湘蜀人家

營業中

休息中

食得多廣東菜有時都想試吓啲外省菜，我尤其鍾意食水煮同酸菜系列。今日嚟到呢間餐廳見到其他人食酸菜桂花魚好似好正咁，整條魚連埋魚頭,本來都想跟佢食桂花魚，但係發現原來價錢貴一倍，估計都真係新鮮魚，慳家嘅我改食酸菜鮮魚，雖然價錢平一半，但係魚肉質素都幾好喎，而且份量都好大，鍾意佢落青麻椒，唔會死麻，而且極多酸菜同葱，成個酸菜魚非常惹味，我覺得係屬於小至中辣，怕辣嘅人可能會有啲頂唔順。另外都好欣賞佢個孜然炒山羊肉，羊肉質素幾好，味道夠鮮，都有微辣，算炒得唔油，外省嘢嚟講唔肥膩。為咗中和返個辣味，都點咗個嫩雞煨麵，面嘅份量都好大，足夠四個人分嚟食，而且又係好鍾意佢夠多菜多肉，個湯都唔會太淡嘅。食完主菜當然要加多個豆沙鍋餅，鍋餅嚟講佢算整得外脆內鬆軟，豆沙餡量適中，唔會太甜呢，上枱時熱辣辣，食埋就非常滿足啦！灣仔來講價錢都算唔錯，可能中午嚟食更加抵食，因為仲要免茶介添！

六點幾嚟到餐廳，環境舒適，有闊落卡位坐。點咗麥茶，好大壼茶壺，陣陣麥香～跟住睇啱二人套餐，先來前菜，有夫妻肺片同埋涼拌木耳。肚片切得剛剛好，一片片，加埋啲酸辣汁，啱晒送飯。木耳新鮮鮮好彈牙，食完好開胃。老火湯，湯底好多餡料，有豬骨，紅棗，茶樹菇等等，好濃好補又好飲。大大盤嘅水煮麻辣牛，牛肉份量都唔少，大大片。湯底香麻辣，入面仲有唔同蔬菜，例如雞髀菇、萵筍、芹菜等等，配埋薯粉一流！黑醋排骨，一上枱已經有香噴噴嘅黑醋味，外脆內軟，入邊包住彈牙豬肉，又係好啱送飯。糖醋魚塊，又係好大塊，外皮走得好脆，配埋洋蔥同青椒絲一齊炒，味道岩岩好。食飽再嘆吓啲麥茶啱晒。

一向都鍾意食麻辣嘢，特別係湘菜、川菜。今次朋友帶我嚟灣仔呢間湘蜀人家食dinner，又發掘到一間好餐廳。餐牌選擇非常多，仲有套餐提供，見價錢唔錯，決定點個二人餐試吓。先來涼拌小菜兩碟，有夫妻肺片，涼拌兔耳尖，非常入味。仲有每人一壺燉湯，而不是普通例湯，料頭非常足。主菜我哋選咗水煮魚，湯汁麻辣之餘唔會太油膩，用嚟撈飯一流。魚肉滑溜，一啲都雪味或腥味，底下嘅芽菜同寬粉都好多，非常yummy!另外選擇咗土匪豬肝，賣相好掂，豬肝炒得剛好，又唔會太鞋口。泡椒爆牛肉：牛肉一樣唔鞋口，夠晒入味！另外自己加左大盤豆角，份量都幾多。

