海膽仔

營業中

休息中

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗今日朋友帶咗我嚟試呢一間小店，佢話嚟食過覺得好正～ 天氣熱有時都會想食下生冷嘢～入口附近雪櫃內有一盒盒加拿大同墨西哥海膽、三文魚、泡芺，亦都見到有新鮮嘅原條魚、生蠔… 開始已經心心眼😍店內設計都幾有特色！有唔同款式有大有細嘅酒桶，同千與千尋嘅Kaonashi（無臉男）公仔擺設～店員話呢段時間冇本地同日本嘅海膽，所以木板燒港膽同海膽拼盤都暫時未有得供應！🍴倍化帶子吞海膽（$88/2件）嘩！好大粒帶子呀！造型有D似刈包咁！😂 帶子刺身中間切開，中間夾住份量好慷慨嘅海膽，外面包住紫菜！先就咁試少少海膽，佢今日用嘅係加拿大海膽，呈金黃色有少少光澤，食落去口感綿滑，非常肥美… 帶子刺身新鮮夠飽滿，軟嫩鮮甜，食落仲有少少火炙味道，睇真D，發現原來貼住紫菜嘅兩邊有微微燒過，令到味覺多一種層次！咁嘅組合咁嘅價錢真係超抵食！超級推介😋🍴北海道鮮鳳趾生蠔（$68/隻）即叫即開，都幾大隻飽滿，落咗少少檸檬汁響面，一啖滑入口，勁creamy又鮮甜濃郁，呢款生蠔嘅海水味唔太重，唔太鹹，啱晒鍾意食肥厚飽滿又creamy 生蠔嘅我！🍴原條雞魚刺身（$328）所有原

前排見好多人响社交平台分享呢間專食海膽既居酒屋，好似好吸引咁🤤呢日即刻約左朋友去大食海膽😋🍣日本獨眼龍+美國車厘蜆（$68/隻 $38/隻）一黎就比門口既冰櫃吸引到，經過店員一番介紹，揀左兩隻蠔同兩隻蜆，全部都新鮮大隻，獨眼龍生蠔既海水味唔算重但肉質爽口，車厘蜆金屬味濃，好鮮味👍🏻🍣倍化帶子吞海膽（$88）呢個果然係必食推介，帶子鮮味大粒，中間再夾住新鮮creamy既海膽，外面用紫菜包住，一啖咬落去好似食緊三文治😂一次過滿足兩個願望咁，好鬼爽😜🍣加州海膽（$228/板）話明係專食海膽，梗係要再叫盒海膽試下，呢日有幾個唔同地方既海膽供應，聽左店員介紹試下呢個加州海膽，size無加拿大海膽咁大，不過鮮味明顯比帶子吞海膽再更好，完全無腥臭味，口感柔軟嫩滑👍🏻再配埋波波飯同紫菜包住，點啲芥末醬油食，鮮味出哂黎😚🍣軟殼蟹手卷（$26）+三文魚腩手卷（$18）即點即炸既軟殼蟹炸得金黃酥脆，手卷飯量比想像中少，不過不失🙂而厚切三文魚腩既手卷只要夠新鮮，基本上無得輸😎唔錯唔錯成個用餐體驗黎講係比想像中有驚喜🤩食物質素好高，價錢相宜，CP值好高呀🤑同埋店員會熱心介紹空運貨同特別推介，服務好好😬

位於新蒲崗衍慶街< 𝓤𝓷𝓲 𝓚𝓸𝓽𝓸𝓶𝓸 >, 一間高質平價海膽專門店, 店內有各款直送海膽, 更有即開生蠔、刺身、丼飯、串燒等, 食材相當新鮮。加拿大海膽 ⁽¹盒⁾ $²⁴⁸海膽味道非常鮮甜, 口感亦很滑溜, 旁邊再放有紫菜及飯糰, 整體相當高質。倍化帶子吞海膽 $⁸⁸厚身刺身帶子夾著綿密海膽, 味道鮮上加鮮。刺身定食 $¹¹⁸包括有三文魚、油甘魚、牡丹蝦及帶子, 全部都非常厚切又有口感。定食更有一大碗壽司飯以及蜆殼麵豉湯, 性價比超高。燒海膽生蠔 $⁶⁸生蠔肥美, 上層放滿芝士, 再放上鮮甜海膽, 無可挑剔。鹽燒牛舌 $²⁸充滿啖啖肉汁, 質感嫩滑。海膽仔📍新蒲崗衍慶街2-32號新蒲崗大廈地下Q號舖

