影片
港鐵旺角站 E2 出口, 步行約7分鐘
繼續閱讀
電話號碼
44135994 (WhatsApp)
68985989 (WhatsApp)
開飯介紹
提供潮汕風味火鍋的餐廳，特色在於其獨特的潮汕湯底和多樣化的食材選擇。這裡的湯底以澄海滷水為主，風味濃郁。招牌菜式包括獅頭鵝肉丸、滷水獅頭鵝粉肝及不同部位的新鮮牛肉。
繼續閱讀
營業時間
今日營業
16:00 - 02:00
星期一至六
16:00 - 02:00
星期日
16:00 - 00:00
以上資料只供參考, 請與餐廳確認詳情
有關獎賞計劃
食唔到一鍋堂，行多兩步路嚟到呢一間火鍋店😙睇個名就知道係食潮州火鍋🤣望落好少位，原來餐廳分兩層🌟牛骨湯底 $68湯底中規中矩，入面有啲白蘿蔔同粟米，食到最尾個湯底開始變濃，但係都唔會太鹹。🌟炸蝦餅 $38呢個蝦餅係熟食，屬於小食類，外皮炸得金黃酥脆，入面嘅蝦肉好彈牙，仲帶少少甜味，其實有啲似酒樓嘅煎炸類別點心，但呢個好食好多🤣🌟獅頭鵝肉丸 $38 （四粒）呢個出面真係好少見，鵝肉丸好實肉，口感好似豬肉丸。-🌟潮州魚蛋 $33潮州魚蛋係白色嗰一隻，口感又爽又彈牙，魚味濃郁。🌟牛肉三拼（匙柄、嫩肉、三花趾） $168呢個拼盤真係抵食😆三款牛肉各有特色，匙柄肉味濃郁，油花好靚；嫩肉就油脂少啲，吸曬啲湯汁；三花趾就帶少少筋，咬落去有嚼勁。三款牛肉都切得薄薄哋，輕輕一灼就熟，快靚正😋🌟三花趾 $78好食所以encore😋一碟有大概八塊，最鍾意佢有啲咬口，但係又唔會好韌😄🌟嫩肉 $68同樣係 encore🤣每塊都好大塊，呢個蘸醬特別好食😙🌟西班牙黑毛豬 $88貪得意試埋豬但覺得賣相偏肥，但灼熟之後肉質依然嫩滑，入口唔油，味道幾香。🌟稻庭烏冬 $28烏冬有兩個，口感彈牙，唔洗淥好耐，少過一分半鐘都已經食得，吸晒湯底嘅精華，食落好滿足。🌟唐生菜 $23份量係一棵，價錢上都幾抵食，食落好清甜，可以平衡返打邊爐嘅油膩感✌️-埋單700幾蚊，價錢合理，飲品同蔬菜類都唔貴，其實同放題都差唔多價錢😌
繼續閱讀
好耐無係呢條街搵食，之前幫襯過嘅食店原來好多已結業。所謂一鷄死就一鷄嗚，原本位置已由新嘅食店取代，就好似呢間潮汕火鍋店。兩層用餐區，樓上有大電視，仲有幅牛肉部位圖解，想食咩部位就可對號入座。多款湯底中，想試呢客牛骨湯底 ($68)，有埋蘿蔔及粟米，加多份甜味。趁湯底滾起時，黎個小食先。炸魚蛋就食得多，炸獅頭鵝肉丸 ($33)都係第一次食。口感相當彈牙，仲有肉汁，一啖一粒確係盞。食完鵝肉丸就湯底已滾起，未落料前，先飲啖湯。味道有牛骨香味，唔咸單飲都可以，自己加少少蔥粒落去就仲好飲。今晚叫咗2牛1羊，加個菜。用個架盛住上枱就慳返D位又美觀。潮汕牛肉火鍋烚肉順序一般建議從瘦到肥先由嫩肉 ($68)開始，差唔多係全紅色，白色佔極少位。快烚十零秒即可，肉質果然幾嫩滑，無脂肪食得健康。哈哈……之後到三花趾 ($78)，係前腿肌腱肉烚至轉色就可以，入口比較有彈性，筋膜位帶少少嚼口，口感幾獨特。再有蒙古羊肉片 ($68)，肉色幾靚仔又大片。烚嘅時間比牛耐少少，但入口意外地嫩滑，羊肉香味慢慢係口腔內滲出黎。而個油麥菜 ($23)，份量絶對對得起個價位。數到爽彈之丸物，點能夠錯過潮州魚蛋 ($33)?!佢地打魚蛋嘅功夫確係得，粒粒都係咁彈牙。友人想食餃，就係呢客豬肉芹菜餃 ($33)，都幾大隻。餃子皮偏厚身，唔怕烚到穿咗。每人食2隻都幾滋味。有醬料費及加一收費。
繼續閱讀
