淥鼎記

營業中

休息中

之前一直都會去觀塘食淥鼎記依家旺角都開咗，超級方便，又可以即刻叫朋友去食啦😋我真係一年365日都咁鍾意打邊爐🥰-一坐低即刻叫牛🐂先，有三款可以揀-安格斯極佳級精修肥牛我自己最鍾意食呢款肥牛🤩-安格斯牛肩胛同安格斯封門柳就重牛味多啲，亦都比較大塊厚實-大家嚟到淥鼎記一定要嗌佢嘅海蝦🦐同沙白呀🤤啲蝦真係好新鮮，好鮮甜，食到冇停手另外啲沙白粒粒都脹卜卜，一食落去即刻有海水嘅味道湧上嚟🥳-旺角嘅淥鼎記闊落坐得好舒服，哩個價錢真係好抵！大家一定要黎試吓！-

黎淥鼎記食點心好食抵食傾偈唔會嘈住人1)黄金鮮蝦餃2件$19皮薄，蝦爽口。2)特色奶皇流沙包3件$30究竟堅定流⋯⋯係流🤣有相為證，唔太甜我鐘意。3)五年陳皮牛肉球3件$28(係唔係五年我就唔識)陳皮好香就真，牛肉嫩滑，加埋喼汁就好好食。4)香芋天鵝酥3件$36食到芋泥，我覺得味道似咸水角。5)黑松露赤螺三文魚酥3件$36食落三個層次，夠酥脆，鐘意黑松露嘅朋友就要食，佢係主角。熊出沒注意⚠️超可愛熊仔奶茶$24超快溶熊仔檸檬茶$24注意‼️叫咗檸檬茶，就要快啲影相📸️檸檬茶熊仔係紅茶凝結，所以硬度時間短。奶茶熊仔就有奶成份，凝結度就比較耐，可以慢慢影相📸️都可以。

今日同朋友食晚餐嚟到旺角嘅呢間淥鼎記火鍋度食火鍋放題 閒日夜晚時間嚟到 人唔太多所以畀咗張四人卡位超級無敵闊落 值得一讚嘅係服務態度好好 上菜同收碟都非常迅速一坐低已經有個鹵水拼盤 滷得非常入味 同單點質素有得揮呀湯底叫咗個芫茜皮蛋湯芫茜係碎上 裏裏外外都充滿芫茜味 芫茜控必點呀打邊爐點可以唔食牛呀 呢度出名安格斯牛肩胛 牛肉好足料 肉色紅潤非常新鮮而且肥瘦適中一啲都唔韌仲有主打黑毛豬 豬肉同樣地非常新鮮 肥瘦適中一啲豬騷味都冇最驚喜係脆肉鯇竟然係任點任食 質素好新鮮而且非常夠彈牙

估唔到佢個湯底有成大舊心型牛油，好IGable 😍當日去左淥鼎記，叫左個小寶套餐，套餐係任食嘅，所以一定好夠飽，不過我地見加$28 可以多個主菜，就加左個酸菜魚試吓 🤣 酸菜魚勁大盤，魚片嘅份量都好多，仲要味道都唔錯，真係好抵！ 雖然我個人就鍾意辣啲酸d啲，但朋友唔想食咁辣冇計啦～原來一開始餐廳會比一份滷水拼盤我地食住先，有滷水豆腐，腩肉，紅腸等，味道不過不失，但細食啲嘅人，食完拼盤再食小菜，已經被K.O.左個胃 終於到咗主菜邊爐！湯底揀咗小辣嘅麻辣鴨血鍋，嘩左一聲，中間有個心形牛油，真係好靚！味道一開始係冇乜辣味，要煲耐D先出味，到後期個味道更加好味～火鍋配料方面，我哋主打都係各款嘅牛肉羊肉同埋豚肉，牛肉種類都有兩三款，味道或者係口感都唔錯，但係豚肉就令我更有驚喜，所以我都，兩次豚肉片！除咗肉類，出面仲有啲丸啊雲吞同埋蔬菜飲品可以拎，總括都唔錯！題外話，因為見到有個熊仔奶茶好得意我叫咗杯嚟飲，雖然要加$28 ，但係佢靚得黎都幾好飲，都值嘅～

有好一段時間冇食火鍋放題喇今日戰鬥力麻麻揀咗小寶套餐120分鐘有40幾款火鍋配料任食最basic咩都冇加已經好夠食每枱會送一碟滷水拼盤湯底揀咗海皇海鮮鍋屬於清清地嘅湯底有唔少花甲(定係蜆?😆)為湯底增加鮮味肉類用電話落單其他如飲品、醬料、丸、菜等等要出去拎出面嘢食幾多選擇諗到打邊爐要有嘅嘢食都有咁滯每樣食材都用膠盒入住，幾乾淨企理每樣都攞啲試吓，最最推介以下呢啲-🔘安格斯精修肥牛(肥瘦適中有牛味)🔘皇帝菜 (純粹個人喜好😆)🔘手打蝦丸/墨魚丸 (彈牙好食)🔘自家製竹蔗茅根 (比較唔甜幾好)🔘芥末貢丸 (幾特別）🔘魷魚 (爽彈）食到好飽嘅一餐~