9月底日間仍然高溫，想吃一點辣，消一消暑，與風先生到訪公司附近的「湘蜀人家」。餐廳的裝修不論由裝飾佈置、擺設以至餐具，均充滿中國風，室內光猛明亮，冷氣充足；面譜餐甚具特色，打卡一流香醋拌紅海蜇頭香醋酸帶微甜，海蜇頭夠入味，配大量爽口青瓜，非常適合作為熱天的開胃菜土家酸菜粉條燉魚 金黃色的濃湯，一上桌已非常吸晴，湯頭濃厚帶魚鮮，夠酸亦夠辣，而且辣味有延後感，非常惹味，（平時食開譚仔二小辣）魚片非常嫩滑，有驚喜，還有我最愛的薯粉作伴，吃不停鹽爆牛栢葉 -將牛栢葉切絲，配新鮮的香蔥芹菜，又香又脆，令口感增強清炒萵筍絲-萵筍絲熟透但不會過淋，清甜爽口，平衡酸菜魚的酸與辣總結：餐廳的用餐環境舒適，食物味道美，而且提供有很多不同種類的菜品選擇，亦有提供套餐，點餐後才留意到二人套餐都非常合我口味，留待下回再試

川菜越黎越多，但好味既湘菜就相對較少，今次試左湘蜀人家，值得推廌👍🏻今次叫左晚餐二人餐，多到食唔晒😊冷盤﹕木耳、夫妻肺片好好味，惹味得黎唔會太辣小菜﹕套餐可以選兩個1. 酸醋骨炸得岩岩好，唔會炸到太干太柴，黑醋既酸味岩岩好，入口好開胃，酸酸甜甜可以緩解下其他餸既辣味。2. 炒牛肉牛肉嫩滑，唔係用腌料腌好耐嗰種，加上配料惹味，辣度適中，送飯一流👍🏻👍🏻👍🏻👍🏻主菜﹕酸菜魚魚肉超超超嫩滑，唔會痴係一大夠粉，份十量天多，酸辣配合得好好，朋友仔食開小辣都完全冇問題。最正係啲粉，吸晒湯汁，超好味🤤重點吸睛﹕燉湯不油，夠濃，材料足，絕對唔係味精湯，勁好味🤤意外驚喜﹕白飯所有餸都好送得飯，所以白飯質素好重要。個飯勁好食，顆顆分明，又唔會好硬﹐好煙韌，好難得有呢個質素👍🏻👍🏻二人餐真心抵食🥰🥰

好耐無食過四川菜，上星期日去左灣仔嘅「湘蜀人家」食四川菜，真係好味道，呢間餐廳嘅裝修有四川特色，而且以面食為主題，真係好有特色！食物都好正宗，最重要係辣度可以按自己嘅口味選擇，真係好貼心！我哋叫咗土家酸菜粉條燉魚、鄉下嫩雞煨麵、糖醋魚塊同紅油抄手嚟試吓。土家酸菜粉條燉魚真係一絕！粉條爽滑，湯底酸酸辣辣，仲加埋鮮嫩嘅魚肉，一碗食落去真係好開胃又暖胃！🍜🐟🔥鄉下嫩雞煨麵都好特別！啲麵條有咬口，雞肉煨得好軟嫩，湯底濃郁，真係一碗下肚就有種回鄉嘅感覺！🍜🍗😋糖醋魚塊酸甜可口，魚塊酥脆多汁，配埋特製嘅糖醋醬汁，真係一道美味嘅下酒菜！🐟🍖🌶️紅油抄手係四川菜嘅經典之一，湘蜀人家嘅紅油抄手真係好正宗！皮薄餡多，抄手飽滿，再淋上一層辣辣嘅紅油，真係味道超級香辣！🥟🌶️😍總括而言，「湘蜀人家」係一間裝修有四川特色、主打面食同四川菜嘅餐廳。無論你鍾意辣味定唔鍾意，呢度嘅辣度可以按你自己嘅喜好選擇。如果你想食正宗嘅四川菜同埋體驗四川特色，「湘蜀人家」絕對係一個去到就有種去左四川嘅感覺嘅地方！🌶️🍜🌟

