淥鼎記

營業中

休息中

今次去左創興食飯，香港人當然係要夏天打邊爐啦，所以我就揀左近排幾多人講嘅淥鼎記，我揀左小寶套餐$228，係安格斯精修牛同黑毛豬嘅套餐，揀左個海皇海鮮湯底，入面有啲蜆，個湯有鮮味，直程係唔洗調碟，直接淥啲肉都已經好夠味！嗰晚嘅前菜係川味鹵水拼盤，不過唔洗驚其實唔辣，全部都好入味，仲有盤鹹蛋黃炸魚皮，超級好食！好脆而且有好濃嘅鹹蛋黃味，因為佢勁足料，鹹蛋黃包裹住有舊炸魚皮！推薦！佢每種肉我都試左，全部都好高質，啲牛好嫩，厚薄適中，油花分布都勁靚，冇筋，啲羊肉同豬肉都冇腥味，我全部都encore晒！出面嘅自助都好豐富，除咗一般嘅丸之後仲有鴨血、鵝腸，不過我最鍾意食佢啲餃同雲吞，真係同出面單點嗰啲一樣㗎，仲可能好食過嗰啲添！佢嘅菜類都好豐富好新鮮，而且預先幫你再好一兜兜，好方便！飲品吧都有啲自製嘅飲品，好似係竹蔗茅根、無糖綠茶、洛神花茶，解膩一流；如果想要甜嘅佢都有一啲汽水。最特別嘅就係佢有超級多唔同嘅調料，除咗平時蔥薑蒜豉油辣椒油之外，仲有腐乳、黃辣椒醬、沙茶等等，總有一款啱你！上菜速度好快，位置好闊落，選擇多而且質素高，不過大家就要記住book位因為都好多人食，我哋食完出到嚟仲係排晒長龍！

之前喺觀塘食過佢哋嘅分店，當知道佢哋旺角都開咗分店，要嚟試吓😋裝潢相當高級華麗，出面自助bar淨係汁醬區擺設都好有架勢😍🌟小寶套餐 $228🌟有三款套餐揀，一個係豪華版(有刺身、頂級牛小扒、海鮮拼盤等等)另外兩個小寶套餐同堂主套餐就係每人加多$30就有海鮮，月尾關係，同朋友揀咗最平既小寶套餐😅😂🤣小寶套餐就無海鮮揀，其他基本上都一樣😋會跟一個錦繡前菜，一次性，好豐富🤩係鹵水拼盤嚟😌湯底就揀咗老壇酸菜鍋，裡面有大量酸菜、芽菜、蓮藕片等等配菜，連薯粉都有😂加埋火鍋既魚片，同食緊一大鍋酸菜魚無誤😂整體來講，餐廳設計基本上都係卡位同自成一格既設計，係一個坐得相當舒服既打邊爐任食餐廳，服務都好好👍🏻有足夠人手去招呼每一位枱，中間仲會幫你換下骨碟，一啲都無待慢客人💯

平時去觀塘打邊爐都會去「淥鼎記」🫣今次去咗旺角分店食「小寶套餐」120分鐘任食火鍋😜.錦繡前菜🥘川味滷水拼盤有鵝掌、鵝翼😍豬大腸、紅腸🐖豆腐、滷水蛋🥚都滷得都幾入味，點埋白醋食仲正😬另外有金沙炸魚皮🐠鹹香脆口😆.海皇海鮮鍋🍲湯底比較清淡🥺底下有蜆🐚都幾鮮甜👍🏻.肉類🥩有安格斯極佳級精修肥牛🐂安格斯牛肩胛、安格斯封門柳🐄伊比利黑毛豬、黑毛豬腩片🐖紐西蘭羊肉片🐏鮮雞件🐓手打蝦滑、蝦丸🦐手打墨魚滑、墨魚丸🦑手打鯪魚滑、鯪魚丸🐟美國安格斯牛肩胛🐮肉味好濃，而且大大塊🤤安格斯封門柳肉質嫩滑😛安格斯極佳級精修肥牛食落脂肪明顯多好多😮.火鍋配料區🧆有娃娃菜、生菜🥬萵苣、南瓜🎃冬菇、金菇🍄蓮藕、響鈴、粟米🌽主食有粉絲、稻庭烏冬🤍出前一丁、伊麵、薯粉🍜丸類亦有龍蝦丸🦞包心蟹籽丸🦀午餐肉、蟹柳、牛筋丸、芥末貢丸🍢脆皮芝士腸🧀魚腐、魚片頭🐟豬肚、水魷、鵝腸、鴨血🦆個人覺得鮮蝦雲吞同韮菜餃好足料又新鮮😋鵝腸大條彈牙😆.飲品區🥤自家製竹蓆茅根係每次都必飲🎋🥕清甜足料☺️另外有唔同汽水、茶🍵果汁🧃