📍新蒲崗海膽天堂‼️ · 選擇多嘅日本餐廳 -- 海膽仔😍💓=======================前排見唔少人推介呢間位於新蒲崗，主打海膽菜式嘅日本餐廳，上星期就同朋友一齊嚟試下🤤------------------------------⭐️倍化帶子吞海膽 $88 幾有創意嘅菜式！帶子好大隻，中間夾住海膽，味道尚算鮮甜👍·⭐️松葉蟹雙重丼 $128 好足料嘅丼飯🤤將蟹膏同蟹肉撈埋啲飯一齊食，啖啖都好鮮味😍·⭐️五島烈島生蠔 $98 超級大隻，成隻手掌咁大嘅蠔🤩肉質肥厚，海水味頗濃🙈·⭐️仙鳳趾生蠔 $68⭐️陸前高田生蠔 $45入口幾creamy，味道鮮甜！·⭐️混合海膽沾麵 $128本身頗高期望，但味道卻不似預期🙈海膽沾麵湯味道係甜甜哋，小編同朋友都覺得好似南瓜忌廉湯...😂😂而沾麵係用咗港式嗰款拉麵，口感欠奉🥺整體略為失色，不太推薦😭•⭐️銀雪魚西京燒 $128鱈魚肉肉質嫩滑，魚油香濃郁！可以一試🥰·⭐️鵝肝多士 $48鵝肝口感有少少硬身，油香唔太濃郁🙈普通🙈·⭐️燒菠蘿 $18菠蘿幾juicy~用嚟消下濟都唔錯！------------------------------整體嚟講食物好多選

尋日去左新蒲崗呢間海膽仔🤩呢間日本餐廳以海膽為主題，標榜新鮮食材，由世界各地空運到港，有多款海膽菜式、刺身生蠔咁😋前鋪有凍櫃專賣海鮮同魚生添😉下午茶時間唔多人，環境都幾舒適架😆🔻倍化帶子吞海膽 $88一場黎到緊系要試下新鮮海膽啦😙見到帶子真系好大只好厚切😍出面用紙菜包住，帶子入面就有一塊海膽🤩太大舊一啖食唔曬添，口感十足😂帶子同海膽好新鮮好鮮甜，仲可以點啲wasabi食😋🔻混合海膽沾面 $128呢個沾面嘅汁好特別下，味道偏甜，入面仲見到有啲一舊舊海膽😝個面本身都有好多材料，有好大只蝦、粟米粒、蛋等等，夾一箸面跟住沾滿啲熱辣辣嘅海膽汁黎食超正呀😍🔻三文魚刺身（8件）$68最後一定要點我最愛嘅三文魚啦🤤🤤🤤啲三文魚真系好新鮮好厚切🤗佢仲用左啲冰黎keep住佢咁冰鮮添😆

海膽仔睇落地方細細 原來佢係有兩層架 我地就坐下層坐位都好舒適 店內是充滿日式風格的擺設 播埋日本音樂 🎶🎵🎶都幾有feel~只係位置較偏僻(不是大街) 起D小巷內里 但泊車都算方便~😉呢度餐牌都好多選擇 有全日定食 又可以單點 價錢都好親民！🤠🤠即使男朋友唔食生野 都有好多選擇比佢~👍🏼叫得 一定要試下佢d海膽啦~😋想叫木板燒港膽 可惜已經沽清 🥺🥺有D失望 一定係太好生意啦！叫唔到木板燒港膽 好彩仲可以試到~倍化帶子吞海膽~ 好好味呀😋😋門口有雪櫃擺咗多款各地嘅新鮮食材 比我見到有生蠔 🦪 肚仔有d唔舒服都忍唔到口呀~~🤪🤪陸前高田 $45生蠔🦪的味道具層次 入口有濃郁的礦物味和海草的香氣 首先會吃到鹹味 然後帶點甜味在最尾如果唔係肚仔有d唔舒服 真係好想食一打😩倍化帶子吞海膽 $88 / 2件帶子大好隻 好鮮甜 海膽亦都好新鮮 只是係紫菜林左dd🤏🤏帶子夾住海膽好似三文治 賣相好得意~男朋友叫左個汁燒雞排don $58雞排好嫩滑 汁燒好好送飯 加埋採用日本珍珠米😻$58呢個價 真係不得了 👍🏼👍🏼呢個係全日套餐 仲會包埋麵豉湯 & 沙律🥗麵豉湯幾有驚喜！有兩大隻蜆肉 清淡得來而

