嗌咗3個外賣share食 3樣嘅份量都幾少
黑松露大啡菇野菌意大利飯 $148
$148一個飯 仲要咁細份 貴到呢🫣Risotto口感唔錯嘅 味道方面就菇味比較重 但就無乜黑松露味🤔
燒汁羊肉意粉 $71
依個食落淨係得黑椒 好濃味🫠濃到有啲唔係好頂得順茄汁海鮮意粉 $67
普普通通嘅茄汁意粉 茄汁味少少酸cafe嘅份量 但係茶餐廳質素🤫
之前去堂食過一次 印象中好似都幾好食㗎但今日依個外賣lunch真係搞唔掂 又貴又唔好食

新開但好多人排隊1215嚟到 等咗差唔多50分鐘先有得食🫠實在係太抵食 唔加小食 $68就有一碗麵 🍜仲要唔係hea 又有埋前菜 味道各樣都中上質素有得睇住師傅整麵 但店內就坐得比較逼Noodle Combo $88 (麵+小食) 麵：牛骨湯麵 湯底有淡淡嘅肉味 真係淡淡 唔多🤏🏻就咁飲個湯都幾清甜 但配麵嘅話 就略嫌清淡咗啲 無乜味牛肉就好有驚喜 份量好多+每片都好厚切 而且係高質好有口感之餘 肉味又濃郁 至於個麵就有啲似烏冬 正正常常啦 小食：迷你紫菜包飯 有蟹柳、火腿、蛋、醃蘿蔔 幾多餡 食落都幾香 係有誠意嘅小食 辣牛肉湯麵 $68 湯底都幾惹味 酸酸辣辣咁 仲有好多配料(係無乜肉🤫每個麵仲會配一個飯(?) 菜包肉 $128 以為係平時韓式餐廳 一大盤肉 隔離有菜咁 但完全唔係嗰回事😂係其他嘢咁抵食嘅情況下 依個忽然顯得無乜誠意$128得10片肉左右 份量有啲少🫠味道又唔特別好食 唔會再嗌成餐飯最令我Surprised個位係咁多人咁忙碌之際 餐廳入面個個嘅服務態度都好好🥺respect 🫡

行到上嚟附近食lunch 經過bakehouse就忍唔住要買開咗咁耐 又有咁多分店 都仍然要排一陣隊先買到每次嚟主要都係買蛋撻 下次會再試埋其他包包 鹹蛋焦糖吉士菠蘿包 $24 見佢又菠蘿包 又鹹蛋 就買咗嚟試返到屋企焗返熱外層脆卜卜 好香耶~~咬開見到粒圓碌碌嘅物體 仲以為好似月餅咁 包住成粒咸蛋黃😂唔係好食得出係乜 鹹蛋+吉士整出嚟(?)😂味道都唔錯嘅Sourdough Egg Tart $12.5 食極都仲未食厭蛋香味好濃郁 好好味

Combo Set $85 (Main + Snack + Drink) Main: 越式煙鴨豬頸肉湯檬 +$10 個粉嗌咗個全走 原來係咁清😂ummmmmm 唔知點解湯底有陣薑同甜味 有啲似蕃薯糖水😂唔好食嘅 煙鴨胸同豬頸肉就唔錯 都幾香 肉質又嫩 -會安生牛肉湯河 湯底好甜 Snack: -香蒜牛油雞翼 炸得好香脆 加埋蒜同牛油 都幾惹味 -鮮蝦扎肉米紙卷 好鬼馬咁收埋金不換係入面 Can’t handle 👋🏻 越式豬頸肉法包 $65 見碗粉咁少🥲果斷嗌多個法包 成餐飯最好食係依樣法包烘得好脆 唔會太硬/乾加埋豬頸肉同埋肝醬 唔錯唔錯 環境好逼 而且服務都幾差🫣無咩事應該都無下次

pici again
Set for 2 to 3 $330
1 starter, 2 pasta and 1 dessert
明顯係2人餐 邊有可能夠3個人食
Starter:
-秘製肉丸 Homemade Meatballs (2 pcs)
Pork, Beef, Tomato Sauce, Parmesan
好大粒之餘 一啖落去 全都是肉係好純粹嘅肉丸 又唔會太實淨 口感都唔錯蕃茄醬酸酸甜甜 配肉丸都幾夾
Pasta:
-香辣義大利辣腸寬麵 Tagliatelle Spicy N’Duja
Italian Sausage, Spicy N‘duja, Cherry Tomato
第一次試依個意粉質感都係咁彈牙 而個汁少少辣 食落幾惹味都唔錯耶
-慢煮牛頰肉醬寬扁麵 Pappardelle Beef Cheek
Beef Cheek Ragu Cooked Slow For 8 Hours, Onion, Carrot, Celery
每次都會食佢 口感同味道都係我鐘意嘅Desert:
-Tiramisu
all time fav 好味🫶🏻