🎈湘蜀人家餐廳主打湘菜和川菜，口味正宗🌶️精選二人套餐份量十足，有水煮魚/酸菜魚/水煮牛肉等選擇，配兩個小炒，燉湯同飯🎈夫妻肺片夫妻肺片厚薄適中，口感十足🎈涼拌兔耳涼拌木耳爽脆微辣，酸酸哋好開胃🎈招牌水煮鮮魚片湯底有麻香好惹味，鋪滿辣椒乾、花椒等香料非常吸引，辣度啱啱好，係食開辣嘅朋友會接受到嘅辣度✨魚片滑溜又無骨，食到陣陣花椒麻香配菜有粉絲、芽菜、菇菌等，吸晒辣味超正🎈土匪豬肝好夠鑊氣嘅小炒👐🏼豬膶油潤爽口，配上尖椒好惹味🎈宮爆雞丁宮保雞丁配上咸香花生帶微微醋香，送飯一流🎈燉湯野菌燉湯味道清甜，一人一盅好滋味

今日放工去咗附近嘅湘菜餐廳食晚餐，無論價錢同味道都好公道🍽👀餐廳裝修行古典風👀值得一提嘅係餐廳有計茶芥 $15/位🫶🏻一坐低就會有店員奉上前菜同埋問你想開咩茶🫶🏻服務唔錯，另外前菜係微帶有酸辣嘅醃菜🍽好開胃✨鄉下嫩雞煨麵 $72咁多樣菜式入邊比較淡味嘅一款🤩雞件切得好細一啖就入口，好方便👍🏻湯底都幾清，唔會重味精🍽✨紅油抄手 6隻 $53味道好夠，望落好多辣油但食落唔會太鹹太辣👍🏻美中不足嘅係個人覺得個皮有少少厚，如果一上即食應該會更好食✨鮑魚燉雞湯 一盅 $86非常足料嘅燉湯！有一嚿鮑魚同埋幾塊肉，唔算太大盅，一人份量啱啱好🥣真材實料好入味而且好清，唔會好重味精🉑另外煲湯嘅肉都唔會好鞋🫶🏻✨麻婆豆腐 $90個人喜好🤣去到邊都嗌豆腐，今次呢個麻婆豆腐採用左嫩滑嘅豆腐🥹味道方面辣重過麻，如果可以更加慢就好🫶🏻 另外肉粒好夠，散發非常香嘅肉味🤩✨常徳大盤花菜 $93辣炒椰菜花，擺盤非常宏偉🤣雖然剩係得一個辣椒但個人覺得都好夠惹味！✨自磨豆漿 $22磨得好幼滑，完全冇渣！另外係超級少甜配方，平時飲嘢嗌開微甜嘅我都唔會覺得甜！好天然嘅味道🥛

天氣最近涼咗，就想食吓啲辣嘢轉下口味😃喺OpenRice見到呢間灣仔嘅川菜好多人食就試下💛餐廳裝修幾有中式風格，環境坐位都幾闊落👍🏻同行朋友唔係好食得辣，餐廳都會因應食客口味調整辣度😃值得一讚小炒黃牛肉 $108用咗辣椒粒、芫荽等香料一齊炒，食落比想像中唔辣之餘，令牛肉十分香口又嫩滑，咬落一啲筋都冇🤩 太好食🔥上菜唔夠5分鐘就K.O.咗🤣魚香茄子 $90茄子炒得軟綿，包裹紅油醬汁，一啲都唔辣，反而更惹味👍🏻餐廳仲加左少量酸菜令口感更為突出同豐富，建議一定要叫白飯一齊食🥰麻婆豆腐 $90又係送飯一流嘅小菜之一🤭豆腐滑嫩食到豆香，份量相對多，個人最中意麻香味大於辣味，加埋酸菜粒又係好送飯🤤酒釀丸子 $43 甜品就叫咗酒釀丸子，一開蓋桂花、杞子、紅棗香味撲鼻而來🤤酒釀味道濃郁，配埋軟糯小丸子食唔停口🫢整體嚟講餐廳食物質素同性價比都高🤤價錢中等，難怪OpenRice咁多人推介！之後食川菜都一定會去呢間食🤩