【平民價】極厚切刺身海膽天堂 串燒超抵食!!‼️唔係講笑(;´༎ຶД༎ຶ`)完全平到嚇親! 全部都好平又超大碟!! 雖然店名叫海膽仔，但除咗有多款海膽揀外，其他刺身/串燒/丼飯全部質素都幾好✧倍化帶子呑海膽$88封面嘅帶子海膽非常鮮甜🥰帶子有微微炙燒過刺身✧三文魚腩$88(8切) ✧油甘魚腩$68(4切)✧帶子$45(3隻) ✧珍寶赤蝦$38(2隻)一定要叫佢哋嘅刺身實在太平啦😍三文魚腩有8件超厚切，好似食三文魚扒咁😂赤蝦都好大隻！帶子都係$45有6大片，太癲了🥲串燒✧燒羊架$38 ✧鹽燒牛舌$28✧五花腩$28 ✧鹽燒雞翼$28 ✧燒香菇$12呢個價錢真係無得再挑剔了！我做高價日式串燒岀身的，岀面牛舌要賣貴呢到$20或以上😌串燒全部都燒得乾身！大串！羊架大到嚇親我以為佢比咗2件我！！✧軟殼蟹手卷$26✧燒左口魚邊丼$98(跟沙律 蜆肉麵鼓湯)其實呢到有好多丼飯選擇，呢碗左口魚份量好多，加咗黑松露醬。軟殼蟹手卷蟹肉都大件的！✧鵝肝多士$48✧香蒜牛柳粒$68鵝肝大件的但外層粉感明顯，牛柳粒有洋蔥汁煮，份量多，牛肉幾軟熟但部分有筋📍海膽仔新蒲崗衍慶街2-32號新蒲崗大廈地下Q號舖📞596218

今日放假去一田掃貨，順便係附近搵食，見到呢間日本野睇落唔錯，就試下啦2個女仔叫左4樣野share1️⃣ 季節限定-珍味丼🦀（連沙律，湯)珍味丼入面材料十足, 適合咩都想試下嘅我， 有三文魚，鮑魚，甜蝦，希靈魚，拖羅蓉，帶子。 尤其令人驚歎嘅係醬油漬鮑魚， 醬汁入味之餘，鮑魚亦十分彈牙嫩滑。 兩隻甜蝦大大隻， 味道鮮甜。 總括整體所有食材都十分新鮮， 值得一試。2️⃣ 倍化帶子吞海膽🦀🦀兩件巨型嘅珍寶帶子, 中間切半包住海膽, 噱頭十足, 一啖咬落去，既有帶子嘅鮮甜同煙韌, 再配合海膽嘅鮮味和creamy質感， 係口腔內互相呼應，回味十足。3️⃣雞軟骨份量十足嘅雞軟骨新鮮炸起，炸衣很薄， 咬落去脆脆鹹鹹， 配合埋沙律汁同檸檬汁嘅中和， 實在係一個唔錯嘅送酒小食。4️⃣明太子雞翼一份有兩隻脹卜卜嘅雞翼， 雞翼去咗骨，中間釀了明太子， 咬破表面燒得香脆的雞皮， 肉汁不斷湧出， 雞翼嘅鮮嫩配合中間明太子的鹹香， 味道十分多層次。

鍾意食魚生既朋友仔一定唔可以錯過呢間小店‼️ 見到佢既門口已經覺得好誇張🤣 好似去到築地咁多款式既新鮮魚生係曬凍櫃到❄️ 雖然主打係海膽 但其他魚生 生蠔都超多選擇 高質又新鮮😋 啱曬魚生控既你🐟 最重要係價錢超親民 CP值非常高💰⭐️ 日本獨眼龍 🐲⭐️ 仙鳳趾 🦪一試佢地既生蠔超有驚喜😍 賣相首相大大隻夠曬肥美🥴解凍程度剛剛好 一入口感覺好幼滑同Creamy🍨 海水味唔算特別重但係感覺到超新鮮🌊⭐️ 油甘魚刺身 🐠油甘魚唔算係好肥美既一種魚😅 但係入口口感細膩 帶一種低調既鮮甜👍🏻 果然夠曬新鮮⭐️ 中拖羅壽司 🍣我最鍾意既拖羅油脂分佈好均勻🤤 入口半溶既感覺好正好邪惡😈 油分豐腴同時唔會太膩口⭐️ 松葉蟹雙重丼 🦀一次過食到幾種口感既松葉蟹超幸福💕 絲絲既蟹肉同飽滿既蟹鉗口感比較清爽🌱 加埋充滿鮮味既蟹膏撈返一齊食 層次好豐富 🏖好有 魚市場既風味值得一條既係餐湯超有水準🥰 唔係死鹹既麵豉湯 淡淡既清湯裡面仲有蝦肉🦐⭐️ 軟殼蟹手卷 🍙再Encore 蟹先🤣 軟殼蟹炸得酥脆而唔油膩 份量剛剛好唔會蓋左蟹既味道🧡⭐️ 燒原隻大虎蝦 🦞⭐️ 帆立貝 🐚⭐️ 鹽燒雞翼 🍗⭐️ 鹽燒牛舌 🐮⭐️ 燒香菇 🍄⭐️ 燒

