潮城潮汕火鍋

營業中

休息中

上個月去呢間火鍋店打邊爐，期待會食到美味嘅牛肉。。。可惜鴛鴦湯想要椰子雞湯，因為無晒雞，所以叫左牛骨湯底+番茄粟米豬骨湯底，但飲左啖發覺係一樣味的。。。叫晒兩款牛三併，老實講，兩款六個部位嘅牛肉，食得出係有dd分別，但味道都好普通，牛味唔夠，一碟牛肉三盤加埋一差唔多$200，實在唔值呢個價。牛黃喉我以前未食過無得比較，但友人話韌過擦膠，咬唔開，响其他地方食無咁樣的。其他野食，比較好味嘅係羊肉片，鹵水鵝絲、炸墨魚餅，都叫唔錯。服務唔錯，不停提醒d海鮮好靚。。。不過主打牛都唔吸引，又點敢叫海鮮呢？

凍啦！真係開始凍啦！打邊爐就啱哂啦😁今次呢間火鍋店有少少特別，除咗有靚肥牛之外，仲有滷水鵝、滷水鵝肝、鵝腸….即係除咗打邊爐之外仲可以食到潮式嘅打冷菜，直頭要叫多半打啤酒😍我就揀咗個比較清清地嘅湯底蕃茄茄豬骨湯，之後店員就會拎一大盤醬料俾大家自由調配，特別要推介佢哋自家製嘅辣醬同埋沙茶醬，超級惹味！靚牛嘅部份我哋就揀咗嫩肉同埋匙柄，店員有細心提醒我哋呢兩款都只需要兩至三秒左右就食得，佢話唔需要全熟，呢個熟度係啱啱好最好食😋另外我哋都特別order咗呢度嘅五寶丸，最特別嘅係有鵝肉丸，真係第一次嘗試，食落質感似豬肉丸，但就多咗陣鵝肉味道同埋好彈牙唔係實的的嗰種👍🏻滷水鵝肉件，份量啱啱好，我自己就覺得放落湯底淥兩至三秒會更好食😋➡️ 潮城潮汕火鍋 (旺角)旺角白布街2-24號藝興大廈地下5號舖

最近到訪了潮城火鍋，環境好懷舊好有特色，但係好企理乾淨。這間餐廳以其獨特的湯底和新鮮的食材而聞名。今次我選擇了蕃茄粟米豬骨湯底，湯底味道鮮甜，蕃茄的酸香與粟米的甜味交融得恰到好處，讓人一試成主顧。火鍋的主角必然是各式各樣的肉類和配菜。首先，匙柄牛肉的口感十分嫩滑，肉質鮮美，輕輕一煮就能保持原汁原味。而潮州魚蛋則帶有彈性，咬下去的瞬間，鮮味瞬間爆發，讓人回味無窮。至於獅頭鵝肉丸，外皮微脆，內裡卻是軟嫩的肉餡，搭配湯底更是絕配。蒙古羊肉片也是一大亮點，肉質鮮嫩，吃起來不膩。最後，油麥菜和豬肉芹菜餃作為配菜，讓整體口感更為豐富。油麥菜清新爽口，豬肉芹菜餃餡料豐富，咬下去滿是肉汁，十分過癮。總的來說，潮城火鍋的食材新鮮，湯底美味，絕對是火鍋愛好者的好去處！下次一定要再來試試其他湯底和菜式！

🥘鴛鴦湯底：牛骨湯底+澄海滷水湯底 $88牛骨湯底清甜，湯底仲有粟米同蘿蔔，建議放野食之前可以先飲一碗，補充骨膠原～澄海滷水湯底好特別，湯底有芽菜同吸滿汁的豆卜，愈煲愈香濃～.🍢小食：炸獅頭鵝肉丸4粒 $33潮洲特色小食鵝肉丸好彈牙，聽店員講係用鵝骨熬成湯嘅啫喱搓成，肉質實淨～.🥩匙仁 $98🥩嫩肉 $68🥩蒙古羊肉片$68多款牛專門部位可選，全部都係人手薄切，牛味更加出～匙仁係牛肩胛骨上面托著的一塊嫩肉的中心部分，店員提示烚8秒，牛味重而肉質非常嫩～嫩肉就烚2秒，肉質更加嫩口～好在有店員非常細心講解，以至唔會overcook，食到不同部位最佳嘅狀態～.🍢潮州魚蛋4粒 $33🍢魚皮餃4粒 $33🥬油麥菜 $23潮州手打白魚蛋，勁彈牙，烚完大粒到好似大魚蛋咁～魚皮餃好香，一啲腥味都無～油麥菜新鮮乾淨～