之前聽啲朋友話開左間新既火鍋店！即刻book位同朋友過黎試試🤤🤤提前左1個星期book位！去到已經好多人了！今次同兩個frd一起食😬其中一個遲到左半個鐘！服務員見我地等得太耐，上左滷水拼盤我地！都幾入味等左陣，朋友黎就即刻上酸菜魚！（四選一，可以選酸菜魚，重慶雞煲，香辣烤魚，椰子雞）辣度都可以自己揀🤗🤗酸菜魚味道都正宗！配料好好吃😋然後就上刺身！刺身有三文魚，帶子等！用冰冰住好生鮮🤗之後就上火鍋！有四個湯底（鴨血麻辣湯，澳門豬骨鍋，皮蛋芫茜豆腐湯同埋海皇海鮮鍋）我地揀左鴨血麻辣湯！因為仲有一盤海鮮拼盤！自己拿調料之後仲可以拿埋菜+丸子自己食！靚既牛就另外自己落單！加起身💰358一位！而且不限時放題，可以無限食！

同朋友約左好耐嘅聚餐，好難選擇食d咩，咁岩見到呢間餐廳可以一次過滿足唔同願望，就book左呢間～叫左爵爺套餐，$358加一，主菜可以6選一（老壇酸菜魚/重慶雞煲/香辣烤魚/辣子雞/水煮牛肉/椰子雞）另外！仲有每位贈送時令刺身，安格斯牛小排，豪華海鮮拼盤，40多款火鍋配料任食～😂😂實在太多野食太多選擇。我地揀左烤魚，烤魚好入味，夠麻同辣，下面有蓮藕同土豆片，爽脆入味～刺身拼盤好新鮮好味，估唔到放題都咁高質👍之後係火鍋，我地揀左豬骨湯底，入面豬骨有4/5舊好大塊，火鍋配料自己出去拎嘅任食，火鍋就正常牛小排好大盤睇落好壯觀，食落都唔錯。海鮮拼盤都係好大盤😂全部都好新鮮👍揀唔倒食咩餐嘅朋友可以試下呢間，乜菜式都有得試😂😂😂

2個女仔的約會😛是日約會 -> 旺角 -> 淥鼎記 -> 淥一淥🍲-> 小寶套餐💫開胃前菜，可以任添，本身仲有款青瓜🥒，咁岩無哂，店員話俾多碟雞😁湯底： 海皇海鮮鍋，底下有蜆，足料鮮甜😋肉類： 安格斯肥牛🥩、牛肩胛🥩、封門柳🥩、黑毛豬🐷、黑毛豬腩卷🐷、鮮雞件🐔、脆鯇魚🐠、脆鯇魚腩🐠款款都好好食，意外既係有封門柳🥩，唔係度度有得食😻👍自助區仲有各類餃🥟、丸🍢、菇🍄、蔬菜🥬、醬料、飲品🥤🧃

同好朋友👭🏽去咗打邊爐。🍲我地食”小寶套餐”。📜由9點食到11點，足足120分鐘。🥳店員提供咗幾款開胃前菜俾我地😉，仲同我地講，如果前菜唔夠嘅話😙可以隨時加🥰。不過啱啱今日冇哂青瓜。😬➡️ 麻辣黑木耳➡️ 海蜇+雞➡️ 花生➡️ 青瓜食住等😎我地揀咗嘅”海皇海鮮鍋湯底”🤭。湯底未開始淥嘢食之前，已經聞到好香嘅味道。😍仲放咗好多蜆🦪係入面🍲，令到湯底嘅味道更加鮮甜。🤤湯底到埋我地就開始用電話嘟QR code點肉類🥩。每款肉類每次只可以叫3份。☺️🐮 安格斯肥牛、牛肩胛、封門柳🐷 黑毛豬、卷腩呢度嘅肉類，不論係牛或者豬🤩都好高質。竟然仲有封門柳呢個刁鑽位食。😻鮮嫩又有肉味。😋另外仲有鯇魚肉🐟同鯇魚腩🐟可以點。脆口冇腥味。😚至於丸🍡、餃🥟、蔬菜🥬、菇🍄類，就可以自己去凍櫃攞。食幾多夾幾多🥢。飲品選擇亦好多。😎甜嘅有汽水、果汁。👧🏻👦🏻🧒🏻又有唔甜嘅茶任飲。👴🏻👵🏻我地就最鍾意飲嘅❤️就係自家製嘅，有酸梅湯、竹蔗茅根水、洛神花、茉莉花茶。有味得嚟又唔會太甜。🤓