今朝一起身突然間好想食蝦餃燒賣，想食就一定要食到，否則全日會不快樂，一個人飲茶究竟可以食啲咩😎大胃王嘅我一個人可以食兩個人嘅嘢😂😂一直想食呢間位於旺角創興廣場嘅淥頂記好耐，因為好想飲佢嘅熊仔奶茶，同埋佢啲點心蝦餃燒賣有兩件一籠，啱晒我呢啲好似阿婆咁一個人飲茶嘅人，呢度朝早同晏晝可以嘆一盅兩件，夜晚有酸菜魚，烤魚等等可以打邊爐👍🏻🐽▪️蟹籽龍皇燒賣(2件) $ 19燒賣豬肉餡非常彈牙，面頭蟹籽粒粒份量又多又有咬口，點埋辣椒油就最正🦐▪️黃金鮮蝦餃(2件) $ 19蝦餃大大隻，有一層金箔賣相好靚，澄麵皮非常簿，包住三大隻鮮蝦，好爽口又Juicy ，好味🐮▪️五年陳皮牛肉球(3件) $ 28重點係鋪響牛肉球面既陳皮，真係好香，配牛肉球真係超夾，牛肉軟腍，充滿香濃嘅芫荽味，我最鍾意加上海量嘅喼汁，飲茶必食🫔▪️春風得意腸粉 $ 38又真係幾得意喎，紅米腸粉包住脆卜卜嘅春卷，春卷餡料有大量蔬菜，口感非常豐富，而且唔係太多肉，食得健康🥯▪️酥皮菠蘿叉燒包(3件) $ 29熱辣辣焗出嚟，菠蘿包面酥皮香脆，包包柔軟，配合傳統叉燒包既餡料，細細個，實在太好食，一口氣食晒三個都不是問題🧋▪️熊仔奶茶 $ 24最期待的

想食呢間淥鼎記好耐，趁放假約左friend子打個靚邊爐。我哋揀左人頭$228嘅「小寶套餐」，加$28/位可以升級，有得加碼老壇酸菜爐魚、香辣烤魚等等主菜。我哋主力想打邊爐就冇叫，後尾見到隔離枱盤酸菜魚，超大碟超足料，人多黎食必叫呀。「小寶套餐」本身已經包好多嘢食：安格斯極佳級精修肥牛、安格斯牛肩胛、安格斯封門柳（個人最鍾意封門柳，牛味濃👍🏻）；仲有伊比利黑毛豬、黑毛豬腩片、紐西蘭羊肉片等等。食肉都食到8成飽了。自助區同醬料區都唔惹少，廿款醬料任你加，特別啲嘅有黃椒醬、乾蔥油，烏醋。生菜一兜兜好方便拎，粟米同南瓜超級鮮甜，我哋食左勁多。另外試咗少少自製魚皮餃、鮮蝦雲吞，都好唔錯。飲品又係勁多選擇，有好正嘅椰汁，自製竹蔗茅根、洛神花茶都好清涼解渴。我同朋友都好滿意呢餐，已經諗緊幾時再黎了😌

創興廣場有好多餐廳，今晚朋友約我去其中一間叫「淥鼎記」嘅餐廳打邊爐🍲。我地揀左小寶套餐。兩個鐘放題可以任食任點安格斯牛、黑毛豬、手打魚滑/丸、鮮雞件、自家製涼茶同埋火鍋自助區，正爆！😍😆19:30前離座，21:00後入座$228。我同朋友17:30入座，食兩個鐘，啱啱好趕得切個優惠🥳。餐廳有好多梳發卡位，坐得好舒服～🥰前菜係鹹蛋魚皮同埋滷水拼盤。鹹蛋魚皮鹹香脆口。滷水拼盤有鵝掌翼、豆腐、紅腸同埋豬腩肉，食材豐富，誠意十足。火鍋湯底揀咗花膠美人鍋，入邊真係好多片花膠，重有大量紅棗，好滋補呀！😍😍😍安格斯牛同黑毛豬都大大片，夠新鮮，肉質咬落有口感😋👍🏻。安格斯牛牛味濃。火鍋自助區十分乾淨企理，食物同飲品擺放得井井有條，令人一目了然，讚！👍🏻食物同飲品種類繁多。有丸、蔬菜🥬、烏冬、餃子等等，兩個鐘真係唔夠時間試晒咁多款啊😭！烏冬唔係普通烏冬而係稻庭烏冬，滑溜煙靭，加牛肉落烏冬，自製牛肉烏冬，正呀😋！因為本身個餐包咗牛同豬肉，我喺火鍋自助區就夾番d蔬菜平衡番。攞左淮山、萵筍、南瓜、娃娃菜同菜心。重夾左d 餃子。剩係餃子🥟都有冬菇雞肉餃、韮菜餃、魚皮餃同水餃多種款式，每款夾左幾隻試下。當中冬菇雞