喺香港， 唔係好多地方可以食到正宗潮汕火鍋， 但係喺旺角白布街， 鬧市行入少少， 就見到呢間專賣潮汕牛肉火煱餐廳。餐廳環境舒適， 店內標示住牛肉每個部位嘅專用名稱，我哋兩個人， 想食唔同食物， 於是就單點咗。一開始店員會介紹醬料， 有好多款式畀大家揀， 大家可以任撈。好快牛骨湯就嚟到， 牛骨湯味道香， 配埋粟米同蘿蔔好清新。 我地叫左既火鍋材料有匙柄、嫩肉同羊肉片。 淥兩三秒就熟。肉好嫩滑， 肥瘦適中， 亦好香口。另外， 潮州魚蛋同魚册大大粒， 好有潮汕風味！另外仲叫左炸熟咗嘅獅頭鵝肉丸， 好酥脆， 爽口彈牙，一試難忘！食完好滿足，店員服務態度好好， 下次會再嚟！

潮州妹又出動啦，見到呢度開咗間專食牛肉嘅潮式火鍋店，一於入去止一止思鄉情意結。入到嚟睇咗個餐牌見到都有好多唔同嘅部位可以揀。除咗打邊爐嘅配料之外，佢都仲有啲滷水鵝同埋小食，都係充滿潮州特色。我咁大個女都未試過獅頭鵝肉丸，必須叫嚟試吓。佢個外表好似炸咗嘅鯪魚球，但係咬落去真係超級實淨，仲好彈牙同好多汁，又真係幾好食。打邊爐方面，我哋叫咗嫩肉，呢個部位真係夠晒腍，仲一啲都唔肥，岩晒我。另外仲叫咗個匙仁，呢個部位俾嫩肉會有口感少少，而且牛味都會濃啲，打邊爐真係冇得輸。另外我哋仲叫咗碟蒙古小羔羊，我其實都比較怕騷味，但係好彩佢呢個嘅騷味唔會太嚴重。我想講嘅係佢哋自家製嘅辣椒油同埋沙嗲醬都好好味，用嚟點下肉真係好正㗎。另外我哋叫咗份粟米豬肉餃，佢個餃皮都做得幾好，煙煙韌韌，而且啲粟米都好甜。另外仲有一份魚皮餃，熟咗之後個魚皮都好出好香，唔錯嘅。

喺熱鬧嘅旺角街頭周圍行吓街，轉幾個街角竟然遇到呢間幾出色嘅潮州牛肉邊爐🤤 今次用餐湯底方面選擇咗牛骨湯底 味道方面較為清 但係我個人好鍾意清湯嘅火鍋湯底🫶🏻 最能夠品嚐出牛嘅原味同埋鮮味🥳必點嘅當然係潮城極品牛肉三拼（吊龍伴、雪花牛頸脊、匙仁）三種口味同埋質感好唔同嘅潮式牛肉，每款都好特別。最出色一定係雪花牛頸脊，好重牛嘅油指香，同埋入口即溶😍 吊龍半就比較多筋，而且亦都好有油脂香 鍾意食筋嘅朋友一定愛不釋手🤩 而最後匙仁肉味比較重，同埋亦都好有咬口另外我哋亦都散點咗嫩牛肉，呢個就係統瘦牛肉，係低脂嘅好選擇。蒙吉羊肉片絕對唔會好蘇🫢 連我唔係成日食羊嘅人都覺得好食🤩🤩其他配料，例如獅頭鵝肉丸、魚皮餃、炸潮州魚蛋全部都好大粒 好彈牙🤤 而油麥菜新鮮就唔使講食完咁多嘢最後飲返幾碗吸收晒牛肉精華嘅牛骨湯湯底真係冇得彈😋😋

潮汕火鍋係大陸都出名左好多年，好多香港人都特登返去食，等左咁耐，香港終於有得食喇。今次揀左牛骨湯底，湯頭有味得黎但好清，唔會太咸。匙柄肉質鮮嫩，輕輕一涮就熟，肉味濃郁。嫩肉肉質嫩滑，唔可以涮多過10秒，否則會韌。炸潮州魚蛋外酥內嫩，超級彈牙既口感。粟米豬肉餃皮薄餡料足，夠JUICY。蒙古羊肉片獨特風味，冇羊羶味，唔韌。新開張有特價幾平，座位寬闊，環境可以，食物份量都足。#潮城 #潮汕火鍋 #旺角 #旺角美食