打風前天氣悶熱，想搵d 酸酸辣辣嘅嘢食下，開胃啲。放工就就腳灣仔搵下，見到佢個對比較抵嘅二人套餐就嚟試下，有前菜，又有兩餸又有一款魚仲有飯。另外鋪路由陳設到餐具都好配合到個風格，絕對無hea 食嘅感覺。前菜小碟夫妻肺片香油嘅味道充滿整個前菜，辛辣嘅類型屬於後勁，第一口之後就會慢慢加強，非常刺激。牛肚同牛肺十分爽口，冷盤咁食相當好味。涼拌免耳尖當然就唔係真係免耳啦，其實係涼拌雲耳，醋味就最適合涼拌，但辣度就相對無咁勁，雲耳都好爽口，酸酸地令人梗加開胃。酸菜粉條鮮魚酸菜魚湯底十分之濃嘅酸菜味之餘又唔會無哂魚嘅鮮魚，份量絕對夠兩個人以上食，魚肉爽滑，而且魚片無骨可以放心食用。建議可以用一半白飯自己浸一個酸菜魚湯飯，熱天最啱食。土匪豬肝鐘意食豬潤嘅朋友一定唔可以錯過，豬膶厚薄適中所以令到唔好炒得過老，保持到嫩滑嘅口感，加上配料同醬汁咁爆炒。撈飯首選！川椒回鍋肉回鍋肉嘅豬肉肥度足夠令到回鍋肉除左川椒嘅香辣味，仲有濃厚嘅豬油香。辛辣度點到即止，唔會麻得太過份，食到停唔到口，又係一個無得唔配飯嘅小菜，另外鑊氣都好夠，未上檯已經聞到香。順帶一提套餐仲可以每人揀一款燉湯或者飲品。燉湯真係足料兼足火喉，飲

我本身就已經好鍾意食辣同埋冒菜呢類食物，所以今日就嚟咗呢間餐廳啦！餐廳嘅裝修同埋餐具都別有一番風格，好有嗰種中式嘅風味！水煮嫩牛肉 $189水煮牛面頭鋪滿左大大塊嘅牛肉，下面係芽菜，紅薯粉同埋菇片。湯底唔算好辣，雖然面頭睇落有好多辣椒，不過我覺得唔係好食得辣嘅朋友應該都會食到！牛肉塊好嫩滑，食食吓會發現’麻’係有後勁嘅，食到一半覺得個嘴有小小麻清炒萵筍絲萵筍絲可以清一清水煮牛嘅油膩， 後來我發現原來萵筍絲同水煮牛嘅湯底其實都幾夾

有冇人同筆者鐘意食川菜又唔係好食得辣? 今日介紹喱間湘蜀人家係少數我食完唔洗瘋狂飲凍飲既川菜!!!其實之前已經同朋友試過一次，今日再帶男朋友黎試下其他菜色XD 叫左個$458二人餐，份量超級多，有兩個前菜﹑一個水煮菜色﹑仲有兩款小菜可以選擇前菜就唔多介紹了，係夫妻肺片同涼拌兔耳(木耳)，味道唔錯~個人更喜歡夫妻肺片，入面既金錢肚煮得軟唸超入味。套餐配搭既燉湯亦足料冇味精，加上菜色唔算好辣，唔需要飲凍飲既朋友可以試下燉湯。水煮牛肉上菜時見到勁大盆水煮牛肉嚇左一嚇XD 牛肉食落細滑鮮嫩，充滿住麻辣的香味，而又只麻不辣，好過癮黑醋排骨喱道菜賣相一流，色澤光鮮平均，排骨食落唔肥有醋既酸香味，配飯勁正宮爆雞丁本來怕水煮牛肉太辣叫左另外兩個小菜都係唔辣既，不過黎到發現宮爆雞丁係酸甜為主但亦帶有微辣，配料仲有花生等等，味道惹味唔單調，送飯一流。