作為海膽控，聽到依間店名點會唔心心眼😍• 倍化帶子吞海膽 $88前菜先嚟個海膽帶子作頭炮，帶子好大粒厚身，成粒啪入口口感勁豐富🤤• 鵝肝多士 $48依個價位食到咁大件嘅鵝肝真心幾抵，加埋脆脆法包，超級邪惡😈• 燒海膽生蠔 $68生蠔上面落咗沙律醬，略嫌沙律醬過多蓋過咗蠔同海膽嘅鮮味😗• 日本獨眼龍 $68超大隻嘅日本生蠔～爽口清甜• 壽司定食 $108另外餐廳喺晚市都有提供定食，價錢都好親民，仲包括咗湯同沙律！個湯非一般麵豉湯而係清湯，內裡更有兩隻蜆，有少少驚喜！壽司質素都唔錯，不過飯團比較大，食咗幾件已經飽飽地🤣• 爆膽丼 $168嚟到當然都要試吓佢哋啲海膽！採用比較大片嘅加拿大海膽，食落都冇咩腥臭味，味道清甜☺️

近排好想食日式嘢，想食丼飯，刺身，上網搵一搵，見到呢間個名好得意，望一望個地址，咦，乜原來新蒲崗有一間咁嘅日式料理？以前係個到返中學食lunch，都唔係好覺眼，決定要去回一回佢，同咪一直以來都無乜點食過海膽嘅我，今次都好有興趣想試下，既然呢間日式料理個名叫做海膽仔，咁我諗佢嘅海膽一定會好新鮮，所以都好期待喺呢一間日式料理入邊，嘗試我嘅第一次食海膽！！！！去到舖頭，舖頭嘅前面位置係一啲海鮮嘅展示位，客人可以揀完自己想要嘅海鮮，而且仲可以見到日式師傅喺度處理緊啲刺身，鋪面唔算大，有埋樓上，整體來講都坐得好舒服。今次叫咗一個三文魚丼飯同海膽丼飯。果然冇令我失望，刺身同埋海膽都好新鮮，海膽好鮮甜，以前一直唔敢嘗試海膽就係驚會好腥，呢一度改變左我嘅諗法

一排冇食日本嘢，又有少少掛住添！今日難得放假，就於搵朋友食個下午茶先，因為朋友喺新蒲崗返工，當我講起想食日本嘢嘅時候，佢就提議同我一齊試吓新蒲崗呢間海膽仔！我哋三點左右就嚟到呢間餐廳，因為平日又係下午茶嘅時間，所以入邊既客人唔多，我哋無需等候就可以入餐廳坐低。一打開餐單，樣樣都好吸引，樣樣都好想食啊😍最後我哋嗌左壽司定食($109)、牛肉火鍋($68)、仲有三文魚壽司、赤蝦壽司同埋牛油果軟殼蟹卷($32)😍壽司定食嘅份量好多，差唔多有10樣嘢，每一舊壽司仲要好大舊，好足料，我哋兩個人食完都捧住個肚走！好飽！最後埋單都係$250左右，真係好抵食！