好多人成日話要北上食潮汕火鍋🍲 其實喺香港都一樣可以食到🤩 有好多食材可以揀，全部都幾新鮮，牆上面仲好搞鬼咁有寫左唔同部位既牛🐮圖案tim😜 裝修比較貼地，行懷舊既大排檔路線幾有風味～(5 😍 係滿分，🤩係半分）嫩肉 - $68 (好味指數：😍😍😍😍)嫩肉原來指臀肉蓋，即係牛既上方臀部，油花適量，肉質嫩滑，有幾香濃既肉味同埋咬口，但又唔會韌，係要注意煮既時間要快～匙柄 - $78 (好味指數：😍😍😍😍)匙柄屬於牛前腿上方連住肩胛骨部位的既肌肉，亦可以叫做肩胛里脊肉層，油脂唔多，肉中間有一條明顯既白色筋絡，口感軟中帶脆又彈牙，牛味🐮都幾濃郁，一樣係要注意煮既時間要快～西班牙黑毛豬 🇪🇸🐷 - $88 (好味指數：😍😍😍😍🤩)呢款豬🐷向來都比較受歡迎，長期喺原野入面自由活動，食橡果🌰同香草🌿，所以豬味🐷更加香濃，肥瘦適中有油香炸潮州魚蛋 (4粒) 🔥🐟⚪️ - $33 (好味指數：😍😍😍😍🤩)炸🔥同就咁魚蛋🐟⚪️唔同食法，更加香口惹味～豬肉粟米餃 (4粒) 🐷🌽🥟 - $33 (好味指數：😍😍😍😍)今次既餃子🥟卷到圓形⭕️咁幾靚🤩 皮夠滑溜同薄又唔會話好易穿，豬肉🐷惹味香口，鮮嫩多汁，配埋清爽香甜既粟米🌽都幾清新～魚皮餃 🐟🥟 - $33 (好味指數：😍😍😍😍)餃皮🥟溝左魚肉🐟，入面既餡係魚🐟溝豬肉🐷，所有會鮮甜啲，有油香之餘惹味香口，煙煙韌韌咁都幾好食😋唐生菜🥬 - $23 (好味指數：😍😍😍😍)都有幾多棵，顏色新鮮翠綠，清新爽脆，仲有爽口既菜頭tim😜牛骨湯底 🐮🦴🥣 - $68 (好味指數：😍😍😍🤩)顏色清澈，鹹鹹地可以提鮮～ 裡面亦有蘿蔔⚪️🥕同埋粟米🌽，蘿蔔⚪️🥕軟腍，清甜多汁～ 粟米🌽甘甜，有咬口又唔會有渣～醬料 - $15有幾多調味可以揀，包括豉油、蒜蓉🧄、芫茜🌿、蔥、西芹粒、沙茶醬、炸蒜🔥之後🧄、辣椒油🌶️同埋辣椒裡🌶️，可以自己調配～好味指數：😍😍😍😍推介指數：😍😍😍😍
繼續閱讀
一向支持留港消費嘅我，今日又畀我喺旺角搵到好嘢食喇📢今日同裝修師傅喺旺角行完睇完裝修建材後，就想搵地方坐低同師傅邊食邊傾下裝修問題，點知畀我哋見到一間潮汕牛肉火鍋，啱曬師傅口味。坐低，師傅先叫了2杯啤酒🍻，再點餐前小食😅🥢炸獅頭鵝肉丸 $33用澄海獅頭鵝的鵝肉手打而成，鵝肉丸爽口，鮮味多汁。第一次吃，好特別。🫕打邊爐最考驗肉質嘅新鮮度，正宗潮汕現切牛肉🥩，香港比較少見😊我們點了最平嘅牛骨🦴湯底，只需$68，定價親民！👍🏻配有冬瓜及粟米, 帶牛骨淡淡香味😋匙仁🥩高蛋白營養豐富，匙仁脂肪含量適中，油脂分布均勻，牛香味十足！😋 🥩嫩肉店長推薦➡️係火鍋界嘅小清新，他説如果未試過一定要試下？💓嫩肉位於牛臀腿部位，脂肪含量極少，肉質嫩口。放入火鍋一灼，食落超軟滑，口感細膩🤤🐑蒙古羊肉片薄薄嘅羊肉片，有羊味得嚟唔會有騷味。今日得兩個人食，唔可以食太多，選擇相對亦都比較少，下次一定要約埋大班朋友一齊嚟大吃大喝一番。想食潮汕牛肉火鍋，唔使一定要北上🙂 潮城 Chao Dynasty Hotpot📍地址：旺角白布街2-24號藝興大廈5號舖地下及閣樓@chao.dynasty#香港美食 #香港好去處 #旺角 #留港消費 #香港揾食 #潮城 #ChaoDynastyHotpot #Hotpot #潮汕火鍋 #火鍋 #匙仁
繼續閱讀
見天氣涼涼地好想打邊爐，諗起上次朋友推介旺角潮城潮汕火鍋，今晚同老公即刻book打邊爐。店舖尚算環境闊落，職員主動推介食物，服務吾錯蕃茄粟米豬骨湯底 $88拼澄海鹵水湯底我倆叫左呢款鴛鴦湯底，蕃茄粟米豬骨湯較清甜，鹵水湯底味道比較濃郁的鹵水香，我哋都偏向鐘意滷水湯底，惹味又特別潮城牛肉三拼（匙柄、嫩肉、三花趾） $168三款牛肉各有特式，匙柄牛味濃又幼嫩，嫩肉肉質夠腍，三花趾帶小小咬口炸獅頭鵝肉丸 $33炸獅頭鵝肉丸有驚喜，口感非常爽彈又滋味潮汕牛肉丸 $43潮汕牛肉丸都夠爽口豬肉韭菜餃 $33豬肉韭菜餃皮薄餡料粥，味道都不錯醬料費用 2位 $30整體來說，環境舒服乾淨，食物水準不錯，價錢亦吾貴，可以一試
繼續閱讀
您可能會有興趣的...