淥鼎記

營業中

休息中

同老人家食飯，都係首選中式點心，這裡中午提供點心而晚上做打邊爐，所以裝修都比較現代化，座位亦十分寬敞，中間通道亦闊落可以用手推車上食物，安全又衛生。我最欣賞佢哋好多款食物都是2或3件， 啱曬兩個人嚟飲茶又想試多幾款食物，2件價錢上亦會比較化算。必食之一黃金鮮蝦餃，尺寸看落比一般大，餃皮薄身，外表加上黃金標籤，吸晴，蝦肉夠新鮮又彈牙，有水準。松露龍皇燒賣，松露香氣吸引，燒賣肉口感亦好有彈性。香芋天鵝酥賣亦吸引，炸的時間控制得好，外皮夠酥脆。蟹籽叉燒腸粉、高橋蘿蔔糕、黑松露三文魚酥、擂沙湯丸都各有特色。另一驚喜是冰鎮奶茶，完全有茶餐廳水平，點一杯奶茶可以免一位茶錢，差不多等於半價。