位於灣仔大有廣場2樓，用🇨🇳中國風🇨🇳做裝修既湘蜀人家，除咗門面同埋店面之外，佢餐桌上嘅枱布同埋餐具都睇得出係經過悉心挑選，餐具係用在中國川劇嘅藝術”變臉”做主題，拎住嚟打卡影相一流。📸❄️四川涼粉❄️粉條Q彈滑溜再配以涼粉底下既青瓜絲一齊食，唔好俾佢紅噹噹嘅外表嚇親，唔會好辣，酸酸地，惹味又開胃。🐑京葱爆羊肉🐑用咗京蔥、洋蔥、少量芫荽去爆炒羊肉，爆炒後仍然留住羊肉肉汁，配以京葱一齊食，湖南風味十足。🐄水煮嫩牛肉🐄除咗牛肉之外，仲有筍、豆芽、芹菜等等，牛肉有預先醃製過，齋睇相都知佢又滑又嫩，烹調牛肉嘅時間掌握得非常之好，唔會過熟，唔好睇佢嘅顏色咁紅亮，好似好辣，其實辣味屬於中小，但有一種令人追住食既吸引力。🥬鮮魚湯浸時菜🥬一見到呢味菜，雙眼已經發光，魚湯鮮甜唔鯹，店家用以娃娃菜同埋木耳去烹調，娃娃菜嘅甜味融入咗響魚湯入面，啱曬我呢個魚湯愛好者。湘菜係中國八大名菜系之一，響海外，湘菜亦都被視作中國菜嘅代表之一，湘菜嘅辣味🌶️豐富，令到好多原本唔習慣食辣椒味道嘅人都會鍾意食湘菜，所以各位一定唔可以錯過。

行街經過見到四川麻辣野就吸引左入去！我哋叫咗個二人套餐！超抵食！有前菜/招牌水煮/自選小菜2款/燉湯或豆漿！我地覺得係吾止2個人食！前菜就係*夫妻肺片、涼拌免耳尖*前菜黎講，份量都吾算少！我哋揀咗水煮魚片水煮魚係一道傳統的四川菜，以其辣味和鮮美的口感而聞名。鮮嫩魚片加左豆芽、辣椒和花椒，配上豐富的辣椒油和香料。這道菜既湯汁濃郁味美，魚肉鮮嫩而滑，非常開胃。我哋再叫咗麻婆豆腐！。它由豆腐、牛肉碎、辣椒和花椒組成，搭配豆瓣醬同各種香料炒製而成。豆腐嫩滑，牛肉碎帶來的口感豐富度。非常好送飯！我哋再叫咗泡椒爆牛肉，非常香辣可口的川菜。它通常由嫩牛肉片、尖椒和洋蔥組成，配以辣椒和各種調味料炒熟。又係一味食吾停口既菜！仲有個燉湯都非常足料！呢餐真係超級滿足！

川菜餐廳香港都唔少，正宗嘅川菜真係好講鍋氣，今晚黎左試吓有幾間分店嘅湘菜！湘西白辣椒爆田雞湘西白辣椒爆田雞嘅口感好豐富！田雞肉質鮮嫩有彈性，咬落去有嚼勁。湘西白辣椒帶嚟一種微辣同麻麻嘅風味，畀味蕾帶來一種刺激同開胃嘅感覺。烤豬仔骨烤豬仔骨有著香脆嘅外皮同嫩滑嘅肉質。每一口都帶來一種滿口肉香同嚼勁，豬仔骨經過烤焗，表面有著微微焦香，肉汁在口中散發出濃郁的美味。係一款下酒又適合大快朵頤的美食！酸菜粉條牛肉酸菜粉條牛肉是一道口感豐富的菜式。粉條Q彈有嚼勁，牛肉鮮嫩多汁。酸菜的酸味與牛肉的鮮味完美結合，帶來一種酸爽開胃的口感。這道菜的味道酸中帶甜，搭配上牛肉的香氣，絕對能滿足你的味蕾。餐廳環境舒適，中國風裝潢，配上功夫茶解辣解膩，餐具亦印有宮廷圖騰，增添幾分風情。👅味道💛💛💛💛💛🍽環境💛💛💛💛💛💦衛生💛💛💛💛💛