今日同朋友仔去左旺角創興搵好嘢食由於我哋太肚餓嘅關係，於是我哋就去咗一間叫淥鼎記度食任食火鍋一入到去佢個環境都幾乾淨同埋幾新，多次啱啱開咗冇幾耐嘅餐廳我哋叫咗一個小寶套餐，入邊包咗唔同類型嘅牛肉、豬肉、雞肉同埋手工丸類，你仲可以去自助吧度拎蔬菜，其他丸類，仲有我愛食嘅炸魚皮同響玲，真係花多眼亂我哋叫咗個花膠美人鍋湯底，清清地，而且又有好多花膠，仲要係厚膠😍必叫推介：安格斯封門柳肉味非常濃郁，肉質柔軟同帶啲甜味😌鮮脆鯇魚肉肉質結實、清爽、脆口，我哋仲要encore咗好多次黑毛豬卷腩肥瘦平均，鬆軟美味😌手打潮汕蝦丸同墨魚丸非常彈牙爽口😌食到停唔到口P.S 服務員非常之有禮貌，同上菜速度都好快

之前已經試過佢哋嘅觀塘分店！由於食得幾滿意😌所以上次同行嘅友人話今次又約打邊爐不如試埋旺角店喎☺️☺️友人好醒已訂位！因此上到去可直入！被安排咗坐張闊落卡位舒舒服服打邊爐✌🏻我哋點咗每位$228嘅🌟小寶套餐🌟可任食120分鐘！出面自助區有多款醬料, 飲品(我哋揀咗養生洛神花茶同竹蔗茅根水), 火鍋料(由丸類到蔬菜類都有)可供選擇自取🤗🤗咁貪靚嘅我哋湯底梗係揀✨美人花膠鍋啦！鍋入面真係有多塊膠原滿滿嘅花膠片同養顏紅棗架呢❤️雖然是晚傾計多過食嘢🤭但都重點講吓食過啲乜啦！✨安格斯極佳級精修肥牛(鍾意多啲油花嘅可以揀呢款😉) & ✨安格斯封門柳(牛味較濃郁)！✨鮮脆鯇骨腩(都算新鮮！魚肉質地幾結實) ！✨南瓜(幾鮮甜🎃) ！✨水魷魚(爽彈鮮味) ！！總括而言：店員服務幾有效率！多次主動上前加湯😊店面環境乾淨精緻！不過下次可能揀高階啲嘅套餐會更滿足🙌🏻🙌🏻

愛上食火鍋的我，呢晚又同friend子去位於旺角嘅淥鼎記食火鍋放題。我地5：30已經入座，早到早享受，唔洗等位，仲有卡座～餐廳環境寬敞舒適，我地揀左【小寶套餐】包120分鐘放題，提供近40款火鍋配料和多款飲品，送前菜，每人只係2百頭，都幾抵食～前菜川味鹵水拼盤有鵝掌、豆腐、香腸和炸魚皮～ 我超鍾意佢碟咸蛋黃炸魚皮，超級惹味又唔會太咸～湯底我地想特別啲，揀左海皇海鮮鍋，唔洗加錢幾好，因為出面好多時比較特別嘅湯底都需要另外收費～安格斯極佳級精修肥牛、美國安格斯牛肩胛、安格斯封門柳、伊比利亞黑毛豬、黑毛豬卷腩、鮮雞件、鮮脆鯇魚片、潮汕蝦丸、潮汕墨魚丸、潮汕魷魚丸等等都可以直接係手機度落單，過一陣已經送到喇，快靚正，而且都幾好味～ 個人大愛安格斯極佳級精修肥牛和伊比利亞黑毛豬，肉味香濃又嫩滑，各式丸類和鮮脆鯇魚片都好彈牙～出面自助區都有大量火鍋配料和飲品可供自取，當中有我喜歡嘅菜、菇類、午餐肉、生根、響鈴同炸魚皮等。。。部分茶類飲品仲係自製㗎，感覺健康啲～2小時真係不停食食食，好開心、好暢快呢！

