今日約左朋友在太古見面，想搵間坐得舒服又可以傾得耐既餐廳食晚飯，朋友二話不說帶左我黎一喜涮涮鍋打邊爐。 餐廳位於商場內夠晒方便，而且座位闊落坐得舒服。最重要係餐廳環境衛生度高，不時會有員工清理自助bar枱面。 餐廳有提供唔同等級嘅肉類，客人可按喜好選擇。我哋就試咗最普通嗰隻，但其實食落一啲都唔差，牛肉好有牛味，唔會嚡口。如果對食譜有要求的話可以試吓佢哋最新嘅十勝和牛套餐。 自助吧好整齊，環境衛生唔錯，會定時清潔，而且素菜的種類多，職員refill嘅速度都快。 牛肉色澤紅卜卜，無雪藏味，只要你食得到就可以無限encore。 湯底都有9款，我就試咗佢嘅麻辣湯， 10分推介俾食得辣嘅朋友，因為我低估咗佢嘅麻辣程度。 有啲特別款式嘅雪糕，推介佢哋自家製嘅雲呢拿味雪條。

今日黎到沙田白石角，諗住白石角無乜好野食，點知意外發現到呢間楠天kitchen, 用料真材實料，非常值得關注。 炸雞脾薯條：炸雞脾本身醃得唔錯，夠味道之餘唔會話太咸。雞皮炸到金黃色而且夠脆，雞肉又唔會好鞋口，咬落去仲有小小雞汁，非常juicy! 而且塊雞脾大過手掌，大大塊！ 薯條係波浪紋薯條，特別好食！ 另外，朋友點左帶子炒飯，見到米飯炒到粒粒金黃，見到獲氣十足，而且帶子都好多，非常真材實料！其他配料都好夠多，yummy!

今日去到荃薈商場既樓下冰室，估唔到又幾有驚喜，會再黎幫襯！ 用餐正值晚飯時間，餐廳好多人，坐無虛席，雖然係茶記，但餐廳有裝修，座位都算闊落，唔洗同人地逼。員工上菜速度都好快手。 值得一提既係餐牌選擇非常豐富，各式各樣嘅茶餐廳菜式幾乎都有，花多眼亂。 一坐低先點左啲小食先，西多士好大塊，四邊少少脆口，好好食。 試埋佢呢度出名既豉油皇雞脾，雞脾大大隻，非常之入味，值得推介。 正餐食左吉列豬扒飯，唔會大多炸粉，豬扒好厚，食落口啖啖肉！最後試埋個芝士焗西蘭花，完全今日完美既一餐晚飯！ 仲有一個加分位係餐廳好細心，叫凍飲會用呢個銀杯，令到杯野飲keep住凍，值得加分！

平時中意周圍食好野，前幾日黎左呢間湄南河食船面，係泰國的味道，如果大家經過開，不妨黎幫襯！ 餐廳位於荃灣千色匯商場，地點都算方便，座位亦闊落，唔會坐得好逼。 餐牌選擇豐富，除左有泰國的小食同泰式飯之外，仲有特色船面，不單止可以叫一大碗，仲可以點幾碗的小船面開心share或者試晒唔同既口味！ 貪新鮮既我最後點左3小碗的船面，3碗都可以各自配唔同的面底同配料，滿足下我的口慾。 船湯味道濃郁，岩晒重口味人士！雖然話3小碗，但其實3碗加埋的份量分分鐘仲多過一大碗！ 必點泰式小食炸蝦餅，一碟有好多粒，好味道！ 試埋佢既生菜包，用料認真，醃肉的味道剛好，唔會太咸！最後order返杯泰式奶茶歎下，味道好濃郁，完全無溝水，yummy!

今日同屋企人一齊黎到中環，上網搵食咩好，比我地意外發掘到呢間米芝蓮中菜廳，果然無令人失望，會再黎幫襯！ 我地坐低，即刻有員工招呼，上菜速度都快，餐廳員工很友善，有主動提及是日例湯款式同推介餐廳的招牌菜。 當日晚飯時間，坐無虛席，好彩我地晚飯時間前已入座，如果唔係都無位了，建議朋友仔可以先同餐廳book台。 我地點左例湯，湯料非常足夠，員工會幫忙撈起湯渣，都已經一大碟，我地4個人每人仲飲到2碗添。 我地首先試左佢既招牌鳳梨生炒骨，甜甜酸酸的味道控制得剛好，不會太甜或太酸。即炸既甜炒骨值得加分。必點菜之一。 另一款椒鹽鮮魷都好出色，脆卜卜金黃色，炸粉唔會同魷魚分離，香脆可口！ 小炒皇夠晒火喉，蝦仁、魷魚好大隻。 最後叫多碟咸雞完成今晚美味的晚餐了。雖然叫鹹雞但係唔會死鹹，送飯一流。 臨走仲有甜品添呀，正！