我好喜歡的sourdough店 久違了 唔知係咪因為少咗人食 依家有lunch set價錢平咗好多 睇嚟可以去多啲 THANK ME LATER $178 Cape-Malay curried beef mince with a fried egg and coriander on toasted sourdough 一層滿滿嘅免治牛辣辣哋 好惹味(想用嚟撈飯食再加埋隻煎蛋 唔錯唔錯sourdough一貫嘅水準 外層香脆 而入面就好濕潤BAKED EGGS ON BRIOCHE $155 Breakfast Bun: scrambled eggs infused with mature aged gruyere, fresh chives, chili, garlic aioli, baby spinach, naturally leavened brioche bun 好澎湃嘅炒蛋無諗過係咁有份量 差啲仲想on top加個雞肉😂好有蛋香 又嫩滑garlic aioli 都好出色 同個包好夾Brioche甜甜哋咁 都係我喜歡嘅味道 試過咁多款 暫時款款都好味

今日lunchtime同同事飲茶新開嗰陣嚟過一次 味道份量都唔錯 午市有8折 折完之後都算平 依到樓底幾高 又有大玻璃透光食嘢同吹水都幾舒服 但唔知點解 開咗咁耐都唔多人😂 點心： -原蝦燒賣皇（1件） $20 -生拆鮮蝦餃（1件） $20 -潮州粉果（1件） $12 全部都可以逐件嗌 依樣都幾細心 可以唔使湊人數🙌🏻味道就正常酒樓質素啦 剁椒蒸排骨 $50 啲剁椒辣辣哋 都幾惹味幾好食 小食： -黃金炸饅頭（3件） $35 -香煎瑤柱蘿蔔糕 $40 -風味燒汁茄子 $40 主食： -銀芽肉絲煎脆麵 $148 夠晒香同脆 唔錯耶~~埋單每人都係百鬆少少

新開嘅時候嚟食過一次 今日再同同事嚟依到食lunch依家有lunch set都幾抵食 美國特選級牛肩小排 $168 肉味濃郁啲 相對無乜脂肪 湯底：脫俗蕃茄鍋 淡淡嘅蕃茄味 中規中規啦 未算係好出色 美國特選級肥牛 $148 依款就油脂感重啲 -金湯酸菜鍋 幾夠酸幾惹味 每個餐都有一個蔬菜盤 都係大路嘢啦 質素都正正常常 自助吧枱仲有我最愛嘅王子麵除咗王子麵之外 都有好多唔同嘅麵食選擇依到勝在有任食滷肉飯飯前飯後啪一碗 係滿滿嘅幸福🦦個frd就睇中佢嘅刨冰+芋圓

今日lunchtime嚟咗灣仔食牛扒依到樓底同採光度都好高坐得好舒服
3-course lunch set $198
First Course:
-Seafood Tartare
用咗三文魚+天使蝦+吞拿魚 仲有好多蕃茄 估唔到加埋一齊 又幾夾幾鮮甜
-Caesar Salad
爽脆嘅生菜
Main Course:
-USDA Prime Striploin +$128
ohhhhh 係好靚仔嘅牛扒 外層燒到帶啲焦香 入面仲係好粉嫩嘅肉肉好嫩得嚟又肉味香濃 好食耶~~
-Seafood and Lemon Risotto
Risotto煮得好有質感加埋洋蔥 口感幾豐富味道方面 海鮮嘅鮮味 仲有蕃茄嘅酸甜
Dessert: Tiramisu Drink: Saicho Sparkling Tea +$28
好耐無飲嚕少少甜 又有氣 唔錯唔錯

今日收工同朋友嚟食牛扒抬頭發現燈罩係餐具 又幾cute主打阿根廷燒烤先嚟餐前麵包Bone Marrow $108
燒香咗嘅牛骨髓 配上烘得好香嘅麵包 好滿足Grilled Sausage Platter $298
Sausage partyHanger (400g) $448 
名不虛傳嘅阿根廷燒烤 🍖外面嗰一層真係燒得好香帶少少炭香+焦香 而中間仲係粉紅粉紅💞香味加埋肉味 好好味耶配咗6款唔同嘅醬汁 食到最後都唔會悶Thin Cut Fries $78 
食牛扒要配薯條食物質素 服務 同環境都唔錯