個土豆粉好好食，唔似平時個隻透明薯粉，望落去似烏冬，但俾烏冬彈牙，值得再食！老公就叫左個啤酒，佢話幾抵！

烏蠅館嘅午餐就食得多喇，今日終於約到同事同我黎食烤魚。烏蠅館位於尖沙咀，交通方便，主打冒菜，係四川成都嘅特色菜，同麻辣燙相近，但無咁油。餐牌上有三款魚比你揀：龍躉、三刀魚、多寶魚，侍應哥哥介紹返，三款魚既重量差不多，多寶魚相對比較多骨，而招牌香辣烤魚配三刀魚係最多人揀既，第一次食無乜所謂，就試下呢個配搭。大約等10-15分鐘左右，魚就烤好出場，侍應哥哥話等滾左1分鐘條魚就可以食，但係配菜就要耐啲啲，因為個烤盤比較淺，可以食完魚之後再加湯打邊爐。我哋叫咗招牌香辣小辣，都好夠辣，辣而不麻，配埋蒜蓉真係好惹味😋配菜：🥢豆卜：索埋d汁一流呀🥢自家製西洋菜餃：已經幫我地煮熟左，滾1分鐘就可以食，西洋菜豬肉餃漲卜卜，細細隻好新鮮🥢油麥菜：我哋諗住叫個菜平衡下，個菜索左啲汁都幾辣🥢土豆粉：每次嚟都一定要食，口感煙銀👍🏻比起薯粉容易咬🍹桂花蜂蜜，茉莉花蜂蜜：清香嘅花味再加蜂蜜，解渴解辣啲配菜真係好大碟，價錢合理，最後我哋都食唔晒！店員嘅服務態度好好👍🏻好細心，每一樣食物都會話俾我哋知大約幾多分鐘可以食，留意住我哋冇水嘅時候主動加湯👍🏻