話說之前同朋友上大陸，曾經食過呢間湖南土菜，覺得又平又抵食。今日香港終於都有得分店啦！ 好掛住佢既大大杯檸檬茶，一坐低二話不就就點左先！甘大杯其實二個人share就剛好！ 餐廳面積好大，座位又寬敞，岩晒一家大細、三五知己黎聚餐。而且裝修都好精緻舒適。 我地二個人點左三道菜，第一道菜係魚湯白豆腐。雖然用魚湯煮成，但一啲都唔腥，用黎送飯就一流！ 第二道菜：鮑魚辣椒炒肉。鮑魚雖然細細粒，但份量都好多。用辣椒黎炒，非常惹味，辣既程度可以接受，唔會太過over或者無辣椒味道。 第三道菜是茶油土芹菜炒黃牛肉。黃牛肉好香，炒既火喉都好適中。 最後值得一提係佢地既高壓鍋紅薯飯。第一次叫飯食係成個飯煲上，感覺好抵食～ 另外，餐廳剛正式開業仲有折頭，抵上加抵！

今日同朋友黎左黃埔呢間好靚既cafe食dinner,餐廳環境非常寬敞，而且環境裝修好靚，好適合三五知己聚會同打卡。餐廳仲有室外位置，歡迎帶埋寵物黎食野。 同朋友各自點左一碟意大利麵。第一款係明太子蟹籽帶子意大利粉，味道濃郁，好香明太子味道，意粉煮得好creamy,而且帶子大大粒！ 第二款係避風塘炒意粉，第一次食呢個組合，估唔到都幾夾，好適合重口味既人士！ 最後點左甜品，因為太多選擇，最後試左香提子拿破崙，甜品都一樣製作出色，嫌一杯唔夠喉。 至於抹茶latte都好香濃，十分推介！

旺角一向出名多好野食，同朋友行行下誤打誤撞發掘到呢間食麻辣燙嘅串爆，估唔到又有驚喜。 餐廳可以散叫或者二小時放題，由於太肚餓關係，豪無疑問選擇左放題，任食串串之餘仲有得食埋小食同面食。 串串選擇都幾多，迎合到唔同口味既客人，特別係湯底可選辣定唔辣，仲可以換湯底。個人認為豆卜、娃娃菜同萵荀都好好食。 另外，呢度既小食都好值得一試，特別係水煮麻辣豬紅，豬紅夠新鮮，好滑溜，而且個汁非常入味，忍唔住點左幾次。另外無骨鳳爪都可以一試，一樣夠晒入味！ 最後食埋佢個甜品成都老冰粉，食到飽又滿足！

一向都鍾意食麻辣嘢，特別係湘菜、川菜。今次朋友帶我嚟灣仔呢間湘蜀人家食dinner，又發掘到一間好餐廳。餐牌選擇非常多，仲有套餐提供，見價錢唔錯，決定點個二人餐試吓。 先來涼拌小菜兩碟，有夫妻肺片，涼拌兔耳尖，非常入味。 仲有每人一壺燉湯，而不是普通例湯，料頭非常足。 主菜我哋選咗水煮魚，湯汁麻辣之餘唔會太油膩，用嚟撈飯一流。魚肉滑溜，一啲都雪味或腥味，底下嘅芽菜同寬粉都好多，非常yummy! 另外選擇咗土匪豬肝，賣相好掂，豬肝炒得剛好，又唔會太鞋口。 泡椒爆牛肉：牛肉一樣唔鞋口，夠晒入味！ 另外自己加左大盤豆角，份量都幾多。

最近樂富商場開左平昌，樂富終於有好食嘅韓燒了，好感動同朋友二個人黎食dinner,餐廳提供2個套餐選擇，我地決定試最貴個款，食物都自然多啲選擇。 餐廳採用韓國鐵桶個款韓燒style,好有去左韓國既感覺。而泡菜同醃芽菜仲係可以refill, 泡菜唔會太酸，好岩口味。 呢度一樣爐既旁邊有蛋食 肉類方面一啲都唔會馬虎，而且仲係厚切，咬落啖啖肉，係一眾食肉獸既恩物，除左肉類，仲有海鮮同埋醬油蟹提供添呀，呢個價錢黎講性價比非常高！ 另外值得一提係佢提供既熟食都非常出色，特別係熱湯類！我同朋友一人一碗試晒佢啲熱湯，仲要加個飯黎送添，味道好正宗韓式，十分推介