飲茶相信一定唔會無咩人唔鍾意,年紀越大就越鍾意慢慢嘆才杯茶食下點心.老乾媽燒賣大大粒燒賣上加上老朝媽秘製辣椒夠晒刺激又惹味.老乾媽辣椒又麻又香,配上鮮味十足又彈牙既足料燒賣估唔到都幾夾.蟹籽叉燒腸腸粉皮唔會過厚,入口都幾滑溜而且帶點煙韌感.內裏包住蜜味香甜既叉燒同生菜令口感更爽脆.腸粉上既蟹籽增加左一陣脆卜卜又充滿鮮味既口感.特色奶皇流沙包三色奶黃包每個都印上一個可愛既圖案,綠色仲帶少少綠茶香.內裏既奶黃餡流心又香滑,仲帶一陣陣蛋黃濃郁香味.沙律蝦長春卷超長條既炸春卷,炸得唔會過油膩而且咬落香脆.春卷內充滿爽脆既蝦肉,鹹鹹香香.四川擔擔麵充滿肉碎既擔擔麵好豐富！擔擔麵既辣勁又香又夠辣,每啖都充滿辣油香.麵條爽彈又吸晒擔擔麵湯既辣味.

牛魔王最愛 安格斯高質放題早就去過觀塘店，一直人氣高企，第一次試旺角新店，日頭供應點心小菜，亦有火鍋放題，新店環境幾舒適，以卡位為主，色彩繽紛風格幾鮮明，任飲任食120分鐘，仲有打卡必備的熊仔凍檸檬茶，將檸檬茶打造成熊啤啤樣，又靚又好飲（$24）小寶套餐(19:30前離座）($228)喜歡食辣唔好錯過鴨血麻辣湯，勁足料，好開胃，湯底四選一，皮蛋芫荽都好吸引肉類選擇都非常多，有安格斯極佳級精修肥牛、安格斯牛肩胛、黑毛豬捲腩、鮮雞件、鮮脆皖魚肉、手打蝦滑、墨魚滑等最推安格斯牛肩胛及安格斯封門柳，牛味足，而且唔會肥，肉類比起一般放題質素，屬於中上水平，CP值高，不知不覺encore 咗勁多碟，單單吃肉已經回本自助配料吧的選擇非常豐富，平時想常見蔬菜、各式各樣的丸類就唔多講，推薦即製鮮蝦雲吞，質素唔錯，皮薄多料，飲品區選擇非常多，自家製竹蔗茅根可以下火，啱晒打邊爐—————————————————淥鼎記 (旺角)旺角彌敦道593-601號創興廣場5樓—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #h

今日出旺角購物，之後在位於彌敦道創興廣場5樓的渌鼎記飲茶。朋友推介，話渌鼎記除了火鍋出名後，飲茶吃點心也不錯。下午兩點上到去，仍有很多茶客。好彩好快便安排到卡位坐，舒適。員工有禮效率佳。點心選擇多，有粤式也有川式，甜品飲品也有特色，一定可揀到心頭好。好開心竟然還有我喜歡的酸菜魚。叫了一份小的酸菜魚，揀了少辣少麻。嘩，細份的份量也很足料。一上桌已聞到香味，賣相也佳，好吸引! 酸菜魚用的是鱸魚片，魚肉雪白肉鮮甜份量多，配埋大荳芽，咸酸菜，蓮藕片，蒿笋，薯粉和酸辣麻的湯，開胃美味。吃完酸菜魚已半飽。點心不能不試。蝦餃大大粒，晶瑩飽滿，吃入口蝦肉彈牙鮮甜，正!泡菜鮮肉餃有特色，餃皮薄，餡主要是肉粒和蝦，微辣開胃，好食。熊仔奶茶賣相cutie, 最啱打卡，冰凍的奶茶香濃，食完辣嘢飲就最好啦! 這凍奶茶好飲過好多茶餐廳出品，一定要試下。琥珀合桃酥是手工點心，賣相似合桃，有香甜的可可味，切開裏面是合桃碎和芝蔴餡，精緻美味，推介!今餐吃得很滿意，下次再來試其他點心。

環境：全部卡位，雖然卡位不算好寛落，但任食餐廳都算舒服，周圍環境都感覺衛生，食物飲品都好整齊👍👍食物質素：滿意服務員都很細心👍👍執枱換碟都快手雖然價錢不是很便宜但總括係值呢個價可以慢慢食慢慢嘆的放題😋

看網上介紹，來飲個早茶地方很大，卡位坐得舒服，冷氣也夠勁，在這熱天的日子很重要……食物出品質素不錯，點心都是即叫即做，出來都是熱辣辣的，點心有點心思，推介👍🏻

我第一次食d咁可爱既點心，賣相相當吸引，食落味道都有驚喜，因為食物餡料配搭係自家配制，同普通係出面飲茶唔一樣，另外我點左個熊仔奶茶🐻🧋，好得意呀，可以刨冰咁食🍧，12點開始就可以點其他餸菜，額外點左個老壇酸菜魚小辣小麻🥘🐟🌶️，建議大家唔食得麻嘅朋友，就唔好點麻啦，因為麻感確實強烈，仲有仲有，店既裝潢好靚，卡位又夠大，坐得特別舒服，係疫情底下覺得有私人空間，又夠衛生，所以間店較為特別大家快d去食，唔好等啦，又食得又睇得