新蒲崗出名好多特色餐廳，呢日放工約埋朋友仔一齊去尋寶，見到呢間餐廳個名幾特別，就入去試吓啦！一入去，成間餐廳充滿日本特色，有好多日本擺設，例如sake酒瓶、燈籠等等，睇到就想去日本旅行！我哋坐低睇到個Menu，都有好多唔同種類嘅食物，我哋叫咗個三文魚大蝦帶子丼定食，有埋麵豉湯同沙律，麵豉湯竟然有兩隻蜆肉，好驚喜，飲落都好鮮甜，果然加咗海鮮唔同啲。丼飯嘅刺身都夠新鮮，三文魚唔會切得好薄，帶子食落去實淨飽滿，大蝦唔會有陣腥味。我哋仲叫咗一份壽司定食，一共有九件壽司。我每件壽司嘅質素都唔錯比較有驚喜嘅係海膽壽司、蟹膏壽司同埋鰻魚壽司。海膽入口即溶無怪味，蟹膏嘅味道好濃烈，口感綿密，鰻魚都有少少焦香嘅口感。之後我哋再追加左兩款雞翼，芝麻雞翼同埋明太子雞翼。芝麻雞翼炸得好脆口、而且肉質夠嫰滑，明太子雞翼入面啖啖都係明太子，夠晒足料，同埋兩種雞翼都熱辣辣。估唔到一間平民小店嘅食物質素咁好！如果下次再嚟新蒲崗，絕對值得encore！

最近新蒲崗多咗好多嘢食，好多人都有提起過 海膽仔 呢間海膽專門店，門面都幾大，第一眼睇仲以為係海產市場嘅外賣店，點知原來係有兩層嘅居酒屋。店內都放咗好多唔同嘅日本擺設都幾有feel，如果係播日本音樂應該會仲正（雖然韓文歌都幾好聽）本身想試海膽系列期間限定嘅推薦，但身為一個未食過海膽嘅人，最後都係揀咗海膽三色丼！ 成個套餐有包埋日式餐湯同和風沙律，日本餐湯裏面仲有清甜嘅蜆，額外仲可以加$10換波子汽水(好耐冇飲了)。三色丼包括三文魚籽、吞拿魚蓉、海膽。海膽初體驗嚟講，我覺得佢顛覆咗我對海膽嘅印象，今次食嘅都幾新鮮幾creamy，最重要佢係唔腥唔苦～作為一個鍾意食三文魚籽嘅人，我覺得係很OK，粒粒都有魚油香，撈埋啲吞拿魚蓉食就一流啦！一碗份量都幾足夠，可以一啖餸一啖飯。見佢有咁多熟食嘅選擇～我哋就揀咗日式章魚燒同香蒜牛柳粒。呢個價錢有六粒章魚燒都算幾抵食嘅，仲有唔少柴魚片😍滿意der!!!雖然章魚粒唔係太大，但係口感都幾好，唔會好難咬開，醬汁分量剛剛好食落唔會太乾又唔會覺得好肥膩。一品料理香蒜牛柳粒～第一啖就好欣賞佢個汁，夠濃味同牛柳粒好夾，仲有唔少嘅洋蔥同埋乾蒜片，一碟嘅份量都唔少，不過

朋友推薦新蒲崗Mikiki附近的一間日式餐廳<海膽仔>，主打食刺身、壽司、丼飯、拉麵、串燒、燒物、天婦籮等等，而且仲有多款全日定食可供選擇，價格非常親民，定食都係五、六十蚊左右起，相當抵食，當然要來試下！！<刺身定食 $118>刺身定食包左前菜沙律同蜆肉海帶麵豉湯。沙律菜非常新鮮爽甜，就連蕃茄仔新鮮之餘，咬落去亦有爆汁的口感。蜆肉海帶麵豉湯入面嘅每一粒蜆肉都脹卜卜好有質感，湯底清甜，而且亦帶有蜆肉的鮮甜味道。刺身係一大碗甘上，仲有小冰塊墊喺底，成個襯托相當精緻，顏值高。刺身有三文魚、池魚、吞拿魚、帶子、北寄貝、甜蝦，全部都非常之新鮮。無論三文魚刺身同池魚刺身，都係厚切，而且非常之大塊，絕對唔係坊間一些日式餐廳嘅薄切刺身咁樣。帶子刺身非常之厚肉，另外值得一讚嘅係，佢嘅甜蝦係非常之大隻，足足有一隻手掌咁長！～日本珍珠米飯都好大碗，絕對夠二人分享。<混合海膽沾麵 $128>以海膽為主題的沾麵，海膽湯底用上好多嘅海膽來做成，海膽湯底呈糊狀，濃杰度相當之高。每一啖麵條，掛上海膽湯底來吃，亦吃得到海膽蓉，味帶海膽的鮮甜味道，非常特別。除了海膽作為主導