又同媽媽出動去品嚐不同店家的點心，今次我地選擇了位於創興廣場的淥鼎記，改名真係改得好，令人一聽已經留下深刻印象。一出𨋢，大大個招牌已經好搶眼，再望入去見到個裝修，真心覺得好靚，色調和氛圍都拎人感覺好舒服，職員服務態度又好，最令我喜出望外的是，竟然連食物也很出色，有很多特色的點心。整餐午茶，媽媽都不停地讚嘆，我倆都食得很開心。老干媽燒賣 – 蟹籽燒賣平時食得多，所以就揀個特別少少既老干媽燒賣，其實就即係燒賣點左個老干媽醬，有少許辣感，十分不錯。花膠蟲草高湯鮮竹卷 – 首先當然係飲啖高湯，好飲。面頭有少量蟲草花和花膠，配上內餡十分豐富的鮮竹卷，很好食。 避風塘脆茄子 – 大量炸蒜和孜然粉，所以離遠已經聞到濃濃的香味，茄子炸得很香口，十分惹味。 籠仔蒜香艇皇海鮮蒸飯 –有蝦、有鮑魚及帶子，再加上勁爆香的蒜香味，所以一打開個籠蓋，香味直接撲鼻，真係口水都流哂出黎。食落都完全無令人失望，d米飯係用蛋炒底，好正，下次再黎都一定會點番呢個飯黎食。

同老人家食飯，都係首選中式點心，這裡中午提供點心而晚上做打邊爐，所以裝修都比較現代化，座位亦十分寬敞，中間通道亦闊落可以用手推車上食物，安全又衛生。我最欣賞佢哋好多款食物都是2或3件， 啱曬兩個人嚟飲茶又想試多幾款食物，2件價錢上亦會比較化算。必食之一黃金鮮蝦餃，尺寸看落比一般大，餃皮薄身，外表加上黃金標籤，吸晴，蝦肉夠新鮮又彈牙，有水準。松露龍皇燒賣，松露香氣吸引，燒賣肉口感亦好有彈性。香芋天鵝酥賣亦吸引，炸的時間控制得好，外皮夠酥脆。蟹籽叉燒腸粉、高橋蘿蔔糕、黑松露三文魚酥、擂沙湯丸都各有特色。另一驚喜是冰鎮奶茶，完全有茶餐廳水平，點一杯奶茶可以免一位茶錢，差不多等於半價。

5級評分好味😋😋😋😋😋回頭 🤩🤩🤩🤩性價比 💯💯💯💯終於食到傳說中嘅淥鼎記！揀咗個麻辣湯底同埋個養生煲，麻辣湯底真係好辣，好彩有個養生煲中和下！啲丸同牛肉勁新鮮，未試嘅就快啲泥試下啦！

💎總評分：9.5/10-餐廳喺觀塘早已打響名堂，最近旺角開分店，午市主打特色手工現做點心👨🏻‍🍳，將品牌拿手嘅四川味道🌶️加入粵式點心，crossover味道夠創新又唔貴💰，室內亦有裝修過，靠窗位置模仿包廂設計，私隱度甚高👍🏻。午市menu都好多元化，點心以外亦提供酸菜、水煮、川菜小食等。1️⃣ 粵式點心 🔸琥珀合桃酥 $32每粒「合桃」都由師傅人手做型，像真度💯，用筷子夾落去感覺堅硬，但係一咬落去發覺相當鬆脆😗，餡料主要係合桃碎加煉奶，外皮似朱古力曲奇🍪，唔單止外型滿分，味道都相當有驚喜，大推🫶🏻!🔸松露小梨子 $30相信大家對呢個點心都不陌生，幾間新派點心館都有供應，但價錢則較貴💸。作為一個鹹水角，外皮煙靭餡料調味恰當，水準已經達標👌🏻。🔸花膠蟲草高湯鮮竹卷 $26平時嘅鮮竹卷浸係油膩芡汁入面，小編通常會提防⚔️，但換以高湯配花膠&蟲草，感覺滋補健康😌。可能大家會comment花膠嘅份量，但係呢個價錢好合理。2️⃣ 川味點心🔸麻婆豆腐餃 $24類似粉粿嘅外皮厚薄適中🥟，入面固名思義係麻婆豆腐餡，夠辣而且創新好食😋，必試✨!🔸老乾媽燒賣 $19除咗上面眼看得到嘅老乾媽👀，肉餡本身已經加咗辣，係就

是晚為咗慶祝生日而去打邊爐。首先，果度的服務員十分抵讚，親切之餘，且十分殷勤。主菜就選咗酸菜魚，份量十分足，惟叫左小酸，但出黎的味道就好似BB酸咁，酸和辣都唔出，略為可惜。送的海鮮、刺身拼盤十分豐富，而且鮮度十足☺️食埋呢啲已經好飽。不過，熟食的小食就略為少選擇。

原來淥鼎記唔止淨係可以打邊爐🍲仲有好多點心同小食🥧古法黑蔗糖年糕好好食😍甜度啱啱好 唔會太甜 口感好軟糯煙韌💕涼拌貢菜木耳都好特別 加左爽脆嘅貢菜 索哂啲麻辣醬 超惹味開胃🌶