-旺角新開潮州火鍋店體驗-呢排天氣轉涼，就心思思想打下邊爐，因為朋友唔食得辣，所以我哋嗌咗牛骨湯底，店員會比唔同嘅醬料我哋自由混合，真係服務周到😆個人最推介係秘製辣醬同沙茶醬，非常之惹味！嫩肉同匙柄都係牛隻入邊嘅稀有部位，店員教我哋煮3秒左右，煮咗半生熟狀態就已經食得，所以入口好嫩滑～西班牙黑毛豬 肥瘦均勻，入口即溶，都唔錯~ 炸潮州魚蛋，獅頭鵝肉丸口感幾似豬肉丸 ，魚皮餃都幾有特色，非常彈牙～值得一試🤤

天氣轉涼，又要食打邊爐. 今次試咗旺角白布街呢間開咗幾個月嘅「潮城」，主打潮汕特色牛肉火鍋，供應多款新鮮手切牛肉. 價錢親民，湯底大部份七八十蚊不等，配料細細碟人少少去打食多幾款都得. 裝修簡樸帶點水泥工業風，樓高兩層，座位寬敞. 門口有隻大牛標示唔同部位夠專業👍. 飲品有支裝罐裝飲料涼茶等，簡單方便，夏枯草同竹蔗茅根就夠晒下火啦. 餐廳提供多款醬料，唔少得自家製辣椒油同沙茶醬，真係一流. ⭐️蕃茄粟米豬骨湯湯底夠清甜健康，配料充足，又散發濃郁豬骨湯味. 湯底有白蘿蔔入味夠腍. ⭐️匙柄 長知識，原來係牛前腿上方、肋骨之下，相當矜貴. 色澤紅潤粉嫩，質地脆嫩彈牙。滾兩三秒就食得. ⭐️嫩牛肉即係腹部同臀部間嘅肉. 脂肪含量低，肉質好腍而且肉味濃郁. ⭐️炸潮州魚蛋即叫即炸，入口彈牙，魚肉香味十足，鹹香回甘.⭐️蒙古羊肉片羊肉唔會散開，羊香味滿溢. ⭐️魚冊潮汕特產，原來係剁碎魚肉後混入豬肉、辣椒絲、芫荽絲，再加以魚漿製皮外皮包裹捲起來，口感豐富多元化. ⭐️魚皮餃魚皮煙靭帶魚香，餡料飽滿豐盈咬落有嚼勁. ⭐️唐生菜新鮮爽脆，口感清新，中和油膩感. 整體性價比高，食物高質，鍾意食手切牛肉更加不能錯過.

响旺角竟然有間食潮汕牛的火鍋，返大陸就食得多，原來香港食質素都不錯。店鋪有兩層，上面地方比較寬敞，客人也不少～呢度主打牛肉，見隔離枱啲牛肉色水幾靚，忍唔住就叫咗幾碟唔同部位嘅牛試下。要食靚牛，總覺得要配清湯才是最好，這才可品嚐到「鮮」的味道，所以只點了蕃茄粟米清湯。坦白講，牛肉真係唔錯，肉味夠濃，入口不會韌，而且唔同部位有不同的咬口，質素唔錯，以後多個選擇，唔駛下下返大陸揾牛肉食。而其他食物也很夠水準，其中有款獅頭鵝肉丸，特別好食，而且唔算貴，算是心水之選～

>> 又係時候食啲暖笠笠嘢🍃 一個人去咗食潮洲火鍋，估唔到牛肉、魚蛋、魚冊都比想像中正<<🥢🥢🥢抵食火鍋 = 回訪率90%🥢🥢🥢⭐️醬&湯底：沙茶醬同辣椒醬係自家製，味道好濃郁；蕃茄粟米豬骨湯底足料，勝在夠清新，仲可以點竹蔗茅根海底椰等飲品解熱氣添⭐️主打新鮮手切牛肉，口感幾好：匙柄、嫩肉、蒙古羊肉片 ，職員好好咁講解牛肉2-3秒就ok ，試咗唔同火候，又真係跟佢講嘅食落嫩滑啲⭐️潮州炸魚蛋、豬肉粟米餃同魚册：炸魚蛋即炸，賣相同口感比平時食開嘅魚蛋更特別~ 豬肉粟米餃同魚册都係滿滿手作風味，尤其是魚冊— 剁碎純魚肉糜，加入豬肉餡、辣椒絲及芫荽絲以人手卷起成圓形狀，第一冷食好驚喜🏷️肉$68-$78 菜、魚蛋$23-$33

潮汕牛肉火鍋天氣涼涼地最岩打邊爐，中意食牛肉嘅就可以試下依間專食潮汕牛肉嘅火鍋店。有多款牛肉部位，仲有埋圖比你知道各個部位。牛骨湯底💰$68有粟米同蘿蔔，好清甜，蘿蔔煮耐d索哂個湯好正。牛肉方面，叫左嫩肉同三花趾。牛肉味好濃，嫩肉真係好嫩，三花趾肉質有咬口。$68，$78除左牛肉之外都有豬羊雞，叫左碟蒙古羊肉片💰$68好小有嘅鵝肉丸，魚冊$33炸潮州魚蛋，即食，好彈牙 $33醬料中沙茶醬係餐廳特製，好香濃，配上牛肉超夾

今日下午行開旺角、經過白布街見到一間紅色招牌很搶眼的鋪頭、名字是潮城潮汕火鍋店、秋意漸涼、忽然我都想食下火鍋、於是我入咗舖頭裏面、我叫咗一個牛骨湯底、首先嚟咗一客豬肉粟米餃、好明顯、這是自家手工制的餃子、外觀精緻、肉味鮮甜、好味、另外一客獅頭鵝肉丸、 鮮味多汁；不得不讚另外一碟 炸-墨魚餅、食得出係自家手打墨魚漿再炸、最難得的是炸得酥脆玉嫩不油膩、係小食嘅必試嘅菜式、另外我都點了一客蒙古羊肉片、牛肉方面點了嫩肉一客、 匙柄一客、今次我按肉味淡濃、先食嫩肉、鋪頭職員提我、輕輕用滾湯涮了兩秒便可、試後肉味果然鮮嫩、 再試匙柄、 匙柄牛肉在每隻牛大約只能提供2% 、 都幾矜貴、 匙柄肉味醇厚、 但又不會太過搶口、 好味；最後食蒙古羊肉片、 羊肉味香濃郁、食時口腔裏完全感受到大漠的味道、 正、 最後、 記得飲埋個湯同埋食埋湯底的蘿蔔、 可能因為是牛骨湯底關係、吃完火鍋之後、 火鍋湯變得更加清甜好味、 飲埋啲湯就唔怕上火啦、 食物質素優良、值得下次再來呢區嘅必食之選.

秋意漸濃，正是適合「打邊爐」的季節，龍豬情侶在旺角閒逛時被這間主打潮式火鍋的餐廳吸引。平日潮州菜多以「打冷」見稱，而這次的潮式火鍋為我們帶來有別以往的體驗 。    牛骨湯底$68 ❤❤❤❤❤  湯底熬得火候十足，濃濃牛骨香味，清而不膩。 平時打邊爐湯底好濃味，不過今次食完都唔覺口渴，大推！！   匙仁 $98 ❤❤❤❤❤  匙仁肉質鮮嫩，煮後口感依然嫩滑，嚼勁十足。    嫩肉 $68 ❤❤❤❤❤  嫩肉片薄薄一片，吃起來易入口。    蒙古羊肉片 $68❤❤❤❤❤  羊肉片不易散，煮後口感嫩滑，帶著羊肉的獨特香氣。    潮州魚蛋 $33 ❤❤❤❤  店舖以潮式主打，必點潮州魚蛋，口感彈牙且帶有魚香。    豬肉栗米餃 $33 ❤❤❤❤  餃子餡料飽滿，豬肉與栗米搭配得宜。    炸蝦餅 $38❤❤❤❤  蝦餅外皮酥脆，蝦肉香甜彈牙。   娃娃菜 $23 ❤❤❤❤  強烈建議大家必點一款蔬菜，在最後吸取牛骨湯的清甜。    ❤愈多愈推薦(最多5❤)    龍豬情侶評價：  店內環境寬敞舒適，有上下兩層，服務周到，職員會指導肉類的烹調時間，推薦有興趣的朋友一試潮汕火